ອະບາຍມຸຂ

ອຸປັທທະວະ ບໍ່ວ່າຊະນິດໃດໆທີ່ເກີດຂຶ້ນທັງໝົດນັ້ນ ເກີດຈາກຄົນພາລ ບໍ່ໄດ້ເກີດຈາກບັນດິຕ,

ອຸປະສັກ ບໍ່ວ່າຊະນິດໃດໆທີ່ເກີດຂຶ້ນທັງໝົດນັ້ນ ເກີດຈາກຄົນພາລ ບໍ່ໄດ້ເກີດຈາກບັນດິຕ;

ພິກຂຸທັງຫລາຍ! ປຽບເໝືອນໄຟທີ່ລຸກລາມຈາກເຮືອນຫຍ້າ ຍ່ອມໄໝ້ໄດ້ກະທັ້ງເຮືອນຍອດທີ່ໂບກດ້ວຍປູນ ທີ່ມີບານປະຕູອັດແຈບສນິດ ສັນໃດ,

ພິກຂຸທັງຫລາຍ! ສັນນັ້ນເໝືອນກັນແລ, ພັຍ ບໍ່ວ່າຊະນິດໃດໆທີ່ເກີດຂຶ້ນທັງໝົດນັ້ນ ເກີດຈາກຄົນພາລ ບໍ່ໄດ້ເກີດຈາກບັນດິຕ.

ອຸປັທທະວະ ບໍ່ວ່າຊະນິດໃດໆທີ່ເກີດຂຶ້ນທັງໝົດນັ້ນ ເກີດຈາກຄົນພາລ ບໍ່ໄດ້ເກີດຈາກບັນດິຕ.

ອຸປະສັກ ບໍ່ວ່າຊະນິດໃດໆທີ່ເກີດຂຶ້ນທັງໝົດນັ້ນ ເກີດຈາກຄົນພາລ ບໍ່ໄດ້ເກີດຈາກບັນດິຕ.

ພິກຂຸທັງຫລາຍ! ເພາະເຫຕນັ້ນແລ, ຄົນພາລຈຶ່ງມີພັຍສະເພາະໜ້າ ບັນດິຕບໍ່ມີພັຍສະເພາະໜ້າ; ຄົນພາລຈຶ່ງມີອຸປັທທະວະ ບັນດິຕບໍ່ມີອຸປັທທະວະ; ຄົນພາລຈຶ່ງມີອຸປະສັກ ບັນດິຕບໍ່ມີອຸປະສັກ. ພັຍ, ອຸປັທທະວະ, ອຸປະສັກ ບໍ່ໄດ້ມາຈາກບັນດິຕ.

ພິກຂຸທັງຫລາຍ! ເພາະເຫຕນັ້ນແລ, ພວກເຈົ້າທັງຫລາຍຄວນສຶກສາຢ່າງນີ້ວ່າ ເຮົາຈັກເປັນບັນດິຕ.

ມັຊຊິມະນິກາຍ ອຸປາຣິປັນນາສ ໑໔/໑໓໓/໒໓໕

ຄົນພາລສເວີຍທຸກຂ໌

ບັນດິຕສເວີຍສຸຂ

ສມັຍໜຶ່ງ ພຣະຜູ້ມີພຣະພາຄປະທັບຢູ່ທີ່ພຣະວິຫາຣເຊຕະວັນ ອາຣາມຂອງທ່ານອະນາຖະບິນດິກະເສດຖີ ເຂຕພຣະນະຄອຣສາວັຕຖີ ສມັຍນັ້ນແລ ພຣະຜູ້ມີພຣະພາຄຕຣັສຮຽກພິກຂຸທັງຫລາຍວ່າ:

ພິກຂຸທັງຫລາຍ!

ພິກຂຸເຫລົ່ານັ້ນທູລຮັບພຣະດຳຣັສແລ້ວ

ພິກຂຸທັງຫລາຍ! ລັກສະນະເຄື່ອງໝາຍ ເຄື່ອງອ້າງວ່າ ເປັນພາລຂອງຄົນພາລນີ້ມີ ໓ ຢ່າງ; ໓ ຢ່າງເປັນຢ່າງໃດ?

ພິກຂຸທັງຫລາຍ! ຄົນພາລໃນໂລກນີ້ ມັກຄິດຄວາມຄິດທີ່ຊົ່ວ ມັກເວົ້າຄຳເວົ້າທີ່ຊົ່ວ ມັກກະທຳກາຣກະທຳທີ່ຊົ່ວ ຖ້າຄົນພາລບໍ່ເປັນຜູ້ມັກຄິດຄວາມຄິດທີ່ຊົ່ວ ມັກເວົ້າຄຳເວົ້າທີ່ຊົ່ວ ມັກກະທຳກາຣກະທຳທີ່ຊົ່ວ ບັນດິຕພວກໃດຈະຮູ້ຈັກເຂົາໄດ້ວ່າ ຜູ້ນີ້ເປັນຄົນພາລ ເປັນອະສັປບຸຣຸສ ແຕ່ເພາະຄົນພາລມັກຄິດຄວາມຄິດທີ່ຊົ່ວ ມັກເວົ້າຄຳເວົ້າທີ່ຊົ່ວ ມັກກະທຳກາຣກະທຳທີ່ຊົ່ວ ສະນັ້ນ ບັນດິຕທັງຫລາຍຈຶ່ງຮູ້ໄດ້ວ່າ ຜູ້ນີ້ເປັນຄົນພາລ ເປັນອະສັປບຸຣຸສ.

