ແກ້ກັມ

ພິກຂຸທັງຫຼາຍ ! ບຸກຄົນບາງຄົນໃນກໍລະນີນີ້ ຍ່ອມເຮັດຄວາມປຸງແຕ່ງທາງກາຍ ອັນເປັນໄປກັບດ້ວຍຄວາມບຽດບຽນແດ່ ບໍ່ເປັນໄປກັບດ້ວຍຄວາມບຽດບຽນແດ່, ຍ່ອມເຮັດຄວາມປຸງແຕ່ງທາງວາຈາ ອັນເປັນໄປກັບດ້ວຍຄວາມບຽດບຽນແດ່ ບໍ່ເປັນໄປກັບດ້ວຍຄວາມບຽດບຽນແດ່, ຍ່ອມເຮັດຄວາມປຸງແຕ່ງທາງໃຈ ອັນເປັນໄປກັບດ້ວຍຄວາມບຽດບຽນແດ່ ບໍ່ເປັນໄປກັບດ້ວຍຄວາມບຽດບຽນແດ່. ຄັນເຂົາເຮັດຄວາມປຸງແຕ່ງ (ທັງສາມ) ດັ່ງນີ້ແລ້ວ ຍ່ອມເຂົ້າເຖິງໂລກ ອັນເປັນໄປກັບດ້ວຍຄວາມບຽດບຽນແດ່ ບໍ່ເປັນໄປກັບດ້ວຍຄວາມບຽດບຽນແດ່ ; ຜັສສະທັງຫຼາຍ ທີ່ເປັນໄປກັບດ້ວຍຄວາມບຽດບຽນແດ່ ບໍ່ເປັນໄປກັບດ້ວຍຄວາມບຽດບຽນແດ່

ສະບັບ : ແກ້ກັມ

ຍ່ອມຖືກຕ້ອງເຂົາຜູ້ເຂົ້າເຖິງໂລກອັນເປັນໄປກັບດ້ວຍຄວາມບຽດບຽນແດ່ ບໍ່ເປັນໄປກັບດ້ວຍຄວາມບຽດບຽນແດ່ ; ເຂົາອັນຜັສສະທີ່ເປັນໄປກັບດ້ວຍຄວາມບຽດບຽນແດ່ ບໍ່ເປັນໄປກັບດ້ວຍຄວາມບຽດບຽນແດ່ຖືກຕ້ອງແລ້ວ ຍ່ອມສະເຫວີຍເວທະນາທີ່ເປັນໄປກັບດ້ວຍຄວາມບຽດບຽນແດ່ ບໍ່ເປັນໄປກັບດ້ວຍຄວາມບຽດບຽນແດ່, ອັນເປັນເວທະນາທີ່ສຸຂແລະທຸກຂ໌ປົນກັນ, ດັ່ງເຊັ່ນພວກມະນຸສ ພວກເທບບາງພວກ ພວກວິນິບາຕບາງພວກ.

ພິກຂຸທັງຫຼາຍ !

ນີ້ເອີ້ນວ່າ ກັມທັງດໍາທັງຂາວ ມີວິບາກທັງດໍາທັງຂາວ.

ພິກຂຸທັງຫຼາຍ ! ກັມບໍ່ດໍາ ບໍ່ຂາວມີວິບາກກັມບໍ່ດໍາ ບໍ່ຂາວເປັນໄປເພື່ອຄວາມດັບສິ້ນກັມ ເປັນແນວໃດໜໍ ?

ຄື ສັມມາທິຕຖິ (ຄວາມເຫັນຖືກຕ້ອງ) ສັມມາສັງກັປປະ (ຄວາມດໍາຣິຖືກຕ້ອງ)

ສັມມາວາຈາ (ການເວົ້າຈາຖືກຕ້ອງ), ສັມມາກັມມັນຕະ (ການເຮັດການງານຖືກຕ້ອງ) ສັມມາອາຊີວະ (ການລ້ຽງຊີວິຕຖືກຕ້ອງ)

ສັມມາວາຢາມະ (ຄວາມພາກພຽນຖືກຕ້ອງ) ສັມມາສະຕິ (ຄວາມລະນຶກຖືກຕ້ອງ) ສັມມາສະມາທິ (ຄວາມຕັ້ງໃຈໝັ້ນຖືກຕ້ອງ).

ພຸດທະວະຈະນະ - ໝວດທັມ

ພິກຂຸທັງຫຼາຍ !

