ພົບພູມ

ຂ້າແຕ່ພຣະອົງຜູ້ຈະເລີນ ! ທີ່ເອີ້ນກັນວ່າ “ສັຕ ສັຕ” ດັ່ງນີ້ ອັນວ່າສັຕ ມີໄດ້ດ້ວຍເຫດສໍ່າໃດໜໍ ຂ້ານ້ອຍ !

ຣາທະ ! ສັນທະ (ຄວາມພໍໃຈ) ຣາຄະ (ຄວາມກໍາໜັດ) ນັນທິ (ຄວາມເພີນ) ຕັນຫາ (ຄວາມຢາກ) ໃດໆ ມີຢູ່ໃນຮູບ ເພາະການຕິດແລ້ວ ຂ້ອງແລ້ວໃນຮູບນັ້ນ ເພາະສະນັ້ນ ຈຶ່ງເອີ້ນວ່າ “ສັຕ” (ຜູ້ຂ້ອງຕິດໃນຂັນທ໌ທັງ ໕) ດັ່ງນີ້.

ຣາທະ ! ສັນທະ ຣາຄະ ນັນທິ ຕັນຫາ ໃດໆ ມີຢູ່ໃນເວທະນາ (ຄວາມຮູ້ສຶກສຸຂ ທຸກຂ໌ ແລະບໍ່ສຸຂບໍ່ທຸກຂ໌) ເພາະການຕິດແລ້ວ ຂ້ອງແລ້ວໃນເວທະນານັ້ນ ເພາະສະນັ້ນ ຈຶ່ງເອີ້ນວ່າ “ສັຕ” ດັ່ງນີ້.

ຣາທະ ! ສັນທະ ຣາຄະ ນັນທິ ຕັນຫາ ໃດໆ ມີຢູ່ໃນ ສັນຍາ (ຄວາມໝາຍຮູ້) ເພາະການຕິດແລ້ວ ຂ້ອງແລ້ວໃນສັນຍານັ້ນ ເພາະສະນັ້ນ ຈຶ່ງເອີ້ນວ່າ “ສັຕ” ດັ່ງນີ້.

ຣາທະ ! ສັນທະ ຣາຄະ ນັນທິ ຕັນຫາ ໃດໆ ມີຢູ່ໃນສັງຂາຣທັງຫຼາຍ (ຄວາມປຸງແຕ່ງ) ເພາະການຕິດແລ້ວ ຂ້ອງແລ້ວໃນສັງຂາຣທັງຫຼາຍນັ້ນ ເພາະສະນັ້ນ ຈຶ່ງເອີ້ນວ່າ “ສັຕ” ດັ່ງນີ້.

ພຸດທະວະຈະນະ - ໝວດທັມ

ຣາທະ ! ສັນທະ ຣາຄະ ນັນທິ ຕັນຫາ ໃດໆ ມີຢູ່ໃນ ວິນຍານ ເພາະການຕິດແລ້ວ ຂ້ອງແລ້ວໃນວິນຍານນັ້ນ ເພາະສະນັ້ນ ຈຶ່ງເອີ້ນວ່າ “ສັຕ” ດັ່ງນີ້ແລ.

ພຸດທະວະຈະນະ - ໝວດທັມ ເປີດທັມທີ່ຖືກປົກປິດ : ພົບພູມ

ເຫດໃຫ້ມີການເກີດ ໑໐

- ບາລີ ສລາ. ສັງ. ໑໘/໔໘໕/໘໐໐.

ວັດສະ !

ເຮົາຍ່ອມບັນຍັດຄວາມບັງເກີດຂຶ້ນ

ສໍາລັບສັຕຜູ້ທີ່ຍັງມີອຸປາທານ (ເຊື້ອ) ຢູ່

ບໍ່ແມ່ນສໍາລັບສັຕຜູ້ທີ່ບໍ່ມີອຸປາທານ.

ວັດສະ ! ປຽບເໝືອນໄຟທີ່ມີເຊື້ອ ຍ່ອມໄໝ້ຮຸ່ງຂຶ້ນໄດ້ ທີ່ບໍ່ມີເຊື້ອ ກໍໄໝ້ຮຸ່ງຂຶ້ນບໍ່ໄດ້ ອຸປະມານີ້ເຊັ່ນໃດ ອຸປະໄມກໍເຊັ່ນນັ້ນ.

ວັດສະ ! ເຮົາຍ່ອມບັນຍັດຄວາມບັງເກີດຂຶ້ນ ສໍາລັບຜູ້ທີ່ຍັງມີອຸປາທານຢູ່ ບໍ່ແມ່ນສໍາລັບສັຕຜູ້ທີ່ບໍ່ມີອຸປາທານ .

ພຣະໂຄດົມຜູ້ຈະເລີນ ! ຖ້າສະໄໝໃດ ແປວໄຟ ຖືກລົມພັດ ຫຼຸດປິວໄປໄກ ສະໄໝນັ້ນ ພຣະໂຄດົມຍ່ອມບັນຍັດຊຶ່ງອັນໃດ ວ່າເປັນເຊື້ອແກ່ແປວໄຟນັ້ນ ຖ້າຖືວ່າມັນຍັງມີເຊື້ອໄຟຢູ່ ?

