ອະຣິຍະສັຈພາກຕົ້ນ

ຍ່ອມຕາມເຫັນພ້ອມ (ຄືເຫັນດິ່ງຢູ່ເປັນປະຈໍາ) ຊຶ່ງຮູບ ໂດຍຄວາມເປັນຕົນ ຫຼືຕາມເຫັນພ້ອມ ຊຶ່ງຕົນວ່າມີຮູບ ຫຼືຕາມເຫັນພ້ອມ ຊຶ່ງຮູບວ່າມີຢູ່ໃນຕົນ ຫຼືຕາມເຫັນພ້ອມ ຊຶ່ງຕົນວ່າມີຢູ່ໃນຮູບແດ່;

ຍ່ອມຕາມເຫັນພ້ອມ ຊຶ່ງເວທະນາ ໂດຍຄວາມເປັນຕົນ ຫຼືຕາມເຫັນພ້ອມ ຊຶ່ງຕົນວ່າມີເວທະນາ ຫຼືຕາມເຫັນພ້ອມ ຊຶ່ງເວທະນາວ່າມີຢູ່ໃນຕົນ ຫຼືຕາມເຫັນພ້ອມ ຊຶ່ງຕົນວ່າມີຢູ່ໃນເວທະນາແດ່;

ຍ່ອມຕາມເຫັນພ້ອມ ຊຶ່ງສັນຍາ ໂດຍຄວາມເປັນຕົນ ຫຼືຕາມເຫັນພ້ອມ ຊຶ່ງຕົນວ່າມີສັນຍາ ຫຼືຕາມເຫັນພ້ອມ ຊຶ່ງສັນຍາວ່າມີຢູ່ໃນຕົນ ຫຼືຕາມເຫັນພ້ອມ ຊຶ່ງຕົນວ່າມີຢູ່ໃນສັນຍາແດ່;

ພາກ ໑ - ທຸກຂະອະຣິຢະສັຈຈະ ໒໔໙

ຍ່ອມຕາມເຫັນພ້ອມ ຊຶ່ງສັງຂາຣທັງຫຼາຍ ໂດຍຄວາມເປັນຕົນ ຫຼືຕາມເຫັນພ້ອມ ຊຶ່ງຕົນວ່າມີສັງຂາຣ ຫຼືຕາມເຫັນພ້ອມ ຊຶ່ງສັງຂາຣທັງຫຼາຍວ່າມີຢູ່ໃນຕົນ ຫຼືຕາມເຫັນພ້ອມ ຊຶ່ງຕົນວ່າມີຢູ່ໃນສັງຂາຣທັງຫຼາຍແດ່;

ຍ່ອມຕາມເຫັນພ້ອມ ຊຶ່ງວິນຍານ ໂດຍຄວາມເປັນຕົນ ຫຼືຕາມເຫັນພ້ອມ ຊຶ່ງຕົນວ່າມີວິນຍານ ຫຼືຕາມເຫັນພ້ອມ ຊຶ່ງວິນຍານວ່າມີຢູ່ໃນຕົນ ຫຼືຕາມເຫັນພ້ອມ ຊຶ່ງຕົນວ່າມີຢູ່ໃນວິນຍານແດ່.

ພິກຂຸ ທ. ! ປຸຖຸຊົນ ຜູ້ບໍ່ໄດ້ຍິນໄດ້ຟັງນີ້ ເຮົາເອີ້ນວ່າ ຜູ້ຖືກຜູກພັນດ້ວຍເຄື່ອງຜູກພັນ ຄືຮູບແດ່ ຜູ້ຖືກຜູກພັນດ້ວຍເຄື່ອງຜູກພັນ ຄືເວທະນາແດ່ ຜູ້ຖືກຜູກພັນດ້ວຍເຄື່ອງຜູກພັນ ຄືສັນຍາແດ່ ຜູ້ຖືກຜູກພັນດ້ວຍເຄື່ອງຜູກພັນ ຄືສັງຂາຣທັງຫຼາຍແດ່ ຜູ້ຖືກຜູກພັນດ້ວຍເຄື່ອງຜູກພັນ ຄືວິນຍານແດ່;

ເປັນຜູ້ຖືກຜູກພັນດ້ວຍເຄື່ອງຜູກພັນ ທັງພາຍໃນ ແລະພາຍນອກ ເປັນຜູ້ບໍ່ເຫັນຝັ່ງນີ້ (ຄືວັຕຕະສົງສາຣ) ເປັນຜູ້ບໍ່ເຫັນຝັ່ງພຸ້ນ (ຄືນິພພານ), ເກີດຢູ່ເຍື່ອງຜູ້ມີເຄື່ອງຜູກພັນ, ແກ່ຢູ່ເຍື່ອງຜູ້ມີເຄື່ອງຜູກພັນ, ຕາຍຢູ່ເຍື່ອງຜູ້ມີເຄື່ອງຜູກພັນ, ຈາກໂລກນີ້ ໄປສູ່ໂລກອື່ນ ເຍື່ອງຜູ້ມີເຄື່ອງຜູກພັນ ແລ.

