ອະບາຍມຸຂ

ພິກຂຸທັງຫລາຍ! ຄົນພາລ ໒ ຈຳພວກນີ້ແລ.

ພິກຂຸທັງຫລາຍ! ບັນດິຕ ໒ ຈຳພວກນີ້ ຄື:

ເປັນຜູ້ເຫັນໂທສໂດຍຄວາມເປັນໂທສ,

ເປັນຜູ້ຮັບຕາມສົມຄວນແກ່ທັມເມື່ອຜູ້ອື່ນສະແດງໂທສ.

ພິກຂຸທັງຫລາຍ! ບັນດິຕ ໒ ຈຳພວກນີ້ແລ.

ສັງຍຸຕຕະນິກາຍ ສະຄາຖະວັຄ ໑໕/໒໘໗/໙໕໒

ວິທີສັງເກດຄວາມເປັນພາລແລະບັນດິຕ

ພິກຂຸທັງຫລາຍ! ຄົນພາລມີກັມເປັນເຄື່ອງໝາຍ ບັນດິຕມີກັມເປັນເຄື່ອງໝາຍ ປັນຍາງົດງາມໃນຄວາມປະພຶຕເນື່ອງໆ.

ພິກຂຸທັງຫລາຍ! ບຸຄຄົລຜູ້ປະກອບດ້ວຍທັມ ໓ ປະກາຣ ຈົ່ງຊາບວ່າ ເປັນຄົນພາລ; ທັມ ໓ ປະກາຣເປັນຢ່າງໃດ? ຄື:

ກາຍທຸຈະຣິຕ,

ວະຈີທຸຈະຣິຕ,

ມະໂນທຸຈະຣິຕ,

ພິກຂຸທັງຫລາຍ! ບຸຄຄົລຜູ້ປະກອບດ້ວຍທັມ ໓ ປະກາຣນີ້ແລ ຈົ່ງຊາບວ່າ ເປັນຄົນພາລ.

ພິກຂຸທັງຫລາຍ! ບຸຄຄົລຜູ້ປະກອບດ້ວຍທັມ ໓ ປະກາຣ ຈົ່ງຊາບວ່າ ເປັນບັນດິຕ; ທັມ ໓ ປະກາຣເປັນຢ່າງໃດ? ຄື:

ກາຍສຸຈະຣິຕ,

ວະຈີສຸຈະຣິຕ,

ມະໂນສຸຈະຣິຕ,

ພິກຂຸທັງຫລາຍ! ບຸຄຄົລຜູ້ປະກອບດ້ວຍທັມ ໓ ປະກາຣນີ້ແລ ຈົ່ງຊາບວ່າ ເປັນບັນດິຕ.

ພິກຂຸທັງຫລາຍ! ພວກເຈົ້າທັງຫລາຍຄວນສຶກສາຢ່າງນີ້ວ່າ ບຸຄຄົລປະກອບດ້ວຍທັມ ໓ ປະກາຣເຫລົ່າໃດ ທີ່ເຂົາຮູ້ກັນວ່າ ເປັນຄົນພາລ ເຮົາຈັກປະພຶຕເວັ້ນທັມ ໓ ປະກາຣເຫລົ່ານັ້ນ. ບຸຄຄົລປະກອບດ້ວຍທັມ ໓ ປະກາຣເຫລົ່າໃດ ທີ່ເຂົາຮູ້ກັນວ່າ ເປັນບັນດິຕ ເຮົາຈັກປະພຶຕສະມາທານທັມ ໓ ປະກາຣເຫລົ່ານັ້ນ. ພິກຂຸທັງຫລາຍ ພວກເຈົ້າທັງຫລາຍຄວນສຶກສາຢ່າງນີ້ແລ.

ອັງຄຸຕຕະຣະນິກາຍ ເອກ-ທຸກ-ຕິກະນິບາຕ ໒໐/໙໖/໔໔໑

ລັກສະນະຂອງຄົນພາລແລະບັນດິຕ

ພິກຂຸທັງຫລາຍ! ລັກສະນະຂອງຄົນພາລ ນິມິຕຂອງຄົນພາລ ຄວາມປະພຶຕບໍ່ຂາດສາຍຂອງຄົນພາລ ໓ ປະກາຣນີ້; ໓ ປະກາຣເປັນຢ່າງໃດ?

ພິກຂຸທັງຫລາຍ! ຄົນພາລໃນໂລກນີ້

ເປັນຜູ້ຄິດຄວາມຄິດທີ່ຊົ່ວ (ທຸຈຈິນຕິຕະຈິນຕິ ຈະ ໂຫຕິ),

ເວົ້າຄຳເວົ້າທີ່ຊົ່ວ (ທຸພພາສິຕະພາສີ),

ກະທຳກາຣກະທຳທີ່ຊົ່ວ (ທຸກກະຕະກັມມະກາຣີ).

