ຄູ່ມືກາຣຈະເຣີນເມຕຕາ

ອຸບາລີ! ພິກຂຸຜູ້ໂຈດໂດຍເປັນທັມ ຍ່ອມເຖິງຄວາມບໍ່ເດືອດຮ້ອນດ້ວຍ ໕ ອາກາຣນີ້ ຂໍ້ນັ້ນເປັນເພາະເຫຕໃດ?

ເພາະແມ່ນແຕ່ພິກຂຸອື່ນກໍສຳຄັນວ່າ ຄວນໂຈດດ້ວຍເຣື່ອງຈິງ.

ກໍພິກຂຸຜູ້ຖືກໂຈດໂດຍທັມຍ່ອມເຖິງຄວາມເດືອດຮ້ອນດ້ວຍອາກາຣເທົ່າໃດ ພຣະອົງຄ໌ຜູ້ຈະເຣີນ?

ອຸບາລີ! ພິກຂຸຜູ້ຖືກໂຈດໂດຍທັມ ຍ່ອມເຖິງຄວາມເດືອດຮ້ອນດ້ວຍ ໕ ອາກາຣຄື:

ເຂົາຖືກໂຈດໂດຍກາລອັນຄວນ ບໍ່ໄດ້ຖືກໂຈດໂດຍກາລ

ອັນບໍ່ຄວນ ເຂົາຕ້ອງເດືອດຮ້ອນ.

ເຂົາຖືກໂຈດດ້ວຍເຣື່ອງຈິງ ບໍ່ໄດ້ຖືກໂຈດດ້ວຍເຣື່ອງບໍ່ຈິງ

ເຂົາຕ້ອງເດືອດຮ້ອນ.

ເຂົາຖືກໂຈດດ້ວຍຄຳສຸພາບ ບໍ່ໄດ້ຖືກໂຈດດ້ວຍຄຳຫຍາບ

ເຂົາຕ້ອງເດືອດຮ້ອນ.

ເຂົາຖືກໂຈດດ້ວຍເຣື່ອງປະກອບດ້ວຍປະໂຍຊນ໌ ບໍ່ໄດ້ຖືກ

ໂຈດດ້ວຍເຣື່ອງບໍ່ປະກອບດ້ວຍປະໂຍຊນ໌ ເຂົາຕ້ອງ

ເດືອດຮ້ອນ.

ເຂົາຖືກໂຈດດ້ວຍເມຕຕາຈິຕ ບໍ່ໄດ້ຖືກໂຈດດ້ວຍຄວາມ

ປະສົງຮ້າຍ ເຂົາຕ້ອງເດືອດຮ້ອນ.

ອຸບາລີ! ພິກຂຸຜູ້ຖືກໂຈດໂດຍທັມ ຍ່ອມເຖິງຄວາມ

ເດືອດຮ້ອນດ້ວຍ ໕ ອາກາຣນີ້ແລ.

ພິກຂຸຜູ້ໂຈດປາຖນາຈະໂຈດຜູ້ອື່ນ ຄວນມະນະສິກາຣທັມເທົ່າໃດໄວ້ໃນຕົນ ແລ້ວຈິ່ງໂຈດຜູ້ອື່ນ ພຣະອົງຄ໌ຜູ້ຈະເຣີນ?

ອຸບາລີ! ພິກຂຸຜູ້ໂຈດ ປາຖນາຈະໂຈດຜູ້ອື່ນ ຄວນມະນະສິກາຣທັມ ໕ ຢ່າງໄວ້ໃນຕົນແລ້ວຈິ່ງໂຈດຜູ້ອື່ນຄື:

ຄວາມສົງສານ (ກາຣຸນຍະຕາ)

ຄວາມຫວັງປະໂຍຊນ໌ (ຫິເຕສິຕາ)

ຄວາມເອັນດູ (ອະນຸກັມປິຕາ)

ຄວາມອອກຈາກອາບັຕ (ອາປັຕຕິວຸຕ ຖານະຕາ)

ຄວາມກະທຳວິນັຍອັນເປັນເບື້ອງຕົ້ນ

(ວິນະຍະປຸເຣກຂາຣະຕາຕິ)

ອຸບາລີ! ພິກຂຸຜູ້ໂຈດ ປາຖນາຈະໂຈດຜູ້ອື່ນ ຄວນມະນະສິກາຣທັມ ໕ ຢ່າງນີ້ແລໄວ້ໃນຕົນແລ້ວຈິ່ງໂຈດຜູ້ອື່ນ.

ພິກຂຸຜູ້ຖືກໂຈດຄວນຕັ້ງຢູ່ໃນທັມເທົ່າໃດ ພຣະອົງຄ໌ຜູ້ຈະເຣີນ?

ອຸບາລີ! ພິກຂຸຜູ້ຖືກໂຈດຄວນຕັ້ງຢູ່ໃນທັມ ໒ ປະກາຣຄື: ຄວາມຈິງ ໑, ຄວາມບໍ່ຂັດເຄືອງ ໑.

