ຄະຣາວາສຊັ້ນເລີດ

໑. ສັດທາສັມປະທາ (ຄວາມເຖິງພ້ອມດ້ວຍສັດທາ)

໒. ສີລະສັມປະທາ (ຄວາມເຖິງພ້ອມດ້ວຍສີລ)

໓. ຈາຄະສັມປະທາ (ຄວາມເຖິງພ້ອມດ້ວຍການບໍຣິຈາກ)

໔. ປັນຍາສັມປະທາ (ຄວາມເຖິງພ້ອມດ້ວຍປັນຍາ).

ພະຍັກຄະປັດຊະ ! ສັດທາສັມປະທາ ເປັນແນວໃດໜໍ ?

ພະຍັກຄະປັດຊະ ! ກຸນລະບຸຕໃນກໍລະນີນີ້ ເປັນຜູ້ມີສັດທາ ເຊື່ອປັນຍາຕຣັສຮູ້ຂອງຕະຖາຄົຕວ່າ “ເພາະເຫດຢ່່າງນີ້ໆ ພຣະຜູ້ມີພຣະພາຄເຈົ້ານັ້ນ ເປັນຜູ້ໄກຈາກກິເລສ ເປັນຜູ້ຕຣັສຮູ້ຊອບໄດ້ໂດຍພຣະອົງຄ໌ເອງ ເປັນຜູ້ເຖິງພ້ອມດ້ວຍວິຊຊາແລະຂໍ້ປະຕິບັດໃຫ້ເຖິງວິຊຊາ ເປັນຜູ້ໄປແລ້ວດ້ວຍດີ ເປັນຜູ້ຮູ້ໂລກຢ່າງແຈ່ມແຈ້ງ ເປັນຜູ້ສາມາດຝຶກຄົນທີ່ຄວນ

ຄະຣາວາສຊັ້ນເລີດ

ຝຶກໄດ້ຢ່າງບໍ່ມີໃຜຍິ່ງກວ່າ ເປັນຄຣູຜູ້ສອນຂອງເທວະດາແລະມະນຸສທັງຫຼາຍ ເປັນຜູ້ຮູ້ ຜູ້ຕື່ນ ຜູ້ເບີກບານດ້ວຍທັມ ເປັນຜູ້ມີຄວາມຈະເຣີນຈຳແນກທັມສັ່ງສອນສັຕ” ດັ່ງນີ້.

ພະຍັກຄະປັດຊະ ! ນີ້ຮຽກວ່າ ສັດທາສັມປະທາ .

ພະຍັກຄະປັດຊະ ! ສີລະສັມປະທາ ເປັນແນວໃດໜໍ ?

ພະຍັກຄະປັດຊະ ! ກຸນລະບຸຕໃນກໍລະນີນີ້ເປັນຜູ້ເວັ້ນຂາດ ຈາກປານາຕິບາຕ, ເປັນຜູ້ເວັ້ນຂາດຈາກອະທິນນາທານ, ເປັນຜູ້ເວັ້ນຂາດຈາກກາເມສຸມິດສາຈາຣ, ເປັນຜູ້ເວັ້ນຂາດຈາກມຸສາວາດ, ເປັນຜູ້ເວັ້ນຂາດຈາກສຸຣາເມຣະຍະມັຊຊະປະມາທັຕຖານ.

ພະຍັກຄະປັດຊະ ! ນີ້ຮຽກວ່າ ສີລະສັມປະທາ

ພະຍັກຄະປັດຊະ ! ຈາຄະສັມປະທາ ເປັນແນວໃດໜໍ ?

ພະຍັກຄະປັດຊະ ! ກຸນລະບຸຕໃນກໍລະນີນີ້ ມີໃຈປາສະຈາກຄວາມຂີ້ຖີ່ອັນເປັນມົນທິນ ຢູ່ຄອງເຮືອນ ມີຈາຄະ ອັນປ່ອຍຢູ່ເປັນປະຈຳ ມີຝ່າມືອັນຊຸ່ມເປັນປົກກະຕິ ຍິນດີແລ້ວໃນການສະລະ ຄວນແກ່ການຂໍ ຍິນດີແລ້ວໃນການຈຳແນກທານ.

ພະຍັກຄະປັດຊະ ! ນີ້ຮຽກວ່າ ຈາຄະສັມປະທາ.

ຄະຣາວາສຊັ້ນເລີດ

ພະຍັກຄະປັດຊະ ! ປັນຍາສັມປະທາ ເປັນແນວໃດໜໍ ?

