ຄູ່ມືໂສດາບັນ

(໒) ພິກຂຸທັງຫຼາຍ ! ຫຼືວ່າ ຈະເປັນໄປໄດ້ບໍ່ວ່າພວກເຈົ້າ ເມື່ອຮູ້ຢູ່ຢ່າງນີ້ ເຫັນຢູ່ຢ່າງນີ້ ຈະຍ່ອມແລ່ນໄປສູ່ ທິຕຖິອັນປາຣົບທີ່ສຸດໃນເບື້ອງປາຍ (ຄວາມເຫັນທີ່ນຶກເຖິງຂັນທ໌ໃນອະນາຄົຕ) ວ່າ “ໃນກາລຍືດຍາວນານຝ່າຍອະນາຄົຕ ເຮົາຈັກມີຫຼືໜໍ; ເຮົາຈັກບໍ່ມີຫຼືໜໍ; ເຮົາຈັກເປັນຫຍັງໜໍ; ເຮົາຈັກເປັນຢ່າງໃດໜໍ; ເຮົາເປັນຫຍັງແລ້ວ ຈັກເປັນຫຍັງຕໍ່ໄປໜໍ”; ດັ່ງນີ້ ?

“ຂໍ້ນັ້ນ ຫາບໍ່ໄດ້ ຂ້ານ້ອຍ !”.

(໓) ພິກຂຸທັງຫຼາຍ ! ຫຼືວ່າ ຈະເປັນໄປໄດ້ບໍ່ວ່າ ພວກເຈົ້າ ເມື່ອຮູ້ຢູ່ຢ່າງນີ້ ເຫັນຢູ່ຢ່າງນີ້ ຈະຍ່ອມເປັນຜູ້ມີຄວາມສົງໄສກ່ຽວກັບຕົນ ປາຣົບການອັນເປັນປະຈຸບັນ ໃນການນີ້ວ່າ “ເຮົາມີຢູ່ຫຼືໜໍ; ເຮົາບໍ່ມີຢູ່ຫຼືໜໍ; ເຮົາເປັນຫຍັງໜໍ; ເຮົາເປັນຢ່າງໃດໜໍ; ສັຕນີ້ມາຈາກໃສ ແລ້ວຈັກເປັນຜູ້ໄປສູ່ບ່ອນໃດອີກໜໍ”; ດັ່ງນີ້ ?

“ຂໍ້ນັ້ນ ຫາບໍ່ໄດ້ ຂ້ານ້ອຍ !”.

ໜັງສືພຸດທະພົຈນ໌ - ໝວດທັມ : ຄູ່ມືໂສດາບັນ

(໔) ພິກຂຸທັງຫຼາຍ ! ຫຼືວ່າ ຈະເປັນໄປໄດ້ບໍ່ວ່າ ພວກເຈົ້າ ເມື່ອຮູ້ຢູ່ຢ່າງນີ້ ເຫັນຢູ່ຢ່າງນີ້ ແລ້ວຈະຍ່ອມກ່າວວ່າ “ພຣະສາສດາເປັນຄູຂອງພວກເຮົາ ດັ່ງນັ້ນ ພວກເຮົາຕ້ອງກ່າວຢ່າງທີ່ທ່ານກ່າວ ເພາະຄວາມເຄົາຣົບໃນພຣະສາສດານັ້ນແລ” ດັ່ງນີ້ ?

“ຂໍ້ນັ້ນ ຫາບໍ່ໄດ້ ຂ້ານ້ອຍ !”.

(໕) ພິກຂຸທັງຫຼາຍ ! ຫຼືວ່າ ຈະເປັນໄປໄດ້ບໍ່ວ່າພວກເຈົ້າ ເມື່ອຮູ້ຢູ່ຢ່າງນີ້ ເຫັນຢູ່ຢ່າງນີ້ ແລ້ວຈະຍ່ອມກ່າວວ່າ “ພຣະສະມະນະ (ພຣະພຸດທະອົງຄ໌) ກ່າວແລ້ວຢ່າງນີ້; ແຕ່ສະມະນະທັງຫຼາຍແລະພວກເຮົາຈະກ່າວຢ່າງອື່ນ” ດັ່ງນີ້ ?

“ຂໍ້ນັ້ນ ຫາບໍ່ໄດ້ ຂ້ານ້ອຍ !”.

