ປຶ້ມຄູ່ມືຄຸນນະທັມ

ຄະຫະບໍດີແລະຄະຫະປະຕານີທັງຫລາຍ ! ກໍຊາຍເທວະດາ ຢູ່ຮ່ວມກັບຍິງຜີນັ້ນ ເປັນແນວໃດໜໍ ?

ສາມີໃນໂລກນີ້ ເປັນຜູ້ງົດເວັ້ນຈາກການຂ້າສັດ ຈາກການລັກຊັບ ຈາກການປະພຶດຜິດໃນກາມ ຈາກການເວົ້າຕົວະຈາກການດື່ມນໍ້າເມົາຄືສຸຣາແລະເມຣັຍ ອັນເປັນທີ່ຕັ້ງຂອງຄວາມປະມາດ ມີສີລ ມີກັນລະຍານະທັມ ມີໃຈປາສະຈາກ ມົນທິນຄືຄວາມຂີ້ຖີ່ ບໍ່ດ່າບໍ່ເຍາະເຍີ້ຍສະມະນະພຣາມ ຢູ່ຄອງເຮືອນ ; ສ່ວນພັນຣະຍາຂອງເຂົາ ເປັນຜູ້ມັກຂ້າສັດ ລັກຊັບ ປະພຶດຜິດໃນກາມ ເວົ້າຕົວະ ດື່ມນໍ້າເມົາຄືສຸຣາແລະເມຣັຍ ອັນເປັນທີ່ຕັ້ງຂອງຄວາມປະມາດ ເປັນຄົນທຸສີລ ມີບາບທັມ ມີໃຈອັນມົນທິນຄືຄວາມຂີ້ຖີ່ຄອບງໍາ ດ່າແລະເຍາະເຍີ້ຍສະມະນະພຣາມ ຢູ່ຄອງເຮືອນ.

ຄະຫະບໍດີແລະຄະຫະປະຕານີທັງຫລາຍ ! ຊາຍເທວະດາ ຢູ່ຮ່ວມກັບຍິງຜີ ເປັນເຊັ່ນນີ້ແລ.

ຄໍາສັ່ງສອນຂອງພຣະຕະຖາຄົດເຈົ້າ

ຄະຫະບໍດີແລະຄະຫະປະຕານີທັງຫລາຍ ! ກໍຊາຍເທວະດາ ຢູ່ຮ່ວມກັບຍິງເທວະດານັ້ນ ເປັນແນວໃດໜໍ ?

ສາມີໃນໂລກນີ້ ເປັນຜູ້ງົດເວັ້ນຈາກການຂ້າສັດ ຈາກການລັກຊັບ ຈາກການປະພຶດຜິດໃນກາມ ຈາກການເວົ້າຕົວະ

ຈາກການດື່ມນໍ້າເມົາຄືສຸຣາແລະເມຣັຍ ອັນເປັນທີ່ຕັ້ງຂອງຄວາມປະມາດ ມີສີລ ມີກັນລະຍານະທັມ ມີໃຈປາສະຈາກມົນທິນຄືຄວາມຂີ້ຖີ່ ບໍ່ດ່າບໍ່ເຍາະເຍີ້ຍສະມະນະພຣາມ ຢູ່ຄອງເຮືອນ ແລະພັນຣະຍາຂອງເຂົາ ກໍເປັນຜູ້ງົດເວັ້ນຈາກການຂ້າສັດ ຈາກການລັກຊັບ ຈາກການປະພຶດຜິດໃນກາມ ຈາກການເວົ້າຕົວະ ຈາກການດື່ມນໍ້າເມົາຄືສຸຣາແລະເມຣັຍ ອັນເປັນທີ່ຕັ້ງຂອງຄວາມປະມາດ ມີສີລ ມີກັນລະຍານະທັມ ມີໃຈປາສະຈາກມົນທິນ ຄືຄວາມຂີ້ຖີ່ ບໍ່ດ່າບໍ່ເຍາະເຍີ້ຍສະມະນະພຣາມ ຢູ່ຄອງເຮືອນ.

ຄະຫະບໍດີແລະຄະຫະປະຕານີທັງຫລາຍ ! ຊາຍເທວະດາ ຢູ່ຮ່ວມກັບຍິງເທວະດາ ເປັນເຊັ່ນນີ້ແລ.

ຄະຫະບໍດີແລະຄະຫະປະຕານີທັງຫລາຍ ! ການຢູ່ຮ່ວມກັນ ໔ ປະການ ເປັນເຊັ່ນນີ້ແລ.

