ທານ

ບຸຣຸສຊາຕບັນດິຕ ຍ່ອມສຳເລັດການຢູ່ໃນບ່ອນໃດ

ຍ່ອມເຊີນທ່ານຜູ້ມີສີລ ຜູ້ສັງລວມແລະປະພຶຕພຣົມມະຈັນໃຫ້ບໍຣິໂພກໃນທີ່ບ່ອນນັ້ນ

ຄວນອຸທິສທັກຂິນາ ເພື່ອເທວະດາຜູ້ສະຖິດຢູ່ໃນບ່ອນນັ້ນໆ

ເທວະດາເຫຼົ່ານັ້ນອັນບຸຣຸສຊາຕບັນດິຕນັບຖືບູຊາແລ້ວຍ່ອມນັບຖືບູຊາຕອບ

ແຕ່ນັ້ນຍ່ອມອະນຸເຄາະບຸຣຸສຊາຕບັນດິຕນັ້ນ ເໝືອນດັ່ງມານດາອະນຸເຄາະບຸຕ

ບຸຣຸສຜູ້ນັ້ນເທວະດາອະນຸເຄາະແລ້ວ ກໍຍ່ອມເຖິງຄວາມຈະເຣີນທຸກເມື່ອ.

ໜັງສືພຸດທະພົຈນ໌ - ໝວດທັມ : ທານະ (ການໃຫ້)

ຄວາມຂີ້ຖີ່

ຂວາງກັ້ນການເຮັດໃຫ້ແຈ້ງຊຶ່ງມັຄຜົລ ໒໑

- ບາລີ ປນຈກ. ອັງ. ໒໒/໓໐໒/໒໕໖໒໕໗.

ພິກຂຸທັງຫຼາຍ ! ເພາະບໍ່ລະທັມ ໕ ຢ່າງ ບຸກຄົນຈຶ່ງບໍ່ອາດເຂົ້າຢູ່ ຊຶ່ງປະຖົມຊານ ທຸຕິຍະຊານ ຕະຕິຍະຊານ ຈະຕຸຖະຊານ ບໍ່ອາດເພື່ອເຮັດໃຫ້ແຈ້ງຊຶ່ງໂສດາປັຕຕິຜົລ ສະກະທາຄາມິຜົລ ອະນາຄາມິຜົລ ອະຣະຫັນຕະຜົລ ທັມ ໕ ຢ່າງເປັນແນວໃດ ຄື

(໑) ຄວາມຂີ້ຖີ່ອາວາສ

(໒) ຄວາມຂີ້ຖີ່ຕະກູລ

(໓) ຄວາມຂີ້ຖີ່ລາບ

(໔) ຄວາມຂີ້ຖີ່ວັນນະ (ຄວາມດີ)

(໕) ຄວາມຂີ້ຖີ່ທັມ (ເຄື່ອງໃຫ້ບັນລຸມັຄຜົລ)

(ຕໍ່ຈາກນີ້ ໄດ້ຕຣັດໂດຍນັຍກົງກັນຂ້າມ ເຖິງການລະທັມ ໕ ຢ່າງນັ້ນແລ້ວ ສາມາດເພື່ອເຂົ້າຢູ່ໃນຊານແລະເຮັດໃຫ້ແຈ້ງຊຶ່ງມັຄຜົລ).

ໜັງສືພຸດທະພົຈນ໌ - ໝວດທັມ : ທານະ (ການໃຫ້)

ຄວາມຂີ້ຖີ່ຄືມົນທິນ ໒໒

- ບາລີ ສັຕຕກ. ອັງ. ໒໓/໑໙໘/໑໐໕.

