ພຸດທະປະວັຕ ຈາກພຣະໂອຖະ

(໖) ຕະຖາຄົຕ ຍ່ອມຮູ້ຕາມເປັນຈິງ ຊຶ່ງຄວາມລື່ນແລະຄວາມຫຼຸດແຫ່ງອິນຊີຂອງສັຕເຫຼົ່າອື່ນ ຂອງບຸກຄົນເຫຼົ່າອື່ນ : ນີ້ກໍເປັນຕະຖາຄະຕະພະລະຂອງຕະຖາຄົຕ.

(໗) ຕະຖາຄົຕ ຍ່ອມຮູ້ຕາມເປັນຈິງ ຊຶ່ງຄວາມເສົ້າໝອງ ຄວາມຜ່ອງໃສ ຄວາມອອກ ແຫ່ງຊານ ວິໂມກຂ໌ ສະມາທິ ແລະສະມາບັດທັງຫຼາຍ : ນີ້ກໍເປັນຕະຖາຄະຕະພະລະຂອງຕະຖາຄົຕ.

(໘) ຕະຖາຄົຕ ຍ່ອມລະລຶກໄດ້ ຊຶ່ງຂັນທ໌ອັນຕົນເຄີຍຢູ່ອາໄສໃນພົບກ່ອນ ມີຊະນິດຕ່າງໆກັນ ຄືລະລຶກໄດ້ຊາດໜຶ່ງແດ່ ສອງຊາດແດ່໒ ...ໆລໆ... : ນີ້ກໍເປັນຕະຖາຄະຕະພະລະຂອງຕະຖາຕົຕ.

(໙) ຕະຖາຄົຕ ຍ່ອມເຫັນສັຕ ທ. ດ້ວຍທິບພະຈັກຂຸ ...ໆລໆ... ອັນໃສແຈ້ງ ກ້າວຂ້າມຜ່ານຈັກຂຸມະນຸສ : ເຫັນສັຕທັງຫຼາຍຜູ້ເຄື່ອນຢູ່ ບັງເກີດຢູ່໓...ໆລໆ... : ນີ້ກໍເປັນຕະຖາຄະຕະພະລະຂອງຕະຖາຄົຕ.

(໑໐) ຕະຖາຄົຕ ຍ່ອມເຮັດໃຫ້ແຈ້ງເຈໂຕວິມຸດຕິ ປັນຍາວິມຸດຕິ ອັນບໍ່ມີອາສະວະ ເພາະຄວາມດັບສິ້ນໄປແຫ່ງອາສະວະ ທ. ໄດ້ ໔ ...ໆລໆ... : ນີ້ກໍເປັນຕະຖາຄະຕະພະລະຂອງຕະຖາຄົຕ.

ສາຣີບຸຕ ! ເຫຼົ່ານີ້ແລ ເປັນຕະຖາຄະຕະພະລະສິບຢ່າງ ຂອງຕະຖາຄົຕ ທີ່ຕະຖາຄົຕປະກອບແລ້ວ ຍ່ອມປະຕິນຍາຕໍາແໜ່ງຈອມໂລກ ບັນລືສີຫະນາດປະກາດພຣົມມະຈັກ ໃນທ່າມກາງບໍຣິສັດທັງຫຼາຍ.

໑. ເຊັ່ນຮູບທາດ ນາມທາດ ເປັນຕົ້ນ ເຊິ່ງແຍກແຈກອອກໄດ້ອີກມາກຫຼາຍ.

໒. ເບິ່ງບ່ອນທີ່ຈໍາແນກພິສະດານໃນພາກ ໒ ຕອນຕຣັສຮູ້ ວ່າດ້ວຍວິຊຊາທີໜຶ່ງ.

໓. ເບິ່ງບ່ອນທີ່ຈໍາແນກພິສະດານໃນພາກ ໒ ຕອນຕຣັສຮູ້ ວ່າດ້ວຍວິຊຊາທີສອງ.

໔. ເບິ່ງບ່ອນທີ່ຈໍາແນກພິສະດານໃນພາກ ໒ ຕອນຕຣັສຮູ້ ວ່າດ້ວຍວິຊຊາທີສາມ.

ໄດ້ຕຣັສຮູ້ແລ້ວ - ໂຜດປັນຈະວັກຄີ ໑໓໗

(ໃນບາລີແຫ່ງອື່ນ ມີກ່າວເຖິງຕະຖາຄະຕະພະລະຍານເປັນຢ່າງອື່ນ ຄື ກ່າວເຖິງຕະຖາຄະຕະພະລະຍານພຽງ ໖ ໂດຍເວັ້ນຂ້າມ (໓) (໔) (໕) ແລະ (໖) ເສຍຈາກຈໍານວນ ໑໐ ທີ່ມີກ່າວຢູ່ໃນບ່ອນນີ້. - ສັກກ. ອັງ. ໒໒/໔໖໖/໓໓໕. ບາລີອີກແຫ່ງໜຶ່ງ ກ່າວເຖິງຕະຖາຄະຕະພະລະພຽງ ໕ ດັ່ງທີ່ມີຢູ່ໃນຫົວຂໍ້ຖັດລົງໄປຈາກຫົວຂໍ້ນີ້.)

