ພົບພູມ

ພິກຂຸທັງຫຼາຍ ! ຖ້າສິ່ງທີ່ໃຊ້ເປັນພັນພືດ ໕ ຢ່າງເຫຼົ່ານີ້ ທີ່ບໍ່ຖືກທໍາລາຍ ຍັງບໍ່ເນົ່າເປື່ອຍ ຍັງບໍ່ແຫ້ງເພາະລົມແລະແດດ ຍັງມີເຊື້ອງອກບໍລິບູນຢູ່ ແລະອັນເຈົ້າຂອງເກັບໄວ້ດ້ວຍດີ ແຕ່ດິນ ນໍ້າ ບໍ່ມີ .

ພິກຂຸທັງຫຼາຍ ! ສິ່ງທີ່ໃຊ້ເປັນພັນພືດ ໕ ຢ່າງ ເຫລົ່ານີ້ຈະຍ່ອມຈະເລີນງອກງາມໄດ້ຫຼືບໍ່ ?

ບໍ່ເປັນເຊັ່ນນັ້ນ ຂ້ານ້ອຍ !

ພິກຂຸທັງຫຼາຍ ! ຖ້າສິ່ງທີ່ໃຊ້ເປັນພັນພືດ ໕ ຢ່າງ ເຫລົ່ານີ້ແຫຼະ ທີ່ບໍ່ຖືກທໍາລາຍ ຍັງບໍ່ເນົ່າເປື່ອຍ ຍັງບໍ່ແຫ້ງເພາະລົມແລະແດດ ຍັງມີເຊື້ອງອກບໍລິບູນຢູ່ ແລະອັນເຈົ້າຂອງເກັບໄວ້ດ້ວຍດີ ທັງດິນ ນໍ້າ ກໍມີດ້ວຍ.

ພຸດທະວະຈະນະ - ໝວດທັມ

ພິກຂຸທັງຫຼາຍ ! ສິ່ງທີ່ໃຊ້ເປັນພັນພືດ ໕ ຢ່າງເຫລົ່ານີ້ ຈະຍ່ອມຈະເລີນ ງອກງາມ ໄພບູນໄດ້ ແມ່ນຫລືບໍ່ ?

ເປັນເຊັ່ນນັ້ນ ຂ້ານ້ອຍ !

ພິກຂຸທັງຫລາຍ !

ວິນຍານຖິຕິ ໔ ຢ່າງ (ຮູບ ເວທະນາ ສັນຍາ ສັງຂາຣ) ຈົ່ງເຫັນວ່າ ເໝືອນກັບ ດິນ.

ພິກຂຸທັງຫລາຍ !

ນັນທິຣາຄະ (ຄວາມກໍາໜັດດ້ວຍອໍານາດແຫ່ງຄວາມເພີນ) ຈົ່ງເຫັນວ່າເໝືອນກັບ ນ້ຳ.

ພິກຂຸທັງຫລາຍ !

ວິນຍານ ຊຶ່ງປະກອບດ້ວຍປັດໄຈ ຈົ່ງເຫັນວ່າ ເໝືອນກັບ ພັນພືດດິບສົດທັງ ໕ ນັ້ນ.

ພິກຂຸທັງຫລາຍ ! ວິນຍານ ຊຶ່ງຖືເອົາຮູບຕັ້ງຢູ່ ກໍຕັ້ງຢູ່ໄດ້ ເປັນວິນຍານທີ່ມີຮູບເປັນອາລົມ ມີຮູບເປັນທີ່ຕັ້ງອາໄສ ມີນັນທິເປັນທີ່ເຂົ້າໄປສ້ອງເສບ ກໍເຖິງຄວາມຈະເລີນງອກງາມໄພບູນໄດ້.

ພິກຂຸທັງຫລາຍ ! ວິນຍານ ຊຶ່ງຖືເອົາເວທະນາຕັ້ງຢູ່ ກໍຕັ້ງຢູ່ໄດ້ ເປັນວິນຍານທີ່ມີເວທະນາເປັນອາລົມ ມີເວທະນາເປັນທີ່ຕັ້ງອາໄສ ມີນັນທິເປັນທີ່ເຂົ້າໄປສ້ອງເສບ ກໍເຖິງຄວາມຈະເລີນ ງອກງາມ ໄພບູນໄດ້.

ເປີດທັມທີ່ຖືກປົກປິດ : ພົບພູມ

ພິກຂຸທັງຫລາຍ ! ວິນຍານ ຊຶ່ງຖືເອົາສັນຍາຕັ້ງຢູ່ ກໍຕັ້ງຢູ່ໄດ້ ເປັນວິນຍານທີ່ມີສັນຍາເປັນອາລົມ ມີສັນຍາເປັນທີ່ຕັ້ງອາໄສ ມີນັນທິເປັນທີ່ເຂົ້າໄປສ້ອງເສບ ກໍເຖິງຄວາມຈະເລີນ ງອກງາມ ໄພບູນໄດ້.