ວິນັຍປິດົກ ຈຸລະວັກ ພາກ ໒ ໗/໒໐໐-໒໐໓/໕໐໘-໕໑໑

ວິທີຣະງັບຄວາມອາຄາຕ

ພິກຂຸທັງຫລາຍ! ທັມເປັນທີ່ຣະງັບຄວາມອາຄາຕ [ອາຄາຕະປະຕິວິນະຍາ] ເຊິ່ງເກີດຂຶ້ນແກ່ພິກຂຸໂດຍປະກາຣທັງປວງ ໕ ປະກາຣນີ້; ໕ ປະກາຣເປັນຢ່າງໃດ? ຄື:

ຄວາມອາຄາຕເກີດຂຶ້ນໃນບຸຄຄົລໃດ ຄວນຈະເຣີນເມຕຕາໃນບຸຄຄົລນັ້ນ ໑

ຄວາມອາຄາຕເກີດຂຶ້ນໃນບຸຄຄົລໃດ ຄວນຈະເຣີນກະຣຸນາໃນບຸຄຄົລນັ້ນ ໑

ຄວາມອາຄາຕເກີດຂຶ້ນໃນບຸຄຄົລໃດ ຄວນຈະເຣີນອຸເປກຂາໃນບຸຄຄົລນັ້ນ ໑

ຄວາມອາຄາຕເກີດຂຶ້ນໃນບຸຄຄົລໃດ ບໍ່ຄວນນຶກບໍ່ຄວນມະນະສິກາຣ [ອະສະຕິອະມະນະສິກາໂຣ] ໃນບຸຄຄົລນັ້ນ ໑

ຄວາມອາຄາຕເກີດຂຶ້ນໃນບຸຄຄົລໃດ ຄວນນຶກເຖິງຄວາມເປັນຜູ້ມີກັມເປັນຂອງໆຕົນໃຫ້ໝັ້ນໃນບຸຄຄົລນັ້ນວ່າ ທ່ານຜູ້ນີ້ເປັນຜູ້ມີກັມເປັນຂອງໆຕົນ ເປັນທາຍາຕແຫ່ງກັມ ມີກັມເປັນກຳເນີດ ມີກັມເປັນເຜົ່າພັນ ມີກັມເປັນທີ່ເພິ່ງອາສັຍ ກະທຳກັມໃດໄວ້ ດີກໍຕາມ ຊົ່ວກໍຕາມ ຈັກເປັນຜູ້ຮັບຜົລຂອງກັມນັ້ນ ດັ່ງນີ້ ໑

ພິກຂຸຄວນຣະງັບຄວາມອາຄາຕໃນບຸຄຄົລນັ້ນດັ່ງນີ້.

ພິກຂຸທັງຫລາຍ! ທັມເປັນທີ່ຣະງັບຄວາມອາຄາຕເຊິ່ງເກີດຂຶ້ນແກ່ພິກຂຸໂດຍປະກາຣທັງປວງ ໕ ປະກາຣນີ້ແລ.

ອັງຄຸຕຕະຣະນິກາຍ ປັນຈະກະ-ສັກກະນິບາຕ ໒໒/໑໖໘/໑໖໑

ຈະເຣີນເມຕຕາເພື່ອລະໂທສະ

ພິກຂຸທັງຫລາຍ! ທັມ ໓ ປະກາຣນີ້, ໓ ປະກາຣເປັນຢ່າງໃດ? ຄື:

ຣາຄະ,

ໂທສະ,

ໂມຫະ,

ພິກຂຸທັງຫລາຍ! ທັມ ໓ ປະກາຣນີ້ແລ.

ພິກຂຸທັງຫລາຍ! ທັມ ໓ ປະກາຣນີ້ ພິກຂຸຄວນຈະເຣີນເພື່ອລະທັມ ໓ ປະກາຣນັ້ນ, ໓ ປະກາຣເປັນຢ່າງໃດ? ຄື:

ອະສຸພະ ອັນພິກຂຸຄວນຈະເຣີນເພື່ອລະຣາຄະ

ເມຕຕາ ອັນພິກຂຸຄວນຈະເຣີນເພື່ອລະໂທສະ

ປັນຍາ ອັນພິກຂຸຄວນຈະເຣີນເພື່ອລະໂມຫະ

ພິກຂຸທັງຫລາຍ! ທັມ ໓ ປະກາຣນີ້ແລ ພິກຂຸຄວນຈະເຣີນເພື່ອລະທັມ ໓ ປະກາຣເຫລົ່ານັ້ນ.

ອັງຄຸຕຕະຣະນິກາຍ ປັນຈະກະ-ສັກກະນິບາຕ ໒໒/໓໙໙/໓໗໘

ບຸຄຄົລປຽບເໝືອນຮອຍຂີດ

ພິກຂຸທັງຫລາຍ ບຸຄຄົລ ໓ ຈໍາພວກນີ້ມີປາກົຕຢູ່ໃນໂລກ, ໓ ຈໍາພວກເປັນຢ່າງໃດ? ຄື:

ບຸຄຄົລປຽບດ້ວຍຮອຍຂີດທີ່ແຜ່ນຫີນ ໑

ບຸຄຄົລປຽບດ້ວຍຮອຍຂີດທີ່ແຜ່ນດິນ ໑

ບຸຄຄົລປຽບດ້ວຍຮອຍຂີດທີ່ນໍ້າ ໑

ພິກຂຸທັງຫລາຍ! ກໍບຸຄຄົລປຽບດ້ວຍຮອຍຂີດທີ່ແຜ່ນຫີນ ເປັນຢ່າງໃດ?