ອະຣິຍະສັຈພາກຕົ້ນ

ແກ່ການເຂົ້າຢູ່ໃນອາກິນຈັນຍາຢະຕະນະ.

ພາກ ໓ - ນິໂຣທະອະຣິຍະສັຈຈ໌ ໕໔໑

໘. ອະດີຕອາກິນຈັນຍາຢະຕະນະສັນຍາ ທີ່ເນວະສັນຍານາສັນຍາຢະຕະນະລະແລ້ວ ຈະມາຄອຍເປັນອາພາດ

ແກ່ການເຂົ້າຢູ່ໃນ ເນວະສັນຍານາສັນຍາຢະຕະນະ.

໙. ອະດີຕເນວະສັນຍານາສັນຍາຢະຕະນະສັນຍາ ທີ່ລະງັບໄປແລ້ວ ເພາະສັນຍາເວທະຢິຕະນິໂຣດ

ບໍ່ອາດມາເປັນອາພາດ ແກ່ການເຂົ້າຢູ່ໃນສັນຍາເວທະຢິຕະນິໂຣດ).

ປັນຍາ ສະຕິ ກັບນາມຮູບດັບ ເພາະວິນຍານດັບ

“ຂ້າແຕ່ພຣະອົງຄ໌ຜູ້ນິຣະທຸກຂ໌ ! ຂ້ານ້ອຍຂາບທູນຖາມແລ້ວ ຂໍພຣະອົງຄ໌ ຈົ່ງຕຣັດບອກທັມນັ້ນ ຄື ປັນຍາແລະສະຕິ ກັບນາມຮູບ ແກ່ຂ້ານ້ອຍແດ່ເຖີ້ນ; ປັນຍາແລະສະຕິ ກັບນາມຮູບນັ້ນ ຈະດັບໄປ ໃນບ່ອນໃດ ?

ດູກ່ອນອະຊິຕະ ! ທ່ານຖາມປັນຫານັ້ນຂໍ້ໃດ ເຮົາຈະແກ້ບັນຫາຂໍ້ນັ້ນແກ່ທ່ານ : ນາມແລະຮູບ ຍ່ອມດັບບໍ່ເຫຼືອໃນບ່ອນໃດ, ປັນຍາ ແລະ ສະຕິ ກັບນາມຮູບນັ້ນ ກໍຍ່ອມດັບໄປໃນບ່ອນນັ້ນ, ເພາະຄວາມດັບໄປແຫ່ງວິນຍານ ແລ.

(ປະເດັນນີ້ ເປັນສິ່ງທີ່ສໍາຄັນຫຼາຍ ສໍາລັບຜູ້ປະຕິບັຕພາວະນາ ຄວນຮັບຮູ້ແລະພິຈາຣະນາໃຫ້ລະອຽດຮອບຄອບ)

- ສຸຕຕ. ຂຸ. ໒໕/໕໓໐/໔໒໕. - ຈູລນິ. ຂຸ. ໓໐/໒໐-໒໑/໘໐,໗໕.

ເຫັນໂລກມີຄ່າເທົ່າກັບເສດຫຍ້າ ເສດໄມ້

ເມື່ອເຫັນສິ່ງທັງປວງ ຖືກຕ້ອງຕາມເປັນຈິງ ວ່າເປັນພຽງການເກີດຂຶ້ນ ຂອງທັມມະຊາດລ້ວນໆ ວ່າເປັນພຽງການສືບເນື່ອງກັນເປັນສາຍ ຂອງສິ່ງທີ່ມີປັຈຈັຍປຸງຕໍ່ໆກັນມາລ້ວນໆ, ແລ້ວຄວາມຢ້ານຍ່ອມບໍ່ມີ.

໕໔໒ ອະຣິຍະສັຈຈ໌ຈາກພຣະໂອຕຖະ

ເມື່ອໃດ ເຫັນດ້ວຍປັນຍາວ່າ ໂລກນີ້ບໍ່ມີຄ່າອັນໃດ ຫຼາຍໄປກວ່າເສດຫຍ້າ ເສດໄມ້, ເມື່ອນັ້ນ ເຂົາຍ່ອມບໍ່ປາຖະໜາສິ່ງໃດໆ ນອກຈາກ “ສິ່ງ ທີ່ບໍ່ມີການເກີດ ໃໝ່ອີກຕໍ່ໄປ” ດັ່ງນີ້ແລ.

- ຈູລນິ. ຂຸ. ໓໐/໒໕໓/໕໐໕.

