ແກ້ກັມ

(໓) ຄັນໃຫ້ທານໂດຍກາລອັນຄວນແລ້ວ ຍ່ອມເປັນຜູ້ຮັ່ງມີ ມີຊັບຫຼາຍ ມີໂພຄະຊັບຫຼາຍ

ແລະຍ່ອມເປັນຜູ້ມີຄວາມຕ້ອງການ ທີ່ເກີດຂຶ້ນຕາມກາລບໍລິບູນ ໃນບ່ອນທີ່ທານນັ້ນໃຫ້ຜົລ.

(໔) ຄັນເປັນຜູ້ມີຈິຕອະນຸເຄາະໃຫ້ທານແລ້ວ ຍ່ອມເປັນຜູ້ຮັ່ງມີ ມີຊັບຫຼາຍ ມີໂພຄະຊັບຫຼາຍ

ແລະເປັນຜູ້ມີຈິຕນ້ອມໄປເພື່ອບໍຣິໂພກ ກາມະຄຸນ ໕ ສູງຍິ່ງຂຶ້ນ ໃນບ່ອນທີ່ທານນັ້ນໃຫ້ຜົລ.

(໕) ຄັນໃຫ້ທານບໍ່ກະທົບຕົນ ແລະບໍ່ກະທົບຜູ້ອື່ນແລ້ວ ຍ່ອມເປັນຜູ້ຮັ່ງມີ ມີຊັບຫຼາຍ ມີໂພຄະຊັບຫຼາຍ

ແລະຍ່ອມເປັນຜູ້ມີໂພຄະຊັບ ບໍ່ມີພັຍອັນຕະລາຍມາແຕ່ບ່ອນໃດໆ ຄື ຈາກໄຟ ຈາກນ້ຳ ຈາກພະຣາຊາ ຈາກໂຈຣ ຈາກຄົນບໍ່ເປັນທີ່ຮັກ ຫຼືຈາກທາຍາດ ໃນບ່ອນທີ່ທານນັ້ນໃຫ້ຜົລ.

ພິກຂຸທັງຫຼາຍ ! ນີ້ແລສັບປຸຣິສະທານ ໕ ປະການ.

ປັນຈກ. ອັງ. ໒໒/໑໙໒/໑໔໘.

ສະບັບ : ແກ້ກັມ

໒໕

ກັມທີ່ເຮັດໃຫ້ໄດ້ຮັບຜົລເປັນຄວາມບໍ່ຕົກຕ່ຳ

ພິກຂຸທັງຫຼາຍ ! ແຕ່ຊາຕທີ່ແລ້ວມາແຕ່ອະດີຕ ຕະຖາຄົຕໄດ້ເຄີຍຈະເລີນເມຕຕາພາວະນາຕະຫລອດ ໗ ປີ ຈຶ່ງບໍ່ເຄີຍມາບັງເກີດໃນໂລກມະນຸສນີ້ ຕະຫຼອດ ໗ ສັງວັຕຕະກັບ ແລະວິວັຕຕະກັບ. ໃນລະຫວ່າງກາລອັນເປັນສັງວັຕຕະກັບນັ້ນ ເຮົາໄດ້ບັງເກີດໃນອາພັສສະຣະພຣົມ. ໃນລະຫວ່າງກາລອັນເປັນວິວັຕຕະກັບນັ້ນ ເຮົາກໍໄດ້ຢູ່ພຣົມວິມານອັນວ່າງເປົ່າແລ້ວ.

ພິກຂຸທັງຫຼາຍ ! ໃນກັບນັ້ນ ເຮົາໄດ້ເຄີຍເປັນພຣົມ ໄດ້ເຄີຍເປັນມະຫາພຣົມຜູ້ຍິ່ງໃຫຍ່ ບໍ່ມີໃຜຄອບງຳໄດ້ ເປັນຜູ້ເຫັນສິ່ງທັງປວງໂດຍເດັດຂາດ ເປັນຜູ້ມີອໍານາດສູງສຸດ.

