ຄູ່ມືໂສດາບັນ

ໜັງສືພຸດທະພົຈນ໌ - ໝວດທັມ : ຄູ່ມືໂສດາບັນ

ສາຣີບຸຕ ! ປະຣິບພາຊົກລັດທິອື່ນ ຍັງອ່ອນຄວາມຮູ້ ບໍ່ສະຫຼາດ ຈັກຮູ້ໄດ້ຢ່າງໃດກັນວ່າຜູ້ໃດມີເຊື້ອເຫຼືອ ໃຜບໍ່ມີເຊື້ອເຫຼືອ. ສາຣີບຸຕ ! ບຸກຄົນເຫຼົ່ານີ້ແລ ທີ່ມີເຊື້ອເຫຼືອ ໙ ຈຳພວກ ເມື່ອຕາຍໄປ ກໍພົ້ນແລ້ວຈາກນະຣົກ ຈາກກຳເນີດເດຣັຈສານ ຈາກວິສັຍແຫ່ງເປຕ ຈາກອະບາຍ ທຸຄະຕິ ວິນິບາຕ.

ສາຣີບຸຕ ! ທັມປະຣິຍາຍຂໍ້ນີ້ ຍັງບໍ່ເຄີຍສະແດງໃຫ້ປາກົດ ແກ່ໝູ່ພິກຂຸ ພິກຂຸນີ ອຸບາສົກ ອຸບາສິກາທັງຫຼາຍມາແຕ່ກາລກ່ອນ.

ຂໍ້ນັ້ນເພາະເຫຕໃດໜໍ ?

ເພາະເຮົາເຫັນວ່າ ຖ້າເຂົາເຫຼົ່ານັ້ນໄດ້ຟັງທັມປະຣິຍາຍຂໍ້ນີ້ແລ້ວ ຈັກພາກັນເກີດຄວາມປະມາດ;

ອັນໜຶ່ງໜໍ ທັມປະຣິຍາຍເຊັ່ນນີ້ ເປັນທັມປະຣິຍາຍ ທີ່ເຮົາກ່າວ ຕໍ່ເມື່ອຖືກຖາມເຈາະຈົງເທົ່ານັ້ນ; ດັ່ງນີ້ ແລ.

ໜັງສືພຸດທະພົຈນ໌ - ໝວດທັມ : ຄູ່ມືໂສດາບັນ

ຜົລແປດປະການອັນເປັນພາບລວມ

ຂອງຄວາມເປັນພຣະໂສດາບັນ ໔໐

- ບາລີ ມູ. ມ. ໑໒/໔໘໓-໔໘໕/໔໕໐-໔໕໑.

ພິກຂຸທັງຫຼາຍ ! ຖືກແລ້ວ !

ເມື່ອເປັນຢ່າງນີ້ກໍເປັນອັນວ່າ

ພວກເຈົ້າທັງຫຼາຍກໍກ່າວຢ່າງນັ້ນ,

ແມ່ນວ່າເຮົາຕະຖາຄົຕກໍກ່າວຢ່າງນັ້ນ, ວ່າ

“ເມື່ອສິ່ງນີ້ບໍ່ມີ, ສິ່ງນີ້ຍ່ອມບໍ່ມີ;

ເພາະສິ່ງນີ້ດັບ, ສິ່ງນີ້ຍ່ອມດັບ;໑

໑. ຄຳບາລີຂອງປະໂຫຍກນີ້ມີວ່າ “ອິມັສສະມິງ ອະສະຕິ ອິດັງ ນະ ໂຫຕິ; ອິມັສສະ ນິໂຣທາ ອິດັງ ນິຣຸຊຊະຕິ” ເປັນການອະທິບາຍລຳດັບເຫຕໃນການດັບໄປແຫ່ງລະບົບສົມມຸດ

(ຄືລະບົບທຳມະຊາດທີ່ມີການເກີດ, ແກ່, ຕາຍ ທຸກສິ່ງ ທັງຮູບແລະນາມ).

