ຄະຣາວາສຊັ້ນເລີດ

ຢ່າງສູງສຸດ ໐໓

- ບາລີ ທຸກ. ອັງ. ໒໐/໗໘/໒໗໘.

ພິກຂຸທັງຫຼາຍ ! ເຮົາກ່າວການຕອບແທນ ບໍ່ໄດ້ງ່າຍແກ່ທ່ານທັງສອງ. ທ່ານທັງສອງຄືໃຜໜໍ ? ຄື ມານດາ ໑ ບິດາ ໑

ພິກຂຸທັງຫຼາຍ ! ບຸຕຍ່ອມປະຄັບປະຄອງ ມານດາດ້ວຍບ່າເບື້ອງໜຶ່ງ ປະຄັບປະຄອງບິດາດ້ວຍບ່າເບື້ອງໜຶ່ງ ເຂົາມີອາຍຸ ມີຊີວິຕຢູ່ຕະຫຼອດຮ້ອຍປີ ແລະເຂົາຍ່ອມປະຕິບັດຕໍ່ທ່ານທັງສອງນັ້ນດ້ວຍການຮົມຢາ ບີບນວດ ການອາບນ້ຳແລະການຖູ ແລະທ່ານທັງສອງນັ້ນ ຍ່ອມຖ່າຍອຸດຈາຣະ ປັດສາວະເທິງບ່າທັງສອງຂອງເຂົານັ້ນເອງ. ພິກຂຸທັງຫຼາຍ ! ການກະທຳຢ່າງນັ້ນ ຍັງບໍໍ່ທັນຊື່ວ່າອັນບຸຕກະທຳແລ້ວ ຫຼືຕອບແທນແລ້ວແກ່ມານດາບິດາເລີຍ.

ພິກຂຸທັງຫຼາຍ ! ອັນໜຶ່ງ ບຸຕຍ່ອມສະຖາປະນາມານດາບິດາໃນຣາຊະສົມບັດ ອັນເປັນອິສະຣາທິປັດ ໃນແຜ່ນດິນໃຫຍ່ ອັນມີຣັຕຕະນະ ໗ ປະການມາກຫຼາຍນີ້ ການກະທຳຢ່າງນັ້ນ ຍັງບໍ່ທັນຊື່ວ່າອັນບຸຕກະທຳແລ້ວ ຫຼືຕອບແທນແລ້ວແກ່ມານດາບິດາເລີຍ. ຂໍ້ນັັ້ນເພາະເຫດໃດ ?

ຄະຣາວາສຊັ້ນເລີດ

ເພາະມານດາບິດາ ມີອຸປະກາຣະຫຼາຍ ບຳລຸງລ້ຽງ ສະແດງໂລກນີ້ແກ່ບຸຕທັງຫຼາຍ

ສ່ວນບຸຕຄົນໃດອະນຸເຄາະມານດາບິດາ ຜູ້ບໍ່ມີສັດທາ ໃຫ້ສະມາທານຕັ້ງໝັ້ນໃນສັດທາສັມປະທາ (ຄວາມເຖິງພ້ອມດ້ວຍສັດທາ).

ອະນຸເຄາະມານດາບິດາຜູ້ທຸສີລ ໃຫ້ສະມາທານຕັ້ງໝັ້ນໃນສີລະສັມປະທາ (ຄວາມເຖິງພ້ອມດ້ວຍສີລ).

ອະນຸເຄາະມານດາບິດາຜູ້ຂີ້ຖີ່ ໃຫ້ສະມາທານຕັ້ງໝັ້ນໃນຈາຄະສັມປະທາ (ຄວາມເຖິງພ້ອມດ້ວຍການບໍຣິຈາກ).

ອະນຸເຄາະມານດາບິດາຜູ້ມີປັນຍາຕໍ່າຊາມ ໃຫ້ສະມາທານ ຕັ້ງໝັ້ນໃນປັນຍາສັມປະທາ (ຄວາມເຖິງພ້ອມດ້ວຍປັນຍາ).

ພິກຂຸທັງຫຼາຍ ! ດ້ວຍເຫດມີປະມານເທົ່ານີ້ ແລະການກະທຳຢ່າງນັ້ນ ຍ່ອມຊື່ວ່າອັນບຸຕນັ້ນກະທຳແລ້ວ ແລະໄດ້ຕອບແທນແລ້ວແກ່ມານດາບິດາ.