(໖) ພິກຂຸທັງຫຼາຍ ! ຫຼືວ່າ ຈະເປັນໄປໄດ້ບໍ່ວ່າພວກເຈົ້າ ເມື່ອຮູ້ຢູ່ຢ່າງນີ້ ເຫັນຢູ່ຢ່າງນີ້ ຈະຍ່ອມປະກາດ ການນັບຖືສາສດາອື່ນ ?

“ຂໍ້ນັ້ນ ຫາບໍ່ໄດ້ ຂ້ານ້ອຍ !”.

(໗) ພິກຂຸທັງຫຼາຍ ! ຫຼືວ່າ ຈະເປັນໄປໄດ້ບໍວ່າ ພວກເຈົ້າ ເມື່ອຮູ້ຢູ່ຢ່າງນີ້ເຫັນຢູ່ຢ່າງນີ້ ຈະຍ່ອມວຽນກັບໄປສູ່ການປະພຶດຊຶ່ງວັດຕະໂກຕູຫົລມຸງຄຸນ ທັງຫຼາຍຕາມ

ໜັງສືພຸດທະພົຈນ໌ - ໝວດທັມ : ຄູ່ມືໂສດາບັນ

ແບບຂອງສະມະນະພຣາມທັງຫຼາຍເຫຼົ່າອື່ນເປັນຈຳນວນຫຼາຍໂດຍຄວາມເປັນສາຣະ ?

“ຂໍ້ນັ້ນ ຫາບໍ່ໄດ້ ຂ້ານ້ອຍ !”.

(໘) ພິກຂຸທັງຫຼາຍ ! ພວກເຈົ້າ ຈະກ່າວແຕ່ສິ່ງທີ່ພວກເຈົ້າຮູ້ເອງ ເຫັນເອງ ຮູ້ສຶກເອງແລ້ວ ເທົ່ານັ້ນ ບໍ່ແມ່ນຫຼື ?

“ຢ່າງນັ້ນ ຂ້ານ້ອຍ !”.

ພິກຂຸທັງຫຼາຍ ! ຖືກແລ້ວ.

ພິກຂຸທັງຫຼາຍ !

ພວກເຈົ້າທັງຫຼາຍ ເປັນຜູ້ທີ່ເຮົານຳ(ພາ)ໄປແລ້ວດ້ວຍທັມນີ້

ອັນເປັນທັມທີ່ບຸກຄົນຈະຍ່ອມເຫັນໄດ້ດ້ວຍຕົນເອງ (ສັນທິຕຖິໂກ),

ເປັນທັມໃຫ້ຜົລບໍ່ຈຳກັດກາລ (ອະກາລິໂກ),

ເປັນທັມທີ່ຄວນເອີ້ນກັນມາເບິ່ງ (ເອຫິປັສສິໂກ),

ຄວນນ້ອມເຂົ້າມາໃສ່ຕົວ (ໂອປະນະຍິໂກ),

ອັນວິນຍູຊົນຈະຍ່ອມຮູ້ໄດ້ສະເພາະຕົນ (ປັຈຈັຕຕັງ ເວທິຕັບໂພວິນຍູຫິ).

ພິກຂຸທັງຫຼາຍ ! ຄຳນີ້ເຮົາກ່າວແລ້ວ ໝາຍເຖິງຄຳທີ່ເຮົາໄດ້ເຄີຍກ່າວໄວ້ແລ້ວວ່າ “ພິກຂຸທັງຫຼາຍ ! ທັມນີ້ ເປັນທັມທີ່ບຸກຄົນຈະຍ່ອມເຫັນໄດ້ດ້ວຍຕົນເອງ ເປັນທັມໃຫ້ຜົລບໍ່ຈຳກັດກາລ ເປັນທັມທີ່ຄວນເອີ້ນກັນມາເບິ່ງ ຄວນນ້ອມເຂົ້າມາໃສ່ຕົນ ອັນວິນຍູຊົນຈະຍ່ອມຮູ້ໄດ້ສະເພາະຕົນ” ດັ່ງນີ້.

ໜັງສືພຸດທະພົຈນ໌ - ໝວດທັມ : ຄູ່ມືໂສດາບັນ

ລະວັງຕາຍຄາປະຕູນິບພານ ໔໑

- ບາລີ ອຸປຣິ. ມ. ໑໔/໖໖-໖໙/໗໖.

ສຸນັກຂັຕຕະ ! ຂໍ້ນີ້ເປັນຖານະທີ່ມີໄດ້ ຄື ຈະມີພິກຂຸບາງອົງໃນກໍລະນີນີ້ ມີຄວາມເຂົ້າໃຈຂອງຕົນ ມີຄວາມໝາຍ