ປຶ້ມຄູ່ມືຄຸນນະທັມ

ຄູ່ມືຄຸນນະທັມສໍາລັບເຍົາວະຊົນ

ພາກທີ

ການປະຕິບັດໜ້າທີ່ທີ່ດີ

ບົດທີ ໑

ການຕອບແທນຄຸນມານດາບິດາ ຢ່າງສູງສຸດ

ສະບັບຫລວງ ໒໐/໗໘/໒໗໘

ພິກຂຸທັງຫລາຍ ! ເຮົາກ່າວການຕອບແທນບໍ່ໄດ້ງ່າຍ ແກ່ ທ່ານທັງສອງ ; ທ່ານທັງສອງຄືໃຜໜໍ ? ຄື ມານດາ ໑ ບິດາ ໑

ພິກຂຸທັງຫລາຍ ! ບຸຕຍ່ອມປະຄັບປະຄອງມານດາດ້ວຍບ່າເບື້ອງໜຶ່ງ ປະຄັບປະຄອງບິດາ ດ້ວຍບ່າເບື້ອງໜຶ່ງ ເຂົາມີອາຍຸ ມີຊີວິຕຢູ່ຕະຫລອດຮ້ອຍປີ ແລະເຂົາຍ່ອມປະຕິບັດຕໍ່ທ່ານທັງສອງນັ້ນ ດ້ວຍການຮົມຢາ ບີບນວດ ການອາບນໍ້າ ແລະການຖູ ແລະທ່ານທັງສອງນັ້ນ ຍ່ອມຖ່າຍອຸດຈາຣະ ປັດສາວະ ເທິງບ່າທັງສອງຂອງເຂົານັ້ນເອງ

ພິກຂຸທັງຫລາຍ ! ການເຮັດເຊັ່ນນັ້ນ ຍັງບໍ່ທັນຊື່ວ່າ ອັນບຸດເຮັດແລ້ວ ຫລື ຕອບແທນແລ້ວແກ່ມານດາບິດາເລີຍ.

ຄໍາສັ່ງສອນຂອງພຣະຕະຖາຄົດເຈົ້າ

ພິກຂຸທັງຫລາຍ ! ອັນໜຶ່ງ ບຸຕຍ່ອມສະຖາປະນາມານດາບິດາ ໃນຣາຊະສົມບັດ ອັນເປັນອິສະຣາທິປັດ ໃນແຜ່ນດິນໃຫຍ່ ອັນມີຣັດຕະນະ ໗ ປະການ ມາກຫລາຍເຊັ່ນນີ້ ການເຮັດເຊັ່ນນັ້ນ ຍັງບໍ່ທັນຊື່ວ່າ ອັນບຸຕເຮັດແລ້ວ ຫລືຕອບແທນແລ້ວ ແກ່ມານດາບິດາເລີຍ.

ຂໍ້ນັ້ນເພາະເຫດໃດ ? ເພາະມານດາບິດາ ມີອຸປະກາຣະຫລາຍ ບໍາລຸງລ້ຽງ ສະແດງໂລກນີ້ ແກ່ບຸຕທັງຫລາຍສ່ວນບຸຕຄົນໃດ

ອະນຸເຄາະມານດາບິດາ ຜູ້ບໍ່ມີສັດທາ ໃຫ້ສະມາທານຕັ້ງໝັ້ນ ໃນສັດທາສັມປະທາ (ຄວາມເຖິງພ້ອມດ້ວຍສັດທາ).

ອະນຸເຄາະມານດາບິດາ ຜູ້ທຸສີລ ໃຫ້ສະມາທານຕັ້ງໝັ້ນ ໃນສີລະສັມປະທາ (ຄວາມເຖິງພ້ອມດ້ວຍສີລ).

ອະນຸເຄາະມານດາບິດາ ຜູ້ຂີ້ຖີ່ ໃຫ້ສະມາທານຕັ້ງໝັ້ນ ໃນຈາຄະສັມປະທາ (ຄວາມເຖິງພ້ອມດ້ວຍການບໍຣິຈາກ).

ອະນຸເຄາະມານດາບິດາ ຜູ້ມີປັນຍາຕໍ່າຊາມ ໃຫ້ສະມາທານ ຕັ້ງໝັ້ນ ໃນປັນຍາສັມປະທາ (ຄວາມເຖິງພ້ອມດ້ວຍປັນຍາ).

ພິກຂຸທັງຫລາຍ ! ດ້ວຍເຫດມີປະມານເທົ່ານີ້ ແລະການເຮັດເຊັ່ນນັ້ນ ຍ່ອມຊື່ວ່າ ອັນບຸຕນັ້ນເຮັດແລ້ວ ແລະໄດ້ຕອບແທນແລ້ວ ແກ່ມານດາບິດາ.

