ພົບພູມ

(ສູຕອື່ນໆ ແທນທີ່ຈະນັບຈໍານວນກັມມະບົດມີ ໑໐ ໄດ້ຊົງຂະຫຍາຍອອກໄປເປັນ ໒໐ ຄືເຮັດເອງສິບ ຊັກຊວນຜູ້ອື່ນໃຫ້ເຮັດອີກສິບ ແລະຊົງຂະຫຍາຍອອກໄປເປັນ ໓໐ ຄືເຮັດເອງສິບ ຊັກຊວນຜູ້ອື່ນໃຫ້ເຮັດສິບ ຍິນດີເມື່ອເຂົາເຮັດສິບ ແລະຊົງຂະຫຍາຍອອກໄປເປັນ ໔໐ ຄື ເຮັດເອງສິບ ຊັກຊວນຜູ້ອື່ນໃຫ້ເຮັດສິບ ຍິນດີເມື່ອເຂົາເຮັດສິບ ສັນລະເສີນຜູ້ອື່ນເຮັດສິບ ຈຶ່ງມີກັມມະບົດ ສິບ ຊາວ ສາມສິບ ສີ່ສິບ

ທສກ. ອັງ. ໒໔/໓໓໒-໓໕໒/໑໙໘-໒໐໑.

ໃນສູຕອື່ນ ສະແດງຜົນແຫ່ງການເຮັດ ແປກອອກໄປຈາກຄໍາວ່າ “ເໝືອນຖືກນໍາເອົາໄປເກັບໄວ້ເທິງສະຫວັນ” ນັ້ນ ຊົງສະແດງຄໍາວ່າ “ເປັນຜູ້ບໍ່ຂຸດຮາກຕົນເອງ” ກໍມີ, “ຕາຍແລ້ວໄປສຸຄະຕິ” ກໍມີ, “ເປັນບັນດິຕ” ກໍມີ ທສກ. ອັງ. ໒໔/໓໓໒-໓໓໓/໒໐໒-໒໐໓)

ພຸດທະວະຈະນະ - ໝວດທັມ ເປີດທັມທີ່ຖືກປົກປິດ : ພົບພູມ

ອານິສົງແຫ່ງສີລສົມບັດຂອງຄົນມີສີລ ໔໗

- ບາລີ ມຫາ. ທີ. ໑໐/໑໐໒/໘໐.

ຄະຫະບໍດີທັງຫຼາຍ ! ອານິສົງແຫ່ງສີລສົມບັດຂອງຄົນມີສີລ ໕ ປະການເຫຼົ່ານີ້. ໕ ປະການຄື :-

ຄະຫະບໍດີທັງຫຼາຍ !

(໑) ຄົນມີສີລ ເຖິງພ້ອມແລ້ວດ້ວຍສີລ ຍ່ອມມີໂພຄະຊັບຢ່າງຫຼວງຫຼາຍ ຊຶ່ງມີຄວາມບໍ່ປະມາດເປັນເຫດ ນີ້ເປັນອານິສົງ ຂໍ້ທີ ໑ ແຫ່ງສີລສົມບັດຂອງຄົນມີສີລ.

(໒) ກິດຕິສັບອັນງາມຂອງຄົນມີສີລ ເຖິງພ້ອມແລ້ວດ້ວຍສີລ ຍ່ອມລືຊາແຜ່ກະຈາຍໄປ ນີ້ເປັນອານິສົງຂໍ້ທີ ໒ ແຫ່ງສີລສົມບັດຂອງຄົນມີສີລ.

(໓) ຄົນມີສີລ ເຖິງພ້ອມແລ້ວດ້ວຍສີລ ຈະເຂົ້າໄປສູ່ບໍຣິສັດ ໃດໆ ຄື ຂັດຕິຍະບໍຣິສັດ ພຣາມບໍຣິສັດ ຄະຫະບໍດີບໍຣິສັດ ຫຼືສະມະນະບໍຣິສັດ ຍ່ອມກ້າຫານ ບໍ່ເກີ້ເຂີນ ນີ້ເປັນອານິສົງ ຂໍ້ທີ ໓ ແຫ່ງສີລສົມບັດຂອງຄົນມີສີລ.

(໔) ຄົນມີສີລ ເຖິງພ້ອມແລ້ວດ້ວຍສີລ ຍ່ອມບໍ່ຫຼົງທໍາກາລະ ນີ້ເປັນອານິສົງຂໍ້ທີ ໔ ແຫ່ງສີລສົມບັດຂອງຄົນມີສີລ.

