ພົບພູມ

ຂ້າແຕ່ພຣະອົງຄ໌ຜູ້ຈະເຣີນ ! ພວກຂ້ານ້ອຍຍ່ອມຮູ້ທັມຕາມທີ່ພຣະຜູ້ມີພຣະພາກທົງສະແດງແລ້ວ ໂລຫິຕະ ທີ່ຫຼັ່ງໄຫຼອອກຂອງພວກຂ້ານ້ອຍຜູ້ທ່ອງທ່ຽວໄປມາ ຊຶ່ງຖືກຕັດຫົວ ໂດຍກາລະດົນນານນີ້ແຫຼະຫຼາຍກວ່າ ສ່ວນນໍ້າໃນມະຫາສະມຸດທັງ ໔ ບໍ່ຫຼາຍກວ່າເລີຍ.

ພິກຂຸທັງຫຼາຍ ! ສາທຸ ສາທຸ ພວກເຈົ້າຮູ້ທັມທີ່ເຮົາສະແດງແລ້ວເຊັ່ນນີ້ ຖືກແລ້ວ ໂລຫິຕະ ທີ່ຫຼັ່ງໄຫຼອອກຂອງພວກເຈົ້າ ຜູ້ທ່ອງທ່ຽວໄປມາຊຶ່ງຖືກຕັດຫົວ ໂດຍກາລະດົນນານ ນີ້ແຫຼະຫຼາຍກວ່າ ສ່ວນນໍ້າໃນມະຫາສະມຸດທັງ ໔ ບໍ່ຫຼາຍກວ່າເລີຍ ເມື່ອເຈົ້າທັງຫຼາຍ ເກີດເປັນງົວ ຊຶ່ງຖືກຕັດຫົວຕະຫຼອດກາລະດົນນານ ໂລຫິຕະ ທີ່ຫຼັ່ງໄຫຼອອກນັ້ນແຫຼະຫຼາຍກວ່າ ສ່ວນນໍ້າໃນມະຫາສະມຸດທັງ ໔ ບໍ່ຫຼາຍກວ່າເລີຍ.

ເປີດທັມທີ່ຖືກປົກປິດ : ພົບພູມ

...ເມື່ອເຈົ້າທັງຫຼາຍເກີດເປັນຄວາຍ ...ເກີດເປັນແກະ ...ເກີດເປັນແບ້ ...ເກີດເປັນສັຕ ...ເກີດເປັນໝູ ...ເກີດເປັນໄກ່ ຊຶ່ງຖືກຕັດຫົວຕະຫຼອດກາລະດົນນານ ໂລຫິຕະ ທີ່ຫຼັ່ງໄຫຼອອກນັ້ນແຫຼະ ຫຼາຍກວ່າ ສ່ວນນໍ້າໃນມະຫາສະມຸດທັງ ໔ ບໍ່ຫຼາຍກວ່າເລີຍ.

...ເມື່ອເຈົ້າທັງຫຼາຍຖືກຈັບຕັດຫົວໂດຍຂໍ້ຫາວ່າ ເປັນໂຈຣຂ້າຊາວບ້ານ ...ຖືກຈັບຕັດຫົວໂດຍຂໍ້ຫາວ່າ ເປັນໂຈຣຄິດຈີ້ປຸ້ນ ...ຖືກຈັບຕັດຫົວໂດຍຂໍ້ຫາວ່າ ເປັນໂຈຣປະພຶດຜິດໃນພັນຣະຍາຂອງຜູ້ອື່ນ ຕະຫຼອດກາລະດົນນານ ໂລຫິຕະ ທີ່ຫຼັ່ງໄຫຼອອກນັ້ນແຫຼະຫຼາຍກວ່າ ສ່ວນນໍ້າໃນມະຫາສະມຸດທັງ ໔ ບໍ່ຫຼາຍກວ່າເລີຍ.

ຂໍ້ນັ້ນເພາະເຫດໃດໜໍ ?

ເພາະເຫດວ່າ ສົງສາຣນີ້ກໍານົດບ່ອນສຸດເບື້ອງຕົ້ນເບື້ອງປາຍ ບໍ່ໄດ້ ເມື່ອເຫຼົ່າສັຕຜູ້ມີອະວິຊຊາເປັນເຄື່ອງກັ້ນ ມີຕັນຫາເປັນເຄື່ອງ ຜູກ ທ່ອງທ່ຽວໄປມາຢູ່ ບ່ອນສຸດເບື້ອງຕົ້ນຍ່ອມບໍ່ປາກົດ ສັຕເຫຼົ່າ ນັ້ນໄດ້ສະເຫວີຍທຸກຂ໌ ຄວາມເຜັດຮ້ອນ ຄວາມວິນາດ ໄດ້ເພີ່ມພູນ ປະຖະພີ ທີ່ເປັນປ່າຊ້າຕະຫຼອດກາລະດົນນານ ເໝືອນດັ່ງນັ້ນ.

