ອາຣິຍະສັຈ ຈາກພຣະໂອດ (ພາກປາຍ)

ເມື່ອໃດ ບຸຄຄົນເຫັນດ້ວຍປັນຍາວ່າ “ສັງຂາຣທັງຫຼາຍທັງປວງ

ເປັນທຸກຂ໌” ; ເມື່ອນັ້ນ ເຂົາຍ່ອມເບື່ອໜ່າຍໃນສິ່ງທີ່ເປັນທຸກຂ໌ ; ນັ້ນແຫຼະ

ເປັນຫົນທາງແຫ່ງຄວາມສະອາດປອດກ້ຽງ.

ເມື່ອໃດ ບຸຄຄົນເຫັນດ້ວຍປັນຍາວ່າ “ທັມທັງຫຼາຍທັງປວງ

ເປັນອະນັຕຕາ” ; ເມື່ອນັ້ນ ເຂົາຍ່ອມເບື່ອໜ່າຍໃນສິ່ງທີ່ເປັນທຸກຂ໌ ; ນັ້ນແຫຼະ

ເປັນຫົນທາງແຫ່ງຄວາມສະອາດປອດກ້ຽງ.

- ທ. ຂຸ. ໒໕/໕໑/໓໐.

ລໍາດັບການປະຕິບັຕເພື່ອອະຣະຫັນຕະຜົລ

ພິກຂຸ ທ. ! ເຮົາຍ່ອມບໍ່ກ່າວການປະສົບຄວາມພໍໃຈ ໃນອະຣະຫັນຕະຜົລດ້ວຍການເຮັດອັນດັບທໍາອິດ ພຽງອັນດັບດຽວ. ພິກຂຸ ທ. ! ກໍແຕ່ວ່າ ການປະສົບຄວາມພໍໃຈໃນອະຣະຫັນຕະຜົລ ຍ່ອມມີໄດ້ເພາະການສຶກສາໂດຍລໍາດັບ ເພາະການປະພຶຕໂດຍລໍາດັບ ເພາະການປະຕິບັຕໂດຍລໍາດັບ.

ພາກ ໔ - ມັຄຄະອະຣິຍະສັຈຈ໌ : ຕອນຂໍ້ຄວາມນໍາເລື່ອງມັຄຄະ ໘໕໓

ພິກຂຸ ທ. ! ກໍການປະສົບຄວາມພໍໃຈໃນອະຣະຫັນຕະຜົລ ຍ່ອມມີໄດ້ເພາະການສຶກສາໂດຍລໍາດັບ ເພາະການປະພຶຕໂດຍລໍາດັບ ເພາະການປະຕິບັຕໂດຍລໍາດັບ ນັ້ນເປັນແນວໃດໜໍ ?

ພິກຂຸ ທ. ! ບຸຣຸສບຸຄຄົນໃນກໍລະນີນີ້ :-

ເປັນຜູ່ ມີສັດທາ ເກີດຂຶ້ນແລ້ວ ຍ່ອມ ເຂົ້າໄປຫາ (ສັບບຸຣຸສ) ;

ເມື່ອເຂົ້າໄປຫາ ຍ່ອມ ເຂົ້າໄປນັ່ງໃກ້ ;

ເມື່ອເຂົ້າໄປນັ່ງໃກ້ ຍ່ອມ ງ່ຽງໂສຕະລົງສະດັບ ;

ເມື່ອງ່ຽງໂສຕະລົງສະດັບ ຍ່ອມ ໄດ້ຟັງທັມ ;

ເມື່ອຟັງແລ້ວ ຍ່ອມ ຊົງຈໍາທັມໄວ້, ຍ່ອມ ໄຄ່ຄວນ

ພິຈາຣະນາ ຊຶ່ງເນື້ອໃນໃຈຄວາມແຫ່ງທັມ ທັງຫຼາຍ ທີ່ຕົນຊົງຈໍາໄວ້ ;

ເມື່ອເຂົາໄຄ່ຄວນພິຈາຣະນາ ຊຶ່ງເນື້ອໃນໃຈຄວາມແຫ່ງທັມນັ້ນຢູ່, ທັມທັງຫຼາຍຍ່ອມທົນຕໍ່ການເພັ່ງພິສູຕ ;

ເມື່ອທັມທົນຕໍ່ການເພັ່ງພິສູຕມີຢູ່ ສັນທະ (ຄວາມພໍໃຈ) ຍ່ອມເກີດ ;

ຜູ່ເກີດສັນທະແລ້ວ ຍ່ອມ ມີອຸສສາຫະ ;

ເມື່ອມີອຸສສາຫະແລ້ວ ຍ່ອມ ໃຊ້ດຸນພິນິດ (ເພື່ອຫາຄວາມຈິງ) ;

ເມື່ອໃຊ້ດຸນພິນິດ (ພົບ) ແລ້ວ ຍ່ອມ ຕັ້ງຕົນໄວ້ໃນທັມ ນັ້ນ ;

ຜູ່ມີຕົນສົ່ງໄປແລ້ວໃນທັມນັ້ນຢູ່ ຍ່ອມ ເຮັດໃຫ້ແຈ້ງ ຊຶ່ງບໍຣົມມະສັຈຈະດ້ວຍນາມກາຍດ້ວຍ, ຍ່ອມ ເຫັນແຈ້ງແທງຕະຫຼອດ ຊຶ່ງບໍຣົມມະສັຈຈະດ້ວຍປັນຍາ ດ້ວຍ.

