ຄະຣາວາສຊັ້ນເລີດ

ພິກຂຸທັງຫຼາຍ ! ນິທານສັມພະວະແຫ່ງກັມທັງຫຼາຍ ເປັນແນວໃດໜໍ ?

ພິກຂຸທັງຫຼາຍ ! ນິທານສັມພະວະ (ເຫດເປັນແດນເກີດພ້ອມ) ແຫ່ງກັມທັງຫຼາຍ ຄື ຜັສສະ.

ຄະຣາວາສຊັ້ນເລີດ

ພິກຂຸທັງຫຼາຍ ! ເວມັຕຕະຕາແຫ່ງກັມທັງຫຼາຍ ເປັນແນວໃດໜໍ ?

ພິກຂຸທັງຫຼາຍ ! ກັມທີ່ເຮັດສັຕໃຫ້ສະເຫວີຍເວທະນາໃນນະຣົກ ມີຢູ່, ກັມທີ່ເຮັດສັຕໃຫ້ສະເຫວີຍເວທະນາໃນກໍາເນີດເດຣັດສານ ມີຢູ່, ກັມທີ່ເຮັດສັຕໃຫ້ສະເຫວີຍເວທະນາໃນເປຕວິສັຍ ມີຢູ່, ກັມທີ່ເຮັດສັຕໃຫ້ສະເຫວີຍເວທະນາ ໃນມະນຸສໂລກ ມີຢູ່, ກັມທີ່ເຮັດສັຕໃຫ້ສະເຫວີຍເວທະນາໃນເທວະໂລກ ມີຢູ່,

ພິກຂຸທັງຫຼາຍ ! ນີ້ເຮົາກ່າວວ່າ ເວມັຕຕະຕາ (ຄວາມມີປະມານຕ່າງໆ) ແຫ່ງກັມທັງຫຼາຍ.

ພິກຂຸທັງຫຼາຍ ! ວິບາກແຫ່ງກັມທັງຫຼາຍ ເປັນແນວໃດໜໍ ?

ພິກຂຸທັງຫຼາຍ ! ເຮົາກ່າວວິບາກແຫ່ງກັມທັງຫຼາຍ ວ່າມີຢູ່ ໓ ຢ່າງຄື ວິບາກໃນທິຕຖະທັມ (ຄືທັນຄວັນ) ຫຼືວ່າວິບາກໃນອຸປະປັຊຊະ (ຄືໃນເວລາຕໍ່ໄປ) ຫຼືວ່າ ວິບາກໃນ ອະປະຣະປະຣິຍາຍະ (ຄືໃນເວລາຕໍ່ໄປອີກ).

ພິກຂຸທັງຫຼາຍ ! ນີ້ເຮົາກ່າວວ່າວິບາກແຫ່ງກັມທັງຫຼາຍ.

ຄະຣາວາສຊັ້ນເລີດ

ພິກຂຸທັງຫຼາຍ ! ກັມມະນິໂຣດ ເປັນແນວໃດໜໍ ?

ພິກຂຸທັງຫຼາຍ ! ຄວາມດັບແຫ່ງກັມຍ່ອມມີ ເພາະຄວາມດັບແຫ່ງຜັສສະ.

ອະຣິຍະອັຕຖັງຄິກະມັຄ (ອະຣິຍະມັຄມີອົງຄ໌ແປດ) ນີ້ ນັ້ນເອງເປັນກັມມະນິໂຣທະຄາມີນີປະຕິປະທາ (ຂໍ້ປະຕິບັດໃຫ້ເຖິງຄວາມດັບບໍ່ເຫຼືອແຫ່ງກັມ) ໄດ້ແກ່ສິ່ງເຫຼົ່ານີ້ຄື:

ສັມມາທິຕຖິ (ຄວາມເຫັນຊອບ)

ສັມມາສັງກັບປະ (ຄວາມດຳຣິຊອບ)

ສັມມາວາຈາ (ການເວົ້າຈາຊອບ)

ສັມມາກັມມັນຕະ (ການທຳການງານຊອບ)

ສັມມາອາຊີວະ (ການລ້ຽງຊີວິດຊອບ)

ສັມມາວາຍາມະ (ຄວາມພາກພຽນຊອບ)

ສັມມາສະຕິ (ຄວາມລະນຶກຊອບ)

ສັມມາສະມາທິ (ຄວາມຕັ້ງໃຈໝັ້ນຊອບ).

