ອະບາຍມຸຂ

ລົງໂທສດ້ວຍວິທີ ນຸ່ງເປືອກໄມ້ແດ່,

ລົງໂທສດ້ວຍວິທີ ຢືນກວາງແດ່,

ລົງໂທສດ້ວຍວິທີ ກ່ຽວເຫຍື່ອເບັດແດ່,

ລົງໂທສດ້ວຍວິທີ ຫລຽນກະຫາປະນະແດ່,

ລົງໂທສດ້ວຍວິທີ ແປງແສບແດ່,

ລົງໂທສດ້ວຍວິທີ ກາງວຽນແດ່,

ລົງໂທສດ້ວຍວິທີ ຕັ່ງຟາງແດ່,

ລາດດ້ວຍນ້ຳມັນຮ້ອນໆແດ່,

ໃຫ້ໝາກັດ-ຊິດແດ່,

ໃຫ້ນອນຫງາຍເທິງຫລາວທັງເປັນໆແດ່,

ຕັດຫົວດ້ວຍດາບແດ່,

ໃນຂະນະທີ່ເຫັນນັ້ນ ບັນດິຕຈະມີຄວາມຮູ້ສຶກຢ່າງນີ້ວ່າ ເພາະເຫຕແຫ່ງກັມຊົ່ວປານໃດແລ ຣາຊາທັງຫລາຍຈຶ່ງຈັບໂຈຣຜູ້ປະພຶຕຜິດມາແລ້ວ ສັ່ງລົງໂທສຕ່າງຊະນິດຄື:

ຕີດ້ວຍແສ້ແດ່,

ຕີດ້ວຍຫວາຍແດ່,

ຕີດ້ວຍກະບອງສັ້ນແດ່,

ມັດມືແດ່,

ມັດຕີນແດ່,

ມັດທັງມືທັງຕີນແດ່,

ຕັດຫູແດ່,

ຕັດດັງແດ່,

ຕັດທັງຫູທັງດັງແດ່,

ລົງໂທສດ້ວຍວິທີ ໝໍ້ຄ້ຽວນ້ຳມັນແດ່,

ລົງໂທສດ້ວຍວິທີ ຂອດສັງຂ໌ແດ່,

ລົງໂທສດ້ວຍວິທີ ປາກຣາຫູແດ່,

ລົງໂທສດ້ວຍວິທີ ມາລັຍໄຟແດ່,

ລົງໂທສດ້ວຍວິທີ ຄົບມືແດ່,

ລົງໂທສດ້ວຍວິທີ ລິ້ວສ່າຍແດ່,

ລົງໂທສດ້ວຍວິທີ ນຸ່ງເປືອກໄມ້ແດ່,

ລົງໂທສດ້ວຍວິທີ ຢືນກວາງແດ່,

ລົງໂທສດ້ວຍວິທີ ກ່ຽວເຫຍື່ອເບັດແດ່,

ລົງໂທສດ້ວຍວິທີ ຫລຽນກະຫາປະນະແດ່,

ລົງໂທສດ້ວຍວິທີ ແປງແສບແດ່,

ລົງໂທສດ້ວຍວິທີ ກາງວຽນແດ່,

ລົງໂທສດ້ວຍວິທີ ຕັ່ງຟາງແດ່,

ລາດດ້ວຍນ້ຳມັນຮ້ອນໆແດ່,

ໃຫ້ໝາກັດ-ຊິດແດ່,

ໃຫ້ນອນຫງາຍເທິງຫລາວທັງເປັນໆແດ່,

ຕັດຫົວດ້ວຍດາບແດ່.

ສິ່ງເຫລົ່ານັ້ນບໍ່ມີຢູ່ໃນເຮົາ ແລະເຮົາກໍບໍ່ປາກົຕຢູ່ໃນສິ່ງເຫລົ່ານັ້ນດ້ວຍ.

ພິກຂຸທັງຫລາຍ! ບັນດິຕຍ່ອມສເວີຍສຸຂໂສມະນັສຂໍ້ທີ ໒ ດັ່ງນີ້ໃນປັຈຈຸບັນ.

