ທານ

(໓) ໃຫ້ຕາມກາລ (໔) ໃຫ້ຂອງສົມຄວນ

(໕) ເລືອກໃຫ້ (໖) ໃຫ້ເລື້ອຍໆ

(໗) ເມື່ອໃຫ້ຈິຕຜ່ອງໃສ (໘) ໃຫ້ແລ້ວດີໃຈ

ພິກຂຸທັງຫຼາຍ ! ເຫຼົ່ານີ້ແລ ສັບປຸຣິສະທານ ໘ ປະການ.

(ຄາຖາຜະນວກທ້າຍພຣະສູຕ)

ສັບບຸຣຸສຍ່ອມໃຫ້ທານ ຄື ເຂົ້າແລະນ້ຳ ທີ່ສະອາດ ປານີຕຕາມກາລສົມຄວນເລື້ອຍໆ ໃນຜູ້ປະພຶຕພຣົມມະຈັນ ຜູ້ເປັນເຂຕດີ ສະລະຂອງຫຼາຍແລ້ວກໍບໍ່ຮູ້ສຶກເສຍດາຍ ທ່ານຜູ້ມີປັນຍາເຫັນແຈ້ງ ຍ່ອມສັນເສີນທານທີ່ສັບບຸຣຸສໃຫ້ແລ້ວຢ່າງນີ້

ຜູ້ມີປັນຍາ ມີສັດທາ ເປັນບັນດິຕ ມີໃຈພົ້ນຈາກຄວາມຂີ້ຖີ່ ຄັນບຳເພັນທານຢ່າງນີ້ແລ້ວ ຍ່ອມເຂົ້າເຖິງໂລກທີ່ເປັນສຸຂບໍ່ມີຄວາມບຽດບຽນ.

ໜັງສືພຸດທະພົຈນ໌ - ໝວດທັມ : ທານະ (ການໃຫ້)

ທານຂອງຄົນດີ (ນັຍທີ ໒) ໔໒

- ບາລີ ປັນຈກ. ອັງ. ໒໒/໑໙໒/໑໔໘.

- ບາລີ ສັຕຕກ. ອັງ. ໒໓/໒໔໐/໑໒໒.

ພິກຂຸທັງຫຼາຍ ! ສັບປຸຣິສະທານ ໕ ປະການນີ້ມີຢູ່ ໕ ປະການເປັນແນວໃດ ຄື

(໑) ຍ່ອມໃຫ້ທານດ້ວຍສັດທາ

(໒) ຍ່ອມໃຫ້ທານໂດຍເຄົາຣົບ

(໓) ຍ່ອມໃຫ້ທານໂດຍກາລອັນຄວນ

(໔) ເປັນຜູ້ມີຈິຕອະນຸເຄາະໃຫ້ທານ

(໕) ຍ່ອມໃຫ້ທານບໍ່ກະທົບຕົນແລະບໍ່ກະທົບຜູ້ອື່ນ

ພິກຂຸທັງຫຼາຍ ! ສັບບຸຣຸສຄັນໃຫ້ທານດ້ວຍສັດທາແລ້ວຍ່ອມເປັນຜູ້ຮັ່ງມີ ມີຊັພຫຼາຍ ມີໂພຄະຫຼາຍ ແລະເປັນຜູ້ມີຮູບສວຍງາມ ໜ້າເບິ່ງ ໜ້າເຫຼື້ອມໃສ ປະກອບດ້ວຍຜິວພັນງາມຍິ່ງແທ້ ໃນເມື່ອທານນັ້ນໃຫ້ຜົລ.

ພິກຂຸທັງຫຼາຍ ! ສັບບຸຣຸສ ຄັນໃຫ້ທານໂດຍເຄົາຣົບແລ້ວຍ່ອມເປັນຜູ້ຮັ່ງມີ ມີຊັພຫຼາຍ ມີໂພຄະຫຼາຍ ແລະເປັນຜູ້ມີບຸຕພັນຣະຍາ ຂ້າທາສ ຄົນໃຊ້ຫຼືຄົນງານ ເປັນຜູ້ເຊື່ອຟັງ ງຽ່ງໂສຕະລົງຟັງຄຳສັ່ງ ຕັ້ງໃຈໃຝ່ຮູ້ ໃນເມື່ອທານນັ້ນໃຫ້ຜົລ.