ພິກຂຸທັງຫຼາຍ ! ເຮົາໄດ້ເຄີຍເປັນສັກກະ ຜູ້ເປັນຈອມແຫ່ງເທວະດານັບໄດ້ ໓໖ ເທື່ອ ເຮົາໄດ້ເຄີຍເປັນຣາຊາຈັກກະພັດ ຜູ້ປະກອບດ້ວຍທັມ ເປັນພະຣາຊາໂດຍທັມ ມີເຂຕແຄວ້ນຈໍາຮອດມະຫາສະມຸດທັງສີ່ເປັນທີ່ສຸດ ເປັນຜູ້ຊະນະແລ້ວຢ່າງດີ ມີຊົນນະ ບົດອັນບໍລິບູນປະກອບດ້ວຍແກ້ວເຈັດປະການ ນັບດ້ວຍຮ້ອຍໆ ຄັ້ງ, ບໍ່ຕ້ອງກ່າວເຖິງຄວາມເປັນຣາຊາຕາມທໍາມະດາເລີຍ.

ພຸດທະວະຈະນະ - ໝວດທັມ

ພິກຂຸທັງຫຼາຍ ! ຄວາມຄິດໄດ້ເກີດຂຶ້ນແກ່ເຮົາວ່າ ຜົລ

ວິບາກແຫ່ງກັມຫຍັງຂອງເຮົາໜໍ ທີ່ເຮັດໃຫ້ເຮົາເປັນຜູ້ມີລິດຫຼາຍເຖິງປານນີ້ ມີອານຸພາບຫຼາຍເຖິງປານນີ້ ໃນຕອນນັ້ນ ໆ.

ພິກຂຸທັງຫຼາຍ ! ຄວາມຮູ້ສຶກໄດ້ເກີດຂຶ້ນແກ່ເຮົາວ່າ ຜົລວິບາກແຫ່ງກັມ ໓ ຢ່າງນີ້ແລ ທີ່ເຮັດໃຫ້ເຮົາມີລິດຫຼາຍເຖິງປານນີ້ ມີອານຸພາບຫຼາຍເຖິງປານນີ້,

ວິບາກແຫ່ງກັມ ໓ ຢ່າງ ໃນຕອນນັ້ນ ຄື

ຜົລວິບາກແຫ່ງທານະ (ການໃຫ້) ໑,

ຜົລວິບາກແຫ່ງທະມະ (ການບີບບັງຄັບໃຈ) ໑,

ຜົລວິບາກແຫ່ງສັນຍະມະ (ການສັງລວມລະວັງ) ໑, ດັ່ງນີ້.

ອິຕິວຸ. ຂຸ. ໒໕/໒໔໐/໒໐໐.

ສະບັບ : ແກ້ກັມ

໒໖

ເຫຕທີ່ເຮັດໃຫ້ມະນຸສເກີດມາແຕກຕ່າງກັນ

ສຸພະມານົບ ໂຕເທີຍຍະບຸຕ ໄດ້ທູນຖາມພຣະຜູ້ມີພຣະພາຄ ດັ່ງນີ້ວ່າ

“ຂ້າແຕ່ພຣະໂຄດົມຜູ້ຈະເຣີນ ! ອັນໃດໜໍແລ ເປັນເຫຕເປັນປັຈຈັຍໃຫ້ພວກມະນຸສ ທີ່ເກີດເປັນມະນຸສຢູ່ ປາກົດຄວາມຕໍ່າຊາມແລະຄວາມປະນີຕ ຄື ມະນຸສທັງຫຼາຍຍ່ອມປາກົດມີອາຍຸສັ້ນ ມີອາຍຸຍືນ ມີພະຍາດຫຼາຍ ມີພະຍາດໜ້ອຍ ມີຜິວພັນຂີ້ຮ້າຍ ມີຜິວພັນງາມ ມີສັກດານ້ອຍ ມີສັກດາຫຼາຍ ມີໂພຄະໜ້ອຍ ມີໂພຄະຫຼາຍ ເກີດໃນສະກຸນຕ່ຳ ເກີດໃນສະກຸນສູງ ຂາດປັນຍາ ມີປັນຍາ. ຂ້າແຕ່ພຣະໂຄດົມຜູ້ຈະເຣີນ ! ອັນໃດໜໍແລ ເປັນເຫຕ ເປັນປັຈຈັຍ ໃຫ້ພວກມະນຸສທີ່ເກີດເປັນມະນຸສຢູ່ ປາກົດຄວາມຕໍ່າຊາມແລະຄວາມປະນີຕ”.

ພຣະຜູ້ມີພຣະພາຄຕຣັດວ່າ