(ຂໍ້ຄວາມທັງສອງຕອນນີ້ ເປັນເຖຣະພາສິຕ ນໍາເອົາມາຂະຫຍາຍຄວາມພຸດທະພາສິຕ)

ໝົດກົມ - ຢຸດໝູນ

ຕັດ “ວົງກົມ” ຂາດຈາກກັນ ກໍລຸເຖິງສະພາບ ແຫ່ງຄວາມບໍ່ມີອັນໃດ ເປັນທີ່ຈໍານົງຫວັງ. ຕັນຫາທີ່ໄຫຼແຜ່ຊ່ານ ເມື່ອຖືກເຮັດໃຫ້ແຫ້ງສະນິດແລ້ວ ກໍໄຫຼບໍ່ໄດ້.ວົງກົມ ຖືກຕັດແລ້ວ (ເຊັ່ນນີ້) ກໍໝູນບໍ່ໄດ້ອີກຕໍ່ໄປ. ນັ້ນແຫຼະຄືທີ່ສຸດແຫ່ງທຸກຂ໌ລະ.

- ອຸ. ຂຸ. ໒໕/໑໙໙/໑໔໘.

ຄົນດໍາຫຼືຄົນຂາວ ລ້ວນມີຫວັງໃນນິພພານ

“ຂ້າແຕ່ພຣະອົງຄ໌ຜູ້ຈະເຣີນ ! ປູຣະນະກັດສະປະ ບັນຍັຕຊາດ ສະເພາະຢ່າງ ໖ ຊະນິດຄືຊາດດໍາ ຊາດຂຽວ ຊາດແດງ ຊາດເຫຼືອງ ຊາດຂາວ ແລະຊາດຂາວສຸດ.

ຂ້າແຕ່ພຣະອົງຄ໌ຜູ້ຈະເຣີນ ! ໃນການບັນຍັຕ ຂອງປູຣະນະກັດສະປະ ນັ້ນ ເຂົາບັນຍັຕຄົນຂ້າແບ້ ແກະ ຄົນຂ້າໝູ ຂ້ານົກ ຂ້າສັຕ ຊາວປະມົງ ໂຈຣປຸ້ນ ໂຈຣຂ້າຄົນ ເຈົ້າໜ້າທີ່ເຮືອນຈຳ ຫຼືຄົນມີການງານຊັ້ນຕໍ່າ ຢ່າງອື່ນໆວ່າ ເປັນ ຊາດດໍາ.

ຂ້າແຕ່ພຣະອົງຄ໌ຜູ້ຈະເຣີນ ! ປູຣະນະກັດສະປະ ບັນຍັຕພິກຂຸ ພວກກັນດະກະພຶດ ຫຼືພວກກັມມະວາດ ພວກກິຣິຍະວາດອື່ນໆ ວ່າເປັນ ຊາດຂຽວ.

ພາກ ໓ - ນິໂຣທະອະຣິຍະສັຈຈ໌ ໕໔໓

ຂ້າແຕ່ພຣະອົງຄ໌ຜູ້ຈະເຣີນ ! ປູຣະນະກັດສະປະ ບັນຍັຕພວກນິຄັນຖະ ມີຜ້າຜືນດຽວວ່າເປັນຊາດແດງ.

ຂ້າແຕ່ພຣະອົງຄ໌ຜູ້ຈະເຣີນ ! ປູຣະນະກັດສະປະ ບັນຍັຕພວກຄະຣືຫັດ ຜູ້ນຸ່ງຂາວ ຜູ້ເປັນສາວົກອະເຈລະກະ ວ່າເປັນ ຊາດເຫຼືອງ.

ຂ້າແຕ່ພຣະອົງຄ໌ຜູ້ຈະເຣີນ ! ປູຣະນະກັດສະປະ ບັນຍັຕພວກອາຊີວະກະ ພວກອາຊີວະກິນີ (ຍິງ) ວ່າເປັນ ຊາດຂາວ.

ຂ້າແຕ່ພຣະອົງຄ໌ຜູ້ຈະເຣີນ ! ປູຣະນະກັດສະປະ ບັນຍັຕເຈົ້າລັດທິ ຊື່ນັນທະວັດສະ ກິດຈະສັງກິດຈະ ແລະມັກຂະລິໂຄສາລະ ວ່າເປັນ ຊາດຂາວສຸດ.

ຂ້າແຕ່ພຣະອົງຄ໌ຜູ້ຈະເຣີນ ! ປູຣະນະກັດສະປະ ບັນຍັຕຊາດ ສະເພາະຢ່າງ ໖ ຊະນິດເຫຼົ່ານີ້ແລ ຂ້ານ້ອຍ !”

ອານົນທ໌ ! ໂລກທັງປວງ ຍອມຮັບຮູ້ ການບັນຍັຕອະພິຊາດ ໖ ຊະນິດຂອງ ປູຣະນະກັດສະປະ ນັ້ນຫຼື ?

“ຂໍ້ນັ້ນ ຫາບໍ່ໄດ້ ຂ້ານ້ອຍ !”