ພິກຂຸທັງຫຼາຍ ! ເມື່ອໃດອະຣິຍະສາວົກ ຍ່ອມຮູ້ຊັດເຈນຊຶ່ງກັມ ຢ່າງນີ້, ຮູ້ຊັດເຈນຊຶ່ງນິທານສັມພະວະແຫ່ງກັມຢ່າງນີ້, ຮູ້ຊັດເຈນຊຶ່ງເວມັຕຕະຕາແຫ່ງກັມ ຢ່າງນີ້, ຮູ້ຊັດເຈນ ຊຶ່ງວິບາກແຫ່ງກັມຢ່າງນີ້, ຮູ້ຊັດເຈນຊຶ່ງກັມມະນິໂຣດ ຢ່າງນີ້, ຮູ້ຊັດເຈນຊຶ່ງກັມມະນິໂຣທະຄາມິນິປະຕິປະທາ ຢ່າງນີ້;

ຄະຣາວາສຊັ້ນເລີດ

ອະຣິຍະສາວົກນັ້ນ ຍ່ອມຮູ້ຊັດເຈນຊຶ່ງພຣົມມະຈັນນີ້ວ່າ ເປັນເຄື່ອງເຈາະແທງກິເລສ ເປັນທີ່ດັບບໍ່ເຫຼືອແຫ່ງກັມ.

ພິກຂຸທັງຫຼາຍ ! ຂໍ້ນີ້ເຮົາກ່າວແລ້ວວ່າ

“ກັມເປັນສິ່ງທີ່ບຸກຄົນຄວນຮູ້,

ນິທານສັມພະວະແຫ່ງກັມ ເປັນສິ່ງບຸກຄົນຄວນຮູ້,

ເວມັຕຕະຕາແຫ່ງກັມ ເປັນສິ່ງທີ່ບຸກຄົນຄວນຮູ້,

ວິບາກແຫ່ງກັມ ເປັນສິ່ງທີ່ບຸກຄົນຄວນຮູ້,

ກັມມະນິໂຣດ ເປັນສິ່ງທີ່ບຸກຄົນຄວນຮູ້,

ກັມມະນິໂຣທະຄາມິນີປະຕິປະທາ ເປັນສິ່ງທີ່ບຸກຄົນຄວນຮູ້” ດັ່ງນີ້ (ລວມສິ່ງທີ່ບຸກຄົນຄວນຮູ້ກ່ຽວກັບກັມທັງ ໖ ແງ່ມຸມ) ນັ້ນເຮົາອາໄສຄວາມຂໍ້ນີ້ກ່າວແລ້ວ.

ຄະຣາວາສຊັ້ນເລີດ

ກັມປຽບທຽບດ້ວຍກ້ອນເກືອ ໒໓

- ບາລີ ຕິກ. ອັງ. ໒໐/໓໒໐/໕໔໐.

ພິກຂຸທັງຫຼາຍ ! ຜູ້ໃດຍ່ອມກ່າວວ່າ ຄົນກະທໍາກັມຢ່າງໃດໆ ຍ່ອມສະເຫວີຍກັມນັ້ນ ຢ່າງນັ້ນໆ ດັ່ງນີ້ ເມື່ອເປັນດັ່ງນັ້ນ ການຢູ່ປະພຶດພຣົມມະຈັນກໍມີບໍ່ໄດ້ ຊ່ອງທາງທີ່ຈະປະພຶດທີ່ສຸດແຫ່ງທຸກຂ໌ໂດຍຊອບກໍບໍ່ປາກົດ.

ສ່ວນຜູ້ໃດກ່າວວ່າ ຄົນກະທຳກັມອັນຈະຍ່ອມໃຫ້ຜົລຢ່າງ ໃດໆ ຍ່ອມສະເຫວີຍ ຜົລຂອງກັມນັ້ນ ຢ່າງນັ້ນໆ ດັ່ງນີ້ ເມື່ອເປັນຢ່າງນີ້ ການຢູ່ປະພຶດພຣົມມະຈັນຍ່ອມມີໄດ້ ຊ່ອງທາງທີ່ຈະປະພຶດທີ່ສຸດແຫ່ງທຸກຂ໌ໂດຍຊອບກໍຍ່ອມປາກົດ.