ພິກຂຸທັງຫຼາຍ ! ດ້ວຍເຫດພຽງເທົ່ານີ້ ກໍພໍແລ້ວ ເພື່ອຈະເບື່ອໜ່າຍໃນສັງຂາຣທັງປວງ ພໍເພື່ອຈະຄາຍກໍາໜັດ ພໍເພື່ອຈະຫຼຸດພົ້ນ ດັ່ງນີ້.

ພຸດທະວະຈະນະ-ໝວດທັມ ເປີດທັມທີ່ຖືກປົກປິດ : ພົບພູມ

ຄວາມບໍ່ແນ່ນອນຂອງການໄດ້ອັຕຕະພາບ ໑໑໖

- ບາລີ ນິທານ. ສັງ. ໑໖/໒໑໙/໔໓໘-໔໓໙.

ພິກຂຸທັງຫຼາຍ ! ສົງສາຣນີ້ກໍານົດບ່ອນສຸດເບື້ອງຕົ້ນເບື້ອງປາຍບໍ່ໄດ້ ເມື່ອເຫຼົ່າສັຕຜູ້ມີອະວິຊຊາເປັນເຄື່ອງກັ້ນ ມີຕັນຫາເປັນເຄື່ອງຜູກ ທ່ອງທ່ຽວໄປມາຢູ່ ບ່ອນສຸດເບື້ອງຕົ້ນ ຍ່ອມບໍ່ປາກົດ ສັຕເຫຼົ່ານັ້ນໄດ້ສະເຫວີຍທຸກຂ໌ ຄວາມເຜັດຮ້ອນ ຄວາມວິນາດ ໄດ້ເພີ່ມພູນປະຖະພີ ທີ່ເປັນປ່າຊ້າຕະຫຼອດກາລະດົນນານ ເໝືອນດັ່ງນັ້ນ.

ພິກຂຸທັງຫຼາຍ ! ປຽບເໝືອທ່ອນໄມ້ ອັນບຸກຄົນດຶກຂຶ້ນໄປສູ່ອາກາດ ບາງເທື່ອຕົກເອົາເຫງົ້າລົງ ບາງເທື່ອຕົກເອົາຕອນກາງລົງ ບາງເທື່ອຕົກເອົາປາຍລົງ ຂໍ້ນີ້ເຊັ່ນໃດ

ພິກຂຸທັງຫຼາຍ ! ສັຕທັງຫຼາຍຜູ້ມີອະວິຊຊາເປັນເຄື່ອງກັ້ນ ມີຕັນຫາເປັນເຄື່ອງຜູກ ທ່ອງທ່ຽວໄປມາຢູ່ ກໍປຽບຄືດັ່ງດຽວກັນ ບາງເທື່ອແລ່ນໄປຈາກໂລກນີ້ສູ່ໂລກອື່ນ ບາງເທື່ອແລ່ນຈາກໂລກອື່ນສູ່ໂລກນີ້.

ເປີດທັມທີ່ຖືກປົກປິດ : ພົບພູມ

ຂໍ້ນັ້ນເພາະເຫດໃດ ?

ເພາະເຫດວ່າ ສົງສາຣນີ້ກໍານົດບ່ອນສຸດເບື້ອງຕົ້ນ ເບື້ອງປາຍບໍ່ໄດ້ ເມື່ອເຫຼົ່າສັຕຜູ້ມີອະວິຊຊາເປັນເຄື່ອງກັ້ນ ມີຕັນຫາເປັນເຄື່ອງຜູກ ທ່ອງທ່ຽວໄປມາຢູ່ ບ່ອນສຸດເບື້ອງຕົ້ນຍ່ອມບໍ່ປາກົດ ສັຕເຫຼົ່ານັ້ນໄດ້ສະເຫວີຍທຸກຂ໌ ຄວາມເຜັດຮ້ອນ ຄວາມວິນາດ ໄດ້ເພີ່ມພູນປະຖະພີ ທີ່ເປັນປ່າຊ້າຕະຫຼອດກາລະດົນນານ ເໝືອນດັ່ງນັ້ນ.

ພິກຂຸທັງຫຼາຍ ! ດ້ວຍເຫດພຽງເທົ່ານີ້ ກໍພໍແລ້ວ ເພື່ອຈະເບື່ອໜ່າຍໃນສັງຂາຣທັງປວງ ພໍເພື່ອຈະຄາຍກໍາໜັດ ພໍເພື່ອຈະຫຼຸດພົ້ນ ດັ່ງນີ້.

ພຸດທະວະຈະນະ-ໝວດທັມ ເປີດທັມທີ່ຖືກປົກປິດ : ພົບພູມ

ສິ່ງທັງຫຼາຍບໍ່ທ່ຽງ (ນັຍທີ ໑) ໑໑໗

- ບາລີ ນິທານ. ສັງ. ໑໖/໒໒໕-໒໒໘/໔໕໖-໔໖໑.