ພົບພູມ

ເມື່ອພຣະຜູ້ມີພຣະພາກເຈົ້າຕຣັດດັ່ງນີ້ແລ້ວ ທ່ານພຣະອານົນທ໌ ໄດ້ຂາບທູນວ່າ “ເປັນລາບຂອງພວກຂ້ານ້ອຍໜໍ ຂ້ານ້ອຍໄດ້ດີແລ້ວໜໍ ທີ່ຂ້ານ້ອຍມີພຣະສາສດາຜູ້ມີລິດ ມີອານຸພາບແຮງຫຼາຍ ເຊັ່ນນີ້”

ລໍາດັບນັ້ນ ທ່ານພຣະອຸທາຢີ ໄດ້ກ່າວກັບທ່ານພຣະອານົນທ໌ວ່າ ທ່ານອານົນທ໌ ຜູ້ມີອາຍຸ ! ໃນຂໍ້ນີ້ທ່ານຈະໄດ້ປະໂຫຍດອັນໃດ ຖ້າສາສດາຂອງທ່ານ ມີລິດຫຼາຍເຊັ່ນນີ້ ມີອານຸພາບແຮງຫຼາຍ ເຊັ່ນນີ້.

ເມື່ອທ່ານພຣະອຸທາຢີກ່າວດັ່ງນີ້ ພຣະຜູ້ມີພຣະພາກໄດ້ຕຣັດກັບທ່ານ ພຣະອຸທາຢີວ່າ

ເປີດທັມທີ່ຖືກປົກປິດ : ພົບພູມ

ອຸທາຢີ ! ເຈົ້າຢ່າໄດ້ກ່າວເຊັ່ນນັ້ນ ຖ້າອານົນທ໌ຍັງບໍ່ໝົດ ຣາຄະເຊັ່ນນີ້ ຄັນຖ້າທໍາກາລະໄປ ລາວຈະເປັນເຈົ້າແຫ່ງເທວະດາໃນໝູ່ເທວະດາ ໗ ຄັ້ງ ຈະເປັນພຣະເຈົ້າຈັກກະພັດໃນຊົມພູທະວີບນີ້ແຫຼະ ໗ ຄັ້ງ ເພາະຈິຕທີ່ເຫຼື້ອມໃສນັ້ນ.

ອຸທາຢີ ! ກໍແຕ່ວ່າອານົນທ໌ຈະປະຣິນິບພານ ໃນອັຕຕະພາບນີ້ເອງ.

ພຸດທະວະຈະນະ-ໝວດທັມ ເປີດທັມທີ່ຖືກປົກປິດ : ພົບພູມ

ວ່າດ້ວຍທັກຂິນາ ໑໔໗

- ບາລີ ອຸປຣິ. ມ. ໑໔/໔໕໘-໔໖໒/໗໑໑-໗໑໙.

ອານົນທ໌ !

ບຸກຄົນໃຫ້ທານໃນເດຣັດສານ ຍ່ອມຫວັງຜົນທັກຂິນາໄດ້ຮ້ອຍເທົ່າ

ໃຫ້ທານໃນປຸຖຸຊົນຜູ້ທຸສີລ ຍ່ອມຫວັງຜົນທັກຂິນາໄດ້ພັນເທົ່າ

ໃຫ້ທານໃນປຸຖຸຊົນຜູ້ມີສີລ ຍ່ອມຫວັງຜົນທັກຂິນາໄດ້ແສນເທົ່າ

ໃຫ້ທານໃນບຸກຄົນພາຍນອກ ຜູ້ປາສະຈາກຄວາມກໍາໜັດໃນກາມ ຍ່ອມຫວັງຜົນທັກຂິນາໄດ້ແສນໂກດເທົ່າ

ໃຫ້ທານໃນທ່ານຜູ້ປະຕິບັດເພື່ອເຮັດໂສດາປັຕຕິຜົລໃຫ້ແຈ້ງ ຍ່ອມຫວັງຜົນທັກຂິນານັບບໍ່ໄດ້ ປະມານບໍ່ໄດ້ ບໍ່ຕ້ອງກ່າວເຖິງການໃຫ້ທານໃນພຣະໂສດາບັນ ໃນທ່ານຜູ້ປະຕິບັດເພື່ອເຮັດສະກະທາຄາມິຜົນໃຫ້ແຈ້ງ ໃນພຣະສະກະທາຄາມີ ໃນທ່ານຜູ້ປະຕິບັດເພື່ອເຮັດອະນາຄາມິຜົນໃຫ້ແຈ້ງ ໃນພຣະອະນາຄາມີ ໃນທ່ານຜູ້ປະຕິບັດເພື່ອເຮັດອະຣະຫັນຕະຜົນໃຫ້ແຈ້ງ ໃນສາວົກຂອງຕະຖາຄົຕຜູ້ເປັນພຣະອໍຣະຫັນຕ໌ ໃນພຣະປັດເຈກະພຸດທະ ແລະໃນຕະຖາຄົຕອະຣະຫັນຕະສັມມາສັມພຸດທະ.

