ໜັງສືຈາກພຸດທະພົຈນ໌ ອານາປານະສະຕິ

(ຂໍ້ສັງເກດ ສ່ວນໃຫຍ່ເຮົາມັກຈະເຂົ້າໃຈວ່າ ກາຢະຄະຕາສະຕິ ຄື ການພິຈາລະນາອະສຸພະພຽງຢ່າງດຽວເທົ່ານັ້ນ ຫຼື ການຈະເລີນມັກຄະເພື່ອການຫຼຸດພົ້ນ ຈະຕ້ອງຜ່ານການພິຈາລະນາອະສຸພະເສຍກ່ອນ ສະ ເໝີໄປເທົ່ານັ້ນ ໃນພຣະສູຕນີ້ຈຶ່ງເປັນຄໍາຕອບໃຫ້ເຫັນວ່າ ອານາປານະສະຕິ ກໍເປັນກາຢະຄະຕາສະຕິ ແລະສາມາດຈະເລີນມັກຄະໄດ້ ຈົນເຖິງວິມຸດຕິຫຼຸດພົ້ນໄດ້ໂດຍກົງ ດັ່ງໃນພຣະສູຕອື່ນໆທີ່ພຣະອົງຕຣັດໄວ້ໃນເຫຼັ້ມນີ້ ນອກຈາກນັ້ນ ກາຢະຄະຕາສະຕິ ຍັງມີຄວາມໝາຍອີກຫຼາຍນັຍ ເຊັ່ນ ໝາຍເຖິງ ການຈະເລີນຊານໜຶ່ງເຖິງຊານສີ່ອີກດ້ວຍ ຜູ້ຮວບຮວມ)

ພຸດທະວະຈະນະ-ໝວດທັມ ເປີດທັມທີ່ຖືກປົກປິດ : ອານາປານະສະຕິ

ອານາປານະສະຕິ

ເປັນເຫດໃຫ້ເຖິງນິບພານ ໐໗

- ບາລີ ເອກ. ອັງ. ໒໐/໓໙-໔໐/໑໗໙-໑໘໐.

ພິກຂຸທັງຫຼາຍ ! ທັມຢ່າງໜຶ່ງ ອັນບຸກຄົນຈະເລີນແລ້ວເຮັດໃຫ້ຫຼາຍແລ້ວ ຍ່ອມເປັນໄປເພື່ອຄວາມເບື່ອໜ່າຍໂດຍສ່ວນດຽວ ເພື່ອຄາຍກໍາໜັດ ເພື່ອຄວາມດັບ ເພື່ອຄວາມສະງົບເພື່ອຄວາມຮູ້ຍິ່ງ ເພື່ອຄວາມຕຣັສຮູ້ ເພື່ອນິບພານ.

ທັມຢ່າງໜຶ່ງ ຄືອັນໃດ ?

ຄື... ອານາປານະສະຕິ ...

ພິກຂຸທັງຫຼາຍ ! ທັມຢ່າງໜຶ່ງນີ້ແລ ອັນບຸກຄົນຈະເລີນແລ້ວ ເຮັດໃຫ້ຫຼາຍແລ້ວ ຍ່ອມເປັນໄປເພື່ອຄວາມເບື່ອໜ່າຍໂດຍສ່ວນດຽວ ເພື່ອຄາຍກໍາໜັດ ເພື່ອຄວາມດັບ ເພື່ອຄວາມສະງົບ ເພື່ອຄວາມຮູ້ຍິ່ງ ເພື່ອຄວາມຕຣັສຮູ້ ເພື່ອນິບພານ.

ພຸດທະວະຈະນະ-ໝວດທັມ ເປີດທັມທີ່ຖືກປົກປິດ : ອານາປານະສະຕິ

ອານາປານະສະຕິສະມາທິ

ເປັນເຫດໃຫ້ລະສັງໂຍຊນ໌ໄດ້ ໐໘

- ບາລີ ມຫາວາຣ. ສັງ. ໑໙/໔໒໖-໔໒໗/໑໔໐໖-໑໔໐໗.

ພິກຂຸທັງຫຼາຍ ! ອານາປານະສະຕິສະມາທິ ອັນບຸກຄົນຈະເລີນແລ້ວ ເຮັດໃຫ້ຫຼາຍແລ້ວ ເປັນໄປເພື່ອການລະສັງໂຍຊນ໌ທັງຫຼາຍ.

ພິກຂຸທັງຫຼາຍ ! ອານາປານະສະຕິສະມາທິ ອັນບຸກຄົນຈະເລີນແລ້ວ ເຮັດໃຫ້ຫຼາຍແລ້ວ ແນວໃດໜໍ ຈຶ່ງເປັນໄປເພື່ອການລະສັງໂຍຊນ໌ທັງຫຼາຍ ?