ໜັງສືພຸດທະພົຈນ໌ - ໝວດທັມ : ທານະ (ການໃຫ້)

ພິກຂຸທັງຫຼາຍ ! ສັບບຸຣຸສຄັນໃຫ້ທານໂດຍກາລອັນຄວນແລ້ວຍ່ອມເປັນຜູ້ຮັ່ງມີ ມີຊັພຫຼາຍ ມີໂພຄະຫຼາຍ ແລະຍ່ອມເປັນຜູ້ມີຄວາມຕ້ອງການທີ່ເກີດຂຶ້ນຕາມກາລບໍຣິບູນ ໃນເມື່ອທານນັ້ນໃຫ້ຜົລ.

ພິກຂຸທັງຫຼາຍ ! ສັບບຸຣຸສຄັນເປັນຜູ້ມີຈິຕອັນອະນຸເຄາະໃຫ້ທານແລ້ວ ຍ່ອມເປັນຜູ້ຮັ່ງມີ ມີຊັພຫຼາຍ ມີໂພຄະຫຼາຍ ແລະເປັນຜູ້ມີຈິຕນ້ອມໄປເພື່ອບໍຣິໂພກກາມະຄຸນ ໕ ສູງຍິ່ງຂຶ້ນ ໃນເມື່ອທານນັ້ນໃຫ້ຜົລ.

ພິກຂຸທັງຫຼາຍ ! ສັບບຸຣຸສຄັນໃຫ້ທານບໍ່ກະທົບຕົນແລະຜູ້ອື່ນແລ້ວ ຍ່ອມປັນຜູ້ຮັ່ງມີ ມີຊັພຫຼາຍ ມີໂພຄະຫຼາຍ ແລະຍ່ອມເປັນຜູ້ມີໂພຄະຊັພ ບໍ່ມີພັຍອັນຕະລາຍມາແຕ່ທີ່ໃດໆ ຄື ຈາກໄຟ ຈາກນ້ຳ ຈາກພຣະຣາຊາ ຈາກໂຈຣ ຈາກຄົນບໍ່ເປັນທີ່ຮັກ ຫຼືຈາກທາຍາຕ ໃນເມື່ອທານນັ້ນໃຫ້ຜົລ.

ພິກຂຸທັງຫຼາຍ ! ເຫຼົ່ານີ້ແລ ສັບປຸຣິສະທານ ໕ ປະການ.

(ຄາຖາຜະນວກທ້າຍພຣະສູຕ)

ທັມ ໓ ປະການນີ້ ຄື ການໃຫ້ທານດ້ວຍສັດທາ ການໃຫ້ທານດ້ວຍຫິຣິ ການໃຫ້ທານອັນຫາໂທສບໍ່ໄດ້

ອັນສັບບຸຣຸສດຳເນີນຕາມແລ້ວ ບັນດິຕກ່າວວ່າ ເປັນທາງໄປສູ່ສະຫວັນ ຊົນທັງຫຼາຍຍ່ອມໄປສູ່ເທວະໂລກດ້ວຍທາງນີ້ ແລ.

ໜັງສືພຸດທະພົຈນ໌ - ໝວດທັມ : ທານະ (ການໃຫ້)

ປະໂຍຊນ໌ເກື້ອກູລຂອງສັບບຸຣຸສ ໔໓

- ບາລີ ສຄາຖ. ສັງ. ໑໕/໓໓໕/໙໐໗.

- ບາລີ ສັຕຕກ. ອັງ. ໒໓/໒໔໘/໑໒໘.

ພິກຂຸທັງຫຼາຍ ! ສັບບຸຣຸສເມື່ອເກີດໃນຕະກູລ ຍ່ອມເກີດເພື່ອປະໂຍຊນ໌ ເພື່ອເກື້ອກູລ ເພື່ອຄວາມສຸຂແກ່ຊົນສ່ວນໃຫຍ່ຄື ຍ່ອມເກີດເພື່ອປະໂຍຊນ໌ ເພື່ອເກື້ອກູລ ເພື່ອຄວາມສຸຂແກ່ມານດາ ບິດາ ແກ່ບຸຕພັນຣະຍາ ແກ່ໝູ່ຄົນຜູ້ເປັນຂ້າທາສກຳມະກອນ ແກ່ມິຕ ອາມາຕ ແກ່ຍາຕທີ່ລ່ວງລັບໄປແລ້ວ ແກ່ພຣະຣາຊາ ແກ່ເທວະດາທັງຫຼາຍ ແກ່ສະມະນະພຣາມ.