ຄະຣາວາສຊັ້ນເລີດ

ເມື່ອຄິດຟຸ້ງຊ້ານ ຍ່ອມບໍ່ສັງລວມ

ເມື່ອບໍ່ສັງລວມ ຈິຕຍ່ອມອອກຫ່າງຈາກສະມາທິ”

- ບາລີ ສັຕຕກ. ອັງ. ໒໓/໘໙/໕໘.

ຄະຣາວາສຊັ້ນເລີດ

ວາຈາຂອງສະໃພ້ໃໝ່ ໑໗

- ບາລີ ຈຕຸກກ. ອັງ. ໒໑/໑໐໐/໗໓.

ພິກຂຸທັງຫຼາຍ ! ປຽບເໝືອນຍິງສະໃພ້ໃໝ່ອັນເຂົາຫາກໍນຳມາຊົ່ວຄືນຊົ່ວວັນ ຕະຫຼອດເວລາເທົ່ານັ້ນ ກໍຍັງມີຄວາມລະອາຍ ແລະຄວາມຢ້ານທີ່ດຳຣົງໄວ້ໄດ້ຢ່າງເຂັ້ມແຂງ ໃນແມ່ຜົວດ້ວຍ ໃນພໍ່ຜົວດ້ວຍ ໃນສາມີດ້ວຍ ແມ່ນໃນທີ່ສຸດແຕ່ໃນທາສກຳມະກອນຄົນໃຊ້.

ຄັນຜ່ານໄປໂດຍສະໄໝອື່ນ ເພາະອາໄສຄວາມຄຸ້ນເຄີຍກັນ ຍິງສະໃພ້ນັ້ນ ກໍຮ້າຍທັ່ງໃສ່ແມ່ຜົວແດ່ ພໍ່ຜົວແດ່ ແມ່ນແຕ່ກັບສາມີວ່າ “ຫຼີກໄປໆ ພວກສູຈະຮູ້ອັນໃດ” ນີ້ເຊັ່ນໃດ;

ພິກຂຸທັງຫຼາຍ ! ຂໍ້ນີ້ກໍເຊັ່ນນັ້ນ ພິກຂຸບາງອົງໃນທັມວິນັຍນີ້ ອອກບວດຈາກເຮືອນ ເປັນຜູ້ບໍ່ມີເຮືອນໄດ້ຊົ່ວຄືນຊົ່ວວັນ ຕະຫຼອດເວລາພຽງເທົ່ານັ້ນ ຫິຣິແລະໂອຕຕັບປະຂອງເຂົານັ້ນ ຍັງດຳຣົງຢູ່ຢ່າງເຂັ້ມແຂງ ໃນພິກຂຸ ໃນພິກຂຸນີ ໃນອຸບາສົກ ອຸບາສິກາ ແມ່ນທີ່ສຸດແຕ່ໃນຄົນວັຕແລະສາມະເນຣ.

ຄັນຜ່ານໄປໂດຍສະໄໝອື່ນ ເພາະອາໄສຄວາມຄຸ້ນເຄີຍກັນ ເຂົາກໍກ່າວດ່າທັ່ງໃສ່ອາຈາຣຍ໌ແດ່ ອຸປັດຊາແດ່ວ່າ “ຫຼີກໄປໆ ພວກທ່ານຈະຮູ້ອັນໃດ” ດັ່ງນີ້.

ຄະຣາວາສຊັ້ນເລີດ

ພິກຂຸທັງຫຼາຍ ! ເພາະເຫດນັ້ນ ໃນເລື່ອງນີ້

ພວກເຈົ້າທັງຫຼາຍຈົ່ງທຳການຝຶກຫັດສຶກສາດັ່ງນີ້ວ່າ

“ເຮົາຈັກຢູ່ຢ່າງມີຈິຕສະເໝີກັນກັບຍິງສະໃພ້ໃໝ່ ຜູ້ມາແລ້ວບໍ່ດົນ” ດັ່ງນີ້.

