ພົບພູມ

ອັນນັ້ນແຫຼະ ເປັນຄວາມເຂົ້າໄປສະງົບລະງັບແຫ່ງສິ່ງ ຊຶ່ງມີປົກກະຕິສຽບແທງທັງຫຼາຍ

ອັນນັ້ນແຫຼະເປັນຄວາມຕັ້ງຢູ່ບໍ່ໄດ້ຂອງຊະຣາແລະມໍຣະນະແລ.

ພິກຂຸທັງຫຼາຍ !

ຄວາມດັບ ຄວາມເຂົ້າໄປສະງົບລະງັບ ຄວາມຕັ້ງຢູ່ບໍ່ໄດ້

ແຫ່ງຮູບ ແຫ່ງສຽງ ແຫ່ງກິ່ນ ແຫ່ງຣົສ ແຫ່ງໂຜດຖັບພະ

ແຫ່ງທັມມາຣົມ ໃດໆ

ອັນນັ້ນແຫຼະ ເປັນຄວາມດັບຂອງທຸກຂ໌

ອັນນັ້ນແຫຼະ ເປັນຄວາມເຂົ້າໄປສະງົບລະງັບແຫ່ງສິ່ງ ຊຶ່ງມີປົກກະຕິສຽບແທງທັງຫຼາຍ

ອັນນັ້ນແຫຼະເປັນຄວາມຕັ້ງຢູ່ບໍ່ໄດ້ຂອງຊະຣາແລະມໍຣະນະແລ.

ພຸດທະວະຈະນະ - ໝວດທັມ ເປີດທັມທີ່ຖືກປົກປິດ : ພົບພູມ

ລະຕັນຫາໄດ້ ຄື ລະເບັນຈະຂັນທ໌ໄດ້ ໑໓໐

- ບາລີ ຂັນທ. ສັງ. ໑໗/໒໓໖-໒໓໗/໓໗໕-໓໗໖.

ພິກຂຸ ທ. ! ຄວາມພໍໃຈ (ສັນທະ) ກໍດີ ຄວາມກໍາໜັດ (ຣາຄະ) ກໍດີ ຄວາມເພີນ (ນັນທິ) ກໍດີ ຕັນຫາກໍດີ ມີຢູ່ໃນຮູບ ໃນເວທະນາ ໃນສັນຍາ ໃນສັງຂາຣ ໃນວິນຍານໃດໆ

ພວກເຈົ້າທັງຫຼາຍ ຈົ່ງລະກິເລສນັ້ນໆ ເສຍ.

ດ້ວຍການເຮັດດັ່ງນີ້ ຮູບ ເວທະນາ ສັນຍາ ສັງຂາຣທັງຫຼາຍ ວິນຍານນັ້ນໆ ຈະເປັນສິ່ງທີ່ພວກເຈົ້າລະໄດ້ແລ້ວ ເປັນສິ່ງທີ່ມີມູນຮາກອັນຕັດເສຍແລ້ວ ເຮັດໃຫ້ເໝືອນຕົ້ນຕານຍອດເນົ່າ ເຮັດໃຫ້ມີຢູ່ບໍ່ໄດ້ ເຮັດໃຫ້ເປັນສິ່ງທີ່ເກີດຂຶ້ນບໍ່ໄດ້ອີກຕໍ່ໄປ.

ຣາທະ ! ຄວາມພໍໃຈກໍດີ ຄວາມກໍາໜັດກໍດີ ຄວາມເພີນກໍດີ ຕັນຫາກໍດີ ອຸປາຢະ (ກິເລສເປັນເຫດໃຫ້ເຂົ້າໄປສູ່ພົບ) ກໍດີ ແລະອຸປາທານ (ຄວາມຢຶດໝັ້ນ) ກໍດີ ອັນເປັນເຄື່ອງຕັ້ງທັບ ເຄື່ອງເຂົ້າໄປອາໄສ ແລະເຄື່ອງນອນເນື່ອງແຫ່ງຈິຕ ມີຢູ່ໃນຮູບ ໃນເວທະນາ ໃນສັນຍາ ໃນສັງຂາຣ ໃນວິນຍານໃດໆ ;

ພວກເຈົ້າທັງຫຼາຍ ຈົ່ງລະກິເລສນັ້ນໆ ເສຍ.