ພິກຂຸທັງຫຼາຍ ! ມົນທິນ (ຄວາມມົວໝອງ) ໘ ປະການນີ້ ມີຢູ່ ໘ ປະການ ເປັນແນວໃດ ຄື

(໑) ມົນຕ໌ມີການບໍ່ທ່ອງຈົ່ມເປັນມົນທິນ

(໒) ຄວາມບໍ່ດຸໝັ່ນເປັນມົນທິນຂອງເຮືອນ

(໓) ຄວາມກຽດຄ້ານເປັນມົນທິນຂອງຜິວພັນ

(໔) ຄວາມປະມາດເປັນມົນທິນຂອງຜູ້ຮັກສາ

(໕) ຄວາມປະພຶຕຊົ່ວເປັນມົນທິນຂອງຍິງ

(໖) ຄວາມຂີ້ຖີ່ເປັນມົນທິນຂອງຜູ້ໃຫ້

(໗) ອະກຸສົລທັມອັນເປັນບາບເປັນມົນທິນແທ້ທັງໂລກນີ້

ແລະໂລກໜ້າ

(໘) ເຮົາຈະບອກມົນທິນທີ່ຍິ່ງກວ່າມົນທິນນັ້ນ ຄື

ອະວິຊຊາເປັນມົນທິນຢ່າງຍິ່ງ.

ໜັງສືພຸດທະພົຈນ໌ - ໝວດທັມ : ທານະ (ການໃຫ້)

ເຫດໃຫ້ໄປນະຣົກ ສະຫວັນ ໒໓

- ບາລີ ເອກ. ອັງ. ໒໐/໑໓໒/໔໔໙.

ພິກຂຸທັງຫຼາຍ ! ບຸກຄົນຜູ້ປະກອບດ້ວຍທັມ ໓ ປະການ ແລະບໍ່ລະມົນທິນ ໓ ປະການ ຍ່ອມຈະຖືກເກັບໄວ້ໃນນະຣົກ ເໝືອນຖືກຂັງໄວ້ສະນັ້ນ ທັມ ໓ ປະການເປັນແນວໃດ ຄື

(໑) ເປັນຜູ້ທຸສີລແລະບໍ່ລະມົນທິນແຫ່ງຄວາມເປັນຜູ້ທຸສີລ

(໒) ເປັນຜູ້ຣິສະຫຍາແລະບໍ່ລະມົນທິນແຫ່ງຄວາມຣິສະຫຍາ

(໓) ເປັນຜູ້ຂີ້ຖີ່ແລະບໍ່ລະມົນທິນແຫ່ງຄວາມຂີ້ຖີ່

ພິກຂຸທັງຫຼາຍ ! ບຸກຄົນປະກອບດ້ວຍທັມ ໓ ປະການນີ້ແລະບໍ່ລະມົນທິນ ໓ ປະການນີ້ແລ ຈະຕ້ອງຕົກນະຣົກເໝືອນຖືກນຳໄປຝັງໄວ້ສະນັ້ນ.

ພິກຂຸທັງຫຼາຍ ! ບຸກຄົນຜູ້ປະກອບດ້ວຍທັມ ໓ ປະການ ລະມົນທິນ ໓ ປະການ ຍ່ອມຈະປະດິດສະຖານຢູ່ເທິງສະຫວັນ ເໝືອນຖືກນຳເອົາມາວາງໄວ້ສະນັ້ນ ທັມ ໓ ປະການເປັນແນວໃດ ຄື

(໑) ເປັນຜູ້ມີສີລແລະລະມົນທິນແຫ່ງຄວາມເປັນຜູ້ທຸສີລ

(໒) ເປັນຜູ້ບໍ່ຣິສະຫຍາແລະລະມົນທິນແຫ່ງຄວາມຣິສະຫຍາ

(໓) ເປັນຜູ້ບໍ່ຂີ້ຖີ່ແລະລະມົນທິນແຫ່ງຄວາມຂີ້ຖີ່

ໜັງສືພຸດທະພົຈນ໌ - ໝວດທັມ : ທານະ (ການໃຫ້)

ພິກຂຸທັງຫຼາຍ ! ບຸກຄົນຜູ້ປະກອບດ້ວຍທັມ ໓ ປະການນີ້ ແລະລະມົນທິນ ໓ ປະການນີ້ແລ ຍ່ອມຈະຕ້ອງໄດ້ຂຶ້ນສະຫວັນ ເໝືອນກັບເຊີນໄປວາງໄວ້ສະນັ້ນ.

ໜັງສືພຸດທະພົຈນ໌ - ໝວດທັມ : ທານະ (ການໃຫ້)

ວິບາກຂອງຄົນຂີ້ຖີ່ແລະບໍ່ຂີ້ຖີ່ ໒໔

- ບາລີ ສະຄາຖ. ສັງ. ໑໕/໔໖/໑໔໘-໑໕໑.

ເທວະດາທູນຖາມວ່າ