ຄູ່ມືກາຣຈະເຣີນເມຕຕາ

ພິກຂຸທັງຫລາຍ! ໃນຂໍ້ນັ້ນ ພວກເຈົ້າທັງຫລາຍຄວນສຶກສາຢ່າງນີ້ວ່າ ຈິຕຂອງເຮົາຈັກບໍ່ປັ່ນປ່ວນ ເຮົາຈັກບໍ່ກ່າວວາຈາອັນຊົ່ວຫຍາບ ເຮົາຈັກອະນຸເຄາະດ້ວຍສິ່ງອັນເປັນປະໂຍຊນ໌ ເຮົາຈັກມີເມຕຕາ ບໍ່ມີໂທສະໃນພາຍໃນ ເຮົາຈັກແຜ່ເມຕຕາໄປເຖິງບຸຄຄົລນັ້ນ ແລະເຮົາຈັກແຜ່ເມຕຕາຈິຕອັນໄພບູນ ຍິ່ງໃຫຍ່ ຫາປະມານບໍ່ໄດ້ ບໍ່ມີເວຣ ບໍ່ມີພະຍາບາທ ໄປຕະຫລອດໂລກທັງປວງ ເຊິ່ງເປັນອາຣົມນ໌ຂອງຈິຕນັ້ນ ດັ່ງນີ້. ພິກຂຸທັງຫລາຍ ພວກເຈົ້າທັງຫລາຍຄວນສຶກສາດ້ວຍອາກາຣດັ່ງທີ່ກ່າວມານີ້ແລ.

ພິກຂຸທັງຫລາຍ! ພວກເຈົ້າທັງຫລາຍຄວນໃສ່ໃຈໃນໂອວາທທີ່ສະແດງກາຣປຽບດ້ວຍເລື່ອຍນີ້ຢູ່ເນື່ອງໆເຖີດ.

ພິກຂຸທັງຫລາຍ! ພວກເຈົ້າທັງຫລາຍເຫັນທາງແຫ່ງຖ້ອຍຄຳທີ່ມີໂທສໜ້ອຍຫລືໂທສຫລາຍທີ່ພວກເຈົ້າທັງຫລາຍຈະອົດກັ້ນບໍ່ໄດ້ຫລືບໍ່?

ບໍ່ເຫັນ ພຣະອົງຄ໌ຜູ້ຈະເຣີນ!

ພິກຂຸທັງຫລາຍ! ເພາະເຫຕນັ້ນແລ ພວກເຈົ້າທັງຫລາຍຄວນໃສ່ໃຈໃນໂອວາທທີ່ສະແດງກາຣປຽບດ້ວຍເລື່ອຍນີ້ຢູ່ເນື່ອງໆເຖີດ ຂໍ້ນັ້ນຈັກເປັນປະໂຍຊນ໌ແລະຄວາມສຸຂແກ່ພວກເຈົ້າທັງຫລາຍສິ້ນກາລະນານ.

ມັຊຊິມະນິກາຍ ມູລປັນນາສກ໌ ໑໒/໑໗໙-໑໘໐/໒໗໒-໒໗໓

ພິກຂຸທັງຫລາຍ ຖ້າພິກຂຸຈະເຣີນເມຕຕາຈິຕ ພຽງຊົ່ວຂະນະກາຣດີດນິ້ວມື ພິກຂຸນັ້ນ ເຮົາກ່າວວ່າ ຢູ່ບໍ່ເຫີນຫ່າງຈາກຊານ ກະທຳຕາມຄຳສອນຂອງພຣະສາສດາ ປະຕິບັຕຕາມໂອວາທ ບໍ່ສັນບິນທະບາຕຂອງຊາວແວ່ນແຄວ້ນໃຫ້ເປົ່າປະໂຍຊນ໌ ຈະກ່າວເຖິງຫຍັງເຊິ່ງຜູ້ທີ່ກະທຳໃຫ້ຫລາຍເຊິ່ງເມຕຕາຈິຕນັ້ນ.

ອັງຄຸຕຕະຣະນິກາຍ ເອ-ທຸກ-ຕິກນິບາຕ ໒໐/໙/໕໕

ວາຈາທີ່ກ່າວດ້ວຍເມຕຕາເປັນວາຈາສຸພາສິຕ

ພິກຂຸທັງຫລາຍ! ວາຈາປະກອບດ້ວຍອົງຄ໌ ໕ ປະກາຣ ເປັນວາຈາສຸພາສິຕ ບໍ່ເປັນວາຈາທຸພພາສິຕ ແລະເປັນວາຈາທີ່ບໍ່ມີໂທສ ອັນວິນຍູຊົນບໍ່ຕິຕຽນ ອົງຄ໌ ໕ ປະກາຣເປັນຢ່າງໃດ? ຄື:

ເປັນວາຈາທີ່ກ່າວຖືກກາລ

(ກາເລນະ ຈະ ພາສິຕາ ໂຫຕິ)

ເປັນວາຈາທີ່ກ່າວຕາມຄວາມເປັນຈິງ

(ສັຈຈາ ຈະ ພາສິຕາ ໂຫຕິ)

ເປັນວາຈາທີ່ກ່າວດ້ວຍຄວາມອ່ອນຫວານ

(ສັນຫາ ຈະ ພາສິຕາ ໂຫຕິ)

ເປັນວາຈາທີ່ປະກອບດ້ວຍປະໂຍຊນ໌

(ອັຕຖະສັນຫິຕາ ຈະ ພາສິຕາ ໂຫຕິ)

ເປັນວາຈາທີ່ກ່າວດ້ວຍເມຕຕາຈິຕ

(ເມຕຕະຈິຕເຕນະ ຈະ ພາສິຕາ ໂຫຕິ)

ພິກຂຸທັງຫລາຍ! ວາຈາປະກອບດ້ວຍອົງຄ໌ ໕ ປະກາຣນີ້ແລ ເປັນວາຈາສຸພາສິຕ ບໍ່ເປັນວາຈາທຸພພາສິຕ ແລະ ເປັນວາຈາທີ່ບໍ່ມີໂທສ ອັນວິນຍູຊົນບໍ່ຕິຕຽນ.