ພຸດທະວະຈະນະ - ໝວດທັມ

ດ້ວຍການເຮັດດັ່ງນີ້ ຮູບ ເວທະນາ ສັນຍາ ສັງຂາຣທັງຫຼາຍ ວິນຍານນັ້ນໆ ຈະເປັນສິ່ງທີ່ພວກເຈົ້າລະໄດ້ແລ້ວ ເປັນສິ່ງທີ່ມີມູນຮາກອັນຕັດຂາດເສຍແລ້ວ ເຮັດໃຫ້ເໝືອນຕົ້ນຕານຍອດເນົ່າ ເຮັດໃຫ້ມີຢູ່ບໍ່ໄດ້ ເຮັດໃຫ້ເປັນສິ່ງທີ່ເກີດຂຶ້ນບໍ່ໄດ້ອີກຕໍ່ໄປ.

ພຸດທະວະຈະນະ - ໝວດທັມ ເປີດທັມທີ່ຖືກປົກປິດ : ພົບພູມ

ດັບຕັນຫາ ຄື ປົງພາຣະໜັກລົງໄດ້ ໑໓໑

- ບາລີ ຂັນທ. ສັງ. ໑໗/໒໓໖-໒໓໗/໓໗໕-໓໗໖.

ພິກຂຸທັງຫຼາຍ !

ການປົງພາລະໜັກລົງເສຍໄດ້ ເປັນແນວໃດໜໍ ?

ພິກຂຸທັງຫຼາຍ !

ຄວາມດັບສະນິດເພາະຄວາມຈາງຄາຍໄປ ໂດຍບໍ່ເຫຼືອ

ແຫ່ງຕັນຫານັ້ນໆແລ,

ຄວາມລະໄປຂອງຕັນຫານັ້ນ,

ຄວາມສະລັດຄືນຂອງຕັນຫານັ້ນ,

ຄວາມຫຼຸດອອກໄປຂອງຕັນຫານັ້ນ,

ແລະຄວາມບໍ່ມີທີ່ອາໄສອີກຕໍ່ໄປຂອງຕັນຫານັ້ນ ອັນໃດ.

ພິກຂຸທັງຫຼາຍ !

ອັນນີ້ເຮົາເອີ້ນວ່າ ການປົງພາຣະໜັກລົງເສຍໄດ້ ດັ່ງນີ້.

ພຸດທະວະຈະນະ - ໝວດທັມ

(ຄາຖາຜະນວກທ້າຍພຣະສູຕ)

ຂັນທ໌ທັງຫ້າ ເປັນຂອງໜັກໜໍ !

ບຸກຄົນແຫຼະ ເປັນຜູ້ແບກຂອງໜັກພາໄປ

ການແບກຖືຂອງໜັກ ເປັນຄວາມທຸກຂ໌ໃນໂລກ

ການປົງພາຣະໜັກເສຍໄດ້ ເປັນຄວາມສຸຂ

ພຣະອະຣິຍະເຈົ້າ ປົງພາຣະໜັກລົງເສຍແລ້ວ

ທັງບໍ່ຈັບບາຍເອົາຂອງໜັກອັນອື່ນຂຶ້ນມາອີກ

ກໍເປັນຜູ້ຖອນຕັນຫາຂຶ້ນໄດ້ໝົດທັງຮາກ (ອະວິຊຊາ)

ເປັນຜູ້ໝົດສິ່ງປາຖະໜາ ດັບສະນິດບໍ່ມີສ່ວນເຫຼືອ ດັ່ງນີ້.

ພຸດທະວະຈະນະ - ໝວດທັມ ເປີດທັມທີ່ຖືກປົກປິດ : ພົບພູມ

ລະຄວາມພໍໃຈໃນສິ່ງໃດ

ຄື ການລະຊຶ່ງສິ່ງນັ້ນ ໑໓໒

- ບາລີ ຂັນທ. ສັງ. ໑໗/໓໓/໕໖-໕໘.

ພິກຂຸທັງຫຼາຍ ! ເມື່ອບໍ່ຮູ້ຍິ່ງ ເມື່ອບໍ່ຮູ້ຮອບ ເມື່ອບໍ່ຄາຍກໍາໜັດ ເມື່ອບໍ່ລະຂາດ ຊຶ່ງຮູບ ... ເວທະນາ ... ສັນຍາ ... ສັງຂາຣ ... ວິນຍານ ກໍບໍ່ຄວນແກ່ຄວາມດັບສິ້ນໄປແຫ່ງທຸກຂ໌.

ພິກຂຸທັງຫຼາຍ ! ເມື່ອຮູ້ຍິ່ງ ເມື່ອຮູ້ຮອບ ເມື່ອຄາຍກໍາໜັດ ເມື່ອລະຂາດ ຊຶ່ງຮູບ ... ເວທະນາ ... ສັນຍາ ... ສັງຂາຣ ... ວິນຍານ ກໍຄວນແກ່ຄວາມດັບສິ້ນໄປແຫ່ງທຸກຂ໌.