ເປີດທັມທີ່ຖືກປົກປິດ : ພົບພູມ

ອານົນທ໌ ! ກໍທັກຂິນາທີ່ໃຫ້ແລ້ວໃນສົງຄ໌ມີ ໗ ຢ່າງ ຄື

ໃຫ້ທານໃນສົງຄ໌ ໒ ຝ່າຍ ມີພຣະພຸດທະເຈົ້າເປັນປະມຸກຂ໌ ນີ້ເປັນທັກຂິນາທີ່ເຖິງແລ້ວໃນສົງຄ໌ ປະການທີ ໑

ໃຫ້ທານໃນສົງຄ໌ ໒ ຝ່າຍ ໃນເມື່ອຕະຖາຄົຕປະຣິນິບພານແລ້ວ ນີ້ເປັນທັກຂິນາທີ່ເຖິງແລ້ວໃນສົງຄ໌ ປະການທີ ໒

ໃຫ້ທານໃນພິກຂຸສົງຄ໌ ນີ້ເປັນທັກຂິນາທີ່ເຖິງແລ້ວໃນສົງຄ໌ ປະການທີ ໓

ໃຫ້ທານໃນພິກຂຸນີສົງຄ໌ ນີ້ເປັນທັກຂິນາທີ່ເຖິງແລ້ວໃນສົງຄ໌ ປະການທີ ໔

ແຈ້ງຕໍ່ສົງຄ໌ວ່າ ຂໍໄດ້ໂຜດຈັດພິກຂຸແລະພິກຂຸນີ ຈໍານວນເທົ່ານີ້ຂຶ້ນເປັນສົງຄ໌ແກ່ຂ້າພະເຈົ້າ ແລ້ວໃຫ້ທານ ນີ້ເປັນທັກຂິນາທີ່ເຖິງແລ້ວໃນສົງຄ໌ ປະການທີ ໕ ໑

ແຈ້ງຕໍ່ສົງຄ໌ວ່າ ຂໍໄດ້ໂຜດຈັດພິກຂຸ ຈໍານວນເທົ່ານີ້ຂຶ້ນເປັນສົງຄ໌ແກ່ຂ້າພະເຈົ້າ ແລ້ວໃຫ້ທານ ນີ້ເປັນທັກຂິນາທີ່ເຖິງແລ້ວໃນສົງຄ໌ ປະການທີ ໖

໑. ໝາຍເຫດ = ເປັນຂໍ້ສັງເກດໃຫ້ຮູ້ວ່າ ທັກຂິນາທີ່ເຖິງແລ້ວໃນສົງຄ໌ນັ້ນ

ຈະມີພິກຂຸຫຼືພິກຂຸນີຈໍານວນເທົ່າໃດອົງກໍໄດ້.

ພຸດທະວະຈະນະ - ໝວດທັມ

ແຈ້ງຕໍ່ສົງຄ໌ວ່າ ຂໍໄດ້ໂຜດຈັກພິກຂຸນີ ຈໍານວນເທົ່ານີ້ຂຶ້ນເປັນສົງຄ໌ແກ່ຂ້າພະເຈົ້າ ແລ້ວໃຫ້ທານ ນີ້ເປັນທັກຂິນາທີ່ເຖິງແລ້ວໃນສົງຄ໌ ປະການທີ ໗

ອານົນທ໌ ! ກໍໃນອະນາຄົຕຕະກາລ ຈະມີແຕເຫຼົ່າພິກຂຸໂຄຕະຣະພູ ມີຜ້າກາສາວະ (ຈີວອນ) ພັນຄໍ ເປັນຄົນທຸສີລ ມີບາບທັມ ຄົນທັງຫຼາຍຈະຖວາຍທານສະເພາະສົງຄ໌ໄດ້ ໃນເຫຼົ່າພິກຂຸທຸສີລນັ້ນ.

ອານົນທ໌ ! ທັກຂິນາທີ່ເຖິງແລ້ວໃນສົງຄ໌ ແມ່ນແຕ່ໃນເວລານັ້ນ ເຮົາກໍກ່າວວ່າ ມີຜົນນັບບໍ່ໄດ້ ປະມານບໍ່ໄດ້ ແຕ່ວ່າເຮົາບໍ່ກ່າວ ປາຕິປຸກຄະລິກະທານ (ການຖວາຍເຈາະຈົງບຸກຄົນ) ວ່າມີຜົນຫຼາຍກວ່າທັກຂິນາທີ່ເຖິງແລ້ວໃນສົງຄ໌ ໂດຍປະຣິຍາຍໃດໆ ເລີຍ.

ອານົນທ໌ !

ກໍຄວາມບໍຣິສຸດແຫ່ງທັກຂິນານີ້ ມີ ໔ ຢ່າງ

໔ ຢ່າງ ເປັນແນວໃດ ຄື

ອານົນທ໌ !

ທັກຂິນາບາງຢ່າງບໍຣິສຸດຝ່າຍທາຍົກ (ຜູ້ໃຫ້) ບໍ່ບໍຣິສຸດຝ່າຍປະຕິຄາຫົກ (ຜູ້ຮັບ)

ທັກຂິນາບາງຢ່າງບໍຣິສຸດຝ່າຍປະຕິຄາຫົກ ບໍ່ບໍຣິສຸດຝ່າຍທາຍົກ