ຄູ່ມືໂສດາບັນ

(໕) ພິກຂຸທັງຫຼາຍ ! ອີກປະການໜຶ່ງ ພິກຂຸເປັນຜູ້ມີສີລທີ່ບໍ່ຂາດ ບໍ່ຊອດທະລຸ ບໍ່ດ່າງ ບໍ່ເສົ້າໝອງ ເປັນອິສະຣະພາບ ອັນຜູ້ຮູ້ສັນເສີນ ບໍ່ຖືກທິຕຖິຄອບງໍາ ເປັນໄປພ້ອມເພື່ອສະມາທິ ແລະເຖິງຄວາມເປັນຜູ້ມີສີລສະເໝີກັນໃນສີລເຊັ່ນນັ້ນກັບເພື່ອນຮ່ວມປະພຶດພຣົມມະຈັນທັງຫຼາຍ ທັງໃນບ່ອນແຈ້ງແລະບ່ອນທີ່ລັບ ທັມແມ່ນວ່ານີ້ເປັນເຫຕໃຫ້ລະລຶກເຖິງກັນ ເປັນເຫຕກໍ່ຄວາມຮັກ ກໍ່ຄວາມເຄົາຣົບ ເປັນໄປເພື່ອຄວາມສົງເຄາະກັນ ເພື່ອບໍ່ວິວາດກັນ ເພື່ອຄວາມພ້ອມພຽງກັນ ເພື່ອຄວາມເປັນອັນໜຶ່ງອັນດຽວກັນ.

ໜັງສືພຸດທະພົຈນ໌ - ໝວດທັມ : ຄູ່ມືໂສດາບັນ

(໖) ພິກຂຸທັງຫຼາຍ ! ອີກປະການໜຶ່ງ ພິກຂຸເປັນຜູ້ມີທິຕຖິອັນເປັນອະຣິຍະ ອັນເປັນເຄື່ອງນໍາອອກ (ນິຍຍານິກະ) ນໍາໄປເພື່ອຄວາມໝົດທຸກຂ໌ໂດຍຊອບແກ່ຜູ້ເຮັດຕາມ ແລະເຖິງຄວາມເປັນຜູ້ມີທິຕຖິສະເໝີກັນໃນທິຕຖິເຊັ່ນນັ້ນກັບເພື່ອນຮ່ວມປະພຶດ ພຣົມມະຈັນທັງຫຼາຍ ທັງໃນບ່ອນແຈ້ງແລະບ່ອນທີ່ລັບ ທັມແມ່ນວ່ານີ້ເປັນເຫຕໃຫ້ລະລຶກເຖິງກັນ ເປັນເຫຕກໍ່ຄວາມຮັກ ກໍ່ຄວາມເຄົາຣົບ ເປັນໄປເພື່ອຄວາມສົງເຄາະກັນ ເພື່ອບໍ່ວິວາດກັນ ເພື່ອຄວາມພ້ອມພຽງກັນ ເພື່ອຄວາມເປັນອັນໜຶ່ງອັນດຽວກັນ.

ພິກຂຸທັງຫຼາຍ ! ທັມ ໖ ປະການເຫຼົ່ານີ້ແລ ເປັນເຫຕໃຫ້ລະລຶກເຖິງກັນ ເປັນເຫຕກໍ່ຄວາມຮັກ ກໍ່ຄວາມເຄົາຣົບ ເປັນໄປເພື່ອຄວາມສົງເຄາະກັນ ເພື່ອບໍ່ວິວາດກັນ ເພື່ອຄວາມພ້ອມພຽງກັນ ເພື່ອຄວາມເປັນອັນໜຶ່ງອັນດຽວກັນ.

ພິກຂຸທັງຫຼາຍ ! ທິຕຖິອັນເປັນອະຣິຍະ ອັນເປັນເຄື່ອງນໍາອອກ ນໍາໄປເພື່ອຄວາມໝົດທຸກຂ໌ໂດຍຊອບແກ່ຜູ້ເຮັດຕາມ ເປັນຍອດຢຶດຄຸມທັມ ໖ ປະການເຫຼົ່ານີ້ ທີ່ເປັນເຫຕໃຫ້ລະລຶກເຖິງກັນໄວ້.

ພິກຂຸທັງຫຼາຍ ! ປຽບເໝືອນຍອດເປັນບ່ອນສູງສຸດ ເປັນໂຕຢຶດຄຸມຂອງເຮືອນຍອດເຊັ່ນໃດ ທິຕຖິອັນເປັນອະຣິຍະ ອັນເປັນເຄື່ອງນໍາອອກ ນໍາໄປເພື່ອຄວາມໝົດທຸກຂ໌ໂດຍຊອບແກ່ຜູ້ເຮັດຕາມ ກໍເຊັ່ນນັ້ນເໝືອນກັນ ເປັນຍອດຢຶດຄຸມທັມ ໖ ປະການເຫຼົ່ານີ້ ທີ່ເປັນເຫຕໃຫ້ລະລຶກເຖິງກັນ.

