ແກ້ກັມ

ພິກຂຸທັງຫຼາຍ ! ເຫຕທັງຫຼາຍ ໓ ປະການເຫຼົ່ານີ້ ມີຢູ່

ເພື່ອຄວາມເກີດຂຶ້ນແຫ່ງກັມທັງຫຼາຍ.

໓ ປະການເຫຼົ່າໃດໜໍ ?

໓ ປະການ ຄື :-

ໂລພະ (ຄວາມໂລບ) ເປັນເຫຕເພື່ອຄວາມເກີດຂຶ້ນ ແຫ່ງກັມທັງຫຼາຍ,

ໂທສະ (ຄວາມຄິດທໍາຮ້າຍ) ເປັນເຫຕເພື່ອຄວາມເກີດຂຶ້ນ ແຫ່ງກັມທັງຫຼາຍ,

ໂມຫະ (ຄວາມຫລົງ) ເປັນເຫຕເພື່ອຄວາມເກີດຂຶ້ນ ແຫ່ງກັມທັງຫຼາຍ.

ພິກຂຸທັງຫຼາຍ ! ປຽບເໝືອນເມັດພືດທັງຫຼາຍ ທີ່ບໍ່ແຕກຫັກ ທີ່ບໍ່ເນົ່າ ທີ່ບໍ່ຖືກທໍາລາຍດ້ວຍລົມແລະແດດ ເລືອກເອົາແຕ່ເມັດດີ ເກັບມ້ຽນໄວ້ດີ ອັນບຸກຄົນຫວ່ານໄປແລ້ວ ໃນພື້ນທີ່ຊຶ່ງມີປະຣິກັມອັນເຮັດດີແລ້ວໃນຜືນນາດີ. ອັນໜຶ່ງ ສາຍຝົນກໍຕົກຖືກຕ້ອງຕາມລະດູການ.

ສະບັບ : ແກ້ກັມ

ພິກຂຸທັງຫຼາຍ ! ເມັດພືດທັງຫຼາຍເຫຼົ່ານັ້ນ ຈະຍ່ອມເຖິງຊຶ່ງຄວາມຈະເລີນ ງອກງາມ ໄພບູນໂດຍແນ່ນອນ, ເຊັ່ນໃດ

ພິກຂຸທັງຫຼາຍ ! ຂໍ້ນີ້ກໍເຊັ່ນນັ້ນ ຄື

ກັມອັນບຸກຄົນເຮັດແລ້ວດ້ວຍໂລພະເກີດຈາກໂລພະ ມີໂລພະເປັນເຫຕ ມີໂລພະເປັນສະມຸທັຍ ອັນໃດ ; ກັມອັນນັ້ນ ຍ່ອມໃຫ້ຜົລໃນຂັນທ໌ທັງຫຼາຍ ອັນເປັນທີ່ບັງເກີດແກ່ອັຕຕະພາບຂອງບຸກຄົນນັ້ນ. ກັມນັ້ນໃຫ້ຜົລໃນອັຕຕະພາບໃດ ເຂົາຍ່ອມສະເຫວີຍວິບາກແຫ່ງກັມນັ້ນ ໃນອັຕຕະພາບນັ້ນເອງ ບໍ່ວ່າຈະເປັນໄປຢ່າງໃນທິຕຖະທັມ (ຄືທັນດ່ວນ) ຫຼືວ່າ ເປັນໄປໃນອຸປະປັຊຊະ (ຄືໃນເວລາຕໍ່ໄປ) ຫຼືວ່າ ເປັນໄປໃນອະປະຣະປະຣິຢາຢະ (ຄື ໃນເວລາຕໍ່ໄປອີກ) ກໍຕາມ.

ກັມອັນບຸກຄົນເຮັດແລ້ວດ້ວຍໂທສະ ເກີດຈາກໂທສະ ມີໂທສະເປັນເຫຕ ມີໂທສະເປັນສະມຸທັຍ ອັນໃດ ກັມອັນນັ້ນ ຍ່ອມໃຫ້ຜົລໃນຂັນທ໌ທັງຫຼາຍ ອັນເປັນທີ່ບັງເກີດແກ່ອັຕຕະພາບຂອງບຸກຄົນນັ້ນ. ກັມນັ້ນໃຫ້ຜົລໃນອັຕຕະພາບໃດ ເຂົາຍ່ອມສະເຫວີຍວິບາກແຫ່ງກັມນັ້ນ ໃນອັຕຕະພາບນັ້ນເອງ ບໍ່ວ່າຈະເປັນໄປຢ່າງໃນທິຕຖະທັມ ຫຼືວ່າ ເປັນໄປໃນອຸປະປັຊຊະ ຫຼືວ່າ ເປັນໄປໃນອະປະຣະປະຣິຢາຢະ ກໍຕາມ.