ພິກຂຸທັງຫລາຍ ! ວິນຍານ ຊຶ່ງຖືເອົາສັງຂາຣຕັ້ງຢູ່ ກໍຕັ້ງຢູ່ໄດ້ ເປັນວິນຍານທີ່ມີສັງຂາຣເປັນອາລົມ ມີສັງຂາຣເປັນທີ່ຕັ້ງອາໄສ ມີນັນທິເປັນທີ່ເຂົ້າໄປສ້ອງເສບ ກໍເຖິງຄວາມຈະເລີນ ງອກງາມ ໄພບູນໄດ້.

ພິກຂຸທັງຫລາຍ ! ຜູ້ໃດຈະຍ່ອມກ່າວເຊັ່ນນີ້ວ່າ

ເຮົາຈະບັນຍັດຊຶ່ງການມາ ການໄປ

ການຈຸຕິ (ການຕາຍ) ການອຸບັດ (ການເກີດ)

ຄວາມຈະເລີນ ຄວາມງອກງາມ

ແລະຄວາມໄພບູນຂອງວິນຍານ

ໂດຍເວັ້ນຈາກຮູບ ເວັ້ນຈາກເວທະນາ

ເວັ້ນຈາກສັນຍາ ແລະເວັ້ນຈາກສັງຂາຣ ດັ່ງນີ້ນັ້ນ.

ນີ້ບໍ່ແມ່ນຖານະທີ່ຈະມີໄດ້ເລີຍ.

ພິກຂຸທັງຫລາຍ ! ຖ້າຣາຄະໃນຮູບທາດ ໃນເວທະນາທາດ ໃນສັນຍາທາດ ໃນສັງຂາຣທາດ ໃນວິນຍານທາດ ເປັນສິ່ງທີ່ພິກຂຸລະໄດ້ແລ້ວ.

ພຸດທະວະຈະນະ - ໝວດທັມ

ເພາະລະຣາຄະໄດ້

ອາລົມສໍາລັບວິນຍານກໍຂາດລົງ

ທີ່ຕັ້ງຂອງວິນຍານກໍບໍ່ມີ

ວິນຍານອັນບໍ່ມີທີ່ຕັ້ງນັ້ນ ກໍບໍ່ງອກງາມ

ຫລຸດພົ້ນໄປ ເພາະບໍ່ຖືກປຸງແຕ່ງ

ເພາະຫລຸດພົ້ົ້ນໄປ ກໍຕັ້ງໝັ້ນ

ເພາະຕັ້ງໝັ້ນ ກໍຍິນດີໃນຕົນເອງ

ເພາະຍິນດີໃນຕົນເອງ ກໍບໍ່ຫວັ່ນໄຫວ

ເມື່ອບໍ່ຫວັ່ນໄຫວ ກໍປະຣິນິບພານສະເພາະຕົນ

ຍ່ອມຮູ້ແຈ້ງວ່າ

ຊາດດັບສິ້ນແລ້ວ ພຣົມມະຈັນຢູ່ຈົບແລ້ວ

ກິດທີ່ຄວນເຮັດໄດ້ເຮັດສໍາເລັດແລ້ວ

ກິດອື່ນທີ່ຈະຕ້ອງເຮັດເພື່ອຄວາມເປັນເຊັ່ນນີ້ ບໍ່ໄດ້ມີອີກ ດັ່ງນີ້.

ພຸດທະວະຈະນະ - ໝວດທັມ ເປີດທັມທີ່ຖືກປົກປິດ : ພົບພູມ

ຄວາມມີຂຶ້ນແຫ່ງພົບ

ແມ່ນມີຢູ່ພຽງຊົ່ວຂະນະກໍເປັນຕາໜ່າຍ ໐໘

- ບາລີ ເອກ. ອັງ. ໒໐/໔໖/໒໐໓.

ພິກຂຸທັງຫລາຍ !

ຄູດ ແມ່ນໜ້ອຍດຽວ ກໍເປັນຂອງທີ່ມີກິ່ນເໝັນ ເຊັ່ນໃດ.

ພິກຂຸທັງຫລາຍ !

ສິ່ງທີ່ເອີ້ນວ່າ ພົບ ກໍເຊັ່ນນັ້ນເໝືອນກັນ

ແມ່ນມີປະມານໜ້ອຍ ພຽງຊົ່ວດີດນິ້ວມືດຽວ

ກໍບໍ່ມີຄຸນອັນໃດ ທີ່ຈະພໍກ່າວໄດ້.

(ໃນສູດຕໍ່ໄປ ໄດ້ຕຣັດອຸປະມາດ້ວຍມູດ ດ້ວຍນໍ້າລາຍ ດ້ວຍໜອງ ດ້ວຍໂລຫິດ ໂດຍຮູບແບບດຽວກັນ ເອກ. ອັງ. ໒໐/໔໖/໒໐໔.)

ສັຕຕະ = ສັຕ

ພຸດທະວະຈະນະ - ໝວດທັມ ເປີດທັມທີ່ຖືກປົກປິດ : ພົບພູມ

ຄວາມໝາຍຂອງຄໍາວ່າ “ສັຕ” ໐໙

- ບາລີ ຂັນທ. ສັງ. ໑໗/໒໓໒/໓໖໗.