ອະບາຍມຸຂ

ຂ້າແຕ່ພຣະອົງຄ໌ຜູ້ຈະເຣີນ! ແຜ່ນດິນໃຫຍ່ນີ້ແລຫລາຍກວ່າ ຝຸ່ນເລັກນ້ອຍທີ່ພຣະຜູ້ມີພຣະພາຄຊົງຊ້ອນດ້ວຍປາຍພຣະນະຂານັ້ນມີປະມານໜ້ອຍ ເມື່ອທຽບກັບແຜ່ນດິນໃຫຍ່ແລ້ວ ຝຸ່ນເລັກນ້ອຍທີ່ພຣະຜູ້ມີພຣະພາຄຊົງຊ້ອນດ້ວຍປາຍພຣະນະຂານັ້ນ ຍ່ອມບໍ່ເຖິງເຊິ່ງກາຣນັບ ບໍ່ເຖິງເຊິ່ງກາຣປຽບທຽບໄດ້ ຫລືບໍ່ເຖິງແມ່ນພຽງສ່ວນສ້ຽວ.

ພິກຂຸທັງຫລາຍ! ສັນນັ້ນເໝືອນກັນ ສັຕຜູ້ງົດເວັ້ນຈາກສຸຣາເມຣັຍແລະສິ່ງມຶນເມົາ ອັນເປັນທີ່ຕັ້ງແຫ່ງຄວາມປະມາທມີ ໜ້ອຍ ໂດຍທີ່ແທ້ ສັຕຜູ້ບໍ່ງົດເວັ້ນຈາກສຸຣາເມຣັຍແລະສິ່ງມຶນເມົາ ອັນເປັນທີ່ຕັ້ງແຫ່ງຄວາມປະມາທມີຫລາຍກວ່າ ຂໍ້ນັ້ນເພາະເຫຕໃດ?

ເພາະບໍ່ເຫັນອະຣິຍະສັຈ ໔

ອະຣິຍະສັຈ ໔ ເປັນຢ່າງໃດ? ຄື:

ທຸກຂະອະຣິຍະສັຈ,

ທຸກຂະສະມຸທະຍະອະຣິຍະສັຈ,

ທຸກຂະນິໂຣທະອະຣິຍະສັຈ,

ທຸກຂະນິໂຣທະຄາມິນີປະຕິປະທາອະຣິຍະສັຈ.

ພິກຂຸທັງຫລາຍ! ເພາະສະນັ້ນແລ ພວກເຈົ້າທັງຫລາຍຄວນກະທຳຄວາມພຽນເພື່ອໃຫ້ຮູ້ຕາມເປັນຈິງວ່າ:

ນີ້ທຸກຂ໌,

ນີ້ທຸກຂະສະມຸທັຍ,

ນີ້ທຸກຂະນິໂຣທ,

ນີ້ທຸກຂະນິໂຣທະຄາມິນີປະຕິປະທາ.

ສັງຍຸຕຕະນິກາຍ ມະຫາວາຣະວັຄ ໑໙/໔໕໘/໑໗໖໐

ສັຕທັງຫລາຍມີກັມເປັນຂອງຕົນ

ພິກຂຸທັງຫລາຍ! ພວກເຈົ້າທັງຫລາຍຈະເຂົ້າໃຈຄວາມຂໍ້ນັ້ນວ່າຢ່າງໃດ ພວກເຈົ້າທັງຫລາຍໄດ້ເຫັນຫລືໄດ້ຟັງມາຫລືໜໍວ່າ ບຸຄຄົລຜູ້ລະກາຣຂ້າສັຕ ງົດເວັ້ນຈາກກາຣຂ້າສັຕ ພຣະຣາຊາຈັບເຂົາມາປະຫານ ຈອງຈຳ ເນຣະເທສ ຫລືກະທຳຕາມປັຈ ຈັຍ ເພາະເຫຕແຫ່ງກາຣງົດເວັ້ນຈາກກາຣຂ້າສັຕ?

ພິກຂຸທັງຫລາຍກຣາບທູລວ່າ: ບໍ່ໄດ້ເຫັນຫລືບໍ່ໄດ້ຟັງມາເລີຍ ພຣະອົງຄ໌ຜູ້ຈະເຣີນ!

ພິກຂຸທັງຫລາຍ! ສາທຸ ແມ່ນແຕ່ເຮົາກໍບໍ່ໄດ້ເຫັນ ບໍ່ໄດ້ຟັງມາວ່າ ບຸຄຄົລຜູ້ລະກາຣຂ້າສັຕ ງົດເວັ້ນຈາກກາຣຂ້າສັຕ ພຣະຣາຊາຈັບເຂົາມາປະຫານ ຈອງຈຳ ເນຣະເທສ ຫລືກະທຳຕາມ ປັຈຈັຍ ເພາະເຫຕແຫ່ງກາຣງົດເວັ້ນຈາກກາຣຂ້າສັຕ, ແຕ່ບາບກັມຂອງເຂົານັ້ນແລຍ່ອມບອກໃຫ້ຊາບວ່າ ບຸຄຄົລນີ້ຂ້າຍິງຫລືຊາຍຕາຍ ພຣະຣາຊາຈັບເຂົາມາປະຫານ ຈອງຈຳ ເນຣະເທສ ຫລືກະທຳຕາມປັຈຈັຍ ເພາະເຫຕແຫ່ງກາຣຂ້າສັຕ ພວກເຈົ້າທັງຫລາຍໄດ້ເຫັນຫລືໄດ້ຟັງບາບກັມເຫັນປານນີ້ແດ່ຫລືໜໍ?