ຄະຣາວາສຊັ້ນເລີດ

ພັຍທີ່ແມ່ລູກກໍຊ່ວຍເຫຼືອກັນບໍ່ໄດ້ ໐໔

- ບາລີ ຕິກ. ອັງ. ໒໐/໒໒໘-໒໓໑/໕໐໒.

ພິກຂຸທັງຫຼາຍ ! ປຸຖຸຊົນຜູ້ບໍ່ມີການສະດັບຟັງ ຍ່ອມກ່າວພັຍທີ່ມານດາແລະບຸຕຊ່ວຍກັນບໍ່ໄດ້ (ອະມາຕາປຸຕຕິກະພະຍະ) ວ່າມີຢູ່ ໓ ຢ່າງ ໓ ຢ່າງຄື:

ມີສະໄໝທີ່ໄຟໄໝ້ໃຫຍ່ ເກີດຂຶ້ນໄໝ້ໝູ່ບ້ານ ໄໝ້ນິຄົມ ໄໝ້ນະຄອນ ໃນສະໄໝນັ້ນມານດາບໍ່ໄດ້ບຸຕ (ເປັນຜູ້ຊ່ວຍເຫຼືອອັນໃດໄດ້), ບຸຕກໍບໍ່ໄດ້ມານດາ (ເປັນຜູ້ຊ່ວຍເຫຼືອອັນໃດໄດ້).

ພິກຂຸທັງຫຼາຍ ! ປຸຖຸຊົນຜູ້ບໍ່ມີການສະດັບຟັງ ຍ່ອມຮຽກພັຍນີ້ວ່າເປັນອະມາຕາປຸຕຕິກະພັຍ ຢ່່າງທີໜຶ່ງ.

ພິກຂຸທັງຫຼາຍ ! ຂໍ້ອື່ນຍັງມີອີກ ຄືມີສະໄໝທີ່ມະຫາເມຄາຕັ້ງຂຶ້ນ ເກີດນ້ຳຖ້ວມໃຫຍ່ ໄຫຼພັດໄປທັງໝູ່ບ້ານ ທັງນິຄົມ ທັງນະຄອນ. ສະໄໝນັ້ນມານດາບໍ່ໄດ້ບຸຕ (ເປັນຜູ້ຊ່ວຍເຫຼືອອັນໃດໄດ້), ບຸຕກໍບໍ່ໄດ້ມານດາ (ເປັນຜູ້ຊ່ວຍເຫຼືອອັນໃດໄດ້).

ພິກຂຸທັງຫຼາຍ ! ປຸຖຸຊົນຜູ້ບໍ່ມີການສະດັບຟັງ ຍ່ອມຮຽກພັຍນີ້ວ່າເປັນອະມາຕາປຸຕຕິກະພັຍ ຢ່່າງທີສອງ.

ຄະຣາວາສຊັ້ນເລີດ

ພິກຂຸທັງຫຼາຍ ! ຂໍ້ອື່ນຍັງມີອີກ ຄືມີສະໄໝທີ່ມີພັຍ ຄືການກຳເລີບ (ໂຈຣກະບົດ) ມາຈາກປ່າ ປະຊາຊົນຂຶ້ນຍານມີລໍ້ໜີກະແຈກກະຈາຍໄປ. ເມື່ອພັຍຢ່າງນີ້ເກີດຂຶ້ນ ສະໄໝນັ້ນມານດາບໍ່ໄດ້ບຸຕ (ເປັນຜູ້ຊ່ວຍເຫຼືອອັນໃດໄດ້), ບຸຕກໍບໍ່ໄດ້ມານດາ (ເປັນຜູ້ຊ່ວຍເຫຼືອອັນໃດໄດ້).

ພິກຂຸທັງຫຼາຍ ! ປຸຖຸຊົນຜູ້ບໍ່ມີການສະດັບຟັງ ຍ່ອມຮຽກພັຍນີ້ວ່າເປັນອະມາຕາປຸຕຕິກະພັຍ ຢ່່າງທີສາມ.

ພິກຂຸທັງຫຼາຍ ! ປຸຖຸຊົນຜູ້ບໍ່ມີການສະດັບຟັງ ຍ່ອມກ່າວພັຍທີ່ມານດາແລະບຸຕຊ່ວຍກັນບໍ່ໄດ້ ວ່າມີຢູ່ ໓ ຢ່າງ ເຫຼົ່ານີ້.