ພົບພູມ

ພຣາມ ! ບຸກຄົນບາງຄົນໃນໂລກນີ້ ເປັນຜູ້ຂ້າສັຕ ລັກຊັບ ປະພຶດຜິດໃນກາມ ເວົ້າຕົວະ ເວົ້າສໍ່ສຽດ ເວົ້າຄໍາຫຍາບ ເວົ້າໂລເລ ມີຄວາມຢາກໄດ້ຂອງຜູ້ອື່ນ ມີຈິຕປອງຮ້າຍ ມີຄວາມເຫັນຜິດ ບຸກຄົນນັ້ນເມື່ອຕາຍໄປ ຍ່ອມເຂົ້າເຖິງນະຣົກ ເຂົາຍ່ອມລ້ຽງອັຕຕະພາບຢູ່ໃນນະຣົກນັ້ນ ຍ່ອມຕັ້ງຢູ່ໃນນະຣົກນັ້ນ

ດ້ວຍອາຫາຣຂອງສັຕນະຣົກ.

ພຣາມ ! ຖານະອັນເປັນທີ່ບໍ່ເຂົ້າໄປສໍາເລັດແຫ່ງທານ ແກ່ສັຕຜູ້ຕັ້ງຢູ່ນີ້ແລ ເປັນອະຖານະ.

໑. ໂອກາດທີ່ເປັນໄດ້ (ສະຖານະພາບໃນພົບນັ້ນທີ່ຍັງຄວາມສຳເລັດປະໂຍຊນ໌ໃຫ້ເກີດຂຶ້ນໄດ້)

໒. ໂອກາດທີ່ເປັນໄປບໍ່ໄດ້ (ສະພາບໃນພົບນັ້ນທີ່ຍັງຄວາມສຳເລັດປະໂຍຊນ໌ໃຫ້ເກີດຂຶ້ນບໍ່ໄດ້)

ພຸດທະວະຈະນະ - ໝວດທັມ

ພຣາມ ! ບຸກຄົນບາງຄົນໃນໂລກນີ້ ເປັນຜູ້ຂ້າສັຕ... ມີຄວາມເຫັນຜິດ ບຸກຄົນນັ້ນເມື່ອຕາຍໄປ ຍ່ອມເຂົ້າເຖິງກໍາເນີດເດຣັດສານ ເຂົາຍ່ອມລ້ຽງອັຕຕະພາບຢູ່ໃນກໍາເນີດເດຣັດສານນັ້ນ ຍ່ອມຕັ້ງຢູ່ໃນກໍາເນີດເດຣັດສານນັ້ນ ດ້ວຍອາຫາຣຂອງສັຕເດຣັດສານ.

ພຣາມ ! ແມ່ນວ່າຖານະອັນເປັນທີ່ບໍ່ເຂົ້າໄປສໍາເລັດແຫ່ງທານແກ່ສັຕຜູ້ຕັ້ງຢູ່ນີ້ແລ ກໍເປັນອະຖານະ.

ພຣາມ ! ບຸກຄົນບາງຄົນໃນໂລກນີ້ ເປັນຜູ້ເວັ້ນຂາດຈາກການຂ້າສັຕ... ມີຄວາມເຫັນຖືກ ບຸກຄົນນັ້ນເມື່ອຕາຍໄປຍ່ອມເຂົ້າເຖິງຄວາມເປັນສະຫາຍຂອງມະນຸສ ເຂົາຍ່ອມລ້ຽງອັຕຕະພາບຢູ່ໃນມະນຸສະໂລກນັ້ນ ຍ່ອມຕັ້ງຢູ່ໃນມະນຸສະໂລກນັ້ນ ດ້ວຍອາຫາຣຂອງມະນຸສ.

ພຣາມ ! ແມ່ນວ່າຖານະອັນເປັນທີ່ບໍ່ເຂົ້າໄປສໍາເລັດແຫ່ງທານແກ່ສັຕຜູ້ຕັ້ງຢູ່ນີ້ແລ ກໍເປັນອະຖານະ.

