ປຶ້ມຄູ່ມືຄຸນນະທັມ

ຂ້າແຕ່ພຣະອົງຄ໌ຜູ້ນິຣະທຸກຂ໌ ! ກໍສິ່ງອັນເປັນທີ່ຮັກແລະສິ່ງອັນບໍ່ເປັນທີ່ຮັກນັ້ນ ມີອັນໃດໜໍ ? ເປັນຕົ້ນເຫດ (ນິທານະ) ມີອັນໃດເປັນເຄື່ອງກໍ່ຂຶ້ນ (ສະມຸທະຢະ) ມີອັນໃດເປັນເຄື່ອງເຮັດໃຫ້ເກີດ (ຊາຕະກະ) ມີອັນໃດເປັນແດນເກີດ (ປະພະວະ) ? ເມື່ອອັນໃດມີຢູ່ ສິ່ງອັນເປັນທີ່ຮັກແລະສິ່ງອັນບໍ່ເປັນທີ່ຮັກຈຶ່ງມີ ? ເມື່ອອັນໃດບໍ່ມີຢູ່ ສິ່ງອັນເປັນທີ່ຮັກແລະສິ່ງອັນບໍ່ເປັນທີ່ຮັກ ຈຶ່ງບໍ່ມີ ຂ້ານ້ອຍ ?

ຈອມເທບ ! ສິ່ງອັນເປັນທີ່ຮັກແລະສິ່ງອັນບໍ່ເປັນທີ່ຮັກ ມີສັນທະ (ຄວາມພໍໃຈ) ເປັນຕົ້ນເຫດ ມີສັນທະ ເປັນເຄື່ອງກໍ່ຂຶ້ນ ມີສັນທະ ເປັນເຄື່ອງເຮັດໃຫ້ເກີດ ມີສັນທະ ເປັນແດນເກີດ ເມື່ອສັນທະມີຢູ່ ສິ່ງອັນເປັນທີ່ຮັກແລະສິ່ງອັນບໍ່ເປັນທີ່ຮັກ ຈຶ່ງມີ ເມື່ອສັນທະບໍ່ມີຢູ່ ສິ່ງອັນເປັນທີ່ຮັກແລະສິ່ງອັນບໍ່ເປັນທີ່ຮັກ ຈຶ່ງບໍ່ມີ.

ຄໍາສັ່ງສອນຂອງພຣະຕະຖາຄົດເຈົ້າ

ບົດທີ ໔໒

ເຫດໃຫ້ອາຍຸສັ້ນແລະອາຍຸຍືນ

ສະບັບຫລວງ ໒໒/໑໓໑/໑໒໖

໑. ເຫດໃຫ້ອາຍຸສັ້ນ

ພິກຂຸທັງຫລາຍ ! ທັມ ໕ ປະການນີ້ແລ ເປັນເຫດໃຫ້ອາຍຸສັ້ນ : ໕ ປະການເປັນແນວໃດໜໍ ? ໕ ປະການຄື :-

໑. ເປັນຜູ້ບໍ່ສ້າງຄວາມສະບາຍແກ່ຕົນເອງ

໒. ບໍ່ຮູ້ຈັກປະມານໃນສິ່ງທີ່ສະບາຍ

໓. ບໍຣິໂພກສິ່ງທີ່ຍ່ອຍຍາກ

໔. ເປັນຄົນທຸສີລ

໕. ເປັນຜູ້ມີມິດຊົ່ວ (ຄົບຄົນຊົ່ວເປັນມິດ)

ພິກຂຸທັງຫລາຍ ! ທັມ ໕ ປະການນີ້ແລ ເປັນເຫດໃຫ້ອາຍຸສັ້ນ.

ຄູ່ມືຄຸນນະທັມສໍາລັບເຍົາວະຊົນ

໒. ເຫດໃຫ້ອາຍຸຍືນ

ພິກຂຸທັງຫລາຍ ! ທັມ ໕ ປະການນີ້ແລ ເປັນເຫດໃຫ້ອາຍຸຍືນ : ໕ ປະການນັ້ນເປັນແນວໃດໜໍ ? ໕ ປະການຄື :-

໑. ເປັນຜູ້ສ້າງຄວາມສະບາຍແກ່ຕົນເອງ

໒. ຮູ້ຈັກປະມານໃນສິ່ງທີ່ສະບາຍ

໓. ບໍຣິໂພກສິ່ງທີ່ຍ່ອຍງ່າຍ

໔. ເປັນຄົນມີສີລ

໕. ເປັນຜູ້ມີມິດດີ

ພິກຂຸທັງຫລາຍ ! ທັມ ໕ ປະການນີ້ແລ ເປັນເຫດໃຫ້ອາຍຸຍືນ.

ຄູ່ມືຄຸນນະທັມສໍາລັບເຍົາວະຊົນ

ບົດທີ ໔໓

ມະນຸດຜີ

ສະບັບຫລວງ ໒໑/໗໔/໕໓.

