ໜັງສືຈາກພຸດທະພົຈນ໌ ອານາປານະສະຕິ

“ຂ້າແຕ່ພຣະອົງຜູ້ຈະເລີນ ! ເວລາໃດທີ່ຂ້ານ້ອຍທັງຫຼາຍ ເຫັນທ່ານຜູ້ມີອາຍຸ ນັ່ງໃນທ່າມກາງສົງສ໌ກໍດີ ນັ່ງໃນທີ່ລັບຜູ້ດຽວກໍດີ ໃນເວລານັ້ນໆ ຂ້ານ້ອຍທັງຫຼາຍບໍ່ໄດ້ເຫັນຄວາມຫວັ່ນໄຫວ ຫຼື ຄວາມສັ່ນຄອນແຫ່ງກາຍຂອງທ່ານຜູ້ມີອາຍຸອົງນັ້ນເລີຍ ຂ້ານ້ອຍ !”

ພິກຂຸທັງຫຼາຍ ! ຄວາມຫວັ່ນໄຫວສັ່ນຄອນແຫ່ງກາຍກໍຕາມ ຄວາມຫວັ່ນໄຫວສັ່ນຄອນແຫ່ງຈິຕກໍຕາມ ມີຂຶ້ນບໍ່ໄດ້ ເພາະການຈະເລີນເຮັດໃຫ້ຫຼາຍເຊິ່ງສະມາທິໃດ ພິກຂຸມະຫາກັບປິນະ ນັ້ນ ເປັນຜູ້ໄດ້ຕາມປາຖະໜາ ໄດ້ບໍ່ຍາກ ໄດ້ບໍ່ລໍາບາກ ເຊິ່ງສະມາທິນັ້ນ.

ເປີດທັມທີ່ຖືກປົກປິດ : ອານາປານະສະຕິ

ພິກຂຸທັງຫຼາຍ ! ຄວາມຫວັ່ນໄຫວສັ່ນຄອນແຫ່ງກາຍກໍຕາມ ຄວາມຫວັ່ນໄຫວສັ່ນຄອນແຫ່ງຈິຕກໍຕາມ ມີຂຶ້ນບໍ່ໄດ້ ເພາະການຈະເລີນເຮັດໃຫ້ຫຼາຍເຊິ່ງສະມາທິເຫຼົ່າໃດໜໍ ?

ພິກຂຸທັງຫຼາຍ ! ຄວາມຫວັ່ນໄຫວສັ່ນຄອນແຫ່ງກາຍກໍຕາມ ຄວາມຫວັ່ນໄຫວສັ່ນຄອນແຫ່ງຈິຕກໍຕາມ ຍ່ອມມີບໍ່ໄດ້ ເພາະການຈະເລີນເຮັດໃຫ້ຫຼາຍເຊິ່ງ ອານາປານະສະຕິສະມາທິ.

ພິກຂຸທັງຫຼາຍ ! ເມື່ອອານາປານະສະຕິສະມາທິອັນບຸກຄົນ ຈະເລີນເຮັດໃຫ້ຫຼາຍແລ້ວ ແນວໃດໜໍ ຄວາມຫວັ່ນໄຫວສັ່ນຄອນແຫ່ງກາຍກໍຕາມ ຄວາມຫວັ່ນໄຫວສັ່ນຄອນແຫ່ງຈິຕກໍຕາມ ຈຶ່ງບໍ່ມີ ?

ພິກຂຸທັງຫຼາຍ ! ໃນກໍລະນີນີ້ ພິກຂຸໄປແລ້ວສູ່ປ່າ ຫຼືເຫງົ້າໄມ້ ຫຼືເຮືອນວ່າງກໍຕາມ ນັ່ງຄູ້ຂາເຂົ້າມາໂດຍຮອບ ຕັ້ງກາຍຕົງ ດໍາລົງສະຕິສະເພາະໜ້າ ເຂົານັ້ນມີສະຕິຫາຍໃຈເຂົ້າ ມີສະຕິຫາຍໃຈອອກ

ເມື່ອຫາຍໃຈເຂົ້າຍາວ ກໍຮູ້ແຈ້ງວ່າເຮົາຫາຍໃຈເຂົ້າຍາວເມື່ອຫາຍໃຈອອກຍາວ ກໍຮູ້ແຈ້ງວ່າເຮົາຫາຍໃຈອອກຍາວ

ເມື່ອຫາຍໃຈເຂົ້າສັ້ນ ກໍຮູ້ແຈ້ງວ່າເຮົາຫາຍໃຈເຂົ້າສັ້ນເມື່ອຫາຍໃຈອອກສັ້ນ ກໍຮູ້ແຈ້ງວ່າເຮົາຫາຍໃຈອອກສັ້ນ

(ແຕ່ນີ້ໄດ້ຕຣັດໄວ້ແນວດຽວກັນ ເຊິ່ງເໝືອນໃນໜ້າ ໑-໔ ທຸກປະການ)

ພຸດທະວະຈະນະ - ໝວດທັມ

ພິກຂຸທັງຫຼາຍ ! ເມື່ອອານາປານະສະຕິສະມາທິ ອັນບຸກຄົນຈະເລີນເຮັດໃຫ້ຫຼາຍແລ້ວ ດັ່ງນີ້ແລ ຄວາມຫວັ່ນໄຫວສັ່ນຄອນແຫ່ງກາຍກໍຕາມ ຄວາມຫວັ່ນໄຫວສັ່ນຄອນແຫ່ງຈິຕກໍຕາມ ຍ່ອມມີບໍ່ໄດ້ ດັ່ງນີ້.

