ທານ

- ບາລີ ປັນຈກ. ອັງ. ໒໒/໔໓/໓໕

ພິກຂຸທັງຫຼາຍ ! ອານິສົງສ໌ແຫ່ງການໃຫ້ທານ ໕ ປະການນີ້ມີຢູ່ ໕ ປະການເປັນແນວໃດ ຄື

(໑) ຜູ້ໃຫ້ທານຍ່ອມເປັນທີ່ຮັກທີ່ພໍໃຈຂອງຊົນທັງຫຼາຍ

(໒) ສັບບຸຣຸສຜູ້ສະງົບຍ່ອມຄົບຫາຜູ້ໃຫ້ທານ

(໓) ກິຕຕິສັບອັນງາມຂອງຜູ້ໃຫ້ທານຍ່ອມລືຊາແຜ່ກະຈາຍໄປ

(໔) ຜູ້ໃຫ້ທານຍ່ອມບໍ່ເຫີນຫ່າງຈາກທັມຂອງຄະຣືຫັດ

(໕) ຜູ້ໃຫ້ທານເມື່ອຕາຍໄປຍ່ອມເຂົ້າເຖິງສຸຄະຕິໂລກສະຫວັນ

ພິກຂຸທັງຫຼາຍ ! ນີ້ແລ ອານິສົງສ໌ແຫ່ງການໃຫ້ທານ ໕ ປະການ.

ຜູ້ໃຫ້ທານຍ່ອມເປັນທີ່ຮັກຂອງຊົນເປັນຈຳນວນຫຼາຍ ຊື່ວ່າດຳເນີນຕາມທັມຂອງສັບບຸຣຸສ ສັບບຸຣຸສຜູ້ສັງລວມອິນຊີ ປະພຶຕພຣົມມະຈັນ ຍ່ອມຄົບຫາຜູ້ໃຫ້ທານທຸກເມື່ອ ສັບບຸຣຸສເຫຼົ່ານັ້ນຍ່ອມສະແດງທັມ ເປັນທີ່ບັນເທົາທຸກຂ໌ທັງປວງແກ່ເຂົາ ເຂົາໄດ້ຮູ້ແຈ້ງແລ້ວ ຍ່ອມເປັນຜູ້ຫາອາສະວະບໍ່ໄດ້ ປະຣິນິບພານໃນໂລກນີ້.

ໜັງສືພຸດທະພົຈນ໌ - ໝວດທັມ : ທານະ (ການໃຫ້)

ຜູ້ໃຫ້ໂພຊະນະ ຊື່ວ່າ ໃຫ້ອາຍຸ

ວັນນະ ສຸຂະ ພະລະ ແລະປະຕິພານ ໐໕

- ບາລີ ຈຕຸກກ. ອັງ. ໒໑/໘໔/໕໙. - ບາລີ ປັນຈກ. ອັງ. ໒໒/໔໔/໓໗.

ພິກຂຸທັງຫຼາຍ ! ຜູ້ໃຫ້ໂພຊະນະຊື່ວ່າຍ່ອມໃຫ້ຖານະ ໔ ຢ່າງແກ່ປະຕິຄາຫົກ ໔ ຢ່າງເປັນແນວໃດ ຄື ໃຫ້ອາຍຸ ໃຫ້ວັນນະ ໃຫ້ສຸຂະ ໃຫ້ພະລະ ຄັນໃຫ້ອາຍຸແລ້ວ ຍ່ອມເປັນຜູ້ມີສ່ວນແຫ່ງອາຍຸອັນເປັນທິພຫຼືເປັນຂອງມະນຸສ ຄັນໃຫ້ວັນນະແລ້ວ ຍ່ອມເປັນຜູ້ມີສ່ວນແຫ່ງວັນນະອັນເປັນທິພຫຼືເປັນຂອງມະນຸສ ຄັນໃຫ້ສຸຂແລ້ວ ຍ່ອມເປັນຜູ້ມີສ່ວນແຫ່ງສຸຂ ອັນເປັນທິພຫຼືເປັນຂອງມະນຸສ ຄັນໃຫ້ພະລະແລ້ວ ຍ່ອມເປັນຜູ້ມີສ່ວນແຫ່ງພະລະອັນເປັນທິພຫຼືເປັນຂອງມະນຸສ.

ພິກຂຸທັງຫຼາຍ ! ຜູ້ໃຫ້ໂພຊະນະ ຊື່ວ່າຍ່ອມໃຫ້ຖານະ ໔ ຢ່າງນີ້ແລ ແກ່ປະຕິຄາຫົກ.