ໜັງສືພຸດທະພົຈນ໌ - ໝວດທັມ : ຄູ່ມືໂສດາບັນ

ພິກຂຸທັງຫຼາຍ ! ກໍທິຕຖິອັນເປັນອະຣິຍະ ອັນເປັນເຄື່ອງນໍາອອກ ນໍາໄປເພື່ອຄວາມໝົດທຸກຂ໌ໂດຍຊອບແກ່ຜູ້ເຮັດຕາມ ເປັນແນວໃດໜໍ ?

ພິກຂຸທັງຫຼາຍ ! ພິກຂຸໃນທັມວິນັຍນີ້ ໄປແລ້ວສູ່ປ່າ ສູ່ເຫງົ້າໄມ້ ຫຼືສູ່ເຮືອນວ່າງກໍຕາມ ຍ່ອມພິຈາຣະນາເຫັນດັ່ງນີ້ວ່າ ເຮົາເປັນຜູ້ມີຈິຕຖືກເຄື່ອງຄອບງໍາອັນໃດຄອບງໍາແລ້ວ (ປະຣິຢຸຕຖາເນນະ ປະຣິຢຸຕຖິຕະຈິຕໂຕ) ບໍ່ອາດຮູ້ເຫັນຕາມຄວາມເປັນຈິງ ເຄື່ອງຄອບງໍານັ້ນທີ່ເຮົາຍັງລະບໍ່ໄດ້ໃນພາຍໃນ ມີຢູ່ຫຼືບໍ່ໜໍ.

ພິກຂຸທັງຫຼາຍ ! ຖ້າພິກຂຸມີຈິຕອັນກາມຣາຄະຄອບງໍາ ຫຼືມິຈິຕອັນພະຍາບາດຄອບງໍາ ຫຼືມີຈິຕອັນຖີນະມິດທະຄອບງໍາ ຫຼືມີຈິຕອັນອຸດທັດຈະກຸກກຸຈຈະຄອບງໍາ ຫຼືມີຈິຕອັນວິຈິກິຈສາຄອບງໍາ ກໍຊື່ວ່າເປັນຜູ້ມີຈິຕຖືກເຄື່ອງຄອບງໍາ ຄອບງໍາແລ້ວ.

ຖ້າພິກຂຸເປັນຜູ້ຂົນຂວາຍໃນການຄິດເລື່ອງໂລກນີ້ ຫຼືເປັນຜູ້ຂົນຂວາຍໃນການຄິດເລື່ອງໂລກອື່ນ ກໍຊື່ວ່າເປັນຜູ້ມີຈິຕຖືກເຄື່ອງຄອບງໍາ ຄອບງໍາແລ້ວ.

ຖ້າພິກຂຸເກີດຂັດໃຈ ທະເລາະວິວາດ ສຽບແທງກັນແລະກັນດ້ວຍຫອກຄືປາກຢູ່ ກໍຊື່ວ່າເປັນຜູ້ມີຈິຕຖືກເຄື່ອງຄອບງໍາ ຄອບງໍາແລ້ວ.

ຖ້າພິກຂຸນັ້ນ ຍ່ອມຮູ້ແຈ້ງຢ່າງນີ້ວ່າ ເຮົາເປັນຜູ້ມີຈິຕຖືກເຄື່ອງຄອບງໍາໃດຄອບງໍາແລ້ວ ບໍ່ອາດຮູ້ເຫັນຕາມຄວາມເປັນຈິງ ເຄື່ອງຄອບງໍານັ້ນທີ່ເຮົາຍັງລະບໍ່ໄດ້ໃນພາຍໃນ ບໍ່ໄດ້ມີເລີຍ.

ໜັງສືພຸດທະພົຈນ໌ - ໝວດທັມ : ຄູ່ມືໂສດາບັນ

ຈິຕຂອງເຮົາຕັ້ງໄວ້ດີແລ້ວ ເພື່ອຄວາມຕຣັສຮູ້ສັຈຈະທັງຫຼາຍ ນີ້ຄືຍານທີ ໑ ອັນເປັນອະຣິຍະ ເປັນໂລກຸຕຕະຣະ ບໍ່ທົ່ວໄປກັບພວກປຸຖຸຊົນ ອັນພິກຂຸນັ້ນບັນລຸແລ້ວ.