ພົບພູມ

ອານົນທ໌ ! ເພາະເຫດນັ້ນ ໃນເລື່ອງນີ້ ນັ້ນແຫຼະຄືເຫດ ນັ້ນແຫຼະຄືນິທານ ນັ້ນແຫຼະຄືສະມຸທັຍ ນັ້ນແຫຼະຄືປັດຈັຍຂອງນາມຮູບ ນັ້ນຄືວິນຍານ.

ອານົນທ໌ ! ກໍຄໍານີ້ວ່າ “ວິນຍານມີ ເພາະປັດຈັຍຄື ນາມຮູບ” ດັ່ງນີ້ ເຊັ່ນນີ້ແລ ເປັນຄໍາທີ່ເຮົາກ່າວແລ້ວ.

ອານົນທ໌ ! ຄວາມຂໍ້ນີ້ ເຈົ້າຕ້ອງຮູ້ຄໍາອະທິບາຍ ໂດຍປະຣິຍາຍດັ່ງຕໍ່ໄປນີ້ ທີ່ຖືກກັບຫົວຂໍ້ທີ່ເຮົາກ່າວໄວ້ແລ້ວວ່າ :-

“ວິນຍານມີ ເພາະປັດຈັຍຄື ນາມຮູບ”.

ອານົນທ໌ ! ຖ້າຫາກວ່າວິນຍານ ຈະບໍ່ໄດ້ມີທີ່ຕັ້ງທີ່ອາໄສໃນນາມຮູບແລ້ວນັ້ນ ຄວາມເກີດຂຶ້ນພ້ອມແຫ່ງທຸກຂ໌ ຄື ຊາດ ຊະຣາ ມໍຣະນະ ຕໍ່ໄປ ຈະມີຂຶ້ນມາໃຫ້ເຫັນໄດ້ບໍ່?

ຂໍ້ນັ້ນ ຫາບໍ່ໄດ້ຂ້ານ້ອຍ !

ເປີດທັມທີ່ຖືກປົກປິດ : ພົບພູມ

ອານົນທ໌ ! ເພາະເຫດນັ້ນ ໃນເລື່ອງນີ້ ນັ້ນແຫຼະຄືເຫດ ນັ້ນແຫຼະຄືນິທານ ນັ້ນແຫຼະຄືສະມຸທັຍ ນັ້ນຄືປັດຈັຍຂອງ ວິນຍານ ນັ້ນຄືນາມຮູບ.

ອານົນທ໌ !

ດ້ວຍເຫດພຽງເທົ່ານີ້

ສັຕໂລກ ຈຶ່ງເກີດແດ່ ຈຶ່ງແກ່ແດ່

ຈຶ່ງຕາຍແດ່ ຈຶ່ງຈຸຕິແດ່ ຈຶ່ງອຸບັດແດ່

ຮູບແບບແຫ່ງການເອີ້ນ (ອະດິວະຈະນະ) ກໍມີພຽງເທົ່ານີ້

ຮູບແບບແຫ່ງການເວົ້າຈາ (ນິຣຸຕຕິ) ກໍມີພຽງເທົ່ານີ້

ຮູບແບບແຫ່ງການບັນຍັດ (ປັນຍັຕຕິ) ກໍມີພຽງເທົ່ານີ້

ເລື່ອງທີ່ຈະຕ້ອງຮູ້ດ້ວຍປັນຍາ (ປັນຍາວະຈະຣະ) ກໍມີ

ພຽງເທົ່ານີ້

ຄວາມວຽນວ່າຍໃນວັຕຕະ ກໍມີພຽງເທົ່ານີ້

ນາມຮູບພ້ອມທັງວິນຍານຕັ້ງຢູ່

ເພື່ອການບັນຍັດຊຶ່ງຄວາມເປັນເຊັ່ນນີ້.

(ຂອງນາມຮູບກັບວິນຍານ ນັ້ນເອງ).

ພຸດທະວະຈະນະ - ໝວດທັມ ເປີດທັມທີ່ຖືກປົກປິດ : ພົບພູມ

ເຫດໃຫ້ໄດ້ຄວາມເປັນຍິງຫຼືຊາຍ ໕໓

- ບາລີ ສັຕຕກ. ອັງ. ໒໓/໕໘/໔໘.

ພິກຂຸທັງຫຼາຍ ! ເຮົາຈະສະແດງທັມປະຣິຍາຍອັນເປັນ ຄວາມກ່ຽວຂ້ອງ (ສັນໂຍຄະ) ແລະຄວາມບໍ່ກ່ຽວຂ້ອງ (ວິສັນໂຍຄະ) ແກ່ເຈົ້າທັງຫຼາຍ ເຈົ້າທັງຫຼາຍຈົ່ງຟັງ ຈົ່ງໃສ່ໃຈໃຫ້ດີ ເຮົາຈະກ່າວ.

