ອາຣິຍະສັຈ ຈາກພຣະໂອດ (ພາກປາຍ)

ໝວດ ງ. ວ່າດ້ວຍ ຫຼັກການປະຕິບັຕ ຂອງສັມມາວາຢາມະ

ພຽນລະອະກຸສົລແຂ່ງກັບຄວາມຕາຍ

ພິກຂຸ ທ. ! ມະຣະນະສະຕິ ອັນບຸຄຄົນຈະເຣີນເຮັດໃຫ້ຫຼາຍແລ້ວ ຍ່ອມມີຜົລໃຫຍ່ ມີອານິສົງສ໌ໃຫຍ່ ເປັນທັມຢັ່ງລົງສູ່ອະມະຕະ ມີອະມະຕະເປັນປະຣິໂຍສານ.

ພິກຂຸ ທ. ! ມະຣະນະສະຕິ (ອັນບຸຄຄົນເຫັນປານນັ້ນ) ເປັນແນວໃດໜໍ ?

ພິກຂຸ ທ. ! ພິກຂຸໃນກໍລະນີນີ້ ຜ່ານກາງເວັນມາຮອດກາງຄືນແລ້ວ ຍ່ອມພິຈາຣະນາເຫັນວ່າ “ປັຈຈັຍແຫ່ງຄວາມຕາຍຂອງເຮົາມີຫຼາຍ ຄືງູກັດເຮົາ ແມງເງົາ໑ ຕອດເຮົາ ຫຼືຂີ້ເຂັບ໑ ຂົບເຮົາ ຫຼືວ່າ ເຮົາຍ່າງພະລາດລົ້ມລົງ ອາຫາຣບໍ່ຍ່ອຍ ບີກໍາເລີບ ເສມຫະ

ກໍາເລີບ ຫຼືລົມສັຕຖະກະວາຕະກໍາເລີບ, ຫຼືວ່າ ພວກມະນຸສຫຼືອະມະນຸສທໍາຮ້າຍເຮົາ, ຄວາມຕາຍກໍຈະມີແກ່ເຮົາ : ນັ້ນເປັນອັນຕະລາຍຂອງເຮົາ” ດັ່ງນີ້. ພິກຂຸນັ້ນຈົ່ງພິຈາຣະນາສືບຕໍ່ໄປວ່າ “ມີຢູ່ຫຼືບໍ່ໜໍ ບາບອະກຸສົລທັມທີ່ເຮົາຍັງລະບໍ່ໄດ້ ແລ້ວ ເປັນອັນຕະ ລາຍແກ່ເຮົາ ຜູ່ເຮັດກາລະລົງໄປໃນຄືນນີ້” ດັ່ງນີ້. ພິກຂຸ ທ. ! ຖ້າພິກຂຸພິຈາຣະນາຢູ່ ຮູ້ສຶກວ່າ ບາບອະກຸສົລທັມແນວນັ້ນມີຢູ່, ພິກຂຸນັ້ນ ຈົ່ງຕັ້ງໄວ້ຊຶ່ງສັນທະ ວາຢາມະ

ອຸສສາຫະ ອຸສໂສລະຫີ ອັປປະຕິວານີ ສະຕິ ແລະ ສັມປະຊັນຍະ ຢ່າງແກ່ນກ້າ ເພື່ອລະເສຍຊຶ່ງບາບອະກຸສົລທັມນັ້ນ (ໂດຍດ່ວນ) ເຊັ່ນດຽວກັບບຸຄຄົນຜູ່ມີເສື້ອຜ້າຫຼືຫົວ ອັນໄຟລຸກໄໝ້ແລ້ວ ຈະຍ່ອມຕັ້ງສັນທະ ວາຢາມະ ອຸສສາຫະ ອຸສໂສລະຫີ ອັປປະຕິວານີ ສະຕິ ແລະ ສັມປະຊັນຍະ ຢ່າງແກ່ນກ້າ ເພື່ອຈະດັບໄຟທີ່ເສື້ອຜ້າຫຼືທີ່ຫົວນັ້ນເສຍ, ເຊັ່ນໃດກໍເຊັ່ນນັ້ນ. ພິກຂຸ ທ. ! ຖ້າພິກຂຸພິຈາຣະນາຢູ່ ຮູ້ສຶກວ່າ ບາບອະກຸສົລທັມແນວນັ້ນບໍ່ມີຢູ່ ພິກຂຸນັ້ນ ຈົ່ງຢູ່ດ້ວຍປີຕິປາໂມດນັ້ນ ນັ້ນແຫຼະ ຕາມສຶກສາຢູ່ທັງກາງເວັນ ແລະ ກາງຄືນ ໃນກຸສົລທັມທັງຫຼາຍ.

໑. ສັບວ່າ ວິຈສິກາ ເຄີຍແປກັນວ່າແມງເງົາ ສັບວ່າ ສະຕະປະທີ ເຄີຍແປກັນວ່າຂີ້ເຂັບ ຈັກເປັນປັຈຈັຍແຫ່ງ

ຄວາມຕາຍໄດ້ແນວໃດນັ້ນ ຜູ່ສຶກສາຄວນພິຈາຣະນາເບິ່ງເອງ.

