ອາຣິຍະສັຈ ຈາກພຣະໂອດ (ພາກປາຍ)

ພິກຂຸ ທ. ! ເມື່ອພິກຂຸ ຫວັງຢູ່ຊຶ່ງອານິສົງສ໌ ໖ ປະການ ຍ່ອມສົມຄວນໂດຍແທ້ ເພື່ອຈະເຂົ້າໄປຕັ້ງຊຶ່ງ ອະນິຈຈະສັນຍາ ໃນສັງຂາຣທັງປວງ ຢ່າງບໍ່ຈໍາກັດຂອບເຂຕ. ຫວັງຢູ່ຊຶ່ງອານິສົງສ໌ ໖ ປະການ ແນວໃດໜໍ ? ຫົກປະການຄື :-

ສັງຂາຣທັງປວງ ຈະປາກົດໂດຍຄວາມເປັນຂອງຕັ້ງຢູ່ຢ່າງບໍ່ໝັ້ນຄົງ ;

ໃຈຂອງເຮົາ ຈະບໍ່ຍິນດີໃນໂລກທັງປວງ ;

ໃຈຂອງເຮົາ ຈັກອອກຈາກໂລກທັງປວງ ;

ໃຈຂອງເຮົາ ຈັກເປັນໃຈນ້ອມໄປໃນນິບພານ ;

ສັນໂຍຊນ໌ທັງຫຼາຍຂອງເຮົາ ຈັກເຖິງຊຶ່ງການລະຂາດ ; ແລະ

ເຮົາຈັກເປັນຜູ່ປະກອບດ້ວຍສາມັນຍະຄຸນອັນຍອດຢ້ຽມ.

ພິກຂຸ ທ. ! ເມື່ອພິກຂຸ ຫວັງຢູ່ຊຶ່ງອານິສົງສ໌ ໖ ປະການເຫຼົ່ານີ້ແລ ຍ່ອມສົມຄວນໂດຍແທ້ ເພື່ອຈະເຂົ້າໄປຕັ້ງໄວ້ ຊຶ່ງອະນິຈຈະສັນຍາ ໃນສັງຂາຣທັງປວງ ຢ່າງບໍ່ຈໍາກັດຂອບເຂຕ.

- ສັກກ. ອັງ. ໒໒/໔໙໒/໓໗໓.

ພາກ ໔ - ມັຄຄະອະຣິຍະສັຈຈ໌ : ຕອນສັມມາທິຕຖິ ໙໒໙

ທຸກຂະສັນຍາ ເປັນໄປໂດຍສະດວກ

ເມື່ອຜູ່ຈະເຣີນມຸ່ງອານິສົງສ໌ຫົກປະການ

ພິກຂຸ ທ. ! ເມື່ອພິກຂຸ ຫວັງຢູ່ຊຶ່ງອານິສົງສ໌ ໖ ປະການ ຍ່ອມສົມຄວນໂດຍແທ້ ເພື່ອຈະເຂົ້າໄປຕັ້ງໄວ້ຊຶ່ງ ທຸກຂະສັນຍາ ໃນສັງຂາຣທັງປວງ ຢ່າງບໍ່ຈໍາກັດຂອບເຂຕ. ຫວັງຢູ່ຊຶ່ງອານິສົງສ໌ ໖ ປະການ ແນວໃດໜໍ ? ຫົກປະການຄື :-

ນິບພິທາ໑ (ສັນຍາໃນຄວາມໜ້າເບື່ອໜ່າຍ) ຂອງເຮົາໃນສັງຂາຣທັງປວງ ຈັກ

ປາກົດຄືດັ່ງ ມີເພັດຊະຄາດເງືອດງ້າວຢູ່ຕໍ່ໜ້າເຮົາ ; [ເບິ່ງເພີ່ມຕື່ມ ອຣິຍ. ຕົ້ນ ນ. ໗໖໘].

ໃຈຂອງເຮົາ ຈັກອອກຈາກໂລກທັງປວງ ;

ເຮົາຈັກເປັນຜູ່ເຫັນສັນຕິ (ຄວາມສະງົບລະງັບ) ໃນນິບພານຢູ່ເປັນປະຈໍາ ;

ອະນຸສັຍທັງຫຼາຍຂອງເຮົາ ຈັກເຖິງຊຶ່ງການຖືກຖອນຂຶ້ນຈົນໝົດສິ້ນ ;

ເຮົາຈັກເປັນຜູ່ເຮັດກິຈຈ໌ (ໃນການເຮັດທີ່ສຸດຂອງທຸກຂ໌) ຢູ່ເປັນປະຈໍາ ; ແລະ

ພຣະສາສດາຈັກເປັນຜູ່ທີ່ເຮົາບໍາເລີແລ້ວ ດ້ວຍວັຕອັນປະກອບດ້ວຍເມຕຕາ

(ຄວາມຮັກອັນປະກອບດ້ວຍທັມ).