ພິກຂຸທັງຫລາຍ! ຖ້າຄົນພາລບໍ່ຄິດຄວາມຄິດທີ່ຊົ່ວ, ເວົ້າຄຳເວົ້າທີ່ຊົ່ວ, ກະທຳກາຣກະທຳທີ່ຊົ່ວ ບັນດິຕຈະຮູ້ເຂົາໄດ້ຢ່າງໃດວ່າ ຜູ້ນີ້ເປັນຄົນພາລ ເປັນອະສັປບຸຣຸສ.

ພິກຂຸທັງຫລາຍ! ກໍເພາະຄົນພາລຍ່ອມຄິດຄວາມຄິດທີ່ຊົ່ວ, ເວົ້າຄຳເວົ້າທີ່ຊົ່ວ, ກະທຳກາຣກະທຳທີ່ຊົ່ວ ບັນດິຕຈຶ່ງຮູ້ຈັກເຂົາວ່າ ຜູ້ນີ້ເປັນຄົນພາລ ເປັນອະສັປບຸຣຸສ.

ພິກຂຸທັງຫລາຍ! ລັກສະນະຂອງຄົນພາລ ນິມິຕຂອງຄົນພາລ ຄວາມປະພຶຕບໍ່ຂາດສາຍຂອງຄົນພາລ ໓ ປະກາຣນີ້ແລ.

ພິກຂຸທັງຫລາຍ! ລັກສະນະຂອງບັນດິຕ ນິມິຕຂອງບັນດິຕ ຄວາມປະພຶຕບໍ່ຂາດສາຍຂອງບັນດິຕ ໓ ປະກາຣນີ້; ໓ ປະກາຣເປັນຢ່າງໃດ?

ພິກຂຸທັງຫລາຍ! ບັນດິຕໃນໂລກນີ້

ເປັນຜູ້ຄິດຄວາມຄິດທີ່ດີ (ສຸຈິນຕິຕະຈິນຕີ ຈະ ໂຫຕິ),

ເວົ້າຄຳເວົ້າທີ່ດີ (ສຸພາສິຕະພາສີ),

ກະທຳກາຣກະທຳທີ່ດີ (ສຸກະຕະກັມມະກາຣີ).

ພິກຂຸທັງຫລາຍ! ຖ້າບັນດິຕບໍ່ຄິດຄວາມຄິດທີ່ດີ, ເວົ້າຄຳເວົ້າທີ່ດີ, ກະທຳກາຣກະທຳທີ່ດີ ບັນດິຕຈະຮູ້ເຂົາໄດ້ຢ່າງໃດວ່າ ຜູ້ນີ້ເປັນບັນດິຕ ເປັນສັປບຸຣຸສ.

ພິກຂຸທັງຫລາຍ! ກໍເພາະບັນດິຕຍ່ອມຄິດຄວາມຄິດທີ່ດີ, ເວົ້າຄຳເວົ້າທີ່ດີ, ກະທຳກາຣກະທຳທີ່ດີ ບັນດິຕຈຶ່ງຮູ້ຈັກເຂົາວ່າ ຜູ້ນີ້ເປັນບັນດິຕ ເປັນສັປບຸຣຸສ.

ພິກຂຸທັງຫລາຍ! ລັກສະນະຂອງບັນດິຕ ນິມິຕຂອງບັນດິຕ ຄວາມປະພຶຕບໍ່ຂາດສາຍຂອງບັນດິຕ ໓ ປະກາຣນີ້ແລ.

ພິກຂຸທັງຫລາຍ! ເພາະສະນັ້ນແລ ພວກເຈົ້າທັງຫລາຍຄວນສຶກສາຢ່າງນີ້ວ່າ ບຸຄຄົລປະກອບດ້ວຍທັມ ໓ ປະກາຣເຫລົ່າໃດ ທີ່ເຂົາຮູ້ກັນວ່າເປັນຄົນພາລ ເຮົາຈັກປະພຶຕເວັ້ນທັມ ໓ ປະກາຣເຫລົ່ານັ້ນ. ບຸຄຄົລປະກອບດ້ວຍທັມ ໓ ປະກາຣເຫລົ່າໃດ ທີ່ເຂົາຮູ້ກັນວ່າ ເປັນບັນດິຕ ເຮົາຈັກປະພຶຕສະມາທານທັມ ໓ ປະກາຣເຫລົ່ານັ້ນ. ພິກຂຸທັງຫລາຍ ພວກເຈົ້າທັງຫລາຍຄວນສຶກສາຢ່າງນີ້ແລ.

ອັງຄຸຕຕະຣະນິກາຍ ເອກ-ທຸກ-ຕິກະນິບາຕ ໒໐/໙໖/໔໔໒

ຄົນພາລບໍ່ເຫັນໂທສໂດຍຄວາມເປັນໂທສ

ບັນດິຕຍ່ອມເຫັນໂທສໂດຍຄວາມເປັນໂທສ

ພິກຂຸທັງຫລາຍ! ບຸຄຄົລປະກອບດ້ວຍທັມ ໓ ປະກາຣ ຈົ່ງຊາບວ່າ ເປັນຄົນພາລ; ທັມ ໓ ປະກາຣເປັນຢ່າງໃດ? ຄື: