ຄະຣາວາສຊັ້ນເລີດ

ຄະຫະບໍດີບຸຕ ! ເມື່ອໃດອະຣິຍະສາວົກ ບໍ່ເຖິງເຊິ່ງສັນທາຄະຕິ ບໍ່ເຖິງເຊິ່ງໂທສາຄະຕິ ບໍ່ເຖິງເຊິ່ງໂມຫາຄະຕິ ບໍ່ເຖິງເຊິ່ງພະຍາຄະຕິ ເມື່ອນັ້ນຊື່ວ່າບໍ່ກະທຳກັມອັນເປັນບາບ ໂດຍຖານະທັງ ໔ ເຫຼົ່ານີ້, ດັ່ງນີ້.

ອະຣິຍະສາວົກ ບໍ່ເສບທາງເສື່ອມແຫ່ງໂພຄະ ໖ ທາງເປັນແນວໃດໜໍ ?

ຄະຫະບໍດີບຸຕ ! ການຕາມປະກອບໃນທັມເປັນທີ່ຕັ້ງແຫ່ງ

ຄະຣາວາສຊັ້ນເລີດ

ຄວາມປະມາດ ເນື່ອງດ້ວຍຂອງເມົາ ຄືສຸຣາແລະເມຣັຍ ເປັນທາງເສື່ອມແຫ່ງໂພຄະ, ການຕາມປະກອບໃນການທ່ຽວເຮຮາໃນເວລາວິກາລ ເປັນທາງເສື່ອມແຫ່ງໂພຄະ, ການທ່ຽວໄປໃນທີ່ຊຸມນຸມແຫ່ງຄວາມເມົາ ເປັນທາງເສື່ອມແຫ່ງໂພຄະ, ການຕາມປະກອບໃນທັມເປັນທີ່ຕັ້ງແຫ່ງຄວາມປະມາດຄືການພະນັນ ເປັນທາງເສື່ອມແຫ່ງໂພຄະ, ການຕາມປະກອບໃນຄວາມມີມິຕຊົ່ວ ເປັນທາງເສື່ອມແຫ່ງໂພຄະ, ການຕາມປະກອບໃນທາງກຽດຄ້ານ ເປັນທາງເສື່ອມແຫ່ງໂພຄະ.

ຄະຫະບໍດີບຸຕ ! ອະຣິຍະສາວົກເປັນຜູ້ປິດກັ້ນທິສທັງ ໖ ໂດຍສະເພາະແລ້ວ ເປັນແນວໃດໜໍ ?

ຄະຫະບໍດີບຸຕ ! ຈົ່ງຮູ້ວ່າ ທິສທັງ ໖ ເຫຼົ່ານີ້ມີຢູ່ຄື:

ຈົ່ງຮູ້ວ່າ ມານດາບິດາ ເປັນປຸຣັຕຖິມະທິສະ (ທິສເບື້ອງໜ້າ)

ຈົ່ງຮູ້ວ່າ ອາຈາຣຍ໌ ເປັນທັກຂິນະທິສະ (ທິສເບື້ອງຂວາ)

ຈົ່ງຮູ້ວ່າ ບຸຕພັນຣະຍາ ເປັນປັຈສິມະທິສະ (ທິສເບື້ອງຫຼັງ)

ຈົ່ງຮູ້ວ່າ ມິຕສະຫາຍ ເປັນອຸຕຕະຣະທິສະ (ທິສເບື້ອງຊ້າຍ)

ຈົ່ງຮູ້ວ່າ ທາສກັມມະກອນ ເປັນເຫຕຖິມະທິສະ (ທິສເບື້ອງຕໍ່າ)

ຈົ່ງຮູ້ວ່າ ສະມະນະພຣາມ ເປັນອຸປະຣິມະທິສະ (ທິສເບື້ອງເທິງ)

ຄະຣາວາສຊັ້ນເລີດ

ໜ້າທີ່ທີ່ຄວນປະຕິບັດຕໍ່ທິສເບື້ອງໜ້າ

ຄະຫະບໍດີບຸຕ ! ທິສເບື້ອງໜ້າຄື ມານດາບິດາ ອັນບຸຕຄວນປະຕິບັດຕໍ່ ໂດຍຖານະ ໕ ປະການຄື:

໑. ເພິ່ນລ້ຽງເຮົາມາແລ້ວ ຮູ້ຈັກລ້ຽງເພິ່ນຕອບ

໒. ເຮົາຈັກເຮັດວຽກຂອງທ່ານ

໓. ເຮົາຈັກດຳຣົງວົງຕະກຸນ

໔. ເຮົາຈັກປະພຶດຕົນໃຫ້ສົມເປັນທາຍາດ

໕. ເມື່ອເພິ່ນທຳກາລະລ່ວງລັບໄປແລ້ວທຳບຸນອຸທິສຫາ.

