ປຶ້ມຄູ່ມືຄຸນນະທັມ

ເມື່ອເປັນດັ່ງນີ້ ທິດເບື້ອງຫລັງນັ້ນ ເປັນອັນວ່າກຸລະບຸຕນັ້ນ ປິດກັ້ນແລ້ວ ເປັນທິດກະເສມ ບໍ່ມີໄພເກີດຂຶ້ນ.

ຄູ່ມືຄຸນນະທັມສໍາລັບເຍົາວະຊົນ

ບົດທີ ໑໗

ໜ້າທີ່ທີ່ຕ້ອງປະຕິບັດຕໍ່ທິດເບື້ອງຊ້າຍ

ສະບັບຫລວງ ໑໑/໑໙໕-໒໘໖/໑໗໔.

ຄະຫະບໍດີບຸຕ ! ທິດເບື້ອງຊ້າຍຄື ມິຕສະຫາຍ ອັນກຸລະບຸຕ ຄວນປະຕິບັດຕໍ່ໂດຍຖານະ ໕ ປະການ ຄື :

໑. ດ້ວຍການຊ່ວຍເຫລືອ

໒. ດ້ວຍການເວົ້າຈາທີ່ອ່ອນໂຍນ

໓. ດ້ວຍການປະພຶດທີ່ເປັນປະໂຫຍດ

໔. ດ້ວຍການວາງຕົນສະເໝີກັນ

໕. ດ້ວຍການບໍ່ກ່າວຄໍາອັນເປັນສິ່ງທີ່ເຮັດໃຫ້ແຕກກັນ.

ຄະຫະບໍດີບຸຕ ! ທິດເບື້ອງຊ້າຍຄື ມິຕສະຫາຍ ອັນກຸລະບຸຕ ປະຕິບັດຕໍ່ໂດຍຖານະ ໕ ປະການເຫລົ່ານີ້ແລ້ວ ຍ່ອມອະນຸເຄາະ ກຸລະບຸຕໂດຍຖານະ ໕ ປະການ ຄື :

໑. ຮັກສາມິຕຜູ້ປະມາດແລ້ວ

໒. ຮັບສາຊັບຂອງມິຕຜູ້ປະມາດແລ້ວ

໓. ເປັນທີ່ເພິ່ງແກ່ມິຕເມື່ອມີພັຍ

໔. ບໍ່ຖິ້ມມິຕໃນຍາມມີອັນຕະລາຍ

໕. ນັບຖືສະມາຊິກໃນວົງຕະກຸນຂອງມິຕ

ເມື່ອເປັນດັ່ງນີ້ ທິດເບື້ອງຊ້າຍນັ້ນ ເປັນອັນວ່າກຸລະບຸຕນັ້ນ ປິດກັ້ນແລ້ວ ເປັນທິດກະເສມ ບໍ່ມີໄພເກີດຂຶ້ນ.

ຄໍາສັ່ງສອນຂອງພຣະຕະຖາຄົດເຈົ້າ

ບົດທີ ໑໘

ໜ້າທີ່ທີ່ຕ້ອງປະຕິບັດຕໍ່ທິດເບື້ອງຕໍ່າ

ສະບັບຫລວງ ໑໑/໑໙໕-໒໘໖/໑໗໔.

ຄະຫະບໍດີບຸຕ ! ທິດເບື້ອງຕໍ່າຄື ທາສກໍາມະກອນ ອັນກຸລະບຸຕ ຄວນປະຕິບັດຕໍ່ໂດຍຖານະ ໕ ປະການ ຄື :

໑. ດ້ວຍການໃຫ້ເຮັດວຽກຕາມກຳລັງ

໒. ດ້ວຍການໃຫ້ອາຫານແລະລາງວັນ

໓. ດ້ວຍການຮັກສາພະຍາບານໃຍຍາມເຈັບໄຂ້

໔. ດ້ວຍການແບ່ງອາຫານທີ່ເຂົາບໍ່ເຄີຍໄດ້ກິນໃຫ້

໕. ດ້ວຍການປ່ອຍໃຫ້ພັກວຽກຕາມສະໄໝ (ໃຫ້ໄປທ່ຽວ

ຕາມກາລະເວລາ)

ຄະຫະບໍດີບຸຕ ! ທິດເບື້ອງຕໍ່າຄື ທາສກໍາມະກອນ ອັນເຈົ້ານາຍປະຕິບັດຕໍ່ ໂດຍຖານະ ໕ ປະການເຫລົ່ານີ້ແລ້ວ ຍ່ອມອະນຸເຄາະເຈົ້ານາຍ ໂດຍຖານະ ໕ ປະການ ຄື :

໑. ເປັນຜູ້ລຸກຂຶ້ນເຮັດວຽກກ່ອນເຈົ້ານາຍ (ຫົວໜ້າ)

