ຄວາມສັນໂດດ

ພິກຂຸທັງຫລາຍ! ອີກປະກາຣໜຶ່ງ ພິກຂຸຜູ້ເປັນເສຂະຍ່ອມບໍ່ປ່ອຍໃຫ້ວັນເວລາລ່ວງໄປເພາະກາຣງານເລັກນ້ອຍ ບໍ່ລະກາຣຫລີກເຣັ້ນ ປະກອບຄວາມສງົບໃຈໃນພາຍໃນ. ພິກຂຸທັງຫລາຍ ນີ້ເປັນທັມປະກາຣທີ ໒ ຍ່ອມເປັນໄປເພື່ອຄວາມບໍ່ເສື່ອມແກ່ພິກຂຸຜູ້ເປັນເສຂະ.

ພິກຂຸທັງຫລາຍ! ອີກປະກາຣໜຶ່ງ ພິກຂຸຜູ້ເປັນເສຂະຍ່ອມບໍ່ຄຸກຄີດ້ວຍຄະຣືຫັສຖ໌ແລະບັນພະຊິຕ ດ້ວຍກາຣຄຸກຄີກັບຄະຣືຫັສຖ໌ອັນບໍ່ສົມຄວນ ບໍ່ລະກາຣຫລີກເຣັ້ນ ປະກອບຄວາມສງົບໃຈໃນພາຍໃນ. ພິກຂຸທັງຫລາຍ ນີ້ເປັນທັມປະກາຣທີ ໓ ຍ່ອມເປັນໄປເພື່ອຄວາມບໍ່ເສື່ອມແກ່ພິກຂຸຜູ້ເປັນເສຂະ.

ພິກຂຸທັງຫລາຍ! ອີກປະກາຣໜຶ່ງ ພິກຂຸຜູ້ເປັນເສຂະຍ່ອມບໍ່ເຂົ້າໄປໃນບ້ານໃນເວລາເຊົ້າຫລາຍ ບໍ່ກັບມາໃນເວລາສວາຍຫລາຍ ບໍ່ລະກາຣຫລີກເຣັ້ນ ປະກອບຄວາມສງົບໃຈໃນພາຍໃນ. ພິກຂຸທັງຫລາຍ ນີ້ເປັນທັມປະກາຣທີ ໔ ຍ່ອມເປັນໄປເພື່ອຄວາມບໍ່ເສື່ອມແກ່ພິກຂຸຜູ້ເປັນເສຂະ.

ພິກຂຸທັງຫລາຍ! ອີກປະກາຣໜຶ່ງ ພິກຂຸຜູ້ເປັນເສຂະຍ່ອມໄດ້ຕາມຄວາມປາຖນາ ໄດ້ໂດຍບໍ່ຍາກ ໂດຍບໍ່ລຳບາກເຊິ່ງກະຖາອັນເປັນໄປເພື່ອກາຣຂັດເກົາກິເລສ ເປັນທີ່ສະບາຍແກ່ທັມເຄື່ອງເປີດໂປ່ງຈິຕຄື ອັປປິຈສະກະຖາ ສັນຕຸຕຖິກະຖາ ປະວິເວກະກະຖາ ອະສັງສັຄຄະກະຖາ ວິຣິຍາຣັມພະກະຖາ ສີລະກະຖາ ສະມາທິກະຖາ ປັນຍາກະຖາ ວິມຸຕຕິກະຖາ ວິມຸຕຕິຍານທັສສະນະກະຖາ ບໍ່ລະກາຣຫລີກເຣັ້ນ ປະກອບຄວາມ ສງົບໃຈໃນພາຍໃນ. ພິກຂຸທັງຫລາຍ ນີ້ເປັນທັມປະກາຣທີ ໕ ຍ່ອມເປັນໄປເພື່ອຄວາມບໍ່ເສື່ອມແກ່ພິກຂຸຜູ້ເປັນເສຂະ.

ພິກຂຸທັງຫລາຍ! ທັມ ໕ ປະກາຣນີ້ແລ ຍ່ອມເປັນໄປເພື່ອຄວາມບໍ່ເສື່ອມແກ່ພິກຂຸຜູ້ເປັນເສຂະ.

