ອະບາຍມຸຂ

ພິກຂຸທັງຫລາຍ ບຸຄຄົລບາງຄົນໃນໂລກນີ້ ເວັ້ນຂາດຈາກກາຣຂ້າສັຕ, ເວັ້ນຂາດຈາກກາຣລັກຊັພຍ໌, ເວັ້ນຂາດຈາກກາຣປະພຶຕຜິດໃນກາມທັງຫລາຍ, ເວັ້ນຂາດຈາກກາຣເວົ້າຕົວະ, ເວັ້ນຂາດຈາກກາຣເວົ້າສຽດສີ, ເວັ້ນຂາດຈາກກາຣເວົ້າຄຳຫຍາບ, ເວັ້ນຂາດຈາກກາຣເວົ້າຄຳທີ່ບໍ່ປະກອບດ້ວຍປະໂຍຊນ໌. ພິກຂຸທັງຫລາຍ ນີ້ຮຽກວ່າ: ກັມມັນຕະສັມປະທາ.

ພິກຂຸທັງຫລາຍ! ກໍອາຊີວະສັມປະທາເປັນຢ່າງໃດ?

ພິກຂຸທັງຫລາຍ ບຸຄຄົລບາງຄົນໃນໂລກນີ້ ເປັນຄົນມີອາຊີພຊອບ ສຳເຣັຈກາຣລ້ຽງຊີພດ້ວຍສັມມາອາຊີວະ. ພິກຂຸທັງຫລາຍ ນີ້ຮຽກວ່າ: ອາຊີວະສັມປະທາ.

ພິກຂຸທັງຫລາຍ! ກໍທິຕຖິສັມປະທາເປັນຢ່າງໃດ?

ພິກຂຸທັງຫລາຍ ບຸຄຄົລບາງຄົນໃນໂລກນີ້ ເປັນຜູ້ມີຄວາມເຫັນຊອບ ມີຄວາມເຫັນບໍ່ວິປະຣິຕວ່າ: ທານທີ່ໃຫ້ແລ້ວມີ(ອັຕຖິ ທິນນັງ), ກາຣບູຊາແລ້ວມີ(ອັຕຖິ ຍິຕຖັງ), ກາຣບວງສວງແລ້ວມີ(ອັຕຖິ ຫຸຕັງ), ຜົລວິບາກຂອງກັມທີ່ກະທຳດີກະທຳຊົ່ວແລ້ວມີ(ອັຕຖິ ສຸກະຕະທຸກກະຕານັງ ກັມມານັງ ຜະລັງ ວິປາໂກ), ໂລກນີ້ມີ(ອັຕຖິ ອະຍັງ ໂລໂກ), ໂລກໜ້າມີ(ອັຕຖິ ປະຣະ ໂລໂກ), ມາຣດາມີ(ອັຕຖິ ມາຕາ), ບິດາມີ(ອັຕຖິ ປິຕາ), ໂອປປາຕິກະສັຕມີ(ອັຕຖິ ສັຕຕາ ໂອປປາຕິກາ), ສະມະນະພຣາມທັງຫລາຍຜູ້ດຳເນີນຊອບ ປະຕິບັຕຊອບ ກະທຳໃຫ້ແຈ້ງເຊິ່ງໂລກນີ້ແລະໂລກໜ້າດ້ວຍປັນຍາອັນຍິ່ງເອງແລ້ວ ສອນຜູ້ອື່ນໃຫ້ຮູ້ແຈ້ງຕາມດັ່ງນີ້, ມີ(ອັຕຖິ ໂລໂກ ສະມະນະພຣາມມະນາ ສັມມັຄຄະຕາ ສັມມາປະຕິປັນນາ ເຍ ອິມັນຈະ ໂລກັງ ປະຣັນຈະ ໂລກັງ ສະຍັງ ອະພິນຍາ ສັຈສິກັຕ໌ວາ ປະເວເທນະຕີຕິ). ພິກຂຸທັງຫລາຍ ນີ້ຮຽກວ່າ: ທິຕຖິສັມປະທາ.

ພິກຂຸທັງຫລາຍ! ສັມປະທາ ໓ ຢ່າງນີ້ແລ.

ອັງຄຸຕຕະຣະນິກາຍ ເອກ-ທຸກ-ຕິກະນິບາຕ ໒໐/໒໕໘/໕໕໙

ມາຕຸຄາມປະກອບດ້ວຍທັມ ໕ ປະກາຣ

ເມື່ອແຕກກາຍຕາຍໄປຍ່ອມເຂົ້າເຖິງອະບາຍ

ທຸຄະຕິ ວິນິບາຕ ນະຣົກ

ຄັ້ງນັ້ນແລ ທ່ານພຣະອະນຸຣຸທທະເຂົ້າໄປເຝົ້າພຣະຜູ້ມີພຣະພາຄເຖິງທີ່ປະທັບ ໆລໆ ຄັນແລ້ວໄດ້ທູລຖາມພຣະຜູ້ມີພຣະພາຄວ່າ:

ຂ້າແຕ່ພຣະອົງຄ໌ຜູ້ຈະເຣີນ! ຂໍປະທານພຣະວະໂຣກາສ ຂ້ານ້ອຍໄດ້ເຫັນມາຕຸຄາມເມື່ອແຕກກາຍຕາຍໄປ ເຂົ້າເຖິງອະບາຍ ທຸຄະຕິ ວິນິບາຕ ນະຣົກ ດ້ວຍທິພພະຈັກຂຸອັນບໍຣິສຸທ ລ່ວງຈັກຂຸຂອງມະນຸສ.

