ອະຣິຍະສັຈພາກຕົ້ນ

ພິກຂຸ ທ. ! ເມື່ອບໍ່ຮູ້ຍິ່ງ ບໍ່ຮູ້ຮອບ ບໍ່ຄາຍກໍາໜັດ ບໍ່ລະຂາດ ຊຶ່ງສິ່ງທັງປວງ ຍ່ອມເປັນຜູ້ບໍ່ສົມຄວນ ເພື່ອຄວາມດັບສິ້ນໄປແຫ່ງທຸກຂ໌. ສິ່ງທັງປວງອັນໃດກັນໜໍ ? ສິ່ງທັງປວງ ຄື (ຕໍ່ໄປນີ້ຊົງສະແດງ ທັມທີ່ຄວນຮູ້ ຄວນລະ ເປັນໝວດໆ ຕາມຫຼັກແຫ່ງອາຍະຕະນະຫົກປະການ ຄື :-)

ອາຍະຕະນະພາຍໃນ ຫົກ ປະການ (ຈັກຂຸ ຯລຯ ມະໂນ);

ອາຍະຕະນະພາຍນອກ ຫົກ ປະການ (ຮູບ ຯລຯ ທັມາຮົມ) ;

ວິນຍານ ຫົກປະການ (ຈັກຂຸວິນຍານ ຯລຯ ມະໂນວິນຍານ);

ສັມຜັສ ຫົກປະການ (ຈັກຂຸສັມຜັສ ຯລຯ ມະໂນສັມຜັສ);

ເວທະນາ ຫົກປະການ (ຈັກຂຸສັມຜັສສະຊາເວທະນາ ຯລຯ ມະໂນສັມຜັສສະຊາເວທະນາ)

ພິກຂຸ ທ. ! ເຫຼົ່ານີ້ແລ ຄືສິ່ງທັງປວງ ຊຶ່ງເມື່ອບໍ່ຮູ້ຍິ່ງ ບໍ່ຮູ້ຮອບ ບໍ່ຄາຍກໍາໜັດ ບໍ່ລະຂາດແລ້ວ ຍ່ອມເປັນຜູ້ບໍ່ສົມຄວນ ເພື່ອຄວາມດັບສິ້ນໄປແຫ່ງທຸກຂ໌.

(ຕໍ່ໄປນີ້ ຊົງສະແດງໂດຍປະຕິປັກຂະນັຍ ເຖິງສິ່ງທັງປວງທີ່ເມື່ອຮູ້ ແລະລະແລ້ວ ເປັນຜູ້ສົມຄວນ ເພື່ອຄວາມດັບສິ້ນໄປແຫ່ງທຸກຂ໌ ໂດຍນັຍກົງກັນຂ້າມ ຊຶ່ງຜູ້ສຶກສາອາດທຽບຄຽງໄດ້ເອງ).

- ສລາ. ສັງ. ໑໘/໒໑/໒໗-໒໘.

(ອີກນັຍໜຶ່ງ)

ພິກຂຸ ທ. ! ເມື່ອບໍ່ຮູ້ຍິ່ງ ບໍ່ຮູ້ຮອບ ບໍ່ຄາຍກໍາໜັດ ບໍ່ລະຂາດ ຊຶ່ງສິ່ງທັງປວງຍ່ອມເປັນຜູ້ບໍ່ສົມຄວນ ເພື່ອຄວາມດັບສິ້ນໄປແຫ່ງທຸກຂ໌. ສິ່ງທັງປວງອັນໃດກັນໜໍ ? ສິ່ງ ທັງປວງຄື (ຕໍ່ໄປນີ້ຊົງສະແດງ ທັມທີ່ຄວນຮູ້ ຄວນລະ ເປັນໝວດໆ ຕາມຫຼັກແຫ່ງອາຍະຕະນະຫົກປະການຄື :-)

ອາຍະຕະນະພາຍໃນ ຫົກປະການ (ຈັກຂຸ ຯລຯ ມະໂນ);

ອາຍະຕະນະພາຍນອກ ຫົກປະການ (ຮູປ ຯລຯ ທັມມາຣົມ) ;

ພາກ ໒ - ສະມຸທະຢະອະຣິຢະສັຈຈະ ໓໒໗

ວິນຍານ ຫົກປະການ (ຈັກຂຸວິນຍານ ຯລຯ ມະໂນວິນຍານ);

ວິນຍານະວິນຍາຕັບພະທັມ ຫົກປະການ (ຈັກຂຸວິນຍານະວິນຍາຕັບພະທັມ ຯລຯ ມະໂນວິນຍານະວິນຍາຕັບພະທັມ).