ພຸດທະວະຈະນະ-ໝວດທັມ ເປີດທັມທີ່ຖືກປົກປິດ : ອານາປານະສະຕິ

ຈະເຣີນອານາປານະສະຕິ

ເປັນເຫດໃຫ້ຮູ້ລົມຫາຍໃຈ

ອັນມີເປັນຄັ້ງສຸດທ້າຍກ່ອນເສຍຊີວິດ ໒໓

- ບາລີ ມ. ມ. ໑໓/໑໔໐-໑໔໒/໑໔໖.

ຣາຫຸລະ ! ເຈົ້າຈົ່ງຈະເລີນອານາປານະສະຕິພາວະນາເຖີ້ນ ເພາະອານາປານະສະຕິທີ່ບຸກຄົນຈະເລີນ ເຮັດໃຫ້ຫຼາຍແລ້ວ ຍ່ອມມີຜົນໃຫຍ່ ມີອານິສົງສ໌ໃຫຍ່ ກໍອານາປານະສະຕິ ອັນບຸກຄົນຈະເລີນແລ້ວແນວໃດ ເຮັດໃຫ້ຫຼາຍແລ້ວແນວໃດ ຈຶ່ງມີຜົນໃຫຍ່ ມີອານິສົງສ໌ໃຫຍ່ ?

ຣາຫຸລະ ! ໃນກໍລະນີນີ້ພິກຂຸໄປແລ້ວສູ່ປ່າຫຼືເຫງົ້າໄມ້ຫຼືເຮືອນວ່າງກໍຕາມ ນັ່ງຄູ້ຂາເຂົ້າມາໂດຍຮອບ ຕັ້ງກາຍຕົງ ດໍາລົງ ສະຕິສະເພາະໜ້າ ເຂົານັ້ນ ມີສະຕິຫາຍໃຈເຂົ້າ ມີສະຕິຫາຍໃຈອອກ

ເມື່ອຫາຍໃຈເຂົ້າຍາວ ກໍຮູ້ແຈ້ງວ່າເຮົາຫາຍໃຈເຂົ້າຍາວ ເມື່ອຫາຍໃຈອອກຍາວ ກໍຮູ້ແຈ້ງວ່າເຮົາຫາຍໃຈອອກຍາວ

ເມື່ອຫາຍໃຈເຂົ້າສັ້ນ ກໍຮູ້ແຈ້ງວ່າເຮົາຫາຍໃຈເຂົ້າສັ້ນເມື່ອຫາຍໃຈອອກສັ້ນ ກໍຮູ້ແຈ້ງວ່າເຮົາຫາຍໃຈອອກສັ້ນ

(ແຕ່ນີ້ໄດ້ຕຣັດໄວ້ແນວດຽວກັນ ເຊິ່ງເໝືອນໃນໜ້າ ໑-໔ ທຸກປະການ)

ພຸດທະວະຈະນະ - ໝວດທັມ

ຣາຫຸລະ ! ອານາປານະສະຕິ ອັນບຸກຄົນຈະເລີນແລ້ວ ເຮັດໃຫ້ຫຼາຍແລ້ວ ດັ່ງນີ້ແລ ຍ່ອມມີຜົນໃຫຍ່ ມີອານິສົງສ໌ໃຫຍ່.

ຣາຫຸລະ ! ເມື່ອບຸກຄົນຈະເລີນ ເຮັດໃຫ້ຫຼາຍເຊິ່ງອານາປານະສະຕິ ດັ່ງນີ້ແລ້ວ

ລົມອັສສາສະ (ລົມຫາຍໃຈເຂົ້າ)

ປັສສາສະ (ລົມຫາຍໃຈອອກ)

ອັນຈະມີເປັນຄັ້ງສຸດທ້າຍ

ເມື່ອຈະດັບຈິຕນັ້ນ

ຈະເປັນສິ່ງທີ່ເຂົາຮູ້ແຈ້ງແລ້ວດັບໄປ

ຫາກແມ່ນເປັນສິ່ງທີ່ເຂົາບໍ່ຮູ້ແຈ້ງກໍບໍ່ ດັ່ງນີ້.

ພຸດທະວະຈະນະ-ໝວດທັມ ເປີດທັມທີ່ຖືກປົກປິດ : ອານາປານະສະຕິ

ທັມເປັນເຄື່ອງຖອນອັສສະມິມານະ

ໃນປັດຈຸບັນ ໒໔

- ບາລີ ນວກ. ອັງ. ໒໓/໓໖໓/໒໐໕.