ພຣາມ ! ບຸກຄົນບາງຄົນໃນໂລກນີ້ ເປັນຜູ້ເວັ້ນຂາດຈາກການຂ້າສັຕ... ມີຄວາມເຫັນຖືກ ບຸກຄົນນັ້ນເມື່ອຕາຍໄປຍ່ອມເຂົ້າເຖິງຄວາມເປັນສະຫາຍຂອງເທວະດາ ເຂົາຍ່ອມລ້ຽງອັຕຕະພາບຢູ່ໃນເທວະໂລກນັ້ນ ຍ່ອມຕັ້ງຢູ່ໃນເທວະໂລກນັ້ນ ດ້ວຍອາຫາຣຂອງເທວະດາ.

ພຣາມ ! ແມ່ນວ່າຖານະອັນເປັນທີ່ບໍ່ເຂົ້າໄປສໍາເລັດແຫ່ງທານແກ່ສັຕຜູ້ຕັ້ງຢູ່ນີ້ແລ ກໍເປັນອະຖານະ.

ເປີດທັມທີ່ຖືກປົກປິດ : ພົບພູມ

ພຣາມ ! ບຸກຄົນບາງຄົນໃນໂລກນີ້ ເປັນຜູ້ຂ້າສັຕ...ມີຄວາມເຫັນຜິດ ບຸກຄົນນັ້ນເມື່ອຕາຍໄປ ຍ່ອມເຂົ້າເຖິງເປຕະວິສັຍ ເຂົາຍ່ອມລ້ຽງອັຕຕະພາບຢູ່ໃນເປຕະວິສັຍນັ້ນ ດ້ວຍອາຫາຣຂອງສັຕຜູ້ເກີດໃນເປຕະວິສັຍ ຫຼືວ່າມິຕອາມາດ ຫຼືຍາດສາຍໂລຫິດຂອງເຂົາ ຍ່ອມອຸທິສທານໃຫ້ ເຂົາຍ່ອມລ້ຽງອັຕພາບຢູ່ໃນເປຕະວິສັຍນັ້ນ ຍ່ອມຕັ້ງຢູ່ໃນເປຕະວິສັຍນັ້ນ ດ້ວຍທານນັ້ນ.

ພຣາມ ! ຖານະອັນເປັນທີ່ເຂົ້າໄປສໍາເລັດແຫ່ງທານແກ່ສັຕຜູ້ຕັ້ງຢູ່ນີ້ແລ ເປັນຖານະ.

ທ່ານໂຄດົມຜູ້ຈະເຣີນ ! ກໍຖ້າຍາດສາຍໂລຫິຕຜູ້ລ່ວງລັບໄປແລ້ວນັ້ນ ບໍ່ເຂົ້າເຖິງຖານະນັ້ນ ໃຜໜໍຈະບໍຣິໂພກທານນັ້ນ ?

ພຣາມ ! ຍາດສາຍໂລຫິຕຜູ້ລ່ວງລັບໄປແລ້ວ ແມ່ນວ່າກຸ່ມອື່ນຂອງທາຍົກນັ້ນ ທີ່ເຂົ້າເຖິງຖານະນັ້ນ ມີຢູ່ ຍາດສາຍໂລຫິຕເຫຼົ່ານັ້ນຍ່ອມບໍຣິໂພກທານນັ້ນ.

ທ່ານໂຄດົມຜູ້ຈະເຣີນ ! ກໍຖ້າຍາດສາຍໂລຫິຕຜູ້ລ່ວງລັບໄປແລ້ວນັ້ນບໍ່ເຂົ້າເຖິງຖານະນັ້ນ ແລະຍາດສາຍໂລຫິຕຜູ້ລ່ວງລັບໄປແລ້ວແມ່ນວ່າກຸ່ມອື່ນຂອງທາຍົກນັ້ນ ກໍບໍ່ເຂົ້າເຖິງຖານະນັ້ນ ໃຜໜໍຈະບໍຣິໂພກທານນັ້ນ ?

ພຣາມ ! ຖານະທີ່ຈະຫວ່າງຈາກຍາດສາຍໂລຫິຕ ຜູ້ລ່ວງລັບໄປແລ້ວໂດຍກາລະດົນນານເຊັ່ນນີ້ ບໍ່ແມ່ນຖານະ ບໍ່ແມ່ນ

ໂອກາດທີ່ຈະມີໄດ້.

ພຸດທະວະຈະນະ - ໝວດທັມ

ພຣາມ ! ອີກປະການໜຶ່ງ ແມ່ນວ່າທາຍົກກໍເປັນຜູ້ບໍ່ຂາດຜົລ.