ອານິສົງ

ຄຳນຳ

ສາລະບານ

ປະໂຫຍດຂອງການຈະເລີນເມດຕາຈິດ

ສຸດຕັນຕະປີດົກ ອັງຄຸດຕະລະນິກາຍ

ສັດຕະກະ-ອັດຖະກະນິບາດ 13/75/59

ພິກຂຸທັງຫຼາຍ ! ພວກເຈົ້າທັງຫຼາຍຢ່າກົວຕໍ່ບຸນເລີຍ ຄຳວ່າ ບຸນນີ້ ເປັນຊື່ແຫ່ງຄວາມສຸກ.

ພິກຂຸທັງຫຼາຍ ! ເຮົາຍ່ອມຮູ້ຊັດເຈນເຊິ່່່ງຜົນແຫ່ງບຸນອັນໜ້າປາດຖະນາ ໜ້າຮັກໃຄ່ ໜ້າພໍໃຈ ທີ່ເຮົາສະເຫລີຍແລ້ວຕະຫລອດກາລະນານ ເຮົາຈະເລີນເມດຕາຈິດຕະຫລອດ 7 ປີ ເຮົາບໍ່ໄດ້ກັບມາຍັງໃນໂລກນີ້ຕະຫລອດ 7 ສັງວັດຕະ ວິວັດຕະກັບ.

ພິກຂຸທັງຫຼາຍ ! ເມື່ອໂລກເຖິງຄວາມພິນາດ ເຮົາເຂົ້າເຖິງພຮົມມະໂລກ ຊັ້ນອາພັດສະລະ ເມື່ອໂລກຫຍັງບໍ່ເຖິງ ຄວາມພິນາດ ເຮົາຍ່ອມເຂົ້າເຖິງວິມານພຮົມ ອັນວ່າງເປົ່າໃນວິມານພຮົມນັ້ນ ເຮົາເປັນພຮົມ ເປັນທ້າວມະຫາພຮົມມີຄວາມເປັນໃຫ່ຍເຊິ່ງໃຜໆບໍ່ສາມາດຄອບງຳໄດ້ ມີຄວາມເຫັນແນ່ນອນ ມີອຳນາດ, ເຮົາໄດ້ເປັນທ້າວສັກກະເທວະລາດເຖິງ 36 ຄັ້ງ, ເຮົາໄດ້ເປັນພຣະເຈົ້າຈັກກະພັດຜູ້ຊົງທັມ ເປັນພຣະລາຊາໂດຍທັມ ມີມະຫາສະໝຸດທັງ 4 ເປັນຂອບເຂດ ເປັນຜູ້ຊະນະສົງຄາມ ມີຊົນນະບົດທີ່ມີຄວາມ ໝັ້ນຄົງປະກອບດ້ວຍລັດຕະນະ 7 ປະການ ຫຼາຍຮ້ອຍຄັ້ງຄື ຊ້າງແກ້ວ, ມ້າແກ້ວ, ມະນີແກ້ວ, ນາງແກ້ວ, ຄະຫະບໍດີແກ້ວ, ຂຸນພົນແກ້ວເປັນທີເຈັດ. ອີກຢ່າງໜຶ່ງເຮົາເຄີຍມີບຸດຫຼາຍກວ່າພັນ ລ້ວນແຕ່ເປັນຜູ້ກ້າຫານ ສາມາດຢ່ຳຍີຂ້າເສິກໄດ້ ເຮົາຄອບຄອງປະຖະພີອັນມີມະຫາສະໝຸດເປັນຂອບເຂດດ້ວຍທັມ ບໍ່ຕ້ອງໃຊ້ອາດຍາ ບໍ່ຕ້ອງໃຊ້ສັດຕາ.

ອານິສົງແຫ່ງການຈະເລີນເມດຕາເຈໂຕວິມຸດ 11 ປະການ

ອັງຄຸດຕະຮະນິກາຍ ທະກະສະ-ເອກາທະສະກະນິບາດ 13/316/222

ພິກຂຸທັງຫຼາຍ ! ເມື່ອເມດຕາເຈໂຕວິມຸດ ອັນບຸກຄົນເສບແລ້ວ ຈະເລີນແລ້ວ ກະທຳໃຫ້ຫຼາຍແລ້ວ ກະທຳໃຫ້ເປັນດັ່ງຍານ ກະທຳໃຫ້ເປັນທີ່ຕັ້ງ ໃຫ້ຕັ້ງໝັ້ນໂດຍລຳດັບ ສັ່ງສົມດີແລ້ວ ປາຣົບດີແລ້ວ ຍ່ອມຫວັງອານິສົງ 11 ປະການ; 11 ປະການເປັນຢ່າງໃດ ? ຄື :

ຍ່ອມຫລັບເປັນສຸກ,

ຍ່ອມຕື່ນເປັນສຸກ,

ຍ່ອມບໍ່ຝັນຮ້າຍ,

ຍ່ອມເປັນທີ່ຮັກຂອງມະນຸດທັງຫຼາຍ,

ຍ່ອມເປັນທີ່ຮັກຂອງອະມະນຸດທັງຫຼາຍ,

ເທວະດາທັງຫຼາຍຍ່ອມຮັກສາ,

ໄຟ ຢາພິດ ຫລືສັດຕາຍ່ອມບໍ່ກຳ້ກ່າຍໄດ້,

ຈິດຍ່ອມຕັ້ງໝັ້ນໄດ້,

ສີໜ້າຜ່ອງໃສ່,

ເປັນຜູ້ບໍ່ຫລົງທຳກາລະ,

ເມື່ອຫຍັງບໍ່ແທງຕະຫລອດຄຸນອັນຍິ່ງ ຍ່ອມເປັນຜູ້ເຂົ້າເຖິງພຣົມມະໂລກ.