ອັງຄຸຕຕະຣະນິກາຍ ປັນຈະກະ-ສັກກະນິບາຕ ໒໒/໒໑໖/໑໙໘

ກາຣເສພ ກາຣຈະເຣີນ ກາຣໃສ່ໃຈເຊິ່ງ

ເມຕຕາຈິຕຍ່ອມຢູ່ບໍ່ເຫີນຫ່າງຈາກຊານ

ພິກຂຸທັງຫລາຍ! ຖ້າພິກຂຸເສພເຊິ່ງເມຕຕາຈິຕພຽງຊົ່ວຂະນະກາຣດີດນິ້ວມື (ອັຈສະຣາສັງຄາຕະມັຕຕັງປິ ເຈ ພິກຂະເວ ພິກຂຸ ເມຕຕະຈິຕຕັງ ອາເສວະຕິ) ພິກຂຸນັ້ນເຮົາກ່າວວ່າ ຢູ່ບໍ່ເຫີນຫ່າງຈາກຊານ ກະທຳຕາມຄຳສອນຂອງພຣະສາສດາ ປະຕິບັຕຕາມໂອວາທ ບໍ່ສັນບິນທະບາຕຂອງຊາວແວ່ນແຄວ້ນໃຫ້ເປົ່າປະໂຍຊນ໌ ຈະກ່າວເຖິງຫຍັງເຊິ່ງຜູ້ທີ່ກະທຳໃຫ້ຫລາຍເຊິ່ງເມຕຕາຈິຕນັ້ນ.

ພິກຂຸທັງຫລາຍ! ຖ້າພິກຂຸຈະເຣີນເຊິ່ງເມຕຕາຈິຕພຽງຊົ່ວຂະນະກາຣດີດນິ້ວມື ພິກຂຸນັ້ນເຮົາກ່າວວ່າ ຢູ່ບໍ່ເຫີນຫ່າງຈາກຊານ ກະທຳຕາມຄຳສອນຂອງພຣະສາສດາ ປະຕິບັຕຕາມໂອວາທ ບໍ່ສັນບິນທະບາຕຂອງຊາວແວ່ນແຄວ້ນໃຫ້ເປົ່າປະໂຍຊນ໌ ຈະກ່າວເຖິງຫຍັງເຊິ່ງຜູ້ທີ່ກະທຳໃຫ້ຫລາຍເຊິ່ງເມຕຕາຈິຕນັ້ນ.

ພິກຂຸທັງຫລາຍ! ຖ້າພິກຂຸໃສ່ໃຈເຊິ່ງເມຕຕາຈິຕພຽງຊົ່ວຂະນະກາຣດີດນິ້ວມື ພິກຂຸນັ້ນເຮົາກ່າວວ່າ ຢູ່ບໍ່ເຫີນຫ່າງຈາກຊານ ກະທຳຕາມຄຳສອນຂອງພຣະສາສດາ ປະຕິບັຕຕາມໂອວາທ ບໍ່ສັນບິນທະບາຕຂອງຊາວແວ່ນແຄວ້ນໃຫ້ເປົ່າປະໂຍຊນ໌ ຈະກ່າວເຖິງຫຍັງເຊິ່ງຜູ້ທີ່ກະທຳໃຫ້ຫລາຍເຊິ່ງເມຕຕາຈິຕນັ້ນ.

ອັງຄຸຕຕະຣະນິກາຍ ເອກະ-ທຸກ-ຕິກະນິບາຕ ໒໐/໘-໙/໕໔-໕໖

ພິກຂຸຜູ້ປະກອບດ້ວຍທັມ ໕ ປະກາຣ

ບໍ່ຄວນປິ່ນປົວພິກຂຸປ່ວຍ

ພິກຂຸທັງຫລາຍ! ພິກຂຸຜູ້ປິ່ນປົວພິກຂຸປ່ວຍປະກອບດ້ວຍທັມ ໕ ປະກາຣ ບໍ່ຄວນປິ່ນປົວພິກຂຸປ່ວຍ, ໕ ປະກາຣເປັນຢ່າງໃດ?

ພິກຂຸຜູ້ປິ່ນປົວເປັນຜູ້ບໍ່ສາມາດຈັດຢາ.

ເປັນຜູ້ຫວັງອາມິຕຈາກກາຣປິ່ນປົວ.

ເປັນຜູ້ບໍ່ມີເມຕຕາຈິຕໃນກາຣປິ່ນປົວຮັກສາ.

ເປັນຜູ້ລັງກຽດເມື່ອນໍາອອກເຊິ່ງອຸຈຈາຣະ ປັສສາວະ