ຄະຫະບໍດີບຸຕ ! ທິສເບື້ອງໜ້າຄື ມານດາບິດາ ອັນບຸຕປະຕິບັດຕໍ່ໂດຍຖານະ ໕ ປະການເຫຼົ່ານີ້ແລ້ວ ຍ່ອມອະນຸເຄາະບຸຕໂດຍຖານະ ໕ ປະການ ຄື:

໑. ຫ້າມບໍ່ໃຫ້ເຮັດຊົ່ວ

໒. ໃຫ້ຕັ້ງຢູ່ໃນຄວາມດີ

໓. ໃຫ້ສຶກສາສິລະປະ

໔. ໃຫ້ມີຄູ່ຄອງທີ່ເໝາະສົມ

໕. ມອບມໍຣະດົກໃຫ້ເມື່ອສົມຄວນແກ່ເວລາ

ເມື່ອເປັນດັ່ງນີ້ ທິສເບື້ອງໜ້ານັ້ນ ເປັນອັນວ່າກຸນລະບຸຕນັ້ນ ປິດກັັ້ນແລ້ວ ເປັນທິສກະເສມ ບໍ່ມີພັຍເກີດຂຶ້ນ.

ຄະຣາວາສຊັ້ນເລີດ

ໜ້າທີ່ທີ່ຄວນປະຕິບັດຕໍ່ທິສເບື້ອງຂວາ

ຄະຫະບໍດີບຸຕ ! ທິສເບື້ອງຂວາຄື ຄູອາຈາຣຍ໌ ອັນສິດຄວນປະຕິບັດຕໍ່ໂດຍຖານະ ໕ ປະການຄື:

໑. ດ້ວຍການລຸກຂຶ້ນຢືນຮັບ

໒. ດ້ວຍການເຂົ້າໄປຄອຍຮັບໃຊ້

໓. ດ້ວຍການເຊື່ອຟັງຢ່າງຍິ່ງ

໔. ດ້ວຍການອຸປະຖາກກິດຈະການຕ່າງໆ

໕. ດ້ວຍການສຶກສາສິລະປະວິທະຍາໂດຍເຄົາຣົບ

ຄະຫະບໍດີບຸຕ ! ທິສເບື້ອງຂວາຄື ອາຈາຣຍ໌ ອັນສິດປະຕິບັດຕໍ່ໂດຍຖານະ ໕ ປະການເຫຼົ່ານີ້ແລ້ວ ຍ່ອມອະນຸເຄາະສິດໂດຍຖານະ ໕ ປະການ ຄື:

໑. ແນະນຳໃນທາງທີ່ດີ

໒. ໃຫ້ສຶກສາດີ

໓. ບອກສິລະປະວິທະຍາໂດຍບໍ່ປິດບັງ

໔. ເຮັດໃຫ້ເປັນທີ່ຮູ້ຈັກໃນມິຕສະຫາຍ

໕. ກະທຳການຄຸ້ມຄອງ ໃນທິສຕ່າງໆ.

ເມື່ອເປັນດັ່ງນີ້ ທິສເບື້ອງຂວານັ້ນເປັນອັນວ່າກຸນລະບຸຕນັ້ນ ປິດກັ້ນແລ້ວ ເປັນທິສກະເສມ ບໍ່ມີພັຍເກີດຂຶ້ນ.

ຄະຣາວາສຊັ້ນເລີດ

ໜ້າທີ່ທີ່ຄວນປະຕິບັດຕໍ່ທິສເບື້ອງຫຼັງ

ຄະຫະບໍດີບຸຕ ! ທິສເບື້ອງຫຼັງຄື ພັນຣະຍາ ອັນສາມີຄວນປະຕິບັດຕໍ່ໂດຍຖານະ ໕ ປະການ ຄື:

໑. ດ້ວຍການຍົກຍ້ອງ

໒. ດ້ວຍການບໍ່ດູໝິ່ນ

໓. ດ້ວຍການບໍ່ປະພຶດນອກໃຈ

໔. ດ້ວຍການມອບຄວາມເປັນໃຫຍ່ໃນໜ້າທີ່ໃຫ້

໕. ດ້ວຍການໃຫ້ເຄື່ອງປະດັບ.