ຄະຣາວາສຊັ້ນເລີດ

ຜັກຄຸນະ ! ໃນກໍລະນີແມ່ນວ່າເຊັ່ນນັ້ນ ເຈົ້າກໍຈົ່ງລະສັນທະແລະວິຕົກຊະນິດທີ່ເປັນວິສັຍແຫ່ງຊາວບ້ານເສຍ.

ຜັກຄຸນະ ! ໃນກໍລະນີເຊັ່ນນັ້ນ ເຈົ້າຈົ່ງທຳຄວາມສຳນຶກຢ່າງນີ້ວ່າ

“ຈິຕຂອງເຮົາຈັກບໍ່ປັ່ນປ່ວນ ເຮົາຈັກບໍ່ກ່າວວາຈາອັນເປັນບາບ ເຮົາຈັກເປັນຜູ້ມີຈິຕອິດູເກື້ອກູນ ມີຈິຕປະກອບດ້ວຍເມຕຕາ ບໍ່ມີໂທສະໃນພາຍໃນ” ດັ່ງນີ້.

ຜັກຄຸນະ ! ເຈົ້າຈົ່ງປູກການສຳນຶກຢ່າງນີ້ ແລ.

ຄະຣາວາສຊັ້ນເລີດ

ຍຸກໃດກໍຕາມ ເວຣທັງຫຼາຍ

ບໍ່ເຄີຍລະງັບໄດ້ ດ້ວຍການຜູກເວຣເລີຍ

ແຕ່ລະງັບໄດ້ ດ້ວຍການບໍ່ມີການຜູກເວຣ

ທັມນີ້ເປັນຂອງເກົ່າ ໃຊ້ໄດ້ຕະຫຼອດ.

- ບາລີ ອຸປຣິ. ມ. ໑໔/໒໙໕/໔໔໐.

ຄະຣາວາສຊັ້ນເລີດ

ການວາງຈິຕເມື່ອຖືກກ່າວຫາ ໑໖

- ບາລີ ມ. ມ. ໑໒/໒໕໕-໒໘໐/໒໖໗-໒໗໓.

ພິກຂຸທັງຫຼາຍ ! ທາງແຫ່ງຖ້ອຍຄຳ ທີ່ບຸກຄົນອື່ນຈະຍ່ອມກ່າວຫາ ໕ ຢ່າງ ເຫຼົ່ານີ້ ມີຢູ່ຄື:

໑. ກ່າວໂດຍກາລະຫຼືໂດຍບໍ່ແມ່ນກາລະ

໒. ກ່າວໂດຍເລື່ອງຈິງຫຼືໂດຍເລື່ອງບໍ່ຈິງ

໓. ກ່າວໂດຍອ່ອນຫວານຫຼືໂດຍຫຍາບຄາຍ

໔. ກ່າວດ້ວຍເລື່ອງມີປະໂຍຊນ໌ຫຼືບໍ່ມີປະໂຍຊນ໌

໕. ກ່າວດ້ວຍມີຈິຕເມຕຕາຫຼືມີໂທສະໃນພາຍໃນ

ພິກຂຸທັງຫຼາຍ ! ເມື່ອເຂົາກ່າວຢູ່ຢ່າງນັ້ນ ໃນກໍລະນີນັ້ນໆ ເຈົ້າຈົ່ງທຳການສຳນຶກດັ່ງນີ້ວ່າ

“ຈິຕຂອງເຮົາຈັກບໍ່ປັ່ນປ່ວນ ເຮົາຈັກບໍ່ກ່າວວາຈາອັນເປັນບາບ ເຮົາຈັກເປັນຜູ້ມີຈິຕອິດູເກື້ອກູນ ມີຈິຕປະກອບດ້ວຍເມຕຕາ ບໍ່ມີໂທສະໃນພາຍໃນ ຢູ່, ຈັກມີຈິຕສະຫະຣະຄະຕະດ້ວຍເມຕຕາແຜ່ໄປຍັງບຸກຄົນນັ້ນຢູ່ ແລະຈັກມີຈິຕສະຫະຣະຄະຕະດ້ວຍເມຕຕາ ອັນເປັນຈິຕໄພບູນ ໃຫຍ່ຫຼວງ ບໍ່ມີປະມານ ບໍ່ມີເວຣ ບໍ່ມີພະຍາບາດ ແຜ່ໄປສູ່ໂລກເຖິງທີ່ສຸດ ທຸກທິສທາງ ມີບຸກຄົນນັ້ນເປັນອາຣົມ ແລ້ວແລຢູ່” ດັ່ງນີ້.

ຄະຣາວາສຊັ້ນເລີດ

ພິກຂຸທັງຫຼາຍ ! ເຈົ້າຈົ່ງປູກການສຳນຶກຢ່າງນີ້ ແລ.