ໜັງສືພຸດທະພົຈນ໌ - ໝວດທັມ : ຄູ່ມືໂສດາບັນ

ກ່າວຄື

ເພາະມີຄວາມດັບແຫ່ງອະວິຊຊາ ຈຶ່ງມີຄວາມດັບແຫ່ງສັງຂາຣ;

ເພາະມີຄວາມດັບແຫ່ງສັງຂາຣ ຈຶ່ງມີຄວາມດັບແຫ່ງວິນຍານ;

ເພາະມີຄວາມດັບແຫ່ງວິນຍານ ຈຶ່ງມີຄວາມດັບແຫ່ງນາມຮູບ;

ເພາະມີຄວາມດັບແຫ່ງນາມຮູບ ຈຶ່ງມີຄວາມດັບແຫ່ງສະລາຍະຕະນະ;

ເພາະມີຄວາມດັບແຫ່ງສະລາຍະຕະນະ ຈຶ່ງມີຄວາມດັບແຫ່ງຜັສສະ;

ເພາະມີຄວາມດັບແຫ່ງຜັສສະ ຈຶ່ງມີຄວາມດັບແຫ່ງເວທະນາ;

ເພາະມີຄວາມດັບແຫ່ງເວທະນາ ຈຶ່ງມີຄວາມດັບແຫ່ງຕັນຫາ;

ເພາະມີຄວາມດັບແຫ່ງຕັນຫາ ຈຶ່ງມີຄວາມດັບແຫ່ງອຸປາທານ;

ເພາະມີຄວາມດັບແຫ່ງອຸປາທານ ຈຶ່ງມີຄວາມດັບແຫ່ງພົບ;

ເພາະມີຄວາມດັບແຫ່ງພົບ ຈຶ່ງມີຄວາມດັບແຫ່ງຊາຕ;

ເພາະມີຄວາມດັບແຫ່ງຊາຕນັ້ນແລ

ຊະຣາມໍຣະນະໂສກະປະຣິເທວະທຸກຂະໂທມະນັສອຸປາຍາສທັງຫຼາຍ

ຈຶ່ງດັບສິ້ນ:

ຄວາມດັບລົງແຫ່ງກອງທຸກຂ໌ທັງສິ້ນນີ້ ຍ່ອມມີດ້ວຍອາການຢ່າງນີ້”.

(໑) ພິກຂຸທັງຫຼາຍ ! ຈະເປັນໄປໄດ້ບໍ່ວ່າ ພວກເຈົ້າເມື່ອຮູ້ຢູ່ຢ່າງນີ້ ເຫັນຢູ່ຢ່າງນີ້ ຈະຍ່ອມແລ່ນໄປສູ່ ທິຕຖິອັນປາຣົບທີ່ສຸດໃນເບື້ອງຕົ້ນ (ຄວາມເຫັນທີ່ນຶກເຖິງຂັນທ໌ໃນອະດີຕ) ວ່າ “ໃນກາລຍືດຍາວນານຝ່າຍອະດີຕ ເຮົາໄດ້ມີແລ້ວຫຼືໜໍ; ເຮົາບໍ່ໄດ້ມີແລ້ວຫຼືໜໍ;

ໜັງສືພຸດທະພົຈນ໌ - ໝວດທັມ : ຄູ່ມືໂສດາບັນ

ເຮົາໄດ້ເປັນຫຍັງແລ້ວໜໍ; ເຮົາໄດ້ເປັນຢ່າງໃດແລ້ວໜໍ; ເຮົາເປັນຫຍັງແລ້ວ ຈຶ່ງໄດ້ເປັນຫຍັງອີກແລ້ວໜໍ”; ດັ່ງນີ້ ?

“ຂໍ້ນັ້ນ ຫາບໍ່ໄດ້ ຂ້ານ້ອຍ !”.