ພິກຂຸ ທ. ! ເຫຼົ່ານີ້ແລ ຄືສິ່ງທັງປວງ ຊຶ່ງເມື່ອບໍ່ຮູ້ຍິ່ງ ບໍ່ຮູ້ຮອບ ບໍ່ຄາຍກໍາໜັດ ບໍ່ລະຂາດແລ້ວ ຍ່ອມເປັນຜູ້ບໍ່ສົມຄວນ ເພື່ອຄວາມດັບສິ້ນໄປແຫ່ງທຸກຂ໌.

(ຕໍ່ໄປນີ້ ຊົງສະແດງໂດຍ ປະຕິປັກຂະນັຍ ເຖິງສິ່ງທັງປວງ ທີ່ເມື່ອຮູ້ ແລະລະແລ້ວ ເປັນຜູ້ສົມ ຄວນເພື່ອຄວາມດັບສິ້ນໄປແຫ່ງທຸກຂ໌ ໂດຍນັຍກົງກັນຂ້າມ ຊຶ່ງຜູ້ສຶກສາອາດທຽບຄຽງໄດ້ເອງ).

- ສະລາ. ສງ. ໑໘/໒໒-໒໓/໒໙-໓໐.

ພາວະເປັນທີ່ຮັກທີ່ຍິນດີ ເປັນໜາມໃນອະຣິຍະວິນັຍນີ້

ພິກຂຸ ທ. ! ປຽບເໝືອນບຸຣຸສຜູ້ໜຶ່ງ ຈະຍ່ອມເຂົ້າໄປສູ່ປ່າ ທີ່ມີໜາມຫຼາຍ ; ຄືໜາມທາງໜ້າ ຂອງບຸຣຸສນັ້ນກໍມີຢູ່, ໜາມດ້ານຫຼັງກໍມີຢູ່, ໜາມເບື້ອງເໜືດກໍມີຢູ່, ໜາມເບື້ອງໃຕ້ກໍມີຢູ່, ໜາມເບື້ອງລຸ່ມກໍມີຢູ່, ໜາມເບື້ອງເທິງກໍມີຢູ່, ບຸຣຸສນັ້ນຈະຕ້ອງມີສະຕິ ຄ່ອຍໆກ້າວໄປຂ້າງໜ້າ ມີສະຕິ ຄ່ອຍໆຖອຍກັບຫຼັງ ດ້ວຍຄິດຢູ່ວ່າ “ໜາມຢ່າສຽບ ຢ່າແທງເຮົາເລີຍ” ດັ່ງນີ້.

ພິກຂຸ ທ. ! ເຊັ່ນໃດກໍເຊັ່ນນັ້ນ, ພາວະເປັນທີ່ຮັກ ພາວະເປັນທີ່ຍິນດີ (ປິຢະຣູປະສາຕະຣູປະ ຊຶ່ງເປັນທີ່ເກີດ ທີ່ດັບແຫ່ງຕັນຫາ) ໃນໂລກໃດໆ; ພິກຂຸ ທ. ! ປິຍະຣູປະສາຕະຣູປະ ນີ້ເຮົາເອີ້ນວ່າ “ໜາມ ໃນວິນັຍຂອງພຣະອະຣິຍະເຈົ້າ” ດັ່ງນີ້ ແລ.

- ສະລາ. ສັງ. ໑໘/໒໓໔/໓໓໔.

ນິດເທສະ ໕

ວ່າດ້ວຍທີ່ເກີດແລະການເກີດແຫ່ງຕັນຫາ

ຈົບ

໓໒໘ ອະຣິຍະສັຈຈ໌ຈາກພຣະໂອຕຖະ

ນິດເທສະ ໖ ວ່າດ້ວຍອາການທີ່ຕັນຫາເຮັດໃຫ້ເກີດແຫ່ງທຸກຂ໌

(ມີ ໓໑ ເລື່ອງ)

ການເກີດຂຶ້ນແຫ່ງກອງທຸກຂ໌

ພິກຂຸ ທ. ! ອະຣິຍະສັຈຈ໌ຄື ຄວາມກໍ່ຂຶ້ນແຫ່ງທຸກຂ໌ ເປັນແນວໃດໜໍ ?