ຄະຫະບໍດີແລະຄະຫະປະຕານີທັງຫລາຍ ! ການຢູ່ຮ່ວມກັນ ໔ ປະການນີ້ ໔ ປະການ ເປັນແນວໃດໜໍ ? ຄື :-

໑. ຊາຍຜີຢູ່ຮ່ວມກັບຍິງຜີ

(ສະໂວ ສະວາຢະ ສັດທິງ ສັງວະສະຕິ)

໒. ຊາຍຜີຢູ່ຮ່ວມກັບຍິງເທວະດາ

(ສະໂວ ເທວິຢາ ສັດທິງ ສັງວະສະຕິ)

໓. ຊາຍເທວະດາຢູ່ຮ່ວມກັບຍິງຜີ

(ເທໂວ ສະວະຢະ ສັດທິງ ສັງວະສະຕິ)

໔. ຊາຍເທວະດາຢູ່ຮ່ວມກັບຍິງເທວະດາ

(ເທໂວ ເທວິຢາ ສັດທິງ ສັງວະສະຕິ)

ຄະຫະບໍດີແລະຄະຫະປະຕານີທັງຫລາຍ ! ກໍຊາຍຜີຢູ່ຮ່ວມກັບຍິງຜີນັ້ນ ເປັນແນວໃດໜໍ ?

ສາມີໃນໂລກນີ້ເປັນຜູ້ມັກຂ້າສັດ ລັກຊັບ ປະພຶດຜິດໃນກາມ ເວົ້າຕົວະ ດື່ມນໍ້າເມົາຄືສຸຣາແລະເມຣັຍ ອັນເປັນທີ່ຕັ້ງຂອງຄວາມປະມາດ ເປັນຄົນທຸສີລ ມີບາບທັມ ມີໃຈອັນມົນທິນ

ຄໍາສັ່ງສອນຂອງພຣະຕະຖາຄົດເຈົ້າ

ຄືຄວາມຂີ້ຖີ່ຄອບງໍາ ດ່າແລະເຍາະເຍີ້ຍສະມະນະ ພຣາມ ຢູ່ຄອງເຮືອນ ແມ່ນວ່າພັນຣະຍາຂອງເຂົາ ກໍເປັນຜູ້ມັກຂ້າສັດ ລັກຊັບ ປະພຶດຜິດໃນກາມ ເວົ້າຕົວະ ດື່ມນໍ້າເມົາຄືສຸຣາແລະເມຣັຍ ອັນເປັນທີ່ຕັ້ງຂອງຄວາມປະມາດ ເປັນຄົນທຸສີລ ມີບາບທັມ ມີໃຈອັນມົນທິນຄືຄວາມຂີ້ຖີ່ຄອບງໍາ ດ່າແລະເຍາະເຍີ້ຍສະມະນະພຣາມ ຢູ່ຄອງເຮືອນ.

ຄະຫະບໍດີແລະຄະຫະປະຕານີທັງຫລາຍ ! ຊາຍຜີຢູ່ຮ່ວມກັບຍິງຜີ ເປັນເຊັ່ນນີ້ແລ.

ຄະຫະບໍດີແລະຄະຫະປະຕານີທັງຫລາຍ ! ກໍຊາຍຜີຢູ່ຮ່ວມກັບຍິງເທວະດານັ້ນ ເປັນແນວໃດໜໍ ?

ສາມີໃນໂລກນີ້ເປັນຜູ້ມັກຂ້າສັດ ລັກຊັບ ປະພຶດຜິດໃນກາມ ເວົ້າຕົວະ ດື່ມນໍ້າເມົາຄືສຸຣາແລະເມຣັຍ ອັນເປັນທີ່ຕັ້ງຂອງຄວາມປະມາດ ເປັນຄົນທຸສີລ ມີບາບທັມ ມີໃຈອັນມົນທິນຄືຄວາມຂີ້ຖີ່ຄອບງໍາ ດ່າແລະເຍາະເຍີ້ຍສະມະນະ ພຣາມ ຢູ່ຄອງເຮືອນ ; ສ່ວນພັນຣະຍາຂອງເຂົາ ເປັນຜູ້ງົດເວັ້ນ ຈາກການຂ້າສັດ ຈາກການລັກຊັບ ຈາກການປະພຶດຜິດໃນກາມ ຈາກການເວົ້າຕົວະ ຈາກການດື່ມນໍ້າເມົາຄືສຸຣາແລະເມຣັຍ ອັນເປັນທີ່ຕັ້ງຂອງຄວາມປະມາດ ມີສີລ ມີກັນລະຍານະທັມ

ຄູ່ມືຄຸນນະທັມສໍາລັບເຍົາວະຊົນ

ມີໃຈປາສະຈາກມົນທິນຄືຄວາມຂີ້ຖີ່ ບໍ່ດ່າບໍ່ເຍາະເຍີ້ຍສະມະນະພຣາມ ຢູ່ຄອງເຮືອນ.

ຄະຫະບໍດີແລະຄະຫະປະຕານີທັງຫລາຍ ! ຊາຍຜີຢູ່ຮ່ວມກັບຍິງເທວະດາ ເປັນເຊັ່ນນີ້ແລ.