ຂ້າແຕ່ພຣະອົງຄ໌ຜູ້ຈະເຣີນ! ມາຕຸຄາມປະກອບດ້ວຍທັມເທົ່າໃດໜໍ ເມື່ອແຕກກາຍຕາຍໄປ ຍ່ອມເຂົ້າເຖິງອະບາຍ ທຸຄະຕິ ວິນິບາຕ ນະຣົກ?

ອະນຸຣຸທທະ! ມາຕຸຄາມປະກອບດ້ວຍທັມ ໕ ປະກາຣ ເມື່ອແຕກກາຍຕາຍໄປ ຍ່ອມເຂົ້າເຖິງອະບາຍ ທຸຄະຕິ ວິນິບາຕ ນະຣົກ; ທັມ ໕ ປະກາຣເປັນຢ່າງໃດ? ຄື:

ເປັນຜູ້ບໍ່ມີສັທທາ (ອັສສັທໂທ ຈະ ໂຫຕິ),

ເປັນຜູ້ບໍ່ມີຫິຣິ (ອະຫິຣິໂກ ຈະ ໂຫຕິ),

ເປັນຜູ້ບໍ່ມີໂອຕຕັປປະ (ອະໂນຕຕັປປີ ຈະ ໂຫຕິ),

ເປັນຜູ້ມັກໂກທ (ໂກທະໂນ ຈະ ໂຫຕິ),

ເປັນຜູ້ມີປັນຍາຊາມ (ທຸປປັນໂຍ ຈະ ໂຫຕິ).

ອະນຸຣຸທທະ! ມາຕຸຄາມປະກອບດ້ວຍທັມ ໕ ປະກາຣນີ້ແລ ເມື່ອແຕກກາຍຕາຍໄປ ຍ່ອມເຂົ້າເຖິງອະບາຍ ທຸຄະຕິ ວິນິບາຕ ນະຣົກ.

ສັງຍຸຕຕະນິກາຍ ສະລາຍະຕະນະວັຄ ໑໘/໒໕໓/໔໖໘

ໂທສໃນມາຕຸຄາມ ໕ ປະກາຣ

ພິກຂຸທັງຫລາຍ! ໂທສໃນງູເຫົ່າ ໕ ປະກາຣນີ້; ໕ ປະກາຣເປັນຢ່າງໃດ? ຄື:

ເປັນສັຕມັກໂກທ,

ມັກຜູກໂກທ,

ມີພິດຮ້າຍ,

ມີສອງລີ້ນ,

ມັກປະທຸສສະຮ້າຍມິຕ

ພິກຂຸທັງຫລາຍ! ໂທສໃນງູເຫົ່ງ ໕ ປະກາຣນີ້ແລ.

ພິກຂຸທັງຫລາຍ ໂທສໃນມາຕຸຄາມ ໕ ປະກາຣນີ້; ໕ ປະກາຣເປັນຢ່າງໃດ? ຄື:

ເປັນຜູ້ມັກໂກທ,

ມັກຜູກໂກທ,

ມີພິດຮ້າຍ,

ມີສອງລີ້ນ,

ມັກປະທຸສສະຮ້າຍມິຕ

ພິກຂຸທັງຫລາຍ! ຄວາມທີ່ມາຕຸຄາມເປັນຜູ້ມີພິດຮ້າຍຄື ໂດຍສ່ວນຫລາຍ ມາຕຸຄາມມີຣາຄະກ້າ (ມາຕຸຄາໂມ ຕິພພະຣາໂຄ).

ພິກຂຸທັງຫລາຍ! ຄວາມທີ່ມາຕຸຄາມເປັນຜູ້ມີສອງລີ້ນຄື ໂດຍສ່ວນຫລາຍ ມາຕຸຄາມມີວາຈາສຽດສີ (ມາຕຸຄາໂມ ປິສຸນະວາໂຈ).

ພິກຂຸທັງຫລາຍ! ຄວາມທີ່ມາຕຸຄາມມັກປະທຸສສະຮ້າຍມິຕຄື ໂດຍສ່ວນຫລາຍ ມາຕຸຄາມມັກປະພຶຕນອກໃຈ (ມາຕຸຄາໂມ ອະຕິຈາຣິນີ).

ພິກຂຸທັງຫລາຍ! ໂທສໃນມາຕຸຄາມ ໕ ປະກາຣນີ້ແລ.

ອັງຄຸຕຕະຣະນິກາຍ ປັນຈະກະ-ສັກກະນິບາຕ ໒໒/໒໓໖/໒໓໐

ມາຕຸຄາມປະກອບດ້ວຍທັມ ໕ ປະກາຣ

ເມື່ອແຕກກາຍຕາຍໄປຍ່ອມເຂົ້າເຖິງອະບາຍ

ທຸຄະຕິ ວິນິບາຕ ນະຣົກ (2)