ອັງຄຸຕຕະຣະນິກາຍ ປັນຈະກະ-ສັກກະນິບາຕ ໒໒/໑໐໑/໙໐

ທັມ ໖ ປະກາຣທີ່ເປັນໄປເພື່ອຄວາມເສື່ອມແກ່ພິກຂຸຜູ້ເປັນເສຂະ

ພິກຂຸທັງຫລາຍ! ທັມ ໖ ປະກາຣນີ້ ຍ່ອມເປັນໄປເພື່ອຄວາມເສື່ອມແກ່ພິກຂຸຜູ້ເປັນເສຂະ. ທັມ ໖ ປະກາຣເປັນຢ່າງໃດ? ຄື

ຄວາມເປັນຜູ້ຍິນດີໃນກາຣງານ (ກັມມາຣາມະຕາ),

ຄວາມເປັນຜູ້ຍິນດີໃນກາຣເວົ້າ (ພັສສາຣາມະຕາ),

ຄວາມເປັນຜູ້ຍິນດີໃນກາຣນອນ (ນິທທາຣາມະຕາ),

ຄວາມເປັນຜູ້ຍິນດີໃນກາຣຄຸກຄີດ້ວຍໝູ່ຄະນະ

(ສັງຄະນິກາຣາມະຕາ),

ຄວາມເປັນຜູ້ບໍ່ຄຸ້ມຄອງທະວາຣໃນອິນຊີທັງຫລາຍ

(ອິນທະຣິເຍສຸ ອະຄຸຕຕັທວາຣະຕາ),

ຄວາມເປັນຜູ້ບໍ່ຮູ້ປະມານໃນໂພຊະນະ

(ໂພຊະເນ ອະມັຕຕັນຍຸຕາ).

ພິກຂຸທັງຫລາຍ! ທັມ ໖ ປະກາຣນີ້ແລ ຍ່ອມເປັນໄປເພື່ອຄວາມເສື່ອມແກ່ພິກຂຸຜູ້ເປັນເສຂະ.

ພິກຂຸທັງຫລາຍ! ທັມ ໖ ປະກາຣນີ້ ຍ່ອມເປັນໄປເພື່ອຄວາມບໍ່ເສື່ອມແກ່ພິກຂຸຜູ້ເປັນເສຂະ. ທັມ ໖ ປະກາຣເປັນຢ່າງໃດ? ຄື

ຄວາມເປັນຜູ້ບໍ່ຍິນດີໃນກາຣງານ,

ຄວາມເປັນຜູ້ບໍ່ຍິນດີໃນກາຣເວົ້າ,

ຄວາມເປັນຜູ້ບໍ່ຍິນດີໃນກາຣນອນ,

ຄວາມເປັນຜູ້ບໍ່ຍິນດີໃນກາຣຄຸກຄີດ້ວຍໝູ່ຄະນະ,

ຄວາມເປັນຜູ້ຄຸ້ມຄອງທະວາຣໃນອິນຊີທັງຫລາຍ,

ຄວາມເປັນຜູ້ຮູ້ປະມານໃນໂພຊະນະ.

ພິກຂຸທັງຫລາຍ! ທັມ ໖ ປະກາຣນີ້ແລ ຍ່ອມເປັນໄປເພື່ອຄວາມບໍ່ເສື່ອມແກ່ພິກຂຸຜູ້ເປັນເສຂະ.

ອັງຄຸຕຕະຣະນິກາຍ ປັນຈະກະ-ສັກກະນິບາຕ ໒໒/໓໐໐/໓໐໒

ທັມ ໗ ປະກາຣທີ່ເປັນໄປເພື່ອຄວາມເສື່ອມແກ່ພິກຂຸຜູ້ເປັນເສຂະ

ພິກຂຸທັງຫລາຍ! ທັມ ໗ ປະກາຣນີ້ ຍ່ອມເປັນໄປເພື່ອຄວາມເສື່ອມແກ່ພິກຂຸຜູ້ເປັນເສຂະ. ທັມ ໗ ປະກາຣເປັນຢ່າງໃດ? ຄື

ຄວາມເປັນຜູ້ຍິນດີໃນກາຣງານ (ກັມມາຣາມະຕາ),

ຄວາມເປັນຜູ້ຍິນດີໃນກາຣເວົ້າ (ພັສສາຣາມະຕາ),

ຄວາມເປັນຜູ້ຍິນດີໃນກາຣນອນ (ນິທທາຣາມະຕາ),

ຄວາມເປັນຜູ້ຍິນດີໃນກາຣຄຸກຄີດ້ວຍໝູ່ຄະນະ

(ສັງຄະນິກາຣາມະຕາ),

ຄວາມເປັນຜູ້ບໍ່ຄຸ້ມຄອງທະວາຣໃນອິນຊີທັງຫລາຍ

(ອິນທະຣິເຍສຸ ອະຄຸຕຕັທວາຣະຕາ),

ຄວາມເປັນຜູ້ບໍ່ຮູ້ປະມານໃນໂພຊະນະ

(ໂພຊະເນ ອະມັຕຕັນຍຸຕາ),