ໜັງສືຈາກພຸດທະພົຈນ໌ ອານາປານະສະຕິ

ລໍາດັບນັ້ນແລ ທ່ານອານົນທ໌ໄດ້ຈື່ເອົາສັນຍາສິບປະການເຫຼົ່ານີ້ ໃນສໍານັກຂອງພຣະຜູ້ມີພຣະພາກເຈົ້າແລ້ວ ເຂົ້າໄປຫາທ່ານຄິຣິມານົນທ໌ ແລ້ວກ່າວສັນຍາສິບປະການແກ່ທ່ານ ເມື່ອທ່ານຄິຣິມານົນທ໌ຟັງສັນຍາສິບປະການແລ້ວ ອາພາດກໍລະງັບໄປໂດຍຖານະອັນຄວນ. ທ່ານຄິຣິມານົນທ໌ເຊົາແລ້ວຈາກອາພາດ ແລະອາພາດກໍເປັນຄືດັ່ງລະໄປແລ້ວດວ້ຍ ແລ.

ທັມມະແວດລ້ອມ

ພຸດທະວະຈະນະ-ໝວດທັມ ເປີດທັມທີ່ຖືກປົກປິດ : ອານາປານະສະຕິ

ທັມເປັນອຸປະກາຣະສະເພາະແກ່

ອານາປານະສະຕິພາວະນາ ໒໗

- ບາລີ ປັນຈກ. ອັງ. ໒໒/໑໓໕-໑໓໖/໙໖-໙໘.

(ນັຍທີໜຶ່ງ)

ພິກຂຸທັງຫຼາຍ !

ພິກຂຸຜູ້ມຸ່ງຫວັງປະພຶດ ຝຶກອານາປານະສະຕິ

ເຊິ່ງປະກອບດ້ວຍທັມ ໕ ປະການ ຍ່ອມແທງຕະຫຼອດອະກຸບປະທັມ (ຜູ້ມີທັມບໍ່ກໍາເລີບ) ໄດ້ຕໍ່ກາລະບໍ່ດົນແລ.

໕ ປະການແນວໃດໜໍ ?

ພິກຂຸທັງຫຼາຍ ! ໕ ປະການຄື ໃນກໍລະນີນີ້ ພິກຂຸ

໑. ເປັນຜູ້ມີຄວາມຕ້ອງການໜ້ອຍ ມີກິດໜ້ອຍ ລ້ຽງງ່າຍ ສັນໂດດໃນບໍຣິຂາຣແຫ່ງຊີວິຕ

໒. ເປັນຜູ້ມີອາຫານໜ້ອຍ ປະກອບຕົນຢູ່ໃນຄວາມ ເປັນຜູ້ມີທ້ອງອັນວ່າງ (ຕາມອັຕຕາ)

ເປີດທັມທີ່ຖືກປົກປິດ : ອານາປານະສະຕິ

໓. ເປັນຜູ້ບໍ່ມີຄວາມມຶນຊາ ປະກອບຕົນຢູ່ໃນຄວາມຕື່ນ

໔. ເປັນຜູ້ມີສຸຕະຫຼາຍ ຊົງສຸຕະ ສະສົມສຸຕະ ຄືທັມເຫຼົ່າໃດ ອັນງົດງາມໃນເບື້ອງຕົ້ນ ງົດງາມໃນທ່າມກາງ ງົດງາມໃນທີ່ສຸດ ສະແດງຢູ່ເຊິ່ງພຣົມມະຈັນອັນບໍຣິສຸດບໍຣິບູນສິ້ນເຊີງ ພ້ອມທັງອັດຖະແລະພະຍັນຊະນະ ທັມມີລັກສະນະເຫັນປານນັ້ນ ເປັນທັມທີ່ເຂົາສະດັບແລ້ວຫຼາຍ ຊົງຈໍາໄວ້ຄ່ອງປາກທ່ອງຂຶ້ນໃຈ ແທງຕະຫຼອດດ້ວຍດີດ້ວຍທິຕຖິ

໕. ພິຈາລະນາເຫັນສະເພາະຢູ່ເຊິ່ງຈິຕອັນຫຼຸດພົ້ນແລ້ວ (ຕາມລໍາດັບ) ແນວໃດ.

ພິກຂຸທັງຫຼາຍ !

ພິກຂຸຜູ້ມຸ່ງຫວັງປະພຶດ ຝຶກອານາປານະສະຕິ

ເຊິ່ງປະກອບດ້ວຍທັມ ໕ ປະການເຫຼົ່ານີ້ແລ

ຍ່ອມແທງຕະຫຼອດອະກຸບປະທັມ ໄດ້ຕໍ່ກາລະບໍ່ດົນແທ້ແລ.

ພຸດທະວະຈະນະ - ໝວດທັມ

(ນັຍທີສອງ)

ພິກຂຸທັງຫຼາຍ !