ພິກຂຸ ທ. ! ເມື່ອພິກຂຸ ຫວັງຢູ່ຊຶ່ງອານິສົງສ໌ ໖ ປະການ ເຫຼົ່ານີ້ແລ ຍ່ອມສົມຄວນໂດຍແທ້ ເພື່ອຈະເຂົ້າໄປຕັ້ງໄວ້ ຊຶ່ງທຸກຂະສັນຍາ ໃນສັງຂາຣທັງປວງ ຢ່າງບໍ່ຈໍາກັດຂອບເຂຕ.

- ສັກກ. ອັງ. ໒໒/໔໙໒/໓໗໔.

໑. ນິບພິທາສັນຍາ ຄໍານີ້ ບາລີພຣະໄຕຣປີດົກສະບັບໄທ ເປັນນິບພານະສັນຍາ ເຫັນວ່າບໍ່ເຂົ້າເຄົ້າຂອງເລື່ອງ

ຈຶ່ງຖືເອົາຕາມບາລີ ສະບັບມອນທີ່ວ່າ ນິບພິທາສັນຍາ.

໙໓໐ ອະຣິຍະສັຈຈ໌ຈາກພຣະໂອຖະ

ອະນັຕຕະສັນຍາ ເປັນໄປໂດຍສະດວກ

ເມື່ອຜູ່ຈະເຣີນມຸ່ງອານິສົງສ໌ຫົກປະການ

ພິກຂຸ ທ. ! ເມື່ອພິກຂຸ ຫວັງຢູ່ຊຶ່ງອານິສົງສ໌ ໖ ປະການ ຍ່ອມສົມຄວນໂດຍແທ້ ເພື່ອຈະເຂົ້າໄປຕັ້ງໄວ້ຊຶ່ງ ອະນັຕຕະສັນຍາ ໃນທັມທັງປວງຢ່າງບໍ່ຈໍາກັດຂອບເຂຕ. ຫວັງຢູ່ຊຶ່ງອານິສົງສ໌ ໖ ປະການ ແນວໃດໜໍ ? ຫົປະການຄື :-

ເຮົາຈັກເປັນ ອະຕັມມະໂຢ໑ ໃນໂລກທັງປວງ ;

ອະຫັງກາຣະ໒ ທັງຫຼາຍຂອງເຮົາ ຈະເຂົ້າເຖິງການດັບ ;

ມະມັງກາຣະ໓ ທັງຫຼາຍຂອງເຮົາ ຈະເຂົ້າເຖິງການດັບ ;

ເຮົາຈັກເປັນຜູ່ປະກອບດ້ວຍອະສາທາລະນະຍານ (ຄວາມຮູ້ອັນບໍ່ທົ່ວໄປແກ່ປຸຖຸຊົນ) ;

ທັມອັນເປັນເຫຕ ຈັກເປັນສິ່ງທີ່ເຮົາເຫັນແລ້ວດ້ວຍດີ ; ແລະ

ທັມທັງຫຼາຍອັນເກີດແຕ່ເຫຕ ຈັກເປັນສິ່ງທີ່ເຮົາເຫັນແລ້ວດ້ວຍດີ.

ພິກຂຸ ທ. ! ເມື່ອພິກຂຸ ຫວັງຢູ່ຊຶ່ງອານິສົງສ໌ ໖ ປະການ ເຫຼົ່ານີ້ແລ ຍ່ອມສົມຄວນໂດຍແທ້ ເພື່ອຈະເຂົ້າໄປຕັ້ງໄວ້ ຊຶ່ງອະນັຕຕະສັນຍາໃນທັມທັງປວງ ຢ່າງບໍ່ຈໍາກັດຂອບເຂຕ.

- ສັກກ. ອັງ. ໒໒/໔໙໒/໓໗໕.

໑. ອະຕັມມະໂຢ ຄືຜູ່ບໍ່ສໍາເລັດມາແຕ່ປັຈຈັຍນັ້ນໆ ກ່າວຄື ປັຈຈັຍນັ້ນໆ ບໍ່ອາດປຸງແຕ່ງໄດ້ ໝາຍເຖິງຜູ່ຫຼຸດພົ້ນນັ້ນເອງ.

໒. ອະຫັງກາຣະ ຄືການເຮັດໃນໃຈດ້ວຍການຢຶດຖືວ່າເຮົາ ວ່າຕົນ.

໓. ມະມັງກາຣະ ຄືການເຮັດໃນໃຈດ້ວຍການຢຶດຖືວ່າຂອງເຮົາ ວ່າຂອງຕົນ. ທັງອະຫັງກາຣະແລະມະມັງກາຣະ

ເປັນຄວາມຮູ້ສຶກທີ່ມີຢູ່ໃນສັນດານຂອງຄົນເຮົາ ເປັນກິເລສປະເພດອະນຸສັຍ ເຮັດວຽກຮ່ວມກັນທັງສອງຢ່າງ

ເອີ້ນວ່າ ອະຫັງກາຣະມະມັງກາຣະມະນານຸສັຍ ; ຜູ່ໃດຖອນເສຍໄດ້ເດັດຂາດ ຜູ່ນັ້ນເປັນພຣະອໍຣະຫັນຕ໌.

ພາກ ໔ - ມັຄຄະອະຣິຍະສັຈຈ໌ : ຕອນສັມມາທິຕຖິ ໙໓໑