ພາກ ໔ - ມັຄຄະອະຣິຍະສັຈຈ໌ : ຕອນສັມມາວາຢາມະ ໑໑໕໗

(ກໍລະນີແຫ່ງພິກຂຸຜູ່ ຜ່ານກາງຄືນມາຮອດກາງເວັນ ກໍມີຂໍ້ຄວາມທີ່ຕຣັດໄວ້ ໃຫ້ປະຕິບັຕແນວດຽວກັນ, ຜິດກັນແຕ່ເວລາທໍ່ນັ້ນ).

ພິກຂຸ ທ. ! ມະຣະນະສະຕິ ອັນບຸຄຄົນຈະເຣີນເຮັດໃຫ້ຫຼາຍແລ້ວ ເຊັ່ນນີ້ແລ ຍ່ອມມີຜົລໃຫຍ່ ມີອານິສົງສ໌ໃຫຍ່ ເປັນທັມຢັ່ງລົງສູ່ອະມະຕະ ມີອະມະຕະເປັນປະຣິໂຍສານ.

- ອັຕຖກ. ອັງ. ໒໓/໓໓໑/໑໗໑.

(ທັມທີ່ມີອະມະໂຕຄະດະເປັນອານິສົງສ໌ນັ້ນ ໃນສູຕອື່ນສະແດງໄວ້ດ້ວຍ ສັນຍາສິບ ກໍມີ)

ພິກຂຸ ທ. ! ສັນຍາ ໑໐ ປະການເຫຼົ່ານີ້ ອັນບຸຄຄົນຈະເຣີນເຮັດໃຫ້ຫຼາຍແລ້ວ ຍ່ອມມີຜົລໃຫຍ່ ມີອານິສົງສ໌ໃຫຍ່ ຢັ່ງລົງສູ່ອະມະຕະ ມີອະມະຕະເປັນປະຣິໂຍສານ.

ສິບປະການແນວໃດໜໍ ? ສິບປະການຄື : ອະສຸພະສັນຍາ (ຄວາມສໍາຄັນຮູ້ໃນຄວາມບໍ່ງາມ) ມະຣະນະສັນຍາ (ຄວາມສໍາຄັນຮູ້ໃນຄວາມຕາຍ) ອາຫາເຣປະຕິກູລະສັນຍາ (ຄວາມສໍາຄັນຮູ້ໃນປະຕິກູລແຫ່ງອາຫາຣ) ສັບພະໂລເກອະນະພິຣະຕະສັນຍາ (ຄວາມສໍາຄັນຮູ້ໃນຄວາມບໍ່ຍິນດີໃນໂລກທັງປວງ) ອະນິຈຈະສັນຍາ (ຄວາມສໍາຄັນຮູ້ໃນຄວາມບໍ່ທ່ຽງ) ອະນິເຈທຸກຂະສັນຍາ (ຄວາມສໍາຄັນຮູ້ໃນຄວາມເປັນທຸກຂ໌ແຫ່ງຄວາມບໍ່ທ່ຽງ) ທຸກເຂ

ອະນັຕຕະສັນຍາ (ຄວາມສໍາຄັນຮູ້ໃນຄວາມເປັນອະນັຕຕາໃນທຸກຂ໌) ປະຫານະສັນຍາ (ຄວາມສໍາຄັນຮູ້ໃນການລະເສຍ) ວິຣາຄະສັນຍາ (ຄວາມສໍາຄັນຮູ້ໃນຄວາມຄາຍກໍາໜັດ) ນິໂຣທະສັນຍາ (ຄວາມສໍາຄັນຮູ້ໃນຄວາມດັບບໍ່ເຫຼືອ).

ພິກຂຸ ທ. ! ສັນຍາ ໑໐ ປະການເຫຼົ່ານີ້ແລ ອັນບຸຄຄົນຈະເຣີນ ເຮັດໃຫ້ຫຼາຍແລ້ວ ຍ່ອມມີຜົລໃຫຍ່ ມີອານິສົງສ໌ໃຫຍ່ ຢັ່ງລົງສູ່ອະມະຕະ ມີອະມະຕະເປັນປະຣິໂຍສານ.

- ທສກ. ອັງ. ໒໔/໑໑໒/໕໖.

໑໑໕໘ ອະຣິຍະສັຈຈ໌ຈາກພຣະໂອຖະ

(ສັນຍາສິບ ອີກປະຣິຍາຍໜຶ່ງ)

ພິກຂຸ ທ. ! ສັນຍາ ໑໐ ປະການເຫຼົ່ານີ້ ອັນບຸຄຄົນຈະເຣີນ ເຮັດໃຫ້ຫຼາຍແລ້ວ ຍ່ອມມີຜົລໃຫຍ່ ມີອານິສົງສ໌ໃຫຍ່ ຢັ່ງລົງສູ່ອະມະຕະ ມີອະມະຕະເປັນປະຣິໂຍສານ.