ພຸດທະວະຈະນະ - ໝວດທັມ

(໕) ຄົນມີສີລ ເຖິງພ້ອມແລ້ວດ້ວຍສີລ ເບື້ອງໜ້າແຕ່ຕາຍ ເພາະການທໍາລາຍແຫ່ງກາຍ ຍ່ອມເຂົ້າເຖິງສຸຄະຕິ ໂລກສະຫວັນ ນີ້ເປັນອານິສົງຂໍ້ທີ ໕ ແຫ່ງສີລສົມບັດຂອງຄົນມີສີລ.

ຄະຫະບໍດີ ! ເຫຼົ່ານີ້ແລ ຄື ອານິສົງແຫ່ງສີລສົມບັດຂອງຄົນມີສີລ ໕ ປະການ.

ພຸດທະວະຈະນະ - ໝວດທັມ ເປີດທັມທີ່ຖືກປົກປິດ : ພົບພູມ

ສຸຄະຕິຂອງຜູ້ມີສີລ ໔໘

- ບາລີ ທສກ. ອັງ. ໒໔/໓໑໑/໑໙໓.

ພິກຂຸທັງຫຼາຍ !

ສັຕທັງຫຼາຍ ເປັນຜູ້ມີກັມເປັນຂອງຕົນ

ເປັນທາຍາດແຫ່ງກັມ ມີກັມເປັນກໍາເນີດ

ມີກັມເປັນເຜົ່າພັນ ມີກັມເປັນທີ່ເພິ່ງອາໄສ

ເຮັດກັມໃດໄວ້ ດີກໍຕາມ ຊົ່ວກໍຕາມ

ຈະເປັນຜູ້ຮັບຜົນແຫ່ງກັມນັ້ນ.

ພິກຂຸທັງຫຼາຍ ! ບຸກຄົນບາງຄົນໃນກໍລະນີນີ້

ຢຸດປານາຕິບາດ ເວັ້ນຂາດຈາກປານາຕິບາຕ ວາງທ່ອນໄມ້ ວາງສາດຕຣາ ມີຄວາມລະອາຍ ເຖິງຄວາມເອັນດູກະຣຸນາ ເກື້ອກູນແກ່ສັຕທັງຫຼາຍ ເຂົາບໍ່ກະເສືອກກະສົນດ້ວຍ(ກັມທາງ) ກາຍ ບໍ່ກະເສືອກກະສົນດ້ວຍ (ກັມທາງ) ວາຈາ ບໍ່ກະເສືອກກະສົນດ້ວຍ (ກັມທາງ) ໃຈ ກາຢະກັມຂອງເຂົາຕົງ ວະຈີກັມຂອງເຂົາຕົງ ມະໂນກັມຂອງເຂົາຕົງ ຄະຕິຂອງເຂົາຕົງ ອຸບັດ (ການເຂົ້າເຖິງພົບ) ຂອງເຂົາຕົງ.

ພຸດທະວະຈະນະ - ໝວດທັມ

ພິກຂຸທັງຫຼາຍ ! ສໍາລັບຜູ້ມີຄະຕິຕົງ ມີອຸບັດຕົງນັ້ນ ເຮົາກ່າວຄະຕິຢ່າງໃດຢ່າງໜຶ່ງ ໃນບັນດາຄະຕິສອງຢ່າງແກ່ເຂົາຄື ໝູ່ສັຕຜູ້ມີສຸຂໂດຍສ່ວນດຽວ ຫຼືວ່າຕະກູນອັນສູງ ຄືຕະກູນຂັດຕິຍະມະຫາສານ ຕະກູນພຣາມມະຫາສານ ຫຼືຕະກູນຄະຫະບໍດີມະຫາສານ ອັນຮັ່ງມີ ມີຊັບຫຼາຍ ມີໂພຄະຫຼາຍ ມີເງິນແລະຄໍາຫຼາຍ ມີອຸປະກອນແຫ່ງຊັໍບຫຼາຍ.

ພິກຂຸທັງຫຼາຍ ! ພູຕະສັຕ ຍ່ອມມີດ້ວຍອາການເຊັ່ນນີ້ ຄື ອຸບັດຍ່ອມມີແກ່ພູຕະສັຕ ເຂົາເຮັດກັມໃດໄວ້ ເຂົາຍ່ອມອຸບັດດ້ວຍກັມນັ້ນ ຜັດສະທັງຫຼາຍຍ່ອມຖືກຕ້ອງພູຕະສັຕນັ້ນ ຜູ້ອຸບັດແລ້ວ.

ພິກຂຸທັງຫຼາຍ ! ເຮົາກ່າວວ່າສັຕທັງຫຼາຍເປັນທາຍາດແຫ່ງກັມ ດ້ວຍອາການເຊັ່ນນີ້ ດັ່ງນີ້.