ພົບພູມ

ທັກຂິນາບາງຢ່າງຝ່າຍທາຍົກກໍບໍ່ບໍຣິສຸດ ຝ່າຍປະຕິຄາຫົກກໍບໍ່ບໍຣິສຸດ

ທັກຂິນາບາງຢ່າງບໍຣິສຸດທັງຝ່າຍທາຍົກແລະຝ່າຍປະຕິຄາຫົກ.

ເປີດທັມທີ່ຖືກປົກປິດ : ພົບພູມ

ອານົນທ໌ !

ກໍທັກຂິນາຊື່ວ່າບໍຣິສຸດຝ່າຍທາຍົກ ບໍ່ບໍຣິສຸດຝ່າຍປະຕິຄາຫົກ ເປັນແນວໃດ ?

ອານົນທ໌ ! ໃນຂໍ້ນີ້

ທາຍົກມີສີລ ມີທັມງາມ

ປະຕິຄາຫົກເປັນຜູ້ທຸສີລ ມີບາບທັມ ເຊັ່ນນີ້ແລ ທັກຂິນາຊື່ວ່າ ບໍຣິສຸດຝ່າຍທາຍົກ ບໍ່ບໍຣິສຸດຝ່າຍປະຕິຄາຫົກ.

ອານົນທ໌ ! ກໍທັກຂິນາທີ່ຊື່ວ່າ ບໍຣິສຸດຝ່າຍປະຕິຄາຫົກ ບໍ່ບໍຣິສຸດຝ່າຍທາຍົກ ເປັນແນວໃດ ?

ອານົນທ໌ ! ໃນຂໍ້ນີ້

ທາຍົກເປັນຜູ້ທຸສີລ ມີບາບທັມ

ປະຕິຄາຫົກເປັນຜູ້ມີສີລ ມີທັມງາມ ເຊັ່ນນີ້ແລ ທັກຂິນາຊື່ວ່າບໍຣິສຸດຝ່າຍປະຕິຄາຫົກ ບໍ່ບໍຣິສຸດຝ່າຍທາຍົກ.

ອານົນທ໌ ! ກໍທັກຂິນາຊື່ວ່າ ຝ່າຍທາຍົກກໍບໍ່ບໍຣິສຸດ ຝ່າຍປະຕິຄາຫົກກໍບໍ່ບໍຣິສຸດ ເປັນແນວໃດ ?

ອານົນທ໌ ! ໃນຂໍ້ນີ້

ທາຍົກກໍເປັນຜູ້ທຸສີລ ມີບາບທັມ

ປະຕິຄາຫົກກໍເປັນຜູ້ທຸສີລ ມີບາບທັມ ເຊັ່ນນີ້ແລ ທັກຂິນາຊື່ວ່າຝ່າຍທາຍົກກໍບໍ່ບໍຣິສຸດ ຝ່າຍປະຕິຄາຫົກກໍບໍ່ບໍຣິສຸດ.

ພຸດທະວະຈະນະ - ໝວດທັມ

ອານົນທ໌ ! ກໍທັກຂິນາຊື່ວ່າ ບໍຣິສຸດທັງຝ່າຍທາຍົກ ແລະຝ່າຍປະຕິຄາຫົກ ເປັນແນວໃດ ?

ອານົນທ໌ ! ໃນຂໍ້ນີ້

ທາຍົກກໍເປັນຜູ້ມີສີລ ມີທັມງາມ

ປະຕິຄາຫົກກໍເປັນຜູ້ມີສີລ ມີທັມງາມ ເຊັ່ນນີ້ແລ ທັກຂິນາຊື່ວ່າ ບໍຣິສຸດທັງຝ່າຍທາຍົກ ແລະຝ່າຍປະຕິຄາຫົກ.

ອານົນທ໌ !

ນີ້ແລ ຄວາມບໍຣິສຸດແຫ່ງທັກຂິນາ ໔ ຢ່າງ.

(ຄາຖາຜະນວກທ້າຍພຣະສູຕ)

(໑) ຜູ້ໃດມີສີລ ໄດ້ຂອງມາໂດຍທັມ ມີຈິຕເຫຼື້ອມໃສດີ ເຊື່ອກັມແລະຜົນແຫ່ງກັມຢ່າງຍິ່ງ ໃຫ້ທານໃນຄົນທຸສີລ ທັກຂິນາຂອງຜູ້ນັ້ນຊື່ວ່າ ບໍຣິສຸດຝ່າຍທາຍົກ

(໒) ຜູ້ໃດທຸສີລ ໄດ້ຂອງມາໂດຍບໍ່ເປັນທັມ ມີຈິຕບໍ່ເຫຼື້ອມໃສ ບໍ່ເຊື່ອກັມແລະຜົນຂອງກັມຢ່າງຍິ່ງ ໃຫ້ທານໃນຄົນມີສີລ ທັກຂິນາຂອງຜູ້ນັ້ນຊື່ວ່າ ບໍຣິສຸດຝ່າຍປະຕິຄາຫົກ