ພິກຂຸຜູ້ຈະເລີນອານາປານະສະຕິ ເຊິ່ງປະກອບດ້ວຍທັມ ໕ ປະການ ຍ່ອມແທງຕະຫຼອດອະກຸບປະທັມ ໄດ້ຕໍ່ກາລະບໍ່ດົນແລ.

໕ ປະການແນວໃດໜໍ ?

ພິກຂຸທັງຫຼາຍ ! ໕ ປະການ ຄື ໃນກໍລະນີນີ້ ພິກຂຸ

໑. ເປັນຜູ້ມີຄວາມຕ້ອງການໜ້ອຍ ມີກິດໜ້ອຍ ລ້ຽງງ່າຍ ສັນໂດດໃນບໍຣິຂາຣແຫ່ງຊີວິຕ

໒. ເປັນຜູ້ມີອາຫານໜ້ອຍ ປະກອບຕົນຢູ່ໃນຄວາມເປັນຜູ້ມີທ້ອງອັນວ່າງ (ຕາມອັຕຕາ)

໓. ເປັນຜູ້ບໍ່ມີຄວາມມຶນຊາ ປະກອບຕົນຢູ່ໃນຄວາມຕື່ນ

໔. ເປັນຜູ້ໄດ້ຕາມປາຖະໜາ ໄດ້ໂດຍບໍ່ຍາກ ໄດ້ບໍ່ລໍາບາກ ເຊິ່ງກະຖາອັນເປັນໄປເພື່ອການຂູດເກົາກິເລສ ເປັນທີ່ສະບາຍ ແກ່ທັມເຄື່ອງເປີດໂລ່ງແຫ່ງຈິຕ ຄື

ເປີດທັມທີ່ຖືກປົກປິດ : ອານາປານະສະຕິ

ອັບປິດສະກະຖາ (ເລື່ອງປາຖະໜາໜ້ອຍ)

ສັນຕຸຕຖິກະຖາ (ເລື່ອງສັນໂດດ)

ປະວິເວກະກະຖາ (ເລື່ອງຄວາມສະງົບງຽບ)

ອະສັງສັກຄະກະຖາ (ເລື່ອງບໍ່ຄຸກຄີກັນ)

ວິຣິຢາຣັມພະກະຖາ (ເລື່ອງມີຄວາມພຽນ)

ສີລະກະຖາ (ເລື່ອງສີລ)

ສະມາທິກະຖາ (ເລື່ອງສະມາທິ)

ປັນຍາກະຖາ (ເລື່ອງປັນຍາ)

ວິມຸຕຕິກະຖາ (ເລື່ອງຫຼຸດພົ້ນ)

ວິມຸຕຕິຍານະທັດສະນະກະຖາ (ເລື່ອງວິມຸດຕິຍານະທັດສະນະ)

໕. ພິຈາລະນາເຫັນສະເພາະຢູ່ເຊິ່ງຈິຕອັນຫຼຸດພົ້ນແລ້ວ (ຕາມລໍາດັບ) ແນວໃດ.

ພິກຂຸທັງຫຼາຍ !

ພິກຂຸຜູ້ຈະເລີນອານາປານະສະຕິ ເຊິ່ງປະກອບດ້ວຍທັມ ໕ ປະການ ເຫຼົ່ານີ້ແລ ຍ່ອມແທງຕະຫຼອດອະກຸບປະທັມ ໄດ້ຕໍ່ກາລະບໍ່ດົນແທ້ແລ.

ພຸດທະວະຈະນະ - ໝວດທັມ

(ນັຍທີສາມ)

ພິກຂຸທັງຫຼາຍ !

ພິກຂຸຜູ້ຝຶກໃຫ້ຫຼາຍເຊິ່ງ ອານາປານະສະຕິ

ເຊິ່ງປະກອບດ້ວຍ ທັມ ໕ ປະການ

ຍ່ອມແທງຕະຫຼອດອະກຸບປະທັມ ໄດ້ຕໍ່ກາລະບໍ່ດົນແລ.

໕ ປະການແນວໃດໜໍ ?

ພິກຂຸທັງຫຼາຍ ! ໕ ປະການ ຄື ໃນກໍລະນີນີ້ ພິກຂຸ

໑. ເປັນຜູ້ມີຄວາມຕ້ອງການໜ້ອຍ ມີກິດໜ້ອຍ ລ້ຽງງ່າຍ ສັນໂດດໃນບໍຣິຂາຣແຫ່ງຊີວິຕ

໒. ເປັນຜູ້ມີອາຫານໜ້ອຍ ປະກອບຕົນຢູ່ໃນຄວາມ ເປັນຜູ້ມີທ້ອງອັນວ່າງ (ຕາມອັຕຕາ)

໓. ເປັນຜູ້ບໍ່ມີຄວາມມຶນຊາ ປະກອບຕົນຢູ່ໃນຄວາມຕື່ນ

໔. ເປັນຜູ້ຢູ່ປ່າ ມີເສນາສະນະອັນສະງົບງຽບ