- ຂັນທ. ສັງ. ໑໗/໒໐໐/໓໐໔.

ເອີ້ນກັນວ່າ “ສັຕ” ເພາະຕິດເບັນຈະຂັນທ໌

“ຂ້າແຕ່ພຣະອົງຄ໌ຜູ້ຈະເຣີນ ! ຄົນກ່າວກັນວ່າ ‘ສັຕ ສັຕ’ ດັ່ງນີ້, ເຂົາກ່າວກັນວ່າ ‘ສັຕ’ ເຊັ່ນນີ້ ມີຄວາມໝາຍພຽງໃດ ? ຂ້ານ້ອຍ !”

໒໕໐ ອະຣິຍະສັຈຈ໌ຈາກພຣະໂອຕຖະ

ຣາທະ ! ສັນທະ (ຄວາມພໍໃຈ) ຣາຄະ (ຄວາມກໍາໜັດ) ນັນທິ (ຄວາມເພີນ) ຕັນຫາ (ຄວາມທະຍານຢາກ) ໃດໆ ມີຢູ່ໃນຮູບ, ສັຕຍ່ອມກ່ຽວຂ້ອງ ຍ່ອມຕິດໃນຮູບນັ້ນ ດ້ວຍສັນທະຣາຄະເປັນຕົ້ນນັ້ນ ເພາະສະນັ້ນ ສັຕນັ້ນ ຈຶ່ງຖືກເອີ້ນວ່າ “ສັຕ (ຜູ້ຂ້ອງຕິດ)” ດັ່ງນີ້;

ຣາທະ ! ສັນທະ ຣາຄະ ນັນທິ ຕັນຫາໃດໆ ມີຢູ່ໃນເວທະນາ, ສັຕຍ່ອມກ່ຽວຂ້ອງ ຍ່ອມຕິດໃນເວທະນານັ້ນ ດ້ວຍສັນທະຣາຄະເປັນຕົ້ນນັ້ນ ເພາະສະນັ້ນ ສັຕນັ້ນ ຈຶ່ງຖືກເອີ້ນວ່າ “ສັຕ” ດັ່ງນີ້;

ຣາທະ ! ສັນທະ ຣາຄະ ນັນທິ ຕັນຫາໃດໆ ມີຢູ່ໃນສັນຍາ, ສັຕຍ່ອມກ່ຽວຂ້ອງ ຍ່ອມຕິດໃນສັນຍານັ້ນ ດ້ວຍສັນທະຣາຄະເປັນຕົ້ນນັ້ນ ເພາະສະນັ້ນ ສັຕນັ້ນ ຈຶ່ງຖືກເອີ້ນວ່າ “ສັຕ” ດັ່ງນີ້;

ຣາທະ ! ສັນທະ ຣາຄະ ນັນທິ ຕັນຫາໃດໆ ມີຢູ່ໃນສັງຂາຣທັງຫຼາຍ, ສັຕຍ່ອມກ່ຽວຂ້ອງ ຍ່ອມຕິດໃນສັງຂາຣທັງຫຼາຍເຫຼົ່ານັ້ນ ດ້ວຍສັນທະຣາຄະເປັນຕົ້ນນັ້ນ ເພາະສະນັ້ນ ສັຕນັ້ນ ຈຶ່ງຖືກເອີ້ນວ່າ “ສັຕ” ດັ່ງນີ້;

ຣາທະ ! ສັນທະ ຣາຄະ ນັນທິ ຕັນຫາໃດໆ ມີຢູ່ໃນວິນຍານ, ສັຕຍ່ອມກ່ຽວຂ້ອງ ຍ່ອມຕິດໃນວິນຍານນັ້ນ ດ້ວຍສັນທະຣາຄະເປັນຕົ້ນນັ້ນ ເພາະສະນັ້ນ ສັຕນັ້ນ ຈຶ່ງຖືກເອີ້ນວ່າ “ສັຕ” ດັ່ງນີ້ ແລ.

- ຂັນທະ. ສັງ. ໑໗/໒໓໒/໓໖໗.

ພາກ ໑ - ທຸກຂະອະຣິຢະສັຈຈະ ໒໕໑

ບໍ່ຮູ້ຈັກເບັນຈະຂັນທ໌ ຊື່ວ່າມີ ອະວິຊຊາ

“ຂ້າແຕ່ພຣະອົງຄ໌ຜູ້ຈະເຣີນ ! ຄົນກ່າວກັນວ່າ ‘ອະວິຊຊາ ອະວິຊຊາ’ ດັ່ງນີ້. ກໍອະວິຊຊານັ້ນ ເປັນແນວໃດ ? ແລະບຸຄຄົລ ຊື່ວ່າມີ ອະວິຊຊາ ດ້ວຍເຫຕພຽງເທົ່າໃດໜໍ ? ຂ້ານ້ອຍ !”