ພິກຂຸທັງຫຼາຍ ! ໃນກໍລະນີນີ້ ພິກຂຸໄປແລ້ວສູ່ປ່າ ຫຼືເຫງົ້າໄມ້ ຫຼືເຮືອນວ່າງກໍຕາມ ນັ່ງຄູ້ຂາເຂົ້າມາໂດຍຮອບ ຕັ້ງກາຍຕົງ ດໍາລົງສະຕິສະເພາະໜ້າ ເຂົານັ້ນມີສະຕິຫາຍໃຈເຂົ້າ ມີສະຕິຫາຍໃຈອອກ

ເມື່ອຫາຍໃຈເຂົ້າຍາວ ກໍຮູ້ແຈ້ງວ່າ ເຮົາຫາຍໃຈເຂົ້າຍາວ ເມື່ອຫາຍໃຈອອກຍາວ ກໍຮູ້ແຈ້ງວ່າ ເຮົາຫາຍໃຈອອກຍາວ

ເມື່ອຫາຍໃຈເຂົ້າສັ້ນ ກໍຮູ້ແຈ້ງວ່າ ເຮົາຫາຍໃຈເຂົ້າສັ້ັ້ນເມື່ອຫາຍໃຈອອກສັ້ນ ກໍຮູ້ແຈ້ງວ່າ ເຮົາຫາຍໃຈອອກສັ້ນ

ເປີດທັມທີ່ຖືກປົກປິດ : ອານາປານະສະຕິ

(ແຕ່ນີ້ໄດ້ຕຣັດໄວ້ແນວດຽວກັນ ເຊິ່ງເໝືອນໃນໜ້າ ໑-໔ ທຸກປະການ).

ພິກຂຸທັງຫຼາຍ ! ອານາປານະສະຕິສະມາທິ ອັນບຸກຄົນຈະເລີນແລ້ວ ເຮັດໃຫ້ຫຼາຍແລ້ວ ດັ່ງນີ້ແລ ຍ່ອມເປັນໄປເພື່ອການລະສັງໂຍຊນ໌ທັງຫຼາຍ.

ພຸດທະວະຈະນະ-ໝວດທັມ ເປີດທັມທີ່ຖືກປົກປິດ : ອານາປານະສະຕິ

ອານາປານະສະຕິສະມາທິ

ສາມາດກໍາຈັດເສຍໄດ້ເຊິ່ງອະນຸໄສ ໐໙

- ບາລີ ມຫາວາຣ. ສັງ. ໑໙/໔໒໖/໑໔໐໘.

ພິກຂຸທັງຫຼາຍ ! ອານາປານະສະຕິສະມາທິ ອັນບຸກຄົນຈະເລີນແລ້ວ ເຮັດໃຫ້ຫຼາຍແລ້ວ ຍ່ອມເປັນໄປເພື່ອການກໍາຈັດເສຍເຊິ່ງອະນຸໄສ.

ພິກຂຸທັງຫຼາຍ ! ອານາປານະສະຕິສະມາທິ ອັນບຸກຄົນຈະເລີນແລ້ວ ເຮັດໃຫ້ຫຼາຍແລ້ວ ແນວໃດໜໍ ຈຶ່ງເປັນໄປເພື່ອການກໍາຈັດເສຍເຊິ່ງອະນຸໄສ ?

ພິກຂຸທັງຫຼາຍ ! ໃນກໍລະນີນີ້ ພິກຂຸໄປແລ້ວສູ່ປ່າ ຫຼືເຫງົ້າໄມ້ ຫຼືເຮືອນວ່າງກໍຕາມ ນັ່ງຄູ້ຂາເຂົ້າມາໂດຍຮອບ ຕັ້ງກາຍຕົງ ດໍາລົງສະຕິສະເພາະໜ້າ ເຂົານັ້ນມີສະຕິຫາຍໃຈເຂົ້າ ມີສະຕິຫາຍໃຈອອກ

ເມື່ອຫາຍໃຈເຂົ້າຍາວ ກໍຮູ້ແຈ້ງວ່າ ເຮົາຫາຍໃຈເຂົ້າຍາວ ເມື່ອຫາຍໃຈອອກຍາວ ກໍຮູ້ແຈ້ງວ່າ ເຮົາຫາຍໃຈອອກຍາວ

ເມື່ອຫາຍໃຈເຂົ້າສັ້ນ ກໍຮູ້ແຈ້ງວ່າ ເຮົາຫາຍໃຈເຂົ້າສັ້ັ້ນເມື່ອຫາຍໃຈອອກສັ້ນ ກໍຮູ້ແຈ້ງວ່າ ເຮົາຫາຍໃຈອອກສັ້ນ

ເປີດທັມທີ່ຖືກປົກປິດ : ອານາປານະສະຕິ

(ແຕ່ນີ້ໄດ້ຕຣັດໄວ້ແນວດຽວກັນ ເຊິ່ງເໝືອນໃນໜ້າ ໑-໔ ທຸກປະການ).

ພິກຂຸທັງຫຼາຍ ! ອານາປານະສະຕິສະມາທິ ອັນບຸກຄົນຈະເລີນແລ້ວ ເຮັດໃຫ້ຫຼາຍແລ້ວ ດັ່ງນີ້ແລ ຍ່ອມເປັນໄປເພື່ອການກໍາຈັດອະນຸໄສ.