- ມ. ມ. ໑໓/໒໓໓/໒໓໘

໘໕໔ ອະຣິຍະສັຈຈ໌ຈາກພຣະໂອຖະ

ໝວດ ງ. ວ່າດ້ວຍເຫຕປັຈຈັຍຂອງມັຄຄະ

ທັມເປັນຮຸ່ງເຊົ້າແຫ່ງອັຕຖັງຄິກະມັຄຄະ

ພິກຂຸ ທ. ! ເມື່ອດວງອາທິຕກໍາລັງຂຶ້ນ ສິ່ງທີ່ມາກ່ອນ ເປັນນິມິຕໃຫ້ເຫັນກ່ອນ ຄືການຂຶ້ນມາແຫ່ງຮຸ່ງເຊົ້າ ເຊັ່ນໃດ ; ພິກຂຸ ທ. ! ເມື່ອມີການເກີດຂຶ້ນແຫ່ງອະຣິຍະ

ອັຕຖັງຄິກະມັຄຄະຂອງພິກຂຸ ສິ່ງທີ່ມາກ່ອນ ເປັນນິມິຕໃຫ້ເຫັນກ່ອນ ຄື ກັລລະຢານະມິຕຕະຕາ (ຄວາມເປັນຜູ່ມີໝູ່ທີ່ດີ) ເຊັ່ນນັ້ນເໝືອນກັນ. ພິກຂຸ ທ. ! ນີ້ຄືຄວາມຫວັງຂອງພິກຂຸ ຜູ່ມີກັລລະຢານະມິຕ ຄືເຂົາຈະຈະເຣີນອະຣິຍະອັຕຖັງຄິກະມັຄຄະໄດ້ ຈະຝຶກໃຫ້ຫຼາຍຊຶ່ງອະຣິຍະອັຕຖັງຄິກະມັຄຄະໄດ້.

ພິກຂຸ ທ. ! ພິກຂຸຜູ່ມີກັລລະຢານະມິຕ ຍ່ອມຈະເຣີນອັຕຖັງຄິກະມັຄຄະ ຍ່ອມຝຶກໃຫ້ຫຼາຍຊຶ່ງອັຕຖັງຄິກະມັຄຄະໄດ້ ຊະນິດໃດກັນໜໍ ? ພິກຂຸ ທ. ! ພິກຂຸໃນກໍລະນີນີ້ ຍ່ອມ ຈະເຣີນສັມມາທິຕຖິ ... ສັມມາສັງກັປປະ ... ສັມມາວາຈາ ... ສັມມາກັມມັນຕະ ... ສັມມາອາຊີວະ ... ສັມມາວາຢະມະ ... ສັມມາສະຕິ ... ສັມມາສະມາທິ. ຊະນິດທີ່ ອາໄສວິເວກ ອາໄສວິຣາຄະ ອາໄສນິໂຣດ ນ້ອມໄປເພື່ອຄວາມສະລະອອກ. ພິກຂຸ ທ. ! ພິກຂຸຜູ່ມີກັລລະຢານະມິຕ ຍ່ອມຈະເຣີນ ອັຕຖັງຄິກະມັຄຄະ ຍ່ອມຝຶກໃຫ້ຫຼາຍຊຶ່ງ

ອັຕຖັງຄິກະມັຄຄະໄດ້ ດັ່ງນີ້ແລ.

- ມະຫາວາຣ. ສັງ. ໑໙/໓໖ - ໓໙/໑໒໙ - ໑໔໖.

[ໃນຕໍາແໜ່ງແຫ່ງ ກັລລະຢານະມິຕຕະຕາ ໃນຖານະເປັນຮຸ່ງເຊົ້າແຫ່ງອັຕຖັງຄິກະມັຄຄະນັ້ນ ໃນສູຕອື່ນ ຊົງສະແດງໄວ້ດ້ວຍທັມມະຊື່ອື່ນ ອີກຫຼາຍຊື່ ຄື :-

ສີລະສັມປະທາ (ຄວາມເຖິງພ້ອມດ້ວຍສີລ) ເປັນຮຸ່ງເຊົ້າ

ສັນທະສັມປະທາ (ຄວາມເຖິງພ້ອມດ້ວຍສັນທະ : ຄວາມພໍໃຈ) ເປັນຮຸ່ງເຊົ້າ

ອັຕຕະສັມປະທາ (ຄວາມເຖິງພ້ອມດ້ວຍຄວາມເໝາະສົມແຫ່ງຕົນ) ເປັນຮຸ່ງເຊົ້າ

ພາກ ໔ - ມັຄຄະອະຣິຍະສັຈຈ໌ : ຕອນຂໍ້ຄວາມນໍາເລື່ອງມັຄຄະ ໘໕໕