ຄໍາສັ່ງສອນຂອງພຣະຕະຖາຄົດເຈົ້າ

ບົດທີ ໒

ຄວາມເປັນຄົນກະຕັນຍູກະຕະເວທີ

ເປັນບຸກຄົນທີ່ຫາໄດ້ຍາກໃນໂລກ

ສະບັບຫລວງ ໒໒/໑໕໒/໑໔໓

ເຈົ້າລິດສະວີທັງຫລາຍ ! ການປາກົດແຫ່ງຣັຕຕະນະ(ແກ້ວ) ໕ ປະການ ເປັນສິ່ງທີ່ຫາໄດ້ຍາກໃນໂລກ; ຣັຕຕະນະ ໕ ປະການນັ້ນ ເປັນແນວໃດໜໍ ? ຄື :

ການປາກົດຂອງຕະຖາຄົຕອະຣະຫັນຕະສັມມາສັມພຸດທະ

ບຸກຄົນຜູ້ສະແດງທັມວິນັຍທີ່ຕະຖາຄົຕປະກາດແລ້ວ

ບຸກຄົນຜູ້ຮູ້ແຈ້ງທັມວິນັຍທີ່ຕະຖາຄົຕປະກາດແລ້ວ

ບຸກຄົນຜູ້ຮູ້ແຈ້ງທັມວິນັຍທີ່ຕະຖາຄົຕປະກາດແລ້ວ ອັນຜູ້ອື່ນສະແດງແລ້ວ ປະຕິບັດທັມສົມຄວນແກ່ທັມ

ຄວາມເປັນຄົນກະຕັນຍູກະຕະເວທີ.

ເຈົ້າລິດສະວີທັງຫລາຍ ! ການປາກົດແຫ່ງຣັຕຕະນະ ໕ ປະການນີ້ແລ ເປັນສິ່ງທີ່ຫາໄດ້ຍາກໃນໂລກ.

ຄູ່ມືຄຸນນະທັມສໍາລັບເຍົາວະຊົນ

ບົດທີ ໓

ບຸກຄົນທີ່ຫາໄດ້ຍາກໃນໂລກ

ສະບັບຫລວງ ໒໐/໘໑/໓໖໔

ພິກຂຸທັງຫລາຍ ! ບຸກຄົນ ໒ ຈໍາພວກນີ້ ຫາໄດ້ຍາກໃນໂລກ; ໒ ຈໍາພວກນັ້ນ ເປັນແນວໃດໜໍ ? ຄື :

ບຸບພະກາຣີບຸກຄົນ ໑ (ຜູ້ທີ່ເຮັດບຸນຄຸນໃຫ້ກ່ອນ)

ກະຕັນຍູກະຕະເວທີບຸກຄົນ ໑ (ບຸກຄົນທີ່ຮູ້ບຸນຄຸນແລ້ວຕອບແທນ)

ຄໍາສັ່ງສອນຂອງພຣະຕະຖາຄົດເຈົ້າ

ບົດທີ ໔

ພູມຂອງອະສັຕຕະບຸຣຸດ ແລະພູມຂອງສັຕຕະບຸຣຸດ

ສະບັບຫລວງ ໒໐/໕໔/໒໗໗

ພິກຂຸທັງຫລາຍ ! ເຮົາຈະສະແດງພູມອະສັຕຕະບຸຣຸດ ແລະສັຕຕະບຸຣຸດ ແກ່ທ່ານທັງຫລາຍ ທ່ານທັງຫລາຍຈົ່ງຟັງ ຈົ່ງໃສ່ໃຈໃຫ້ດີ ເຮົາຈະກ່າວ...

ພິກຂຸທັງຫລາຍ ! ພູມຂອງອະສັຕຕະບຸຣຸດນັ້ນ ເປັນແນວໃດໜໍ ? ຄື: ອະສັຕຕະບຸຣຸດ ຍ່ອມເປັນຄົນອະກະຕັນຍູອະກະຕະເວທີ ກໍຄວາມເປັນຄົນອະກະຕັນຍູອະກະຕະເວທີນີ້ ອະສັຕຕະບຸຣຸດທັງຫລາຍສັນລະເສີນ.

ພິກຂຸທັງຫລາຍ ! ຄວາມເປັນຄົນອະກະຕັນຍູອະກະຕະເວທີນີ້ ເປັນພູມຂອງອະສັຕຕະບຸຣຸສທັງມວນ.

ພິກຂຸທັງຫລາຍ ! ສ່ວນສັຕຕະບຸຣຸດຍ່ອມເປັນຄົນກະຕັນຍູກະຕະເວທີ, ກໍຄວາມກະຕັນຍູກະຕະເວທີນີ້ ສັຕຕະບຸຣຸດທັງຫລາຍສັນລະເສີນ.

ພິກຂຸທັງຫລາຍ ! ຄວາມເປັນຄົນກະຕັນຍູກະຕະເວທີນີ້ ເປັນພູມຂອງອະສັຕຕະບຸຣຸດທັງມວນ.

ຄູ່ມືຄຸນນະທັມສໍາລັບເຍົາວະຊົນ

ບົດທີ ໕

ຈົ່ງເປັນຄົນກະຕັນຍູ ກະຕະເວທີ

ເຖິງອຸປະກາຣະຈະມີພຽງເລັກນ້ອຍ