(໓) ຜູ້ໃດທຸສີລ ໄດ້ຂອງມາໂດຍບໍ່ເປັນທັມ ມີຈິຕບໍ່ເຫຼື້ອມໃສ ບໍ່ເຊື່ອກັມແລະຜົນຂອງກັມຢ່າງຍິ່ງ ໃຫ້ທານໃນຄົນທຸສີລ ເຮົາບໍ່ກ່າວທານຂອງຜູ້ນັ້ນວ່າ ມີຜົນໄພບູນ

ເປີດທັມທີ່ຖືກປົກປິດ : ພົບພູມ

(໔) ຜູ້ໃດມີສີລ ໄດ້ຂອງມາໂດຍທັມ ມີຈິຕເຫຼື້ອມໃສດີ ເຊື່ອກັມແລະຜົນຂອງກັມຢ່າງຍິ່ງ ໃຫ້ທານໃນຄົນມີສີລ ເຮົາກ່າວທານຂອງຜູ້ນັ້ນແລວ່າ ມີຜົນໄພບູນ

(໕) ຜູ້ໃດປາສະຈາກຣາຄະແລ້ວ ໄດ້ຂອງມາໂດຍທັມ ມີຈິຕເຫຼື້ອມໃສດີ ເຊື່ອກັມແລະຜົນຂອງກັມຢ່າງຍິ່ງ ໃຫ້ທານໃນຜູ້ປາສະຈາກຣາຄະ ທານຂອງຜູ້ນັ້ນນັ້ນແລ ເລີດກວ່າອາມິດສະທານທັງຫຼາຍ.

ພຸດທະວະຈະນະ-ໝວດທັມ ເປີດທັມທີ່ຖືກປົກປິດ : ພົບພູມ

ຣັດຕະນະທີ່ຫາໄດ້ຍາກ ໑໔໘

- ບາລີ ປັນຈກ. ອັງ. ໒໒/໒໖໖/໑໙໕.

ເຈົ້າລິດສະວີທັງຫຼາຍ !

ຄວາມປາກົດຂຶ້ນແຫ່ງຣັດຕະນະ ໕ ປະການ

ຫາໄດ້ຍາກໃນໂລກ

໕ ປະການ ແນວໃດໜໍ ? ຄື

(໑) ຕະຖາຄົຕຜູ້ອະຣະຫັນຕະສັມມາສັມພຸດທະ

(໒) ບຸກຄົນຜູ້ສະແດງທັມວິນັຍທີ່ຕະຖາຄົຕປະກາດແລ້ວ

(໓) ບຸກຄົນຜູ້ຮູ້ແຈ້ງທັມວິນັຍທີ່ຕະຖາຄົຕປະກາດແລ້ວ

ອັນຜູ້ອື່ນສະແດງແລ້ວ

(໔) ບຸກຄົນຜູ້ຮູ້ແຈ້ງທັມວິນັຍທີ່ຕະຖາຄົຕປະກາດແລ້ວ

ອັນຜູ້ອື່ນສະແດງແລ້ວ ປະຕິບັດທັມສົມຄວນແກ່ທັມ

(໕) ກະຕັນຍູກະຕະເວທີບຸກຄົນ

ເຈົ້າລິດສະວີທັງຫຼາຍ !

ຄວາມປາກົດຂຶ້ນແຫ່ງຣັດຕະນະ ໕ ປະການນີ້ແລ

ຫາໄດ້ຍາກໃນໂລກ.

ພຸດທະວະຈະນະ - ໝວດທັມ ເປີດທັມທີ່ຖືກປົກປິດ : ພົບພູມ

ຜູ້ມີອຸປະກາຣະຫລາຍ ໑໔໙

- ບາລີ ອຸປຣິ. ມ. ໑໔/໔໕໖-໔໕໗/໗໐໙.

ຖືກແລ້ວໆ ອານົນທ໌ ! ຈິງແທ້

ບຸກຄົນອາໄສຜູ້ໃດແລ້ວ ໄດ້ເປັນຜູ້ເຖິງພຣະພຸດທະ ພຣະທັມ ພຣະສົງຄ໌ ເປັນສະຣະນະ ເຮົາບໍ່ກ່າວການທີ່ບຸກຄົນນີ້ ຕອບແທນຕໍ່ຜູ້ນີ້ດ້ວຍດີ ແມ່ນວ່າດ້ວຍການອະພິວາດ ການລຸກຂຶ້ນຢືນຮັບ ການເຮັດອັນຊະລີ ການເຮັດສາມີຈິກັມ ແລະການຕາມຖວາຍຊຶ່ງຈີວອນ ບິນດະບາຕ ເສນາສະນະ ແລະຄິລານະ ປັດຈະຢະເພສັດຊະບໍຣິຂານ