ຄູ່ມືກາຣຈະເຣີນເມຕຕາ

ສມັຍໜຶ່ງ ພຣະຜູ້ມີພຣະພາຄປະທັບຢູ່ທີ່ໂຄສິຕາຣາມ ໃກ້ພຣະນະຄອຣໂກສັມພີ ກໍສມັຍນັ້ນ ເມື່ອພຣະເຈົ້າອຸເທນສະເດັຈປະພາສພຣະຣາຊະອຸທິຍານ ພາຍໃນພຣະຣາຊະວັງຖືກໄຟໄໝ້ ຍິງ ໕໐໐ ຄົນ ມີພຣະນາງສາມາວະດີເປັນປະມຸຂໄດ້ທຳກາລະລົງ.

ຄັ້ງນັ້ນເປັນເວລາເຊົ້າ ພິກຂຸຫລາຍອົງຄ໌ດ້ວຍກັນນຸ່ງຮົ່ມແລ້ວ ຖືບາຕແລະຈີວອຣເຂົ້າໄປບິນທະບາຕໃນພຣະນະຄອຣໂກສັມພີ ເມື່ອກັບຈາກບິນທະບາຕໃນພຣະນະຄອຣໂກສັມພີພາຍຫລັງສັນບິນທະບາຕແລ້ວ ເຂົ້າໄປເຝົ້າພຣະຜູ້ມີພຣະພາຄເຖິງທີ່ປະທັບ ອະພິວາທແລ້ວນັ່ງໃນທີ່ຄວນສ່ວນຂ້າງໜຶ່ງ ໄດ້ທູລຖາມພຣະຜູ້ມີພຣະ ພາຄວ່າ:

ຂ້າແຕ່ພຣະອົງຄ໌ຜູ້ຈະເຣີນ! ຂໍປະທານໂອກາສ ເມື່ອພຣະເຈົ້າອຸເທນສະເດັຈປະພາສພຣະຣາຊະອຸທິຍານ ພາຍໃນພຣະຣາຊະວັງຖືກໄຟໄໝ້ ຍິງ ໕໐໐ ຄົນ ມີພຣະນາງສາມາວະດີເປັນປະມຸຂໄດ້ທຳກາລະລົງ; ຄະຕິຂອງອຸປາສິກາເຫລົ່ານັ້ນເປັນຢ່າງໃດ? ພົພໜ້ານັ້ນເປັນແນວໃດ ພຣະອົງຄ໌ຜູ້ຈະເຣີນ?

ພິກຂຸທັງຫລາຍ! ບັນດາອຸປາສິກາເຫລົ່ານັ້ນ ອຸປາສິກາທີ່ເປັນໂສດາບັນມີຢູ່ ເປັນສະກະທາຄາມີມີຢູ່ ເປັນອະນາ ຄາມີມີຢູ່.

ພິກຂຸທັງຫລາຍ! ອຸປາສິກາທັງໝົດນັ້ນເປັນຜູ້ບໍ່ໄຮ້ຜົລທຳກາລະ.

ລຳດັບນັ້ນ ພຣະຜູ້ມີພຣະພາຄຊົງຊາບເນື້ອຄວາມນັ້ນແລ້ວ ຊົງເປັ່ງອຸທານໃນເວລານັ້ນວ່າ:

ສັຕໂລກມີໂມຫະເປັນເຄື່ອງຜູກພັນ ຍ່ອມປາກົຕເໝືອນສົມບູນດ້ວຍເຫຕ; ຄົນພາລມີອຸປະທິເປັນເຄື່ອງຜູກພັນ ຖືກຄວາມມືດຫໍ່ຫຸ້ມໄວ້ ຍ່ອມປາກົຕເໝືອນວ່າທ່ຽງຢັ້ງຢືນ; ກິເລສເຄື່ອງກັງວົນ ຍ່ອມບໍ່ມີແກ່ຜູ້ພິຈາຣະນາເຫັນຢູ່.

(ພຣະຜູ້ມີພຣະພາຄຊົງສັນລະເສີນພຣະນາງສາມາວະດີວ່າ ເລີດກວ່າອຸປາສິກາສາວິກາຂອງພຣະອົງຄ໌ ຜູ້ມີປົກກະຕິຢູ່ດ້ວຍເມຕຕາ)

ຂຸທທະກະນິກາຍ ຂຸທທະກະປາຖະ-ທັມມະບົທ-ອຸທານ-ອິຕິວຸຕຕະກະ-ສຸຕຕະນິບາຕ ໒໕/໑໔໑-໑໔໒/໑໕໗

ກາຣໂຈດທີ່ເດືອດຮ້ອນແລະບໍ່ເດືອດຮ້ອນ

ພິກຂຸຜູ້ໂຈດໂດຍບໍ່ເປັນທັມຍ່ອມເຖິງຄວາມເດືອດຮ້ອນດ້ວຍອາກາຣເທົ່າໃດໜໍ ພຣະອົງຄ໌ຜູ້ຈະເຣີນ?

ອຸບາລີ! ພິກຂຸຜູ້ໂຈດໂດຍບໍ່ເປັນທັມຍ່ອມເຖິງຄວາມເດືອດຮ້ອນດ້ວຍ ໕ ອາກາຣຄື:

ເຂົາໂຈດໂດຍກາລອັນບໍ່ຄວນ ບໍ່ໂຈດໂດຍກາລອັນຄວນ

ເຂົາຕ້ອງເດືອດຮ້ອນ.