ພິກຂຸທັງຫລາຍ! ຄົນພາລນັ້ນແລ ຍ່ອມສເວີຍທຸກຂ໌ໂທມະນັສ ໓ ຢ່າງໃນປັຈຈຸບັນ.

ພິກຂຸທັງຫລາຍ! ຖ້າຄົນພາລນັ່ງໃນສະພາກໍດີ ແຄມທາງຣົຖກໍດີ ແຄມທາງສາມແຍກກໍດີ ຊົນໃນທີ່ນັ້ນໆຈະເວົ້າຖ້ອຍຄຳທີ່ພໍ ເໝາະພໍສົມແກ່ເຂົາ, ຖ້າຄົນພາລມັກຂ້າສັຕ ມັກຖືເອົາສິ່ງຂອງທີ່ເຈົ້າຂອງບໍ່ໄດ້ໃຫ້ ມັກປະພຶຕຜິດໃນກາມທັງຫລາຍ ມັກເວົ້າຕົວະ ມີປົກກະຕິຕັ້ງຢູ່ໃນຄວາມປະມາທເພາະເສພສຸຣາເມຣັຍແລະສິ່ງມຶນເມົາ ໃນເຣື່ອງທີ່ຊົນເວົ້າຖ້ອຍຄຳທີ່ພໍເໝາະພໍສົມແກ່ເຂົານັ້ນແລ ຄົນພາລຈະມີຄວາມຮູ້ສຶກຢ່າງນີ້ວ່າ ສິ່ງເຫລົ່ານັ້ນມີຢູ່ໃນເຮົາ ແລະເຮົາກໍປາກົຕຢູ່ໃນສິ່ງເຫລົ່ານັ້ນດ້ວຍ (ເປັນຢ່າງທີ່ເຂົາກ່າວ) ພິກຂຸທັງຫລາຍ ຄົນພາລຍ່ອມສເວີຍທຸກຂ໌ ໂທມະນັສຂໍ້ທີ ໑ ດັ່ງນີ້ ໃນປັຈຈຸບັນ.

ພິກຂຸທັງຫລາຍ! ອີກປະກາຣໜຶ່ງ ຄົນພາລເຫັນຣາຊາທັງຫລາຍຈັບໂຈຣຜູ້ປະພຶຕຜິດມາແລ້ວ ສັ່ງລົງໂທສຕ່າງຊະນິດຄື:

ຕີດ້ວຍແສ້ແດ່,

ຕີດ້ວຍຫວາຍແດ່,

ຕີດ້ວຍກະບອງສັ້ນແດ່,

ມັດມືແດ່,

ມັດຕີນແດ່,

ມັດທັງມືທັງຕີນແດ່,

ຕັດຫູແດ່,

ຕັດດັງແດ່,

ຕັດທັງຫູທັງດັງແດ່,

ລົງໂທສດ້ວຍວິທີ ໝໍ້ຄ້ຽວນ້ຳມັນແດ່,

ລົງໂທສດ້ວຍວິທີ ຂອດສັງຂ໌ແດ່,

ລົງໂທສດ້ວຍວິທີ ປາກຣາຫູແດ່,

ລົງໂທສດ້ວຍວິທີ ມາລັຍໄຟແດ່,

ລົງໂທສດ້ວຍວິທີ ຄົບມືແດ່,

ລົງໂທສດ້ວຍວິທີ ລິ້ວສ່າຍແດ່,

ລົງໂທສດ້ວຍວິທີ ນຸ່ງເປືອກໄມ້ແດ່,

ລົງໂທສດ້ວຍວິທີ ຢືນກວາງແດ່,

ລົງໂທສດ້ວຍວິທີ ກ່ຽວເຫຍື່ອເບັດແດ່,

ລົງໂທສດ້ວຍວິທີ ຫລຽນກະຫາປະນະແດ່,

ລົງໂທສດ້ວຍວິທີ ແປງແສບແດ່,

ລົງໂທສດ້ວຍວິທີ ກາງວຽນແດ່,

ລົງໂທສດ້ວຍວິທີ ຕັ່ງຟາງແດ່,

ລາດດ້ວຍນ້ຳມັນຮ້ອນໆແດ່,

ໃຫ້ໝາກັດ-ຊິດແດ່,

ໃຫ້ນອນຫງາຍເທິງຫລາວທັງເປັນໆແດ່,

ຕັດຫົວດ້ວຍດາບແດ່,