ພິກຂຸທັງຫຼາຍ ! ຖ້າໂຈຣຜູ້ຄອຍຊ່ອງຍ່ອມເລື່ອຍອະໄວຍະວະນ້ອຍໃຫຍ່ຂອງໃຜຜູ້ໜຶ່ງດ້ວຍເລື່ອຍມີດ້າມສອງຂ້າງ ຜູ້ໃດມີໃຈປະທຸສະຮ້າຍໃນໂຈຣນັ້ນ ຜູ້ນັ້ນຊື່ວ່າບໍ່ເຮັດຕາມຄຳສອນຂອງເຮົາ ເພາະເຫດທີ່ມີໃຈປະທຸສະຮ້າຍຕໍ່ໂຈຣນັ້ນ.

ພິກຂຸທັງຫຼາຍ ! ໃນກໍລະນີນັ້ນ ເຈົ້າຈົ່ງທຳການສຳນຶກຢ່າງນີ້ວ່າ

“ຈິຕຂອງເຮົາຈັກບໍ່ປັ່ນປ່ວນ ເຮົາຈັກບໍ່ກ່າວວາຈາອັນເປັນບາບ ເຮົາຈັກເປັນຜູ້ມີຈິຕອິດູເກື້ອກູນ ມີຈິຕປະກອບດ້ວຍເມຕຕາ ບໍ່ມີໂທສະໃນພາຍໃນ ຢູ່, ຈັກມີຈິຕສະຫະຣະຄະຕະດ້ວຍເມຕຕາແຜ່ໄປຍັງບຸກຄົນນັ້ນ ຢູ່ ແລະຈັກມີຈິຕສະຫະຣະຄະຕະດ້ວຍເມຕຕາ ອັນເປັນຈິຕໄພບູນ ໃຫຍ່ຫຼວງ ບໍ່ມີປະມານ ບໍ່ມີເວຣ ບໍ່ມີພະຍາບາດ ແຜ່ໄປສູ່ໂລກເຖິງທີ່ສຸດ ທຸກທິສທາງ ມີບຸກຄົນນັ້ນເປັນອາຣົມ ແລ້ວແລຢູ່” ດັ່ງນີ້.

ພິກຂຸທັງຫຼາຍ ! ເຈົ້າຈົ່ງປູກການສຳນຶກຢ່າງນີ້ ແລ.

ຄະຣາວາສຊັ້ນເລີດ

ພິກຂຸທັງຫຼາຍ ! ເຈົ້າຈົ່ງກະທຳໃນໃຈເຖິງໂອວາດ ອັນປຽບດ້ວຍເລື່ອຍນີ້ ຢູ່ເນື່ອງໆ ເທີ້ນ.

ພິກຂຸທັງຫຼາຍ ! ເມື່ອເຈົ້າກະທຳໃນໃຈເຖິງໂອວາດນັ້ນຢູ່ ເຈົ້າຈະໄດ້ເຫັນທາງແຫ່ງການກ່າວຫາເລັກນ້ອຍຫຼືໃຫຍ່ ທີ່ພວກເຈົ້າອົດກັ້ນ ບໍ່ໄດ້ ຢູ່ອີກຫຼື ?

“ຂໍ້ນັ້ນຫາບໍ່ໄດ້ ຂ້ານ້ອຍ ! ”.

ພິກຂຸທັງຫຼາຍ ! ເພາະເຫດນັ້ນໃນເລື່ອງນີ້ພວກເຈົ້າທັງຫຼາຍ ຈົ່ງກະທຳໃນໃຈເຖິງໂອວາດທີ່ປຽບດ້ວຍເລື່ອຍນີ້ ຢູ່ເປັນປະຈຳເທີ້ນ ນັັ້ນຈັກເປັນໄປເພື່ອປະໂຍຊນ໌ເກື້ອກູນແລະຄວາມສຸຂແກ່ພວກເຈົ້າທັງຫຼາຍຕະຫຼອດກາລະນານ.

ຄະຣາວາສຊັ້ນເລີດ

“ຈົ່ງສຶກສາວ່າ ເຮົາຈະບໍ່ເວົ້າຖ້ອຍຄໍາ

ເຊິ່ງຈະເປັນເຫດໃຫ້ຜິດຖຽງກັນ

ເມື່ອມີຖ້ອຍຄໍາເຊິ່ງຈະເປັນເຫດໃຫ້ຜິດຖຽງກັນ

ກໍຈໍາເປັນຕ້ອງຫວັງການເວົ້າຫຼາຍ

ເມື່ອມີການເວົ້າຫຼາຍ ຍ່ອມຄິດຟຸ້ງຊ້ານ