ປຶ້ມຄູ່ມືຄຸນນະທັມ

ດູຣາພິກຂຸທັງຫລາຍ ! ກໍາລັງ ໘ ປະການ ມີດັ່ງນີ້ແລ.

ຄູ່ມືຄຸນນະທັມສໍາລັບເຍົາວະຊົນ

ບົດທີ ໒໖

ຄະຕິ (ບ່ອນໄປ) ຂອງຜູ້ທຸສີລ

ສະບັບຫລວງ ໒໔/໓໐໙/໑໙໓

ດູຣາພິກຂຸທັງຫລາຍ ! ເຮົາຈະສະແດງທັມປະຣິຍາຍ ອັນເປັນເຫດແຫ່ງຄວາມກະເສືອກກະສົນໄປຕາມກັມ (ຂອງໝູ່ສັຕ) ແກ່ພວກເຈົ້າ ເຈົ້າທັງຫຼາຍຈົ່ງຟັງ ຈົ່ງໃສ່ໃຈໃຫ້ດີ ເຮົາຈັກກ່າວ ທັມປະຣິຍາຍ ອັນສະແດງຄວາມກະເສືອກກະສົນໄປຕາມກັມ ເປັນແນວໃດໜໍ ?

ດູຣາພິກຂຸທັງຫລາຍ ! ສັຕທັງຫລາຍເປັນຜູ້ມີກັມເປັນຂອງໆຕົນ ເປັນທາຍາດແຫ່ງກັມ ມີກັມເປັນກໍາເນີດ ມີກັມເປັນເຜົ່າພັນ ມີກັມເປັນທີ່ເພິ່ງອາໄສ ເຮັດກັມອັນໃດໄວ້ ດີກໍຕາມ ຊົ່ວກໍຕາມ ຈະເປັນຜູ້ຮັບຜົນກັມນັ້ນ.

ດູຣາພິກຂຸທັງຫລາຍ ! ຄົນບາງຄົນໃນກໍລະນິີນີ້ ເປັນຜູ້ມີປົກກະຕິ ເຮັດປານາຕິບາຕ ຫຍາບຊ້າ ມີຝ່າມືເປື້ອນດ້ວຍໂລຫິຕ ມີແຕ່ການຂ້າແລະທຸບຕີ ບໍ່ມີຄວາມເອັນດູໃນສັຕມີຊີວິຕ ເຂົາກະເສືອກກະສົນດ້ວຍກັມທາງກາຍ, ກະເສືອກກະສົນດ້ວຍກັມທາງວາຈາ, ກະເສືອກກະສົນດ້ວຍກັມທາງໃຈ, ກາຍະກັມຂອງເຂົາຄົດ ວາຈີກັມຂອງເຂົາຄົດ ມະໂນກັມຂອງເຂົາຄົດ ຄະຕິຂອງເຂົາຄົດ ອຸບັຕ (ການເຂົາເຖິງພົບ) ຂອງເຂົາຄົດ.

ຄໍາສັ່ງສອນຂອງພຣະຕະຖາຄົດເຈົ້າ

ດູຣາພິກຂຸທັງຫລາຍ ! ສໍາລັບຜູ້ມີຄະຕິຄົດ ມີອຸບັດຄົດນັ້ນ ເຮົາກ່າວວ່າຄະຕິຢ່າງໃດຢ່າງໜຶ່ງ ໃນບັນດາຄະຕິສອງຢ່າງແກ່ເຂົາ ຄື ເຫລົ່າສັຕນະຣົກ ຜູ້ມີທຸກຂ໌ໂດຍສ່ວນດຽວ ຫລືວ່າສັຕເດຣັດສານ ຜູ້ມີການກໍາເນີດກະເສືອກກະສົນ ໄດ້ແກ່ງູ ຂີ້ເຂັບ ແມງເຫງົາ ຈອນພອນ ແມວ ໜູ ນົກເຄົ້າ ຫລືສັຕເດຣັດສານເຫລົ່າອື່ນ ທີ່ເຫັນມະນຸດແລ້ວກະເສືອກກະສົນ

ດູຣາພິກຂຸທັງຫລາຍ ! ພູຕະສັຕ ຍ່ອມມີດ້ວຍອາການເຊັ່ນນີ້ ຄື ອຸບັຕຍ້ອມມີແກ່ພູຕະສັຕ ເຂົາເຮັດກັມໃດໄວ້ ຍ່ອມອຸບັຕດ້ວຍກັມນັ້ນ ຜັສສະທັງຫລາຍ ຍ່ອມຖືກຕ້ອງພູຕະສັຕນັ້ນຜູ້ອຸບັຕແລ້ວ

ດູຣາພິກທັງຫລາຍ ! ເຮົາກ່າວວ່າສັຕທັງຫລາຍ ເປັນທາຍາດແຫ່ງກັມ ດ້ວຍອາການເຊັ່ນນີ້ ດັ່ງນີ້.