ນີ້ເອີ້ນວ່າ ກັມບໍ່ດໍາບໍ່ຂາວ ມີວິບາກບໍ່ດໍາບໍ່ຂາວ ເປັນໄປເພື່ອຄວາມດັບສິ້ນກັມ.

ພິກຂຸທັງຫຼາຍ ! ເຫຼົ່ານີ້ແລ ກັມ ໔ ຢ່າງ ທີ່ເຮົາເຮັດໃຫ້ແຈ້ງດ້ວຍປັນຍາອັນຍິ່ງເອງ ແລ້ວປະກາດໃຫ້ຮູ້ທົ່ວກັນ.

ຈະຕຸກກ. ອັງ. ໒໑/໓໒໐-໓໒໑/໒໓໗.

(ໃນສູຕນີ້ ຊົງສະແດງກັມບໍ່ດໍາ ບໍ່ຂາວ ເປັນບ່ອນດັບສິ້ນກັມໄວ້ດ້ວຍອະຣິຍະມັຄຄ໌ມີອົງຄ໌ແປດ ; ໃນສູຕອື່ນຊົງສະແດງໄວ້ດ້ວຍ ໂພຊຊົງຄ໌ເຈັດ ກໍມີ ໒໑/໓໒໒/໒໓໘., ສະແດງໄວ້ດ້ວຍເຈຕະນາເປັນເຄື່ອງລະກັມດໍາ, ກັມຂາວ ແລະກັມທັງດໍາທັງຂາວ ກໍມີ ໒໑/໓໑໘/໒໓໔.).

ສະບັບ : ແກ້ກັມ

໖

ອັນໃດຄືກັມເກົ່າແລະກັມໃໝ່

ພິກຂຸທັງຫຼາຍ ! ເຮົາຈັກສະແດງຊຶ່ງກັມທັງຫຼາຍ ທັງໃໝ່ແລະເກົ່າ (ນະວະປຸຣານະກັມມະ) ກັມມະນິໂຣດ ແລະກັມມະ

ນິໂຣທະຄາມິນີປະຕິປະທາ.....

ພິກຂຸທັງຫຼາຍ !

ກັມເກົ່າ (ປຸຣານະກັມມະ) ເປັນແນວໃດໜໍ ?

ພິກຂຸທັງຫຼາຍ ! ຈັກຂຸ (ຕາ).... ໂສຕະ (ຫູ).... ຄະນະ (ດັງ) .... ຊິວຫາ (ລີ້ນ).... ກາຢະ (ກາຍ).... ມະນະ (ໃຈ) ອັນເຈົ້າທັງຫຼາຍ ຈົ່ງເຫັນວ່າເປັນປຸຣານະກັມມະ (ກັມເກົ່າ) ອະພິສັງຂະຕະ (ອັນປັຈຈັຍປຸງແຕ່ງຂຶ້ນ) ອະພິສັນເຈຕະຢິຕະ (ອັນປັຈຈັຍເຮັດໃຫ້ເກີດຄວາມຮູ້ສຶກຂຶ້ນ) ເວທະນີຢະ (ມີຄວາມຮູ້ສຶກຕໍ່ອາຣົມໄດ້).

ພິກຂຸທັງຫຼາຍ ! ນີ້ເອີ້ນວ່າ ກັມເກົ່າ.

ພິກຂຸທັງຫຼາຍ !

ກັມໃໝ່ (ນະວະກັມມະ) ເປັນແນວໃດໜໍ ?

ພິກຂຸທັງຫຼາຍ ! ຂໍ້ທີ່ບຸກຄົນເຮັດກັມ ດ້ວຍກາຍ ດ້ວຍວາຈາ ດ້ວຍໃຈ ໃນກາລະບັດນີ້ ອັນໃດ, ອັນນີ້ເອີ້ນວ່າກັມໃໝ່.

ພຸດທະວະຈະນະ - ໝວດທັມ

ພິກຂຸທັງຫຼາຍ ! ກັມມະນິໂຣດ (ຄວາມດັບແຫ່ງກັມ) ເປັນແນວໃດໜໍ ?

ພິກຂຸທັງຫຼາຍ ! ຂໍ້ທີ່ບຸກຄົນຖືກຕ້ອງວິມຸຕຕິ ເພາະຄວາມດັບແຫ່ງກາຢະກັມ ວະຈີກັມ ມະໂນກັມ ອັນໃດ, ອັນນີ້ເອີ້ນວ່າ ກັມມະນິໂຣດ.