ຄະຣາວາສຊັ້ນເລີດ

ຕະຖາຄົຕຮູ້ແຈ້ງເຊິ່ງວາຈາໃດ ອັນຈິງ ອັນແທ້

ປະກອບດ້ວຍປະໂຍຊນ໌ ແຕ່ບໍ່ເປັນທີ່ຮັກທີ່ພໍໃຈຂອງຜູ້ອື່ນ

ຕະຖາຄົຕຍ່ອມເລືອກໃຫ້ເໝາະກາລະ

ເພື່ອກ່າວວາຈານັ້ນ.

- ບາລີ ມ. ມ. ໑໓/໙໑/໙໔.

ຄະຣາວາສຊັ້ນເລີດ

ວາຈາທີ່ບໍ່ມີໂທສ ໑໘

- ບາລີ ປັນຈກ. ອັງ. ໒໒/໒໗໑/໑໙໘.

ພິກຂຸທັງຫຼາຍ ! ວາຈາອັນປະກອບດ້ວຍອົງຄ໌ ໕ ປະການ ເປັນວາຈາສຸພາສິຕ ບໍ່ເປັນວາຈາທຸບພາສິຕ ເປັນວາຈາບໍ່ມີໂທສ ແລະວິນຍູຊົນບໍ່ຕິຕຽນ.

ອົງຄ໌ ໕ ປະການ ແນວໃດໜໍ ? ໕ ປະການ ຄື:

໑. ກ່າວແລ້ວຄວນແກ່ເວລາ (ກາເລນະ ພາສິຕາ ໂຫຕິ).

໒. ກ່າວແລ້ວຕາມສັຈຈິງ (ສັຈຈະ ພາສິຕາ ໂຫຕິ).

໓. ກ່າວແລ້ວຢ່າງອ່ອນຫວານ (ສັນຫາ ພາສິຕາ ໂຫຕິ).

໔. ກ່າວແລ້ວຢ່າງປະກອບດ້ວຍປະໂຍຊນ໌

(ອັຕຖະສັນຫິຕາ ພາສິຕາ ໂຫຕິ).

໕. ກ່າວແລ້ວດ້ວຍເມຕຕາຈິຕ

(ເມຕັຕຕະຈັຕເຕນະ ພາສິຕາ ໂຫຕິ).

ພິກຂຸທັງຫຼາຍ ! ວາຈາອັນປະກອບດ້ວຍອົງ ໕ ປະການ ເຫຼົ່ານີ້ແລ ເປັນວາຈາສຸພາສິຕ ບໍ່ເປັນວາຈາທຸບພາສິຕ ເປັນວາຈາບໍ່ມີໂທສ ແລະວິນຍູຊົນບໍ່ຕິຕຽນ.

ຄະຣາວາສຊັ້ນເລີດ

ອັນໜຶ່ງ ຄົນເຮົາເມື່ອມີການຢູ່ຮ່ວມກັນ

ກັບຄົນທີ່ສະອາດຫຼືຄົນທີ່ບໍ່ສະອາດກໍຕາມ

ຕ້ອງມີສະຕິກໍາກັບຢູ່ສະເໝີ

ແຕ່ນັ້ນຈົ່ງສາມັກຄີຕໍ່ກັນ

ມີປັນຍາກະທໍາທີ່ສຸດທຸກຂ໌ແຫ່ງຕົນ ເທີ້ນ.

- ບາລີ ອັຕຖກ. ອັງ. ໒໓/໑໗໐/໑໐໐.

ຄະຣາວາສຊັ້ນເລີດ

ຄູ່ບຸບເພສັນນິວາສ ໑໙

- ບາລີ ຈຕຸກກ. ອັງ. ໒໑/໘໑/໕໖.

ພິກຂຸທັງຫຼາຍ ! ຖ້າພັນຣະຍາແລະສາມີທັງສອງຍັງຫວັງພົບກັນແລະກັນທັງໃນປັດຈຸບັນ ແລະສັມປະຣາຍະພົບທັງສອງນັ້ນ ຈົ່ງເປັນຜູ້ມີສັດທາສະເໝີກັນ ມີສີລສະເໝີກັນ ມີຈາຄະສະເໝີກັນ ມີປັນຍາສະເໝີກັນ ພັນຣະຍາແລະສາມີທັງສອງນັ້ນ ຍ່ອມໄດ້ພົບກັນແລະກັນທັງໃນປັດຈຸບັນ ທັງໃນສັມປະຣາຍະພົບ.