(ຄາຖາຜະນວກທ້າຍພຣະສູຕ)

ຜູ້ໃດຍ່ອມໃຫ້ໂພຊະນະໂດຍເຄົາຣົບ ຕາມກາລອັນຄວນແກ່ທ່ານຜູ້ສັງລວມ ບໍຣິໂພກໂພຊະນະທີ່ຜູ້ອື່ນໃຫ້ເປັນຢູ່ ຜູ້ນັ້ນຊື່ວ່າໃຫ້ຖານະທັງ ໔ ຢ່າງ ຄື ອາຍຸ ວັນນະ ສຸຂະ ແລະພະລະ

ຜູ້ມີປົກກະຕິໃຫ້ອາຍຸ ວັນນະ ສຸຂະ ພະລະ ຈະເກີດໃນທີ່ບ່ອນໃດໆ ຍ່ອມເປັນຜູ້ມີອາຍຸຍືນ ມີຍົສໃນບ່ອນນັ້ນໆ.

ໜັງສືພຸດທະພົຈນ໌ - ໝວດທັມ : ທານະ (ການໃຫ້)

ພິກຂຸທັງຫຼາຍ ! ຜູ້ໃຫ້ໂພຊະນະ ຊື່ວ່າໃຫ້ຖານະ ໕ ຢ່າງແກ່ປະຕິຄາຫົກ ໕ ຢ່າງເປັນແນວໃດ ຄື ໃຫ້ອາຍຸ ໃຫ້ວັນນະ ໃຫ້ສຸຂ ໃຫ້ກຳລັງ ໃຫ້ປະຕິພານ ຄັນໃຫ້ອາຍຸແລ້ວ ຍ່ອມເປັນຜູ້ມີສ່ວນແຫ່ງອາຍຸ ອັນເປັນທິພຫຼືເປັນຂອງມະນຸສ ຄັນໃຫ້ວັນນະແລ້ວ ຍ່ອມເປັນຜູ້ມີສ່ວນແຫ່ງວັນນະ ອັນເປັນທິພຫຼືເປັນຂອງມະນຸສ ຄັນໃຫ້ສຸຂແລ້ວ ຍ່ອມເປັນຜູ້ມີສ່ວນແຫ່ງສຸຂ ອັນເປັນທິພຫຼືເປັນຂອງມະນຸສ ຄັນໃຫ້ກຳລັງແລ້ວ ຍ່ອມເປັນຜູ້ມີສ່ວນແຫ່ງກຳລັງ ອັນເປັນທິພຫຼືເປັນຂອງມະນຸສ ຄັນໃຫ້ປະຕິພານແລ້ວ ຍ່ອມເປັນຜູ້ມີສ່ວນແຫ່ງປະຕິພານ ອັນເປັນທິພຫຼືເປັນຂອງມະນຸສ.

ພິກຂຸທັງຫຼາຍ ! ຜູ້ໃຫ້ໂພຊະນະ ຊື່ວ່າຍ່ອມໃຫ້ຖານະ ໕ ຢ່າງນີ້ແລແກ່ປະຕິຄາຫົກ.

(ຄາຖາຜະນວກທ້າຍພຣະສູຕ)

ຜູ້ມີປັນຍາ ໃຫ້ອາຍຸຍ່ອມໄດ້ອາຍຸ ໃຫ້ກຳລັງຍ່ອມໄດ້ກຳລັງ ໃຫ້ວັນນະຍ່ອມໄດ້ວັນນະ ໃຫ້ປະຕິພານຍ່ອມໄດ້ປະຕິພານ ໃຫ້ສຸຂຍ່ອມໄດ້ສຸຂ ຄັນໃຫ້ອາຍຸ ກຳລັງ ວັນນະ ສຸຂະ ແລະປະຕິພານແລ້ວ ຈະເກີດໃນທີ່ບ່ອນໃດໆ ຍ່ອມເປັນຜູ້ມີອາຍຸຍືນ ມີຍົສໃນບ່ອນນັ້ນໆ.

ໜັງສືພຸດທະພົຈນ໌ - ໝວດທັມ : ທານະ (ການໃຫ້)

ຜູ້ໃຫ້ເຂົ້າຍາຄູ ກໍຊື່ວ່າ ໃຫ້ອາຍຸ

ວັນນະ ສຸຂະ ພະລະ ແລະປະຕິພານ ໐໖

- ບາລີ ມະຫາ. ວິ. ໕/໗໖/໖໑.