ພຸດທະວະຈະນະ - ໝວດທັມ

ກັມອັນບຸກຄົນເຮັດແລ້ວດ້ວຍໂມຫະ ເກີດຈາກໂມຫະ ມີໂມຫະເປັນເຫຕ ມີໂມຫະເປັນສະມຸທັຍ ອັນໃດ ; ກັມອັນນັ້ນຍ່ອມໃຫ້ຜົລໃນຂັນທ໌ທັງຫຼາຍ ອັນເປັນທີ່ບັງເກີດແກ່ອັຕຕະພາບຂອງບຸກຄົນນັ້ນ. ກັມນັ້ນໃຫ້ຜົລໃນອັຕຕະພາບໃດ ເຂົາຍ່ອມສະເຫວີຍວິບາກແຫ່ງກັມນັ້ນ ໃນອັຕຕະພາບນັ້ນເອງ ບໍ່ວ່າຈະ ເປັນໄປຢ່າງໃນທິຕຖະທັມ ຫຼືວ່າ ເປັນໄປໃນອຸປະປັຊຊະ ຫຼືວ່າ ເປັນໄປໃນອະປະຣະປະຣິຢາຢະ ກໍຕາມ.

ພິກຂຸທັງຫຼາຍ ! ເຫຕທັງຫຼາຍ ໓ ປະການ ເຫຼົ່ານີ້ແລ ເປັນໄປເພື່ອຄວາມເກີດຂຶ້ນແຫ່ງກັມທັງຫຼາຍ.

ຕິກ. ອັງ. ໒໐/໑໗໑/໔໗໓.

ສະບັບ : ແກ້ກັມ

໓

ວ່າດ້ວຍເຫຕເກີດຂອງກັມ ໓ ຢ່າງ

(ອີກນັຍຍະ)

ພິກຂຸທັງຫຼາຍ ! ເຫຕ ໓ ປະການນີ້ ເປັນໄປເພື່ອຄວາມເກີດຂຶ້ນພ້ອມມູນແຫ່ງກັມ.

ເຫຕ ໓ ປະການ ອັນໃດແດ່ໜໍ ?

ຄື ຄວາມພໍໃຈ ເກີດ ເພາະປາຣົບທັມທັງຫຼາຍອັນເປັນຖານແຫ່ງສັນທະຣາຄະ (ຄວາມຮັກໃຄ່ພໍໃຈ) ທີ່ເປັນອະດີຕ ໑,

ຄວາມພໍໃຈ ເກີດ ເພາະປາຣົບທັມທັງຫຼາຍ ອັນເປັນຖານແຫ່ງສັນທະຣາຄະທີ່ເປັນອະນາຄົຕ ໑,

ຄວາມພໍໃຈ ເກີດ ເພາະປາຣົບທັມທັງຫຼາຍອັນເປັນຖານແຫ່ງສັນທະຣາຄະທີ່ເປັນປັດຈຸບັນ ໑.

ຄວາມພໍໃຈ ເກີດ ເພາະປາຣົບທັມທັງຫຼາຍ ອັນເປັນຖານແຫ່ງສັນທະຣາຄະທີ່ເປັນອະດີຕ ເປັນແນວໃດໜໍ ?

ຄືບຸກຄົນຕຶກຕອງໄປເຖິງທັມອັນເປັນຖານແຫ່ງ ສັນທະ ຣາຄະທີ່ລ່ວງລັບແລ້ວ ເມື່ອຕຶກຕອງຕາມໄປ ຄວາມພໍໃຈກໍເກີດຂຶ້ນ ຜູ້ເກີດຄວາມພໍໃຈແລ້ວ ກໍຊື່ວ່າຖືກທັມເຫຼົ່ານັ້ນຜູກໄວ້ແລ້ວ ເຮົາກ່າວຄວາມຕິດໃຈນັ້ນ ວ່າ ເປັນສັງໂຍຊນ໌ (ເຄື່ອງຜູກ)

ພຸດທະວະຈະນະ - ໝວດທັມ