໒. ເລີກວຽກລຸນຫລັງນາຍ

໓. ຖືເອົາແຕ່ຂອງທີ່ເຈົ້ານາຍໃຫ້

໔. ເຮັດວຽກໃຫ້ດີທີ່ສຸດ

໕. ນຳກຽດຕິຄຸນຂອງເຈົ້ານາຍໄປເລົ່າລື

ຄູ່ມືຄຸນນະທັມສໍາລັບເຍົາວະຊົນ

ເມື່ອເປັນດັ່ງນີ້ ທິດເບື້ອງຕໍ່ານັ້ນ ເປັນອັນວ່າກຸລະບຸຕນັ້ນ ປິດກັ້ນແລ້ວ ເປັນທິດກະເສມ ບໍ່ມີໄພເກີດຂຶ້ນ.

ຄໍາສັ່ງສອນຂອງພຣະຕະຖາຄົດເຈົ້າ

ບົດທີ ໑໙

ໜ້າທີ່ທີ່ຕ້ອງປະຕິບັດຕໍ່ທິດເບື້ອງເທິງ

ສະບັບຫລວງ ໑໑/໑໙໕-໒໘໖/໑໗໔.

ຄະຫະບໍດີບຸຕ ! ທິດເບື້ອງເທິງ ຄື ສະມະນະພຣາມ ອັນກຸລະບຸຕ ຄວນປະຕິບັດຕໍ່ໂດຍຖານະ ໕ ປະການ ຄື :

໑. ດ້ວຍເມຕຕາກາຍະກັມ

໒. ດ້ວຍເມຕຕາວະຈີກັມ

໓. ດ້ວຍເມຕຕາມະໂນກັມ

໔. ດ້ວຍການບໍ່ປິດປະຕູ (ຄືຍີນດີຕ້ອນຮັບ)

໕. ດ້ວຍການຄອຍຖວາຍອາມິດສະທານ

ຄະຫະບໍດີບຸຕ ! ທິດເບື້ອງເທິງຄື ສະມະນະພຣາມ ອັນກຸລະບຸຕ ຄວນປະຕິບັດຕໍ່ໂດຍຖານະ ໕ ປະການເຫລົ່ານີ້ແລ້ວ ຍ່ອມອະນຸເຄາະກຸລະບຸຕ ໂດຍຖານະ ໖ ປະການ ຄື :

໑. ສອນບໍ່ໃຫ້ເຮັດບາບ

໒. ໃຫ້ຕັ້ງຢູ່ໃນຄວາມດີ

໓. ອະນຸເຄາະດ້ວຍໃຈອັນດີງາມ

໔. ໃຫ້ຟັງໃນສິ່ງທີ່ບໍ່ເຄີຍໄດ້ຟັງ

໕. ບອກສອນສິ່ງທີ່ເຄີຍໄດ້ຟັງມາແລ້ວໃຫ້ແຈ່ມແຈ້ງຍິ່ງຂຶ້ນ

໖. ບອກທາງສະຫວັນໃຫ້

ຄູ່ມືຄຸນນະທັມສໍາລັບເຍົາວະຊົນ

ເມື່ອເປັນດັ່ງນີ້ ທິດເບື້ອງເທິງນັ້ນ ເປັນອັນວ່າກຸລະບຸຕນັ້ນ ປິດກັ້ນແລ້ວ ເປັນທິດກະເສມ ບໍ່ມີໄພເກີດຂຶ້ນ.

ຄໍາສັ່ງສອນຂອງພຣະຕະຖາຄົດເຈົ້າ

ບົດທີ ໒໐

ພະເຈົ້າອະຊາຕະສັຕຕູ ປົງພະຊົນຊີບພະບິດາ

ຄືພະເຈົ້າພິມພິສານ ເຖິງໄດ້ຟັງທັມ

ຈາກພຣະພຸດທະເຈົ້າ ກໍບໍ່ສາມາດບັນລຸທັມໄດ້

ສະບັບຫລວງ ໙/໗໘-໗໙/໑໓໙-໑໔໐

...ໂທດໄດ້ຄອບງໍາຂ້ານ້ອຍແລ້ວ ຊຶ່ງເປັນຄົນໂງ່ຈ້າ ເປັນຄົນຫລົງ ບໍ່ສະຫລາດ ຂ້ານ້ອຍໄດ້ປົງພະຊົນຊີບພະບິດາ ຜູ້ຊົງທັມ ເປັນພະຣາຊາໂດຍທັມ ເພາະເຫດແຫ່ງຄວາມເປັນໃຫຍ່ ຂໍພຣະຜູ້ມີພຣະພາກ ຈົ່ງຊົງຮັບຮູ້ເຖິງຊຶ່ງຄວາມຜິດຂອງຂ້ານ້ອຍ ໂດຍເປັນຄວາມຜິດຈິງແທ້ ເພື່ອສັງລວມຕໍ່ໄປ.