ຂ້າແຕ່ພຣະອົງຄ໌ຜູ້ຈະເຣີນ! ພວກຂ້ານ້ອຍທັງຫລາຍໄດ້ເຫັນມາແລ້ວ ໄດ້ຟັງມາແລ້ວ ແລະຈັກໄດ້ຟັງຕໍ່ໄປ.

ພິກຂຸທັງຫລາຍ! ພວກເຈົ້າທັງຫລາຍຈະເຂົ້າໃຈຄວາມຂໍ້ນັ້ນວ່າຢ່າງໃດ ພວກເຈົ້າທັງຫລາຍໄດ້ເຫັນຫລືໄດ້ຟັງມາຫລືໜໍວ່າ ບຸຄຄົລຜູ້ລະກາຣລັກຊັພຍ໌ ງົດເວັ້ນຈາກກາຣລັກຊັພຍ໌ ພຣະຣາຊາຈັບເຂົາມາປະຫານ ຈອງຈຳ ເນຣະເທສ ຫລືກະທຳຕາມປັຈຈັຍ ເພາະເຫຕແຫ່ງກາຣງົດເວັ້ນຈາກກາຣລັກຊັພຍ໌?

ພິກຂຸທັງຫລາຍກຣາບທູລວ່າ: ບໍ່ໄດ້ເຫັນຫລືບໍ່ໄດ້ຟັງມາເລີຍ ພຣະອົງຄ໌ຜູ້ຈະເຣີນ!

ພິກຂຸທັງຫລາຍ! ສາທຸ ແມ່ນແຕ່ເຮົາກໍບໍ່ໄດ້ເຫັນ ບໍ່ໄດ້ຟັງມາວ່າ ບຸຄຄົລຜູ້ລະກາຣລັກຊັພຍ໌ ງົດເວັ້ນຈາກກາຣລັກຊັພຍ໌ ພຣະຣາຊາຈັບເຂົາມາປະຫານ ຈອງຈຳ ເນຣະເທສ ຫລືກະທຳຕາມປັຈຈັຍ ເພາະເຫຕແຫ່ງກາຣງົດເວັ້ນຈາກກາຣລັກຊັພຍ໌, ແຕ່ບາບກັມຂອງເຂົານັ້ນແລຍ່ອມບອກໃຫ້ຊາບວ່າ ບຸຄຄົລນີ້ລັກຊັພຍ໌ເຂົາມາຈາກບ້ານຫລືຈາກປ່າ ພຣະຣາຊາຈັບເຂົາມາປະຫານ ຈອງຈຳ ເນຣະເທສ ຫລືກະທຳຕາມປັຈຈັຍ ເພາະເຫຕແຫ່ງກາຣລັກຊັພຍ໌ ພວກເຈົ້າທັງຫລາຍໄດ້ເຫັນຫລືໄດ້ຟັງບາບກັມເຫັນປານນີ້ແດ່ຫລືໜໍ?

ຂ້າແຕ່ພຣະອົງຄ໌ຜູ້ຈະເຣີນ! ພວກຂ້ານ້ອຍທັງຫລາຍໄດ້ເຫັນມາແລ້ວ ໄດ້ຟັງມາແລ້ວ ແລະຈັກໄດ້ຟັງຕໍ່ໄປ.

ພິກຂຸທັງຫລາຍ! ພວກເຈົ້າທັງຫລາຍຈະເຂົ້າໃຈຄວາມຂໍ້ນັ້ນວ່າຢ່າງໃດ ພວກເຈົ້າທັງຫລາຍໄດ້ເຫັນຫລືໄດ້ຟັງມາຫລືໜໍວ່າ ບຸຄຄົລຜູ້ລະກາຣປະພຶຕຜິດໃນກາມທັງຫລາຍ ງົດເວັ້ນຈາກກາຣປະພຶຕຜິດໃນກາມທັງຫລາຍ ພຣະຣາຊາຈັບເຂົາມາປະຫານ ຈອງຈຳ ເນຣະເທສ ຫລືກະທຳຕາມປັຈຈັຍ ເພາະເຫຕແຫ່ງກາຣງົດເວັ້ນຈາກກາຣປະພຶຕຜິດໃນກາມທັງຫລາຍ?

ພິກຂຸທັງຫລາຍກຣາບທູລວ່າ: ບໍ່ໄດ້ເຫັນຫລືບໍ່ໄດ້ຟັງມາເລີຍ ພຣະອົງຄ໌ຜູ້ຈະເຣີນ!