(ໃນກໍລະນີນີ້ ບຸກຄົນຜູ້ເຮັດອະທິນນາທານ ກາເມສຸມິດສາຈາຣ ກໍໄດ້ຕຣັດໄວ້ ດ້ວຍຂໍ້ຄວາມເຊັ່ນດຽວກັນກັບ ໃນກໍລະນີຂອງຜູ້ເຮັດປານາຕິບາຕ ດັ່ງກ່າວມາເບື້ອງຕົົົົົົົົົົົົົ້ນທຸກປະການ ແລະຍັງໄດ້ຕຣັດກາຍໄປເຖິງ ວາຈີທຸຈະຣິຕ ໔ ມະໂນທຸຈະຣິຕ ໓ ດ້ວຍຂໍ້ຄວາມເຊັ່ນດຽວກັນອີກດ້ວຍ)

ຄໍາສັ່ງສອນຂອງພຣະຕະຖາຄົດເຈົ້າ

ບົດທີ ໒໗

ວິບາກຂອງຄົນທຸສີລ

ສະບັບຫລວງ ໒໓/໒໕໑/໑໓໐

ພິກຂຸທັງຫລາຍ ! ປານາຕິບາຕ (ຂ້າສັຕ) ທີ່ເສບທົ່ວແລ້ວ ຈະເຣີນແລ້ວ ເຮັດໃຫ້ຫລາຍແລ້ວ ຍ່ອມເປັນໄປເພື່ອນະຣົກ ເປັນໄປເພື່ອກຳເນີດເດຣັດສານ ເປັນໄປເພື່ອເປຕະວິໄສ.

ວິບາກແຫ່ງປານາຕິບາຕຂອງມະນຸດ ທີ່ເບົາກວ່າວິບາກທັງປວງ ຄື ວິບາກທີ່ເປັນໄປເພື່ອອາຍຸສັ້ນ.

ພິກຂຸທັງຫລາຍ ! ອະທິນນາທານ (ລັກຊັບ) ທີ່ເສບທົ່ວແລ້ວ ຈະເຣີນແລ້ວ ເຮັດໃຫ້ຫລາຍແລ້ວ ຍ່ອມເປັນໄປເພື່ອນະຣົກ ເປັນໄປເພື່ອກໍາເນີດເດຣັດສານ ເປັນໄປເພື່ອເປຕະວິໄສ.

ວິບາກແຫ່ງອະທິນນາທານຂອງມະນຸດ ທີ່ເບົາກວ່າວິບາກທັງປວງ ຄື ວິບາກທີ່ເປັນໄປເພື່ອຄວາມເສື່ອມແຫ່ງໂພຄະ.

ຄູ່ມືຄຸນນະທັມສໍາລັບເຍົາວະຊົນ

ພິກຂຸທັງຫລາຍ ! ກາເມສຸມິຈສາຈາຣ (ປະພຶດຜິດໃນກາມ) ທີ່ເສບທົ່ວແລ້ວ ຈະເຣີນແລ້ວ ເຮັດໃຫ້ຫລາຍແລ້ວ ຍ່ອມເປັນໄປເພື່ອນະຣົກ ເປັນໄປເພື່ອກໍາເນີດເດຣັດສານ ເປັນໄປເພື່ອເປຕະວິໄສ.

ວິບາກແຫ່ງກາເມສຸມິຈສາຈາຣຂອງມະນຸດ ທີ່ເບົາກວ່າວິບາກທັງປວງ ຄື ວິບາກທີ່ເປັນໄປເພື່ອກໍ່ເວຣແລະສັຕຕູ.

ພິກຂຸທັງຫລາຍ ! ມຸສາວາດ (ເວົ້າຕົວະ) ທີ່ເສບທົ່ວແລ້ວ ຈະເຣີນແລ້ວ ເຮັດໃຫ້ຫລາຍແລ້ວ ຍ່ອມເປັນໄປເພື່ອນະຣົກ ເປັນໄປເພື່ອກໍາເນີດເດຣັດສານ ເປັນໄປເພື່ອເປຕະວິໄສ.

ວິບາກແຫ່ງມຸສາວາດຂອງມະນຸດ ທີ່ເບົາກວ່າວິບາກທັງປວງ ຄື ວິບາກທີ່ເປັນໄປເພື່ອການຖືກກ່າວຕູ່ດ້ວຍຄໍາທີ່ບໍ່ຈິງ.

ພິກຂຸທັງຫລາຍ ! ປິສຸນະວາທ (ຄໍາຍຸແຍ່ໃຫ້ແຕກກັນ) ທີ່ເສບທົ່ວແລ້ວ ຈະເຣີນແລ້ວ ເຮັດໃຫ້ຫລາຍແລ້ວ ຍ່ອມເປັນໄປເພື່ອນະຣົກ ເປັນໄປເພື່ອກໍາເນີດເດຣັດສານ ເປັນໄປເພື່ອເປຕະວິໄສ.