ພິກຂຸທັງຫຼາຍ ! ກໍທັມປະຣິຍາຍເປັນຄວາມກ່ຽວຂ້ອງແລະຄວາມບໍ່ກ່ຽວຂ້ອງ ເປັນແນວໃດໜໍ ?

ພິກຂຸທັງຫຼາຍ ! ກໍຍິງຍ່ອມສົນໃຈສະພາບແຫ່ງຍິງໃນພາຍໃນ ກິຣິຍາ ທ່າທາງ ການວາງໂຕ ຄວາມພໍໃຈ ສຽງແລະເຄື່ອງປະດັບຂອງຍິງ ເຂົາຍ່ອມຍິນດີ ພໍໃຈໃນສະພາບຂອງຕົນນັ້ນໆ ເຂົາຍິນດີ ພໍໃຈໃນສະພາບຂອງຕົນນັ້ນໆແລ້ວ ຍ່ອມສົນໃຈເຖິງສະພາບຂອງຊາຍໃນພາຍນອກ ກິຣິຍາ ທ່າທາງ ການວາງໂຕ ຄວາມພໍໃຈ ສຽງແລະເຄື່ອງປະດັບຂອງຊາຍ ຍ່ອມຍິນດີ ພໍໃຈໃນສະພາບຂອງຊາຍນັ້ນໆ ເຂົາຍິນດີ ພໍໃຈໃນສະພາບຂອງຊາຍນັ້ນໆແລ້ວ ຍ່ອມມຸ່ງຫວັງການສະມາຄົມກັບຊາຍ ແລະສຸຂໂສມະນັສ ທີ່ເກີດເພາະການສະມາຄົມກັບຊາຍເປັນເຫດ.

ພຸດທະວະຈະນະ - ໝວດທັມ

ພິກຂຸທັງຫຼາຍ ! ສັຕຜູ້ພໍໃຈໃນພາວະແຫ່ງຍິງ ກໍເຖິງຄວາມກ່ຽວຂ້ອງໃນຊາຍ ດ້ວຍອາການເຊັ່ນນີ້ແລ ຍິງຈຶ່ງບໍ່ຫວິດພົ້ນພາວະແຫ່ງຍິງໄປໄດ້.

ພິກຂຸທັງຫຼາຍ ! ກໍຊາຍຍ່ອມສົນໃຈສະພາບແຫ່ງຊາຍໃນພາຍໃນ ກິຣິຍາ ທ່າທາງ ການວາງໂຕ ຄວາມພໍໃຈ ສຽງແລະເຄື່ອງປະດັບຂອງຊາຍ ເຂົາຍ່ອມຍິນດີ ພໍໃຈໃນສະພາບຂອງຕົນນັ້ນໆ ເຂົາຍິນດີ ພໍໃຈໃນສະພາບຂອງຕົນນັ້ນໆແລ້ວ ຍ່ອມສົນໃຈເຖິງສະພາບຂອງຍິງໃນພາຍນອກ ກິຣິຍາ ທ່າທາງ ການວາງໂຕ ຄວາມພໍໃຈ ສຽງແລະເຄື່ອງປະດັບຂອງຍິງ ຍ່ອມຍິນດີ ພໍໃຈໃນສະພາບຂອງຍິງນັ້ນໆ ເຂົາຍິນດີ ພໍໃຈໃນສະພາບຂອງຍິງນັ້ນໆແລ້ວ ຍ່ອມມຸ່ງຫວັງການສະມາຄົມກັບຍິງ ແລະສຸຂໂສມະນັສ ທີ່ເກີດເພາະການສະມາຄົມກັບຍິງເປັນເຫດ.

ພິກຂຸທັງຫຼາຍ ! ສັຕຜູ້ພໍໃຈໃນພາວະແຫ່ງຊາຍ ກໍເຖິງຄວາມກ່ຽວຂ້ອງໃນຍິງ ດ້ວຍອາການເຊັ່ນນີ້ແລ ຊາຍຈຶ່ງບໍ່ຫວິດພົ້ນພາວະແຫ່ງຊາຍໄປໄດ້.

ພິກຂຸທັງລາຍ ! ຄວາມກ່ຽວຂ້ອງ ຍ່ອມມີ ດ້ວຍອາການດັ່ງນີ້ແລ.

ເປີດທັມທີ່ຖືກປົກປິດ : ພົບພູມ

ພິກຂຸທັງຫຼາຍ ! ຄວາມບໍ່ກ່ຽວຂ້ອງເປັນແນວໃດ ?