ພະຍັກຄະປັດຊະ ! ກຸນລະບຸຕໃນກໍລະນີນີ້ ເປັນຜູ້ມີປັນຍາ ປະກອບດ້ວຍປັນຍາເຄື່ອງໃຫ້ເຖິງສັຈຈະແຫ່ງການເກີດດັບ ເປັນເຄື່ອງໄປຈາກຂ້າເສິກ ເປັນເຄື່ອງເຈາະແທງແຫ່ງກິເລສ ເປັນເຄື່ອງເຖິງເຊິ່ງຄວາມສິ້ນໄປແຫ່ງທຸກຂ໌ໂດຍຊອບ.

ພະຍັກຄະປັດຊະ ! ນີ້ຮຽກວ່າ ປັນຍາສັມປະທາ.

ພະຍັກຄະປັດຊະ ! ທັມ ໔ ປະການເຫຼົ່ານີ້ແລ ເປັນທັມເປັນໄປເພື່ອປະໂຍຊນ໌ເກື້ອກູນ ເພື່ອຄວາມສຸຂຂອງກຸນລະບຸຕ ໃນສັມປະຣາຍະ (ໃນເວລາຖັດຕໍ່ໄປ).

ຄະຣາວາສຊັ້ນເລີດ

ກາມໂພຄີ(ຜູ້ບໍຣິໂພກກາມ)ບຸກຄົນຜູ້ສະແຫວງຫາຊັບ

ໂດຍຊອບທັມ ໂດຍບໍ່ເຄັ່ງຄຽດ

ຄັນສະແຫວງຫາໄດ້ແລ້ວ ຍ່ອມລ້ຽງຕົນໃຫ້ເປັນສຸຂ

ໃຫ້ອີ່ມພໍ ແຈກຢາຍ ສ້າງສົມບຸນຍ໌

ແລະເປັນຜູ້ບໍ່ກໍາໜັດ ບໍ່ໝົກໝຸ້ນ ບໍ່ຈົດຈໍ່ ເຫັນໂທສ

ມີປັນຍາເປັນເຄື່ອງສະລັດອອກ ບໍຣິໂພກຊັບນັ້ັນ

ນີ້ເປັນຜູ້ດີເລີດປະເສີດ ເປັນໃຫຍ່ສູງສຸດ.

- ບາລີ ທສກ. ອັງ. ໒໔/໑໙໔/໙໑.

ຄະຣາວາສຊັ້ນເລີດ

ຄະຣາວາສຊັ້ນເລີດ ໑໑

- ບາລີ ທສກ. ອັງ. ໒໔/໑໙໔/໙໑.

ຄະຫະບໍດີ ! ໃນບັນດາກາມໂພຄີເຫຼົ່ານັ້ນ ກາມໂພຄີຜູ້ໃດ ສະແຫວງຫາໂພຄະຊັບໂດຍທັມ ໂດຍບໍ່ເຄັ່ງຄຽດດ້ວຍ, ຄັນສະແຫວງຫາໂພຄະຊັບໂດຍທັມ ໂດຍບໍ່ເຄັ່ງຄຽດແລ້ວສ້າງຕົນໃຫ້ເປັນສຸຂ ໃຫ້ອີ່ມພໍດ້ວຍ, ແບ່ງປັນໂພຄະຊັບບຳເພັນບຸນຍ໌ດ້ວຍ, ບໍ່ກຳໜັດ ບໍ່ມົວເມົາ ບໍ່ລືມຫຼົງ ມີປົກກະຕິເຫັນໂທສ ມີປັນຍາ ເປັນເຄື່ອງສະລັດອອກ ບໍຣິໂພກໂພຄະຊັບເຫຼົ່ານັ້ນຢູ່ດ້ວຍ.

ຄະຫະບໍດີ ! ກາມໂພຄີຜູ້ນີ້ ຄວນສັນເສີນໂດຍຖານະທັງສີ່ ຄື:

ຄວນສັນເສີນໂດຍຖານະທີໜຶ່ງ ໃນຂໍ້ທີ່ເຂົາ ສະແຫວງຫາໂພຄະຊັບໂດຍທັມໂດຍບໍ່ເຄັ່ງຄຽດ,

ຄວນສັນເສີນໂດຍຖານະທີສອງ ໃນຂໍ້ທີ່ເຂົາ ສ້າງຕົນໃຫ້ເປັນສຸຂໃຫ້ອີ່ມພໍ,