ພົບພູມ

ທ່ານໂຄດົມຜູ້ຈະເຣີນ ! ຍ່ອມຕຣັດກໍານົດແມ່ນໃນອະຖານະ ຫຼື ?

ພຣາມ ! ເຮົາກ່າວກໍານົດແມ່ນໃນ ອະຖານະ.

ພຣາມ ! ບຸກຄົນບາງຄົນໃນໂລກນີ້ ເປັນຜູ້ຂ້າສັຕ... ມີຄວາມເຫັນຜິດ ແຕ່ເຂົາຍັງໃຫ້ເຂົ້າ ນໍ້າ ຜ້າ ຍານພາຫະນະ ດອກໄມ້ ຂອງຫອມ ເຄື່ອງລູບທາ ທີ່ນອນ ທີ່ຢູ່ອາໄສແລະເຄື່ອງເຕີມປະທີບແກ່ສະມະນະຫຼືພຣາມ ບຸກຄົນນັ້ນເມື່ອຕາຍໄປ ຍ່ອມເຂົ້າເຖິງຄວາມເປັນສະຫາຍຂອງຊ້າງ ແຕ່ເຂົາຍັງໄດ້ເຂົ້າ ນໍ້າ ມາລາ ແລະເຄື່ອງປະດັບຕ່າງໆ ໃນກໍາເນີດຊ້າງນັ້ນ.

ພຣາມ ! ຂໍ້ທີ່ບຸກຄົນເປັນຜູ້ຂ້າສັຕ... ມີຄວາມເຫັນຜິດ ດ້ວຍກັມນັ້ນ ເມື່ອຕາຍໄປ ຍ່ອມເຂົ້າເຖິງຄວາມເປັນສະຫາຍຂອງຊ້າງ ແລະຂໍ້ທີ່ຜູ້ນັ້ນເປັນຜູ້ໃຫ້ເຂົ້າ... ເຄື່ອງເຕີມປະທີບ ແກ່ສະມະນະຫຼືພຣາມ ດ້ວຍກັມນັ້ນ ເຂົາຍ່ອມໄດ້ເຂົ້າ ນໍ້າ ມາລາແລະເຄື່ອງປະດັບຕ່າງໆ ໃນກໍາເນີດຊ້າງນັ້ນ.

... ຍ່ອມເຂົ້າເຖິງຄວາມເປັນສະຫາຍຂອງມ້າ....

... ຍ່ອມເຂົ້າເຖິງຄວາມເປັນສະຫາຍຂອງງົວ....

... ຍ່ອມເຂົ້າເຖິງຄວາມເປັນສະຫາຍຂອງໝາ....

ເປີດທັມທີ່ຖືກປົກປິດ : ພົບພູມ

ພຣາມ ! ບຸກຄົນບາງຄົນໃນໂລກນີ້ ເປັນຜູ້ເວັ້ນຂາດຈາກການຂ້າສັຕ... ມີຄວາມເຫັນຖືກ ແລະເຂົາຍັງໃຫ້ເຂົ້າ...ເຄື່ອງເຕີມປະທີບແກ່ສະມະນະຫຼືພຣາມ ບຸກຄົນນັ້ນເມື່ອຕາຍໄປຍ່ອມເຂົ້າເຖິງຄວາມເປັນສະຫາຍຂອງມະນຸສ ແລະເຂົາຍ່ອມໄດ້ ເບັນຈະກາມະຄຸນ ອັນເປັນຂອງມະນຸສນັ້ນ.

ພຣາມ ! ຂໍ້ທີ່ບຸກຄົນເປັນຜູ້ເວັ້ນຂາດຈາກການຂ້າສັຕ... ມີຄວາມເຫັນຖືກ ດ້ວຍກັມນັ້ນ ເມື່ອຕາຍໄປຍ່ອມເຂົ້າເຖິງຄວາມເປັນສະຫາຍຂອງມະນຸສ ແລະຂໍ້ທີ່ຜູ້ນັ້ນເປັນຜູ້ໃຫ້ເຂົ້າ... ເຄື່ອງເຕີມປະທີບແກ່ສະມະນະຫຼືພຣາມ ດ້ວຍກັມນັ້ນ ເຂົາຍ່ອມໄດ້ເບັນຈະກາມະຄຸນອັນເປັນຂອງມະນຸສນັ້ນ.