ພິກຂຸທັງຫລາຍ! ອີກປະກາຣໜຶ່ງ ກັມດີທີ່ບັນດິຕກະທຳໄວ້ໃນກາລກ່ອນຄື ກາຍສຸຈະຣິຕ ວະຈີສຸຈະຣິຕ ມະໂນສຸຈະຣິຕ ຍ່ອມປົກຄຸມ ຄອບຄອງບັນດິຕຜູ້ຢູ່ເທິງຕັ່ງ ຫລືເທິງຕຽງ ຫລືນອນເທິງພື້ນດິນໃນສມັຍນັ້ນ ປຽບເໝືອນເງົາຍອດພູເຂົາໃຫຍ່ ຍ່ອມປົກຄຸມ ຄອບງຳແຜ່ນດິນໃນຕອນແລງ ສັນໃດ, ພິກຂຸທັງຫລາຍ ສັນນັ້ນເໝືອນກັນແລ ກັມດີທີ່ບັນດິຕກະທຳໄວ້ໃນກາລກ່ອນຄື ກາຍສຸຈະຣິຕ ວະຈີສຸຈະຣິຕ ມະໂນສຸຈະຣິຕ ຍ່ອມປົກຄຸມ ຄອບຄອງບັນດິຕຜູ້ຢູ່ເທິງຕັ່ງ ຫລືເທິງຕຽງ ຫລືນອນເທິງພື້ນດິນໃນສມັຍນັ້ນ. ພິກຂຸທັງຫລາຍ ສມັຍນັ້ນ ບັນດິຕຈະມີຄວາມຮູ້ສຶກຢ່າງນີ້ວ່າ:

ເຮົາບໍ່ໄດ້ກະທຳຄວາມຊົ່ວ ບໍ່ໄດ້ກະທຳອະກຸສົລ ກະທຳແຕ່ຄວາມດີ ກະທຳແຕ່ກຸສົລ ໄດ້ກະທຳເຄື່ອງປ້ອງກັນຄວາມກົວໄວ້ ລະໂລກນີ້ໄປແລ້ວ ຈະໄປສູ່ຄະຕິຂອງຄົນທີ່ບໍ່ໄດ້ກະທຳຄວາມຊົ່ວ ບໍ່ໄດ້ກະທຳອະກຸສົລ ກະທຳແຕ່ຄວາມດີ ກະທຳແຕ່ກຸສົລ ໄດ້ກະທຳເຄື່ອງປ້ອງກັນຄວາມກົວໄວ້ ບັນດິຕນັ້ນຍ່ອມບໍ່ເສົ້າໂສກ ບໍ່ລຳບາກໃຈ ບໍ່ຮ້ອງໄຫ້ ບໍ່ທຸບເອິກຄ່ຳຄວນ ບໍ່ເຖິງຄວາມຫລົງໄຫລ. ພິກຂຸທັງຫລາຍ ບັນດິຕຍ່ອມສເວີຍສຸຂໂສມະນັສຂໍ້ທີ ໓ ດັ່ງນີ້ ໃນປັຈຈຸບັນ.

ພິກຂຸທັງຫລາຍ! ບັນດິຕນັ້ນແລ ປະພຶຕກາຍສຸຈະຣິຕ ວະຈີສຸຈະຣິຕ ມະໂນສຸຈະຣິຕ ເມື່ອແຕກກາຍຕາຍໄປ ຍ່ອມເຂົ້າເຖິງສຸຄະຕິໂລກສວັນ.

ພິກຂຸທັງຫລາຍ! ບຸຄຄົລເມື່ອຈະກ່າວໂດຍຊອບ ຄວນກ່າວເຖິງສວັນນັ້ນແຫລະວ່າ ເປັນສະຖານທີ່ທີ່ໜ້າປາຖນາ ໜ້າຮັກໃຄ່ ໜ້າພໍໃຈໂດຍສ່ວນດຽວ ພິກຂຸທັງຫລາຍ ສຸຂນີ້ກັບສຸຂໃນສວັນປຽບທຽບກັນບໍ່ໄດ້.

ເມື່ອພຣະຜູ້ມີພຣະພາຄຕຣັສຢ່າງນີ້ແລ້ວ ພິກຂຸອົງຄ໌ໜຶ່ງໄດ້ກຣາບທູລພຣະຜູ້ມີພຣະພາຄວ່າ:

ຂ້າແຕ່ພຣະອົງຄ໌ຜູ້ຈະເຣີນ! ພຣະອົງຄ໌ຊົງສາມາດປຽບອຸປະມາໄດ້ຫລືໜໍ?

ພຣະຜູ້ມີພຣະພາຄຕຣັສວ່າ:

ສາມາດອຸປະມາໄດ້ ພິກຂຸ!

ແລ້ວຊົງຕຣັສຕໍ່ໄປວ່າ:

ພິກຂຸທັງຫລາຍ! ປຽບເໝືອນພຣະເຈົ້າຈັກກະພັຕຊົງປະກອບດ້ວຍແກ້ວ ໗ ປະກາຣ ແລະຄວາມສຳເຣັຈຜົລ ໔ ຢ່າງ ຈຶ່ງໄດ້ສເວີຍສຸຂໂສມະນັສອັນມີສິ່ງປະກອບນັ້ນເປັນເຫຕ. ພຣະເຈົ້າຈັກກະພັຕຊົງປະກອບດ້ວຍແກ້ວ ໗ ປະກາຣເປັນຢ່າງໃດ?