ວັດສະ ! ສະໄໝໃດ ແປວໄຟ ຖືກລົມພັດຫຼຸດປິວໄປໄກ ເຮົາຍ່ອມບັນຍັດແປວໄຟນັ້ນ ວ່າ ມີລົມນັ້ນແຫຼະເປັນເຊື້ອ ເພາະວ່າ ສະໄໝນັ້ນ ລົມຍ່ອມເປັນເຊື້ອຂອງແປວໄຟນັ້ນ.

ພຣະໂຄດົມຜູ້ຈະເລີນ ! ຖ້າສະໄໝໃດ ສັຕ ປະຖິ້ມກາຍນີ້ ແລະຍັງບໍ່ບັງເກີດຂຶ້ນດ້ວຍກາຍອື່ນ ສະໄໝນັ້ນ ພຣະໂຄດົມຍ່ອມບັນຍັດຊຶ່ງອັນໃດ ວ່າເປັນເຊື້ອແກ່ສັຕນັ້ນ ຖ້າຖືວ່າມັນຍັງມີເຊື້ອຢູ່ ?

ພຸດທະວະຈະນະ - ໝວດທັມ

ວັດສະ !

ສະໄໝໃດ ສັຕປະຖິ້ມກາຍນີ້

ແລະຍັງບໍ່ບັງເກີດຂຶ້ນດ້ວຍກາຍອື່ນ

ເຮົາກ່າວສັຕນີ້ວ່າ ມີຕັນຫານັ້ນແຫລະເປັນເຊື້ອ

ເພາະວ່າສະໄໝນັ້ນ ຕັນຫາ ຍ່ອມເປັນເຊື້ອຂອງສັຕນັ້ນ.

ພຸດທະວະຈະນະ - ໝວດທັມ ເປີດທັມທີ່ຖືກປົກປິດ : ພົບພູມ

ລັກສະນະຂອງການເກີດ ໑໑

- ບາລີ ມູ. ມ. ໑໒/໑໔໖/໑໖໙.

ສາຣີບຸດ ! ກໍາເນີດ ໔ ປາການເຫລົ່ານີ້ ມີຢູ່.

໔ ປະການ ເປັນແນວໃດໜໍ ? ຄື

໑. ອັນດະຊະກໍາເນີດ (ເກີດໃນໄຂ່)

໒. ຊະລາພຸຊະກໍາເນີດ (ເກີດໃນຄັນ)

໓. ສັງເສທະສະກໍາເນີດ (ເກີດໃນໄຄເທົາ)

໔. ໂອປະປາຕິກະກໍາເນີດ (ເກີດຜຸດຂຶ້ນ)

ສາຣີບຸດ ! ກໍອັນທະຊະກໍາເນີດ ເປັນແນວໃດໜໍ ?

ສັຕທັງຫລາຍເຫລົ່ານັ້ນ ເຈາະເປືອກແຫ່ງຟອງເກີດຂຶ້ນ ນີ້ເຮົາເອີ້ນວ່າ ອັນດະຊະກໍາເນີດ.

ສາຣີບຸດ ! ຊະລາພຸຊະກໍາເນີດ ເປັນແນວໃດໜໍ ?

ສັຕທັງຫຼາຍເຫລົ່ານັ້ນໃດ ອາໄສລໍາໄສ້ (ມົດລູກ) ເກີດ ນີ້ເຮົາເອີ້ນວ່າ ຊະລາພຸຊະກໍາເນີດ.

ສາຣີບຸດ ! ສັງເສທະຊະກໍາເນີດ ເປັນແນວໃດໜໍ ?

ສັຕທັງຫຼາຍເຫຼົ່ານັ້ນໃດ ຍ່ອມເກີດໃນປາເນົ່າ ໃນຊາກສົບເນົ່າ ໃນເຂົ້າໜົມບູດ ຫລືໃນນໍ້າຄໍາ ໃນໄຄເທົາ (ຂອງສົກກະປົກ) ນີ້ເຮົາເອີ້ນວ່າ ສັງເສທະຊະກໍາເນີດ.

ພຸດທະວະຈະນະ - ໝວດທັມ

ສາຣີບຸດ ! ໂອປະປາຕິກະກໍາເນີດ ເປັນແນວໃດໜໍ ?

ເທວະດາ ສັຕນາຣົກ ມະນຸດບາງຈໍາພວກ ແລະເປຕບາງຈໍາພວກ ນີ້ເຮົາເອີ້ນວ່າ ໂອປະປາຕິກະກໍາເນີດ.

ສາຣີບຸດ ! ເຫລົ່ານແລ ກໍາເນີດ ໔ ປະການ.

ພຸດທະວະຈະນະ - ໝວດທັມ ເປີດທັມທີ່ຖືກປົກປິດ : ພົບພູມ

ກາຍແບບຕ່າງໆ ໑໒