ພຣາມ ! ອັນໜຶ່ງ ບຸກຄົນບາງຄົນໃນໂລກນີ້ ເປັນຜູ້ເວັ້ນຂາດຈາກການຂ້າສັຕ... ມີຄວາມເຫັນຖືກ ແລະເຂົາຍັງໃຫ້ເຂົ້າ... ເຄື່ອງເຕີມປະທີບແກ່ສະມະນະຫຼືພຣາມ ບຸກຄົນນັ້ນເມື່ອຕາຍໄປ ຍ່ອມເຂົ້າເຖິງຄວາມເປັນສະຫາຍຂອງເທວະດາ ເຂົາຍ່ອມໄດ້ເບັນຈະກາມະຄຸນອັນເປັນທິບໃນເທວະໂລກນັ້ນ.

ພຣາມ ! ຂໍ້ທີ່ບຸກຄົນເປັນຜູ້ເວັ້ນຂາດຈາກການຂ້າສັຕ... ມີຄວາມເຫັນຖືກ ດ້ວຍກັມນັ້ນ ເມື່ອຕາຍໄປຍ່ອມເຂົ້າເຖິງຄວາມເປັນສະຫາຍຂອງເທວະດາ ແລະຂໍ້ທີ່ຜູ້ນັ້ນ

ພຸດທະວະຈະນະ - ໝວດທັມ

ເປັນຜູ້ໃຫ້ເຂົ້າ... ເຄື່ອງເຕີມປະທີບແກ່ສະມະນະຫຼືພຣາມ ດ້ວຍກັມນັ້ນ ເຂົາຍ່ອມໄດ້ເບັນຈະກາມະຄຸນອັນເປັນທິບໃນເທວະໂລກນັ້ນ.

ພຣາມ ! (ດ້ວຍເຫດດັ່ງນີ້) ແມ່ນວ່າທາຍົກ ກໍເປັນ ຜູ້ບໍ່ຂາດຜົລ.

ຂ້າແຕ່ພຣະໂຄດົມຜູ້ຈະເຣີນ ! ໜ້າອັດສະຈັນ ບໍ່ເຄີຍມີແລ້ວ. ຂ້າແຕ່ພຣະໂຄດົມຜູ້ຈະເຣີນ ! ຂໍ້ທີ່ແມ່ນແຕ່ທາຍົກກໍເປັນຜູ້ບໍ່ຂາດຜົລນີ້ ເປັນຂອງຄວນເພື່ອໃຫ້ທານໂດຍແທ້ ເປັນຂອງຄວນເພື່ອປູກສັດທາໂດຍແທ້.

ພຣາມ ! ຂໍ້ນີ້ເປັນເຊັ່ນນີ້ ໆ.

ພຣາມ ! ແມ່ນວ່າທາຍົກ ກໍເປັນຜູ້ບໍ່ຂາດຜົລ.

ຂ້າແຕ່ພຣະໂຄດົມຜູ້ຈະເຣີນ ! ພາສິຕຂອງພຣະອົງຄ໌ແຈ່ມແຈ້ງຫຼາຍ... ຂໍພຣະໂຄດົມຜູ້ຈະເຣີນ ໂປດຊົງຈໍາຂ້ານ້ອຍໄວ້ວ່າ ເປັນອຸປາສົກ ຜູ້ເຖິງສະຣະນະຕະຫຼອດຊີວິຕ ຕັ້ງແຕ່ມື້ນີ້ເປັນຕົ້ນໄປ.

ພຸດທະວະຈະນະ - ໝວດທັມ ເປີດທັມທີ່ຖືກປົກປິດ : ພົບພູມ

ຄວາມເປັນໄປໄດ້ຍາກ ໔໕

- ບາລີ ມຫາວາຣ. ສັງ. ໑໙/໕໘໘/໑໘໐໐-໑໘໐໑.

ພິກຂຸທັງຫຼາຍ ! ເຈົ້າທັງຫຼາຍຈະສໍາຄັນຄວາມຂໍ້ນີ້ວ່າແນວໃດ ຝຸ່ນໜ້ອຍໜຶ່ງ ທີ່ເຮົາຕັກຂຶ້ນດ້ວຍປາຍເລັບມືນີ້ ກັບມະຫາປະຖະພີນັ້ນ ຝ່າຍໃດຈະຫຼາຍກວ່າກັນ ?