ຄໍາສັ່ງສອນຂອງພຣະຕະຖາຄົດເຈົ້າ

ພາກທີ ໔

ຫລັກໃນການໃຊ້ວາຈາ

ບົດທີ ໔໔

ຄຸນສົມບັດຂອງທູຕ

ສະບັບຫລວງ ໗/໒໐໑/໓໙໘

ພິກຂຸທັງຫລາຍ ! ພິກຂຸປະກອບດ້ວຍອົງຄ໌ ໘ ຄວນເຮັດໜ້າທີ່ທູຕ. ອົງຄ໌ ໘ ເປັນແນວໃດໜໍ ? ຄື ພິກຂຸໃນທັມວິນັຍນີ້ :

໑. ຮັບຟັງ ; ໔. ຊົງຈໍາ ;

໒. ໃຫ້ຜູ້ອື່ນຟັງ ; ໕. ເຂົ້າໃຈຄວາມ ;

໓. ກໍານົດ ; ໖. ໃຫ້ຜູ້ອື່ນເຂົ້າໃຈຄວາມ;

໗. ສະຫຼາດຕໍ່ສິ່ງທີ່ເປັນປະໂຫຍດແລະບໍ່ເປັນປະໂຫຍດ;

໘. ບໍ່ກໍ່ຄວາມຜິດຖຽງກັນ.

ພິກຂຸໃດ ທີ່ເຂົ້າໄປສູ່ບໍຣິສັດທີ່ເວົ້າຄໍາຫຍາບ ກໍບໍ່ສະທ້ານຫວັ່ນໄຫວ ບໍ່ຍັງຄໍາເວົ້າໃຫ້ເສຍ ບໍ່ປົກປິດຂ່າວສານ ເວົ້າຈົນໝົດຄວາມສົງໄສ ແລະຖືກຖາມກໍບໍ່ໂກດ.

ພິກຂຸຜູ້ເຊັ່ນນີ້ແລ ຍ່ອມຄວນເຮັດໜ້າທີ່ທູຕ.

ຄູ່ມືຄຸນນະທັມສໍາລັບເຍົາວະຊົນ

ບົດທີ ໔໕

ວາຈາທີ່ບໍ່ມີໂທດ

ສະບັບຫລວງ ໒໒/໒໗໑/໑໙໘

ພິກຂຸທັງຫລາຍ ! ວາຈາປະກອບດ້ວຍອົງ ໕ ປະການ ເປັນວາຈາສຸພາສິດ ບໍ່ແມ່ນວາຈາທຸບພາສິດ ເປັນວາຈາທີ່ບໍ່ມີໂທດ ແລະວິນຍູຊົນບໍ່ຕິຕຽນ.

ອົງ ໕ ປະການນັ້ນ ເປັນແນວໃດໜໍ ? ໕ ປະການຄື :-

໑. ກ່າວແລ້ວຄວນແກ່ເວລາ (ກາເລນະ ພາສິຕາ ໂຫຕິ).

໒. ກ່າວແລ້ວຕາມສັຈຈິງ (ສັຈຈະ ພາສິຕາ ໂຫຕິ).

໓. ກ່າວແລ້ວຢ່າງອ່ອນຫວານ (ສັນຫາ ພາສິຕາ ໂຫຕິ).

໔. ກ່າວແລ້ວຢ່າງປະກອບດ້ວຍປະໂຫຍດ

(ອັຕຖະສັນຫິຕາ ພາສິຕາ ໂຫຕິ).

໕. ກ່າວແລ້ວດ້ວຍເມດຕາຈິຕ

(ເມຕັຕຕະຈັຕເຕນະ ພາສິຕາ ໂຫຕິ).

ພິກຂຸທັງຫລາຍ ! ວາຈາປະກອບດ້ວຍອົງ ໕ ປະການເຫຼົ່ານີ້ແລ ເປັນວາຈາສຸພາສິດ ບໍ່ແມ່ນວາຈາທຸບພາສິດ ເປັນວາຈາທີ່ບໍ່ມີໂທດ ແລະວິນຍູຊົນບໍ່ຕິຕຽນ.

ຄໍາສັ່ງສອນຂອງພຣະຕະຖາຄົດເຈົ້າ

ບົດທີ ໔໖

ວາຈາຂອງອະສັຕຕະບຸຣຸດ

ສະບັບຫລວງ ໒໑/໑໐໐/໗໓

ພິກຂຸທັງຫລາຍ ! ບຸກຄົນປະກອບດ້ວຍທັມ ໔ ປະການ ເປັນທີ່ຮູ້ຈັກກັນວ່າເປັນ ອະສັຕຕະບຸຣຸດ.

ທັມ ໔ ປະການນັ້ນ ເປັນແນວໃດໜໍ ? ໔ ປະການຄື :-