ເຂົາໂຈດດ້ວຍເຣື່ອງບໍ່ຈິງ ບໍ່ໂຈດດ້ວຍເຣື່ອງຈິງ ເຂົາຕ້ອງ

ເດືອດຮ້ອນ.

ເຂົາໂຈດດ້ວຍຄຳຫຍາບ ບໍ່ໂຈດດ້ວຍຄຳສຸພາບ ເຂົາຕ້ອງ

ເດືອດຮ້ອນ.

ເຂົາໂຈດດ້ວຍເຣື່ອງບໍ່ປະກອບດ້ວຍປະໂຍຊນ໌ ບໍ່ໂຈດ

ດ້ວຍເຣື່ອງປະກອບດ້ວຍປະໂຍຊນ໌ ເຂົາຕ້ອງເດືອດຮ້ອນ

ເຂົາໂຈດດ້ວຍຄວາມປະສົງຮ້າຍ ບໍ່ໂຈດດ້ວຍຄວາມມີເມຕ

ຕາຈິຕ ເຂົາຕ້ອງເດືອດຮ້ອນ.

ພິກຂຸຜູ້ຖືກໂຈດໂດຍບໍ່ເປັນທັມ ບໍ່ຕ້ອງເດືອດຮ້ອນດ້ວຍອາກາຣເທົ່າໃດໜໍ ພຣະອົງຄ໌ຜູ້ຈະເຣີນ?

ອຸບາລີ! ພິກຂຸຜູ້ຖືກໂຈດໂດຍບໍ່ເປັນທັມ ບໍ່ຕ້ອງເດືອດຮ້ອນດ້ວຍ ໕ ອາກາຣຄື:

ເຂົາຖືກໂຈດໂດຍກາລອັນບໍ່ຄວນ ບໍ່ໂຈດໂດຍກາລອັນ

ຄວນ ເຂົາບໍ່ຕ້ອງເດືອດຮ້ອນ.

ເຂົາຖືກໂຈດດ້ວຍເຣື່ອງບໍ່ຈິງ ບໍ່ໄດ້ຖືກໂຈດດ້ວຍເຣື່ອງ

ຈິງ ເຂົາບໍ່ຕ້ອງເດືອດຮ້ອນ.

ເຂົາຖືກໂຈດດ້ວຍຄຳຫຍາບ ບໍ່ຖືກໂຈດດ້ວຍຄຳສຸພາບ ເຂົາບໍ່ຕ້ອງເດືອດຮ້ອນ.

ເຂົາຖືກໂຈດດ້ວຍເຣື່ອງທີ່ບໍ່ປະກອບດ້ວຍປະໂຍຊນ໌ ບໍ່ຖືກ

ໂຈດດ້ວຍເຣື່ອງທີ່ປະກອບດ້ວຍປະໂຍຊນ໌ ເຂົາບໍ່ຕ້ອງ

ເດືອດຮ້ອນ.

ເຂົາຖືກໂຈດດ້ວຍຄວາມປະສົງຮ້າຍ ບໍ່ຖືກໂຈດດ້ວຍ

ຄວາມມີເມຕຕາຈິຕ ເຂົາບໍ່ຕ້ອງເດືອດຮ້ອນ.

ພິກຂຸຜູ້ໂຈດໂດຍເປັນທັມ ຍ່ອມເຖິງຄວາມບໍ່ເດືອດຮ້ອນ ດ້ວຍອາກາຣເທົ່າໃດ ພຣະອົງຄ໌ຜູ້ຈະເຣີນ?

ອຸບາລີ! ພິກຂຸຜູ້ໂຈດໂດຍເປັນທັມ ຍ່ອມເຖິງຄວາມບໍ່ເດືອດຮ້ອນດ້ວຍ ໕ ອາກາຣຄື:

ເຂົາໂຈດໂດຍກາລອັນຄວນ ບໍ່ໄດ້ໂຈດໂດຍກາລອັນບໍ່

ຄວນ ເຂົາບໍ່ຕ້ອງເດືອດຮ້ອນ.

ເຂົາໂຈດດ້ວຍເຣື່ອງຈິງ ບໍ່ໄດ້ໂຈດດ້ວຍເຣື່ອງບໍ່ຈິງ

ເຂົາບໍ່ຕ້ອງເດືອດຮ້ອນ.

ເຂົາໂຈດດ້ວຍຄຳສຸພາບ ບໍ່ໄດ້ໂຈດດ້ວຍຄຳຫຍາບ

ເຂົາບໍ່ຕ້ອງເດືອດຮ້ອນ.

ເຂົາໂຈດດ້ວຍເຣື່ອງທີ່ປະກອບດ້ວຍປະໂຍຊນ໌ ບໍ່ໄດ້ໂຈດ

ດ້ວຍເຣື່ອງທີ່ບໍ່ປະກອບດ້ວຍປະໂຍຊນ໌ ເຂົາບໍ່ຕ້ອງ

ເດືອດຮ້ອນ.

ເຂົາໂຈດດ້ວຍຄວາມມີເມຕຕາຈິຕ ບໍ່ໄດ້ໂຈດດ້ວຍຄວາມ

ປະສົງຮ້າຍ ເຂົາບໍ່ຕ້ອງເດືອດຮ້ອນ.