ທົງມີຕະຖາຄະຕະພະລະຫ້າຢ່າງ ໑

ພິກຂຸ ທ. ! ເຮົາເຖິງແລ້ວຊຶ່ງອະພິນຍາໂວສານບາຣະມີ ໃນທັມ ທ. ທີ່ບໍ່ເຄີຍຟັງ ມາແຕ່ກ່ອນ ຈຶ່ງປະຕິນຍາ. ພິກຂຸ ທ. ! ຕະຖາຄະຕະພະລະຂອງຕະຖາຄົຕ ໕ ຢ່າງ ເຫຼົ່ານີ້ ອັນເປັນກໍາລັງທີ່ຕະຖາຄົຕປະກອບພ້ອມແລ້ວ ຈຶ່ງປະຕິນຍາຕໍາແໜ່ງຈອມໂລກ ບັນລືສີຫະນາດປະກາດພຣົມມະຈັກ ໃນທ່າມກາງບໍຣິສັດທັງຫຼາຍ. ຫ້າຢ່າງ ເຫຼົ່າໃດໜໍ ? ຫ້າຢ່າງຄື ສັດທາພະລະ ຫິຣິພະລະ ໂອຕຕັບປະພະລະ ວິຣິຢະ ພະລະ ປັນຍາພະລະ.

ພິກຂຸ ທ. ! ເຫຼົ່ານີ້ແລ ຕະຖາຄະຕະພະລະຂອງຕະຖາຄົຕ ໕ ຢ່າງ ອັນເປັນກໍາລັງທີ່ຕະຖາຄົຕປະກອບພ້ອມແລ້ວ ຈຶ່ງປະຕິນຍາຕໍາແໜ່ງຈອມໂລກ ບັນລືສີຫະນາດ ປະກາດພຣົມມະຈັກໃນທ່າມກາງບໍຣິສັດທັງຫຼາຍ.

ທົງຮູ້ຈັກອິນຊີອັນຍິ່ງ(ລື່ນ)-ຢ່ອນ(ຫຼຸດ)ຂອງສັຕ ໒

(ຄໍາອະທິບາຍທະສະພະລະຍານຂໍ້ທີຫົກ)

ອຸທາຢິ ! ບຸກຄົນ ໔ ຈໍາພວກເຫຼົ່ານີ້ ມີຢູ່ໃນໂລກ. ສີ່ຈໍາພວກເຫຼົ່າໃດໜໍ ? ສີ່ຈໍາພວກຄື :-

ອຸທາຢິ ! ບຸກຄົນບາງຄົນໃນກໍລະນີນີ້ ເປັນຜູ້ປະຕິບັດເພື່ອລະ ເພື່ອສະລັດຄືນຊຶ່ງອຸປະທິ ຄວາມດໍາຣິອັນຊ່ານໄປ (ສະຣະສັງກັບປາ) ຊຶ່ງປະກອບດ້ວຍອຸປະທິ ປຸ້ມລຸມເຂົາຢູ່ ; ເຂົາ ທົນມີຄວາມດໍາຣິອັນຊ່ານໄປເຫຼົ່ານັ້ນ ບໍ່ລະເສຍ ບໍ່ບັນເທົາເສຍ ບໍ່ເຮັດໃຫ້ສິ້ນສຸດເສຍ ບໍ່ເຮັດໃຫ້ເຖິງເຊິ່ງຄວາມບໍ່ມີ ; ອຸທາຢິ ! ເຮົາຍ່ອມກ່າວ

໑. ບາລີ ປັນຈກ. ອັງ. ໒໒/໑໐/໑໑. ຕຣັດແກ່ພິກຂຸທັງຫຼາຍ.

໒. ບາລີ ລະດຸກິໂກປມສູຕ ມ.ມ. ໑໓/໑໘໗/໑໘໑. ຕຣັດແກ່ພຣະອຸທາຢີທີ່ອາປະນະນິຄົມແຄວ້ນອັງຄຸຕຣາປະ.

໑໓໘ ພຸດທະປະວັດຈາກພຣະໂອຖະ - ພາກ ໓

ບຸກຄົນນີ້ແລ ວ່າເປັນຜູ້ປະກອບຢູ່ດ້ວຍກິເລສ (ສັງຢຸຕໂຕ) ຫາກໄດ້ເປັນຜູ້ປາສະຈາກກິເລສ (ວິສັງຢຸຕໂຕ) ກໍບໍ່ແມ່ນ. ເພາະເຫດໃດເຮົາຈຶ່ງກ່າວແນວນັ້ນ ? ອຸທາຢິ ! ເພາະເຫດວ່າ ເຮົາຮູ້ຄວາມລື່ນ-ຫຼຸດແຫ່ງອິນຊີ